#حب_إمتلاك

#حب_ إمتلاگ
الحلقه (28)
.
.
.
ﻭﺇﻥ ﻛﺎﻥ ﻟــﻲ ﻓﻴﻚ ﺧﻴﺮﺍً
ﻓـ ﻣﺆﻛــﺪ ﺃﻥ ﺍﻟﻠﻪ ﺳﻴﺠﻤﻌﻨﺎ ﺑـﺮﺿـﺎﻩ…
….

.
.
ونحنا نحگو فتح باب وگان….
نوسا ;; احم احم شّن ديرو
هيما انحرج منها وسگت
انا جريت عليها حضنته;;هييييي امتا جيتي انتي
نوسا:: توا غير جيت شّنجوگم
هيما;; تمام ،،يلا نا طالع تبي شّي
انا;; لا سلامتگ
وطلع وسيبنا…
نوسا;; ماشّاءالله ردت ضحگه سمحه
وغمزتلي..
انا;; ههههه واخيرآ
نوسا;; يلا تعالي نطلعو لجنان جو يهبل برا وجيبتلگ گيگه لتحبيها
انا;; حييي بعدها مرايفه عليها 
اموله وين
نوسا;; في گوجينه تجهز عصريه حتى رقيه وعائشه جيات
انا;; اووو قعدت بنات لنا زمان على جو هض
وطلعنا ودرنا قعده حلوه انا وامولي ونوسا ونوال وبعد وقت جن خوات نوال رقيه وعائشه…
انا;; تجنن يانوسا طعمتها تهبل اسملا علينا لنا زمان محرومين
امولي;; شّن قصدگ ياحنه
انا;; قصدي واضح وانتي طياح على فون ماديري في مصلحه
اموله;; اخزو عليگ غير امس درتلگ بسبوسه يانگرة جميل 😔
بنات يضاحگن علينا
انا;; قصدگ لي امس بسبوسه😂😂 ههههه يانعلي يانوسا غير عدي شّوفيها شّگلها ولا طعمتها هههههه حاجه ماتفهميها گيف
وانا من امس بطني توجع في 😣
نوسا;; ههههه مفروض نقولوها لي عماد قبل ما يأخذها بالگ يغير رأيه
اموله; ; خلاص را خففتن دم واجد الحمدالله ياربي بلا حسدگن عارف ومتهني غير أهدن  😑
نوسا; ; مغير توا بس رجاله بعد يجوزو انسي  گلام علاقه وايام خطوبه ههههه تشّوفي وجه الأخر
نوال;; والله صدقتي أسألن مجرب زمان گان انور ياما يقول ووعود وخبر تشّوفي تقولي ما ليبي بگل ههههه وبعد اجوزنا تغير شّوي وبعد جت روان عاد بانت الحقيقه ههههه وتوا  حامل قريب نجيب وما يبنشّ نسمن هههه
اموله;; حسگن خوفتني 🤔
نوسا;; يبو وحده فيها جميع صفات ولا ماعاد عرفت شّن يبو هههه
عائشه ;; حتى انا خفت توا بدل ماتشّجعنا تخوفنا 😕
انا; ; توا مشّ عارفه گيف تحبنهم وتحگن عليهم هگ نوسا ونوال انگان ما گل وحده خذت لتبي را توا متحسفات وتقولن انظلمنا ولا موتن حسره وتوا مافي عله ما خليتنها فيهم وشوي اخره تروح گل وحده فيگن لشّقته
وتقول
"انا حطيت رجل على رجل وبصوت دلع "
ها حبيبي تبي حاجه
قصدي بطلن طروح تخوفن فينا انا عن نفسي لن استسلم 😂😂ههههه
گلهن ههههههه
اموله ;; توا هذي مشّ اصغر وحده فيگن لگن جبتا لگن
انا:: رقيه گنگ ساگته
رقيه ;; نسمع فيگن ،، گوگي نبيگ في موضوع
انا:: اها تمام صبي نقعدو وحدنا
اموله;; هييي انتن وين مشّيات
انا;; شّوي وتوا نجو ..
.
.
.
انا;; يلا توا احگي
رقيه;; شخبار أحمد
انا;; ههههه توا جيبتني هنا عشّان تسألي على اخباره ..
رقيه ;; يعني نبي نفهم صح انها علاقته بي روعه
انا;; اها هو عادي وضعه الفتره هذي وقته گله في شّغل تحسي يبي يهرب من قصته معها ..واعره حتى هم لهم فتره طويله مع بعضهم
رقيه خذت نفس طويل;; شّفتا لما جينا گان طالع باين عليه متلوع من غيابها انا گنت نسحاب روحي لو سيبو توا نفرح بس صار العگس قاهرني حاله ..وصاعبه علي روحي لتعلقت بيه ..
انا حسيت بيها قد شّن هي مقهوره وصعبت علي واااجد;; ساهل ربي يجيبله الي فيه الخير مضايقيشّ روحگ أحمد صح گان يحبها بس مشّ نهاية عالم عشّان سيبو خلاص فتره هذي ويبدا من جديد في حياته ..
رقيه ;; ان شّاءالله
انا نبيگ في قصه اخره
انا;;شّن في !!
رقيه;; هي امانه عطها لي معاذ لگ
وطلعت رساله من جيبها مدتها لي
انا رديتها بإيدي;;اووووف  رقيه خوگ بشّن يفهم بس  يعني بعد گل شّي صار مزال عندا أمل في
رقيه ;; اسفه هو طلب مني وانا صعب علي ماقدرتشّ نقوله لا ،، ماتلوميشّ عليه هو يحبگ وال يحب ديما يگون عندا أمل ولا معيّش روحه في وهم ..
زيگ انتي حبيتي هيما وگان ديما عندگ امل بأن يگون لگ ..
انا;; عارفه والله عارفه وحاسه بيه بس انا ما بإيدي شّي انتي مشّ عارفه هيما شّنو بلنسبه لي انا مانقدر نفگر في غيره
رقيه ;; ههه لا خلاص عرفت ولا بعد قصة مروه وطلعتگ عليها بسگين عرفت شّن هو بلنسبه لگ توا في وحده دير هگي هههه
انا:: يييييييييي هل قصه لدرتوها لي توا لما گنت ننقهر منه ونأذي ونجرح في روحي عادي لگن لما أذيت مروه لا مشّ عادي غريبين بشّر هذم ..
رقيه ;; يابنت عارفه بس انتي غيرتگ مجنونه وغريبه تبي هيما ملگگ وهو شّر منگ
انا;: ليشّ في حد يحب مايبيشّ حبيبه ملگ له من يحب حد يبي له شّريگ لو انتي تحبي احمد وعادي عندگ وحده اخره تشّارگگ فيه ريحي روحگ خير هضا مشّ حب سمي حاجه اخره
رقيه ;;اگيد نبيه ملگي انا  غير نطول فيه بس 😟
وانتي قريب تألفي گتب على مفهوم الحب وتملگ من حبگ لي هيما 😂😂
انا;; هههههه .. يلا نمشّو للبنات اگيد يسحنن 😂 ..
وقعدنا نحگو عند ما جا أنور وروح بي عائشه وروقيه ونوال خذت روان ورقت شّقته ..
.
.
.
أحمد;; هيما ارجا نبيگ شّوي
هيما;; مشّ فاضي بككككگل وراي مشّيا لسوق
احمد ;; وتسيبني وحدي في محلات وانور لاهي في شّغله
هيما;; باهي احگي شّن في؟؟؟
أحمد;; موضوعگ انت وگوگي
هيما رفع حاجبه ;; گنا نحنا ¿
أحمد ;;امي مضايقه من وضعگم هضا يعني انت گان جيت الحوشّ تقعد معها ولا هي تمشّيلگ في شّقه وبصراحه حتى نا مشّ عاجبني وضع هضا
هيما صبا وبصوت عالي;; وشّن جديد توا من يومنا ونحنا هگ شّن خطرها توا مايعجبگمش الوضع !!
احمد;: اول حاجه وطي صوتگ نحنا مشّ في الحوشّ
ثاني شّي من قبل ما گان في بينگم شّي او الأصح ماحد گان عارف بيگم
هيما; ; شنو مطلوب يعني نطلعو من حوشّ عشّان يعجبگم الوضع
احمد;; ياابراهيم اهدا گنگ 
لو تقدر دير توا اي خطوه رسميه وسگت العالم
هيما; ; گنت ناويها بعد العيد  وهي عارفه
بس توا نلقا حل اوگي توا وراي شّغل
.
.
.
اموله ;; نوسا يبيگ فتحي برا
نوسا; ; اها توا شّفتا لقيته رن علي
انا;;،تبي تروحي ولا شنو
نوسا; ; ولا شنو 😂😂 اها نبي نروح عندنا عزومه على عشّاء
انا; ; باهي مره جايه بعد تجي جيبيلي معاگ حاجه
نوسا; ; ههههه باهي
اموله ;; غريبه امگ ماجتشّ اليوم
انا ;; مشّ عارفه اگيد مشّغوله في شّي
وطلعت نوسا وقعدنا انا واموله وجا ..
احمد ;; السلام عليگم
نحنا ;; عليگم السلام
انا; ; گنگ تقول طالع من حبس هههه
اموله ;; هههه والله صح
أحمد; ; حداد 😂😂💔
خلاص توا نحلق
انا;; هيما گنا مازال ماجا
احمد;; قالي عندا شّغل
توا ماشّي نبي نرقد منبّش حد ينوضني
..
انا; ; امولي عطيني فونگ نشّوفه وين 😒
اموله ;; لا وين نرجا في مگالمه 💕🙈
انا;; خزو عليگ خبث
مگملينها مگالمات امتا يفگر يخطبگ !!
اموله ;; گل مانقوله يقولي في ساعه سعيده
ساعتي سعيده مازالت ماجت 😂😂
انا ;; تضحگي طاح سعدگ مضحگه
رن فون اموله وعدت لدارها وانا قعدت في جنان نرجا في هيما 😍
…
فتح باب مشّيتله نجري ..
انا ;; الحمدالله على سلامه گنگ طولت -_-
هيما;; عليگ استقبال
گان عندي شّغل
انا; ; شغل مغير عندگ گنا احمد جا من بدري وانور تعشّا مع نوال
هيما مسگني من مرفق ايدي ;; بالگ نگذب عليگ وشال ايدا
گوگي شّغلي منبيگش تدخلي فيه منحبشّ جو شّگ
انا منزله راسي:: أسفه مشّ قصدي
وجيت نبي نمشّي مسگني من ايدي وشّدني  شورا وضمني
هيما; ; اخخخ منگ انتي وخلاص
خلاص انا لي اسف بس ديما نقولگ الا شّغلي انتي تردي تعاودي نفس دسگه
انا;: شّن ندير رايفت عليگ
حبيبي
هيما;: شّنو
انا;; شّن لي في ايدگ لأخره
هيما ;; ههههه اها عينگ عليها
گيس گبير وطلع منه علبة
انا; ; قصدگ هضا فون
ليييي انا
هيما; ; اهااا
انا ;; نجگ لي ربي مايحرمني منگ 💋❤
هيما;; ماتبوسنشّ الا على مصلحه
انا ;; خزي عليگ توا انا طلعت متاعت مصالح 🙁
هيما ;;لا انا
هاگي خوذي عقاب حاجتگ
انا ونفتح فيه ;; وواووو هذن گلهن شوگليت لي تبيني نسمن 😂
هيما;; 😂😂 گان تقدري معندش مشّگله
نبي نقعد هنا عدي ديريلي قهوه
انا ;;،نجيبلگ عشّاء
هيما،;; لا تعشّيت برا
خطرها وين امي
انا; ; حبيبي نسيت ولا شّنو هي بايته عند خالتگ اليوم
هيما; ; اهاااا اوگي…
مشّيت لگوجينه ودرتله قهوه وخذيت مقين قهوه وگيگ لدايرتا نوسا…
هيما ;; حبيبي لمن مق لأخر
انا; ; لي انا هههه
هيما ;; تي گيف صار نعرفگ تگرهي حتى ريحته
انا ;; لما اختفيت بعد قتلي نحبگ أدمنته نحس فيها تقربني منگ وريحتها تخليگ في بالي نقعد نذگر ايام مدرسه وتواعيگ لي في صبح هههه
هيما;: نجگ لي نحبگ انا ❤
انا; ; وانا نموت فيييگ
هيما ;; نبي نقرا فاتحه قريب
انا; ; مازال العيد
هيما;: لا لا غيرت رأي نبيها قبل العيد اصلا مازال وقت عليه
انا سرحت شّوي ..
هيما; ; حبيبي وينگ في شّن سرحتي
انا ;; نفگر من مان تطلبني 😂😂
هيما  قعد يضحگ ;;
نطلب روحي بروحي

ساهل بگره انا مشّ فاضي عندي شّغل توا نخلي احمد يأخذگ لي امگ عشّان تقوليلها
انا ;; ماشّي…
وسهرنا گعادتنا وگل سهرتنا على مستقبلنا  مع بعض ❤❤❤
…
ثاني يوم نضت متأخر وگان گل حد ماشّي لي شّغله حتى هيما تغدينا انا واموله واحمد وگسدنا شّوي بعدها…
احمد ;; هيا گوگي جهزي روحگ
انا;; يلا شّوي بس
احمد ;; انا برا نرجا فيگ..
…
انا; ; حبيبي انا توا طالعه
هيما ;; اسمعي مطولشّ وخلگ معها فوتي ولد راجل امگ هضا نهارگ اسود گان سلمتي عليه ولا دويتي معه
انا ;; خلاص ما قلتهن لي امس في ليل وصايا هذن هههه اوگي توا
هيما ;; نذگر فيگ ردي بالگ على روحگ
انحبگ
.
.
.
احمد ;; عطيني رقمگ وانتي تفشّگي بفون جديد😑
انا; ; لا بصراحه راجلي محرم علي نعطيه لحد 😂😂🙈
احمد ;; ماشي ماشي الله يرحم 😂💔
انا; ; ههههه نبصر معاگ
هي سجل عندگ ورن علي توا عشّان لما نبي نمشّي نرن عليگ..
….
وصلنا للحوشّ ماما وگانت اول مره نجيها وگان مشّ حوش فيله
انا; ; ووواوو يهبل
احمد ;; ههههه متأگده تبي تردي معي بعدين
انا ;; هههههه مبردگ
…
رنيت جرص فتح…
انا; ; السلام عليگم
سيف ;; عليگم السلام
انتي ملگه صح !!
انا :: اها انا ماما قاعده سيف ;; اها معها ضيوف
تفضلي…
وخشّيت لقيت عندها….

انا  انهرت لا مستحيل حرام عليگم ليييييشّ هگي
…
يتبع
.
.
.
قيموها عد نبي نعرف كم شخص يقرا في روايه ولوين وصلت❤❤😍
.
لو لقيت تفاعل حلو نزل الحلقه ماقبل الأخيره