#حب_إمتلاك

#حب _إمتلاگ
الحلقة (13)

                    ﺃﻥِْ ﺃﺟّـْﻠَِﺴِـَ ﺃﻣًَﺂﻣًَﮏْْ ،
ﺃﻣًْﺴِـِﮏُْ ﻳَﺪٍَﮎْْ ،
ﺃﻃِْﺒًِﻖُُ ﺃﺻّـَﺂﺑًِﻌٌِﮏَْ ﺁﻟَﺨِـَﻤًْﺴِـْ،
ﺇﺻّـْﺒًَﻌٌﺂً ﺇﺻّـْﺒًَﻊٌْ،
ﻭٌ ﺃﺧِـْﺒًِﺮُﮎَْ ﺑًِﺄﻧِِّﻲ ﻟَﺂ ﺃﺣًْﺘٌـَﻤًِﻞَ :
ﻏُِﻴَﺂﺑًﮏْ ,, ﺇﻫّـْﻤًَﺂﻟَﮏْ ،،ﺑًُﺮُﻭٌﺩٍِﮎْ ،، ﺷُـَﻮٌﻗُِﻲ ﻟَﮏَْ ،، ﻭٌﻏُِﻴﺮَﺗٌـِﻲ ﻋٌَﻠَﻴﮏْ

...........................،،،،،،،،،،،،،،،،،،،،،،،،،،،،،،،،،،،،،،،،،،،،،،  

                          
معلش أسفه اكيد ماقعدتش عشان نشوفهم ومشيت مسكني من ايدي
   ....هيما؛؛ارجي مش قصدي بس منك انا قتلك   ماتلبسش هك واانتي كسرتي كلامي
انا؛؛ وكان يعني لبست مش ديما تشوف في بلبس هضا وتشوف في وانا راقده بلبس اخف منا شن لتغير                   هيما ؛؛انا عادي نشوفك بس هم لأ..

"انا ماعد عرفت شن نقول قعدت نبحت فيه وخلاص وايدي مازلت في ايده وفي وذني مفش غير صدا صوته ودقات قلبي لزادن وعلي صوتهن ولساني معش نطق نبي نحكي ماقدرتش كل كلام لعندي انربط وبدون ما انحس بروحي فكيت إيدي منه ومشيت نجري للحوش لقيت قدامي...
                
رقية؛؛ كنك دهشانه تقول كنتي تجري '
انا؛؛ .............  
                                  أمولة؛ ؛ خلك معانه مرات تلقي حاجه تخوفك
                                      نوسا؛؛ بنات انا كملت سلطات مشاوي توا نطيب بيتزا                                    عائشه؛؛ لا توا تاخذ منك وقت في عجن وتخمير                                       نوسا؛؛لا انا عجنته قبل مانجي  وجهزته كله خليته على تطيب بس 
                     رقيه؛؛ماشاءالله عليك ديما شاطره في كل حاجه يانوسا  
                                رقيه؛؛كان قسمتي على أمولة ههههه 
    أمولة؛؛ 😑 ياحنه هذي تبي تجوز بعد شهر شن منظرها وهي ماتعرفش تطيب                                        عائشة؛ ؛ حتى من قبل ماتنخطب نوسا شاطره من وهي صغيره 😊
         نوسا؛؛خلاص نفختني واجد هههههه        عائشه؛؛ يعوين فتحي بيك ههههه،،كنك ساكته ياكوكي؟ 
                          انا؛؛ لا غير نسمع فيكن ،،اموله
وين حطيتي دبش حسيت روحي صقعت                
نوسا؛؛  اها صح مزرعه مصقعه وأنتي لابسه خفيف                            أمولة؛ ؛ قالها لها هيما غير هي لي معنده😤  
انا؛؛ مشكله لجبته معي كله خفيف نقولك عطيني حجاب صلاه "انا عد لاصقعت لاشي بس هيما حبيبي مايبي حد يشوفني وانا منشوفش في غيره ♥ خلني نستر روحي احسن مايفهم جريتي بدري غلط ^^،،ولبست حجاب صلاه و..."

             زينب ام نوال؛؛ شن صار يابنات كملتن ؟   
نوسا؛؛خلاص ياخويله كملنا بس عليهم هم كملو  ولا لأ                                  زينب؛؛ اها قريب يكملو 
؛؛رقيه طلعي عصير غازي من فريز             "وجهزن بنات صفر ومشروب وطلعن برا وانا معاهن  وشفت هيما مع شباب وبعدها جا شورنا شفت نظرت استغراب لي واول ماشفني ابتسملي وغمزلي 😉❤  "    
هيما؛؛ صقعتي اكيد؟  
                    انا؛؛ نبي نقوله لأ زرقت أمولة كلعاده ديما مقطعتني 😤😣 .....
اموله؛؛ اها صقعت ومالقت حاجه دفيها لبست حجاب صلاه    
هيما؛؛ اها باهي بالك تحرم اعناد 😒
  نوسا؛؛ كوكي جيبي ميه من جوا          
انا؛؛ حاضر    
"ومشيت للحوش كان فاضي لأن كلهم مع بعضهم برا خشيت مطبخ لقيت.....
معاذ نصدمت وخفت وحتى هو ارتبك وقعدت نعبي في كاسات ميه وهو مش عارفة شن يدير لأني انا مرفعتش عيني بكل "                                          معاذ؛؛ ههههه كنك ترجفي اطمني مازلت ماكليت بشر
انا؛؛ لا غير مصقعه بس
               معاذ؛؛ نسحابك خايفه مني ولا خايفه يشوفنا حد يصورنا ههههههه
          انابحتت فيه ؛؛ على فكره موضوع مايضحكش وماكنش ساهل بالنسبه لي ومزلت نضايق منه   
معاذ؛؛ انا آسف كنت نبصر معاك عشان نخلي جوك تمام لاحظت من اول ما جيتي وانتي مرتبكه ووحدك تقول مغصوبه على جيه  
انا؛؛ صح انا جايه غصبن عني
      معاذ قدم شوري ؛؛ ليش؟ لدرجه هذي كرهتني !  
انا انحرجت لأن كانت نبرة صوته كأن خاب أمله ؛؛ لا مش هكي بس انا مش اجتماعيه ومنحبش مناسبات ودوشه  .
معاذ؛؛ اكويس يعني مش كارهتني فرحتيني   
انا؛؛ ماعندي ليش نكرهك توا بس كان قعدت تعرضلي وتضايق في هكي اكيد توا نكرهك 
معاذ؛؛ خلاص قريب يكون موضوعنا رسمي وقته ماعد تخافي
انا علي صوتي بدون مانحس بروحي لأن كلامه نرفزني ؛؛ تي انت في شن تخرف في أحلامك كلام هضا وإياك يامعاذ تعرضلي مره اخره والله وقته ما حيسير خير فيك 
معاذ؛؛ ههههه حلوه وانتي معصبه وتهددي
انا؛؛ انت ماتحسش ولا شنو مش كنت عايش برا عدي رد سافر فوووووووتني  انا مش لگ  اهاااا انت شن قايل لي هيما علي موضوع صور؟
معاذ؛؛ كيف يعني قصدك انتي مش عارفه ان قتله نحبك ونبي نخطبك وهيما وافق بس قالي خلي موضوع بعد إمتحاناتك ^^ ❤

"انا انصدمت وهو يحكي وفرحان ومن صدمتي لكأس لي في إيدي طاح مني وانكسر وحسيت روحي مخنوقه اه ياهيما ليش هكي عادي عندك يحبني غيرك عادي تشوفني مع حد غيرك يلمسني حد غيرك عندك عادي وين  حلم عمري معاك كله اوهام طلع يعني كلامهم صح انا أمانة عندك وتبي تخلص مني انا هكي بلنسبه لك ياااااااااربي قد شن انا غبيه وعايشه  في احلام ورديه وكل شي يديرا لي نقول عشان يحبني ويغار علي يااااااارب ان شاءالله نكون نحلم " 

معاذ؛؛ كوكي صارلك شي كنك جرحتي ايدك
أمولة سمعت صوت جت تجري؛ ؛ شنو في كوكي كنها يدك دم
     معاذ؛؛ لا بس كانت شايله الكأس طاح منها توا نجيبلها معقم 'الجرح لي في كفها كبير 
أمولة قعدت تهز في ؛ ؛كوكي احكي شن جرح كفك ليش ضاغطه على قزاز بإيدك ..
وجا هيما ومسك ايدي وفتحها وقعد يسأل وهو معصب؛؛ كنك ضاغطه على كأس متكسر بإيدك مجنونة انتي تأذي في روحك
أمولة؛ ؛بت مش ناقصه وانت تهزب توا معاذ يجيب من أحمد معقم توا ينظفو خلوها توا شكلها متبش تحكي   
هيما طلع وبعدها كان جايب معقم وقعد ينظف في جرح.."
وانا مادمعتش بس خنقتني العبره نحس في روحي كان نطقت كلمه بس توا ننهار بكا وكل مانشوف هيما تضيق بي دنيا أكثر
؛؛ خلاص منبكش تنظفه
  هيما؛؛ لا حول ولا قوة الا بالله مش بجوك ومعش ديري هك
انا؛؛ معلش آسفه بجد خربت سهرتكم بس شكلي كنت نلم في القزاز جرحتني مش بقصدي وصبيت وطلعت برا بسرعه عشان منبش هيما يناديني بس قدر ان يلحقني
  انا حكيت بصوت مخنووووق؛؛ شن في اخره مش تأسفتلك
  هيما كان في إيده فانيله متاعه كم وهو قاعد لابس نص كم سلحني بدون ما يحكي حجاب صلاه لتعبا دم ولبسني فانيله متاعه لي فيها ريحة عطره ودخانه عشان تزيد تذكرني وتخنقني آخره وكانت كبيره علي بس دافيه يكفي انها لي حبيبي هيما..... الي باعني..💔
   
هيما؛؛ كان تبي تريحي ارقدي جوا
    انا؛؛ لا مخنوقه نبي هواء نتنفس 
    "وطلعت وكانت ماما مشغول بالها علي لأن أمولة كانت برا وحكيتلها ؛؛ كوكي بنيتي كنها ايدك توجع فيك توا  انا منتحملش حنيتها لي وربي عمري ما اعتبرته الا امي لانها هي امي صح مش هي لجابتني لدنيا بس هي ربتني من لما كان عمري 5سنين وقالتلي من قبل ان حتى قبل مايتوفى بابا انا ديما عندها وهي ديرتني بنتها صغيره" ضبطتني وخلتني معها وانا مزلت ماسكه دموعي وخايفه يخونني وينزلن منبش فضايح قدام اهل نوال اكثر من هك
ماما؛؛ هيا سلم بنيتي تعشي
انا؛؛ ماما منبش ماعندي نيه ماما؛؛ هنيني ولا نا منتعشش ومانخذش دواء
انا؛؛ ليش عاد تهديدات هذن 😔
  ماما؛؛عارفتك ماتكسريلش كلمه هيا

انا؛؛ حاظر يلا "ومشيت معهاو كانن سفرتين عشاء لرجاله وصبايا بس كنا قريب من بعضنا ومتعشين برا الحوش وكل مانرفع عيني نلقا هيما يبحت في ننقهر أكثر لأن لو معاذ ما حكلش ان قايل لي هيما ان يحبني كنت توا نقول يبحت في عشان مرايف على ويحبني ومش شايف غيري ووو💔..... هبله انا هبله بكل "

زينب ام معاذ؛؛  ملكه كولي قعدا تفرجي على عشاء وخلاص
انا؛؛ لا نتعشى  الحمدلله كملت وجيت نصبي ...
أحمد؛ ؛ كملي عشاك كنك
انا؛؛ الحمدالله شبعت 
  "ومشيت بعدت منهم شوي مع ان نخاف من ظلمه وان نقعد بروحي بس حسيت ظلمه أمان اكثر منهم وقعمزت وقعدت نبكي  ماقدرتش  نكابر على نار لي في من جوا" وبعد وقت سمعت صوت حد جاي وكان..................
...يتبع~~~