#حب_إمتلاك

#حب _إمتلاك
الحلقه (10)

ﺍﻟﺘَﺤﺪﻳﻖ ﻓﻴِﻚ ﻫﻮ ﻋﻨﺎﻕ ﻟَﻢ ﺗﺴﺘﻄّﻊ ﻓﻴﻪ ﺍﺫﺭُﻋﻲ ﺍﻥ ﺗُﺤﻴﻄﻚ ﻑَ ﺍﺣﺎﻃّﺘﻚ ﻋﻴﻨﺎﻱ

بعد وقت جاني هيما وملامح وجه مايتفسرنش
وقالي ؛؛ شن بينك وبين معاذ؟؟
أنا انهرت وطحت على ركبي وقعدت نبكي وما رديتش عليه وهيما جاني وقرب مني
هيما؛؛ كنك ليش ساكته جاوبي؟
انا منزله راسي لوطه ونبكي ؛؛ كذب والله كذب مافي بينا شي مادرتش شي انا صدقني وقعدت نرجف وحسيت دنيا تبرم بيّ وقرب مني هيما اكثر
وقالي ؛؛ خلاص والله كنت نبصر معاك نا معاذ حكالي لصار متخفش اهدي وجا بيرفعني من إيدي وانا وخرت وقعدت في زاويه نبكي ونرجف وماعاد حسيت بروحي إلا وكلهم جايين لغرفتي وأحمد يكشف علي
أحمد؛؛ كوكي اهدي كلنا معاك ماتخفش وضغط على إيدي ونشوف في ماما ونوسا وأموله خيفات ويتباكن بس هيما مش قاعد
"انا؛؛ هيما وين
أحمد؛؛ يجيبلك في دواء انا كتبته لك انا  التفتت وقعدت نبكي بلا صوت وبخنقه؛؛ سيبوني وحدي 
نوسا؛؛ لا منسيبكش انتي مش عارفه شن دايره في روحك
أحمد؛؛ نوسا اسكتي واطلعن برا
انا؛؛ شن درت انا وجيت نصبي نبي نشوف روحي أحمد مسكني وجتني ماما ضبطتني وقعدت تهدي في وخلتم يطلعو وانا بكيت عند مادخت رقدت ~~~~~~~~~~~~~~~~~
وعيت في صبح حسيت روحي احسن ولقيت ماما راقده معي بسته وصبيت بدون ماتحس بي ومشيت للحمام وشفت روحي في المرايه ..
وجي  ورقبتي متجرحات وكلهن جرت دم انصدمت من منظري ومن دار في هك
بس نوسا قالتلي إنتي درتي في روحك هك وحطيت يدي على راسي وقعدت نبكي ودموعي قعدن زي ليم لم ينصب على جرح يحرقن في وفجأة سمعت صوت باب حمام يدق وكان ....
هيما؛؛ كوكي شن في افتحي "وغسلت وجي وفتحت باب وقعدت منزله وجي
"هيما رفع وجي بايده؛؛ معش تنزلي وجك بحتي في" وحط إيديه على كتوفي
"انا؛؛ والله مادرت حاجه تزعلك هي إنتصار ..وحط ايده على فمي هسسسس انا عارف كلمني معاذ وحكالي لصار بس انا لضايقني ليش ماحكيتيلي
"انا ماعد عرفت معاذ شن حاكيله لأن وضح من كلامه ان مش واخذ موقف من معاذ ؛؛ خفت منك تصدقها هيما؛؛ خلاص انسي لصار وكان تعبانه مفش داعي اليوم للمدرسه توا ناخذلك أمر
انا؛؛ تأخذلي أمر عشان تشوف خيريه لا توا نمشي
هيما؛؛ ههههههه والله ماعشان هك يامسوسه نجك عدي جهزي روحك ومشيت ناداني
وانا نمشي ؛؛ نعم هيما؛؛
عينك من روحك ومعش تخافي انا ابتسمتله؛؛ حاضر ~~~~~~~~~
ولبست واضايقت من جروح لي في بس مش مهم اهم شي هيما معي ومصدقني
~~~~~~~~~~~~~~~~~
وفي سياره قتله ؛؛ هيما انا كيف جرحت روحي
هيما سكت شوي وبعدها قالي ؛؛ مش مهم أنسي ركزي توا في قرايتك
انا؛؛ على خاطري احكيلي نبي نفهم هيما وهو يسوق ويدخن ؛؛ لما جيت نقرب منك ووخرتي قعدتي في زاويه تصرخي وتجرحي في روحك وجيت نمسك فيك جرحتيني حتى انا بعدها دختي وأحمد عالجك
انا؛؛ وشن قال
هيما؛؛ ماقال شي
انا؛؛ باهي ريحتني حسبت روحي جنيت ههههه "وصلنا للمدرسه وخشيت لقيت أريج واماني اول ماشفني
أماني؛؛ هييييي كوكي كنك حي علي
أريج ؛؛ من ضاربك اكيد إنتصار بصت عليك
انا؛؛ ههههه لالا موضوع انتصار بحح خلاص "وحكيتلهن كل لصار
أماني؛؛ مفروض تريحتي اليوم وماجيتش
أريج؛؛ اها صح
انا؛؛ لالا لو قعدت في الحوش نضايق أكثر بعدها خلاص معش في وقت وتوا نملو من العطله
أماني؛؛ بس شكله معاذ هضا طايح بكبده هههه
أريج ؛؛ شكله هك خاطري نعرف شن قال لي هيما
أنا؛؛ الحمدالله لطلعت من كابوس هضا
أماني؛ ؛ خطرها مش ملحظات ان في وحده مختفيه
أنا؛ ؛ هههه عرفتا خيريه بعد هزيبتي لها معش جت وبنات زيطات توا لبس وقونات ومواعيد هههه
أريج؛؛ اسكتن طاح سعدكن ماتجيبن علم نسرين لمعانا تقعد جارته امس روحت معها لما بابا مجنش وقالتلي انها نخطبت وفرحها قريب أنا واماني نصدمنا وصبيت قعدت نزغرت مله فكه عقبال بنات ليبيا كلهن عشان متعقدش بنت فاضيه وهيما غصب عنا ياخذني انا ههههه😂😂😂
اماني؛؛ ياالهبله عليك دعوه سمحه ان شاء الله ياحنه ههههه
"وفي اليوم هذا كنت فرحانه وحسيت وأخيراً ان كابوس الأيام لفاتن عدا وماحسبت حساب ان هضا بداية كابوس مش نهايته"
~~~~~~~~~~~~~~~~
هيما؛؛ شنجو مدرسه اليوم شكلك متريحه
انا؛؛ مش غير قريب نطير من فرحه😍
هيما؛؛ ياساتر فرحينا معاك
انا؛؛ اممممم شن نفرحك هم انتصار افتكيت منا وانت عرفت حقيقه وخيريه انخطبت بس
هيما؛؛ ههههه باهي مشكلة إنتصار فهمنا ليش فرحانه بس خيريه عليش هامتك تنخطب ولا تنحرق هههه
انا؛؛ وخرت كرسي وغمضت عيوني ؛؛ همتني وخلاص افتكيت منها هيمي نبي جلاطي
هيما؛؛هههه باهي يامجنونه "وجابلي جلاطي وقعدنا نحكو حكايات عاديه عند ماوصلنا نزلت لاقتني
ماما فاطمة ؛؛ كوكي شن مشاك اليوم وأنتي مريضه  انا ضبطته وبستها على رأسها ماتخفش علي اليوم صحتي أحسن
أموله؛؛ كلبه خوفتينا عليك
انا؛؛ والله ماضني انتي خفتي علي >_<
أموله ؛؛صدقتي قبل قلت دولاب لي وحدي "وضحكنا كلنا 😂😂😂
نوسا؛؛ يلا صلو وتعالو للغدا
  "ومشيت بدلت وصليت وحمدت ربي على لصار وتغدينا وبعد غدا كلنا لمينا وقعدو يناقشو على تجهيزات فرح نوسا

"انا؛؛ هييييي فرح نوسا مع عيد ميلادي
نوسا؛؛ احتمال حتى نتيجتك تكون طالعه هههه
أحمد؛؛كويس وفرتي على هدايا هديه وحده تسد ههههههه
انا؛؛ عينك نبش وحده نبي 3
ماما فاطمه؛؛ اليوم نحجزو في صاله
هيما؛؛أحمد كان فاضي وديها هي ونوسا
أحمد؛؛خلاص تم
انا ؛؛ حتى انا نبي نمشي
:( هيما؛؛ في جرت شنو ماشية انتي اشقي بقرايتك وحتى سوق ماتمشيله
انا؛؛ماما قوليله نبي نمشي نقص شعري ونصبغه
ماما؛؛لا لا كنك انتي لا مانخليك
هيما؛؛تقصي نقص لسانك  فكيني من تلبيز -_-
  انا؛؛هو شعري وانا حره فيه
هيما؛؛استغفر الله العظيم امشي خشي جوا
انا؛؛لا نبش نبي نقعد هنا
"هيما عصب وعله صوته ؛؛امشي جوا قلت
ماما فاطمه ؛؛ خلاص خلها براحته قاعده معانه
هيما؛؛ياامي ماتدخلش وانتي قتلك خشي جوا انا مشيت نجري لغرفتي وعزقت روحي على سريري  وقعدت نبكي معش فهمتك ياهيما على ابسط شي تعصب علي ونهون عليك

وخشت علي نوسا" ؛؛عارفتك تبكي
انا قعمزت وقعدت نمسح في دموعي ؛؛معش فهمته يانوسا انا تعبت مره يضحك معي ومره يهزب في على حاجات تفهات
نوسا؛؛ماتزعلش روحك هيما عارفته كويس يخاف عليك صدقيني كل شي يدير فيه عشان خايف عليك وانتي معتبرك أمانة ولازم يحافظ عليها "
انا وجعتني وطعنتني في قلبي كلمة انا امانه عندا وخاطري نقولها لا يانوسا انا مش امانه انا حبيبته انا  ودنيته كلها بس شن نبي نقول وشن نبي نعبر وانتو معتبريني مراهقة وصغيره مش حتفهموني ولا حد يفهمني "
نوسا؛؛كنك سكتي مش مصدقه يعني انه نخافو عليك كلنا وان شاء الله ربي يخليك لنا يابنيتنا صغيره وضبطتني هانت خلاص امك قريب تجي وتوا تشوف ان نحنا حافظنا على أمانة
انا؛؛عمري ماعتبرت روحي أمانة عندكم انتو هلي وماعندي غيركم
نوسا؛؛نجك لي والله توا نرايف عليك باهي لنبي نجوز قبل ماتجي امك تاخذك كان ما هك نقعد فاقدتك في الحوش
"انا قعدت نبحت فيها وخلاص كيف تجي امي تاخذني يعني انا وهيما مش مع بعضنا"
؛؛نوسا في شن تقولي انتي كيف تاخذني؟؟
نوسا حطت ايدها على فمها من استغراب؛؛كيف قصدك هيما ماقلكش ان امك جايه تاخذك

....أنا ؛؛ طلعت نجري رقيت فوق شقة هيما ولقيتا في صاله وقعد يبحت في ومستغرب ليش جايه عندا وانا عيوني مزالن بدموعهن
انا؛؛هيما صح تبي تخلي ماما تأخذني؟
ومسكت فيه قعدت نهز فيه صح قولي تبيني نطلع من حوش نعيش مع امي قووول💔
هيما؛؛أها........................
..يتبع~~~