أقدار القمر ...للكاتبة مروة امين

التاسع عشر

التاسع عشر

سار كريم بطريقه وذراعه يضم شقيقته بحنان يحتويها ويشد عضدها ليخبرها ويخبر الجميع أنها جوهرته الغالية ولا صحة لما يدور من إساءة حولها، يبتسم بثقة ويتطلع لها ليري نظرة دهشة تعتري عينيها لاتعلم سبب الزينة حولها ومتي وضعت، سارت جوار أخيها آمنة تراقب مايحدث مترقبة لتعرف سببًا لما يحيط بها من زينة وورود، ثوانٍ مرت فتلجمت بأرضها والصدمة اعتلت ملامحها وأمامها مبنى يتوسط الجامعة فيظهر بوضوح للعيان، على واجهته صورة لها بالحجم الكبير يحتضنها أخيها فيها وجوراها الصورة الزائفة وبخط كبير كُتِب على الصورة..

( يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ)

تطلعت ملك لكريم واغرورقت عينيها بالدموع وقالت:

انت عملت دا امتى؟

عقد كريم حاجبيه تزامنا مع رفعه لكتفيه بنفي وقال :

أنا معملتش حاجة ولا أعرف حاجة عن الموضوع دا.

ابتسم براحة مضيقًا عينيه واستطرد قائلًا:

بس كدا عرفت مين اللي عمل كدا كنت واثق انه هيعمل حاجة..

رمقته ملك بتفكير وقبل أن تنطق ظهر أمامها هاني بطلته الساحرة وابتسامة هادئة تزين وجهه، بيده باقة من ورود البنفسج رائعة المظهر وعلى مقربة منهم وقف والدها فاردًا ذراعيه لإبنته أسرعت بخطواتها إليه وارتمت بحضنه فربت علي ظهرها بحنان أبكاها رفع وجهها بيديه وكفكف دمعها وأمسك وجهها وقال :

أوعى تفكرى ان حد هيكسرك وانا عايش وتطلع لكريم وأردف ومن بعدى أخوكي هيسندك.

أمسكت ملك بيده وقبلتها بامتنان وقالت :

ربنا يخليك ليا يابابا

اقترب هاني منهم بوجه متوجم وبحركة جامدة مد يده بباقة الورد قائلا بحزن مصطنع :

يعنى ياحاج افتكرت الكل ونسيتني مش من شوية قلتلي اني بقيت عندك زي كريم وانك هتآمن علي ملك معايا.

مدت ملك يدها وأمسكت باقة الورد باقتضاب وقالت بضيق :

متشكرة لحضرتك ياحضرة الظابط وقفتك معايا وقت متهموني كان فعلا حلو جدا.

زفر هانى بضيق وقال :

على فكرة والله ظلمتيني انا مشكتش لحظة واحدة أنا بس حبيت أثبت للكل براءتك بالدليل مش بالكلام وبس.

اقترب كريم منها ومال على أذنها وقال :

على فكرة معاه حق لو اتكلم كان واحد هيصدق وعشرة لا.

تطلعت لوالدها فغمزها بعينيه واقترب منها هامسًا :

بصراحة اللي عمله خلاه كبر في نظري انتِ مشفتيش وهو بيجري من هنا وهنا عشان يجهز كل دا، دا غير إنه قبض عاللي عملوا كدا عشان يكونوا عبرة لغيرهم ومحدش يفكر يلعب بسمعة بنت.