zawgyi
အပိုင်း ( ၄၁ ) - ရောက်ရှိခြင်း" ဒီကောင်ကို ငါ အခွင့်ကောင်း ပေးလို့ မရဘူး.. အဖိုးကြီးလျန့်ကို ငါ့အနားမှာပဲ အမြဲ နေခိုင်းရတော့မယ်.. "သူ့ရဲ့ မရိုးသားသော လှည့်ကွက်ကြောင့် ရွှယ်ယင်က သူ့အား တိုက်ပွဲအချိန်တွင်း ပြန်လည် တုံ့ပြန်နိုင်သည်ကို စစ်ပိုင်ရုံ တကယ်ပင် စိုးရိမ်သွားရသည်။ " အခုတော့ ငါ သခင်လေးက မင်းကို သက်ညှာပေးလိုက်မယ်.. ရွှယ်ယင် ဆိုတဲ့ ငနဲသားလေးရယ်.. ငါ မင်းနဲ့ ဆက်ပြီ စကားမများချင်တော့ဘူး.. ဒီတာဝန် ပြီးမှပဲ တွေ့ကြတာပေါ့.. အဲအခါကျမှ ငါ ဘာလုပ်ပြမလဲဆိုတာ ကြည့်လိုက်ပေါ့.."အသက်နှစ်ဆယ်ပဲ ရှိသေးတဲ့ ငွေလအဆင့်တစ်ယောက်ကများ..ငွေလအဆင့်နှင့် ဒဏ္ဍာရီအဆင့်သည် တစ်ဆင့်သာ ကွာသည်။ ထိုတစ်ဆင့်ကလည်း မိုးနှင့်မြေကြီးအလား ကွာခြားချက် ကြီးလွန်းသည်။ သာမန်လူသားအဆင့် စစ်သည်ဘဝကနေ ငွေလအဆင့်ထိ ရောက်အောင် အောင်မြင်စွာ ကျင့်ကြံနိုင်ဖို့သည် သူတို့၏ ကိုယ်ပိုင်အရည်အချင်း၊ အထောက်အပံ့ပစ္စည်းကောင်းများ၊ အစွမ်းထက်သည့် ဒိုချီကျင့်စဉ်များ တို့အပေါ်မှာ မူတည်လေသည်။ တကယ်တမ်းတွင် စစ်ပိုင်ရုံမှာလည်း ကိုယ်ပိုင်အရည်အချင်းက ကောင်းမွန်ပြီးသားပါ။ သူ့ရဲ့ မိသားစုက ထောက်ပံ့ပေးမှုဖြင့် သူလည်း ငွေလအဆင့်ကို ရောက်ရှိခဲ့တာပါ။ သို့သော် ထိုအဆင့်ကို ရောက်ဖို့သည် အချိန် အတော်ကြာခဲ့ရသည်။ ဒဏ္ဍာရီအဆင့်ကို ရောက်ဖို့သည် အားကောင်းသော စိတ်ဝိညာဉ် ရှိရမည်။ ပို၍ ပြောရရင် လောကကြီးနှင့် တစ်သားတည်းအဆင့် ကို ရောက်ရှိနေရမည် ဖြစ်ကာ ထိုအဆင့်ရောက်မှသာ ကောင်းကင်နှင့် မြေကမ္ဘာတို့၏ စွမ်းအားကို အသုံးချ၍ ငွေလအဆင့်နှင့် ဒဏ္ဍာရီအဆင့် ကြားထဲက အတားအဆီး အနှောင့်အယှက်တွေကို ဖြတ်ကျော်နိုင်မည် ဖြစ်သည်။ လောကကြီးနှင့် တစ်သားတည်းအဆင့်ကို ရောက်ရှိဖို့က.. စစ်ပိုင်ရုံသည် ငွေလအဆင့်ကို ရောက်ရှိနေသည်က နှစ်များစွာ ကြာခဲ့ပြီ။ ထန်ရှုံး.. လျန့်ယုံ..ထိုပညာရှင်ဟောင်း နှစ်ယောက်ကိုတော့ ထည့်ပြောနေစရာပင် မလိုတော့ပင်။ ထိုနှစ်ယောက်ကလည်း ထိုအဆင့်မှာပဲ ရပ်တန့်နေတာ ကြာလွန်းမက ကြာမြင့်နေကြသူများ ဖြစ်ကြသည်။ ထိုသို့ ရပ်တန့်နေကြရသည့် အကြောင်းအရင်းက တစ်ခုသာ ရှိသည်။ လောကကြီးနှင့် တစ်သားတည်းအဆင့်၏ ဉာဏ်အလင်းအား မသိမမြင်ရသေးသောကြောင့် ဖြစ်ကြ၏။***သို့ပေမဲ့ မှော်ပညာရှင်တို့၏ လမ်းစဉ်က စစ်သည်သူရဲကောင်းတို့၏ လမ်းစဉ်နှင့် ကွဲပြားသည်။ စစ်သည်သူရဲ တို့၏ အစွမ်းပကားသည် ခန္ဓာကိုယ်နှင့် ခွန်အားတို့အပေါ်တွင် အဓိက မူတည်သည်။ ထိုအရာနှင့် ပြောင်းပြန်စွာ မှော်ပညာရှင်တို့သည် အတွေးအကြံနှင့် ဉာဏ်ပညာတို့၏ စွမ်းအားတို့သာ အဓိက အရေးကြီးသည်။ ထို့ကြောင့်လည်း မှော်ပညာရှင်တစ်ယောက်က စွမ်းအားကြီးမားနေသည်ဆိုလျှင် ထိုမှော်ပညာရှင်က ဉာဏ်ပညာကြီးမားသည်ဟု ဆိုနိုင်သည်။ ပုံမှန်အားဖြင့် မှော်ပညာရှင်တစ်ယောက်က ငွေလအဆင့်အထိ ရောက်နိုင်ခြင်းသည် ဉာဏ်ပညာကြီးမားနေပါပြီ ဟု ပြောနိုင်သည်။ ထို့ကြောင့်လည်း လူတိုင်း လူတိုင်းက အံ့အားသင့်စွာဖြင့် ယွီကျင့်ချိုး၏ ပါရမီနှင့် ဉာဏ်ပညာကို အံ့သြကာ ဝိုင်းဝန်းချီးကျူးကြရသည့် အကြောင်းအရင်းတစ်ခု ဖြစ်လေ၏။အသက်ငယ်ငယ်လေးဖြင့် ငွေလအဆင့်ကို ရောက်ရှိနိုင်ခဲ့သည့်အပြင် တကယ်၍ သူမသည် သဘာဝတရားတို့၏ ကြီးကျယ်ဆန်းပြားမှုကို ရှာဖွေသည့် လမ်းစဉ်အတိုင်း ဆက်လက် လျှောက်လှမ်းသွားမည် ဆိုလျှင် နောက်နှစ်ပေါင်းတစ်ရာအတွင်း ကျင့်ချိုးသည် လောကကြီးနှင့် တစ်သားတည်းအဆင့်သို့ ရောက်ရှိနိုင်လိမ့်မည်။ မှော်ပညာရှင်တို့သည် လောကကြီးနှင့် တစ်သားတည်းအဆင့်နယ်ပယ်ကို ရောက်ရှိဖို့အတွက် ကြိုးစား ရှာဖွေကြရပေ၏။တကယ်၍ စစ်သည်သူရဲကောင်းတစ်ယောက်က လောကကြီးနှင့် တစ်သားတည်းအဆင့်သို့ ရောက်လိုခဲ့လျှင် မှော်ပညာရှင်များထက် များစွာ ပိုခက်ခဲပေလိမ့်မည်။ အင်ပါယာဒေသအနှံ့တွင် သူရဲကောင်းစစ်သည်များမှာ ပညာကို မသင်ယူကြသည်က ပိုများပြားရာ လောကကြီးနှင့် တစ်သားတည်းအဆင့်ကို သိဖို့က ဖြစ်နိုင်ခြေ နည်း၏။ ရွှယ်ယင်မှာ အသက်ငယ်ငယ်လေးဖြင့် ငွေလအဆင့်ကို ရောက်ခဲ့သော်လည်း ယွီကျင့်ချိုးတို့က ထိုအဖြစ်ကို စိတ်ထဲတွင် သိပ်မတွေးဖြစ်ခဲ့ကြပေ။ အကြောင်းမှာ အများအမြင်တွင် ရွှယ်ယင်သည် ပါရမီအရည်အချင်း ကောင်းသူတစ်ဦးဟု မြင်ကြသည့်အပြင် ဒီအဆင့်အထိ ရောက်လာခဲ့ခြင်းကလည်း ကံကောင်းခြင်းကြောင့်လည်း ဖြစ်မည်ဟု ထင်မြင်ယူဆကြခြင်း ဖြစ်သည်။ သို့သော် ရွှယ်ယင်သည် ခြောက်နှစ်လုံးလုံး ဝါးအိမ်ထဲမှာ နေ၍ နေ့စဉ်နှင့်အမျှ ကျင့်ကြံ တရားထိုင်ပြီး သဘာဝကြီး၏ သဘောတရားကို နားလည်အောင် ကြိုးစားခဲ့ရတာတွေကို သူတစ်ယောက်တည်းသာ သိသည်။ ထို့ကြောင့်လည်း ရွှယ်ယင်၏ လှံသိုင်းပညာမှာ ပညာရှင်ကြီးအဆင့်ရောက်နေပြီး သဘာဝတရားနှင့် မပေါင်းစည်းရသေးသော်လည်း စင်စစ် ရွှယ်ယင်သည် လောကကြီးနှင့် တစ်သားတည်းအဆင့်ကို ရောက်နေပြီး ဖြစ်၏။ထို့ကြောင့်လည်း ရွှယ်ယင်သည် ဒဏ္ဍာရီအဆင့်တစ်ယောက်၏ အင်အားမျိုး ရှိသည့် ခန္ဓာကိုယ်မျိုး ရှိနေပြီး ဖြစ်သည်။ တကယ်၍ ကမ္ဘာဦး သွေးအမွေအား အသုံးပြုလိုက်မည်ဆိုလျှင် ပို၍ပင် အဆများစွာ အစွမ်းထက် သန်မာသွားလိမ့်မည်။ ခြုံငုံပြီး ပြောရရင် ရွှယ်ယင်သည် ဒဏ္ဍာရီအဆင့်နယ်ပယ်သို့ပင် ဝင်နေပြီးဟု ပြောနိုင်သည်။ " ကံကောင်းနေတဲ့ ကလေးသာသာ အကောင်ပါကွာ.. ငါ့ကိုများ ကလန်ကဆန် လုပ်ချင်တယ်ပေါ့.. ရူးမိုက်တဲ့ကောင်.." စစ်ပိုင်ရုံက ကြိမ်းမောင်းဆိုလိုက်ပြီးနောက် မှော်ယာဉ်ပျံအခန်းထဲသို့ လိုက်ဝင်သွားခဲ့သည်။ "ကျင့်ချိုး" ပိုင်ရုံက ခေါ်လိုက်သည်။ " ဘာဖြစ်လို့လဲ.." ကျင့်ချိုးမှာ တရားထိုင်ကျင့်နေရာမှ မျက်လုံးဖွင့်ကာ မေးလိုက်သည်။ "လုကလန်ရဲ့ ရဲတိုက်အထဲကို ငါတို့ ဝင်စီးတဲ့အခါကျရင် သတိထားပြီနေတာ အကောင်းဆုံးပဲ.. အထူးသဖြင့် အဲဒီ တုန်ပိုရွှယ်ယင်ကို သတိပိုထားရမယ်.. ဒီကောင်က အသက်လည်း ငယ်ပြီး မရင့်ကျက်သေးဘူး..ငါတို့ ရဲတိုက်ထဲ ဝင်စီးတဲ့အခါကျရင် ဒီကောင်က နောက်ကျောကနေ တစ်ခုခု လုပ်မှာကို ငါ စိုးရိမ်မိတယ်..အဲဒါကြောင့်လည်း ငါနဲ့ အဖိုကြီးလျန့်အနောက်ကို လိုက်ဖို့ မင်းကို ပြောတာပေါ့.. မင်းကို အန္တရာယ်ကနေ ငါတို့ အတတ်နိုင်ဆုံး ကာကွယ်ပေးမယ်.." " သူက နောက်ကျောကနေ တစ်ခုခု လုပ်မယ် ဟုတ်လား.. ရွှယ်ယင်က ဘာကြောင့် အဲလို လုပ်မှာလဲ.."ကျင့်ချိုးက တွေဝေစွာ စဉ်းစားမိလေသည်။ " ငါ့စကားကိုပဲ သေချာနားထောင်ပြီး ကိုယ့်ကိုယ်ကို ဂရုစိုက်ပါ.. ဒါပါပဲ.."ပိုင်ရုံ ထိုစကားကို ပြောပြီးသည်နှင့် ထွက်သွားသည်။ ကျင့်ချိုးမှာ မျက်မှောင်ကြုတ်လျက် ကျန်ခဲ့သည်။ သူမအပါးကနေ ထွက်သွားသည့် စစ်ပိုင်ရုံနှင့် အခန်း၏ ထောင့်တစ်နေရာတွင် တင်ပျဉ်ခွေထိုင်လျက် ရှိနေသည့် အနက်ရောင်အဝတ်နှင့် ရွှယ်ယင်အား တစ်လှည့်စီ ကြည့်လိုက်ရင်း သူမဘာသာ တိုးတိုးလေး ရေရွတ်လိုက်သည်။ " သူတို့နှစ်ယောက် အပြင်မှာ ဘာတွေ ဖြစ်လာခဲ့ကြတာလဲ.. သူတို့ နှစ်ယောက်ကြားထဲမှာ အခြေအတင် ဖြစ်လာခဲ့ကြတာလား.. ရွှယ်ယင်ကလည်း ဒီလို မဆင်မခြင် လုပ်တတ်တဲ့သူ ဟုတ်မယ် မထင်ပါဘူး.. ဟူး.. ဒီတစ်ခေါက်မှာ မမျှော်လင့်တာတွေ မဖြစ်ပါစေနဲ့လို့ပဲ မျှော်လင့်ရတာပဲ.."သူမက အနည်းငယ်တော့ စိတ်ပူသွားသည်။ " ဟူးး"ရွှယ်ယင်မှာ တင်ပျဉ်ခွေကာ ထိုင်လိုက်ပြီးနောက် တစ်ဖြည်းဖြည်းနှင့် သူ့ နှလုံးခုန်သံ စည်းချက်တို့က နှေးကွေးသထက် နှေးကွေးလာခဲ့သည်။ တစ်ချိန်တည်းမှာပဲ ဘေးပတ်ဝန်းကျင်ကို သိမြင်ခံစားနေရမှုကလည်း ပို၍ သိသာထင်ရှားလာခဲ့သည်။ အနားပတ်လည်က လူတို့၏ အသက်ရှုနေတာကိုပင် သိရသည်။ ကျင့်ချိုး၏ အသက်ရှုနေပုံ... ထို့နောက် ထန်ရှုံး၊ လျန့်ယုံ.. သူတို့နှစ်ယောက်အပြင် မှော်ယာဉ်ပျံကို မောင်းနှင်နေသည့် လူနှစ်ဦးတို့ပါ အားလုံးအားလုံး၏ အသက်ရှုသံများ တဖန်.. အပြင်ဘက်က တိုက်ခတ်နေသည့် လေတွေကိုပါ အားလုံး ခံစားကြည့်လို့ ရနေသည်။ တည်ငြိမ်သည့် ရေပြင်ကဲ့သို့ တည်ငြိမ်သည့် နှလုံးသား.. ၊ မှန်သားတစ်ချပ်၏ မျက်နှာပြင်ကဲ့သို့ ပကတိ တည်ငြိမ်သွားလျက်..၊ သူသည် လောကကြီးနှင့် တစ်သားတည်း ဖြစ်သွားလေသည်။ ***မိုးကောင်းကင်မှာ တစ်ဖြည်းဖြည်းဖြင့် အမှောင်ဘက် ရောက်ရှိလို့လာသည်။ ငွေရောင်ဖွေးဖွေးဖြင့် မှောယာဉ်ပျံမှာလည်း တိမ်ထုများကြားတွင် အဆက်မပြတ် ဖြတ်သန်း ပျံသန်းသွားနေလျက်ပင်။ " ငါတို့ ရောက်နေပြီးဟေ့.." ရွှယ်ယင်၏ အသက်ရှုနှုန်းနှင့် နှလုံးခုန်သံ စည်းချက်တို့က ပုံမှန် ပြန်ဖြစ်သွားကာ သူလည်း တရားထိုင်ကျင့်နေတာကို ဖြုတ်လိုက်သည်။ အပြင်ဘက်သို့ ကြည့်လိုက်အခါတွင် မှော်ယာဉ်ပျံတစ်လုံးက နှေးကွေးသွားသည်ကို တွေ့ရှိလိုက်သည်။ " ကဲ.. ပညာရှင်ရောင်ရင်းတို့.. ဒီမှော်ယာဉ်ပျံကနေ ဆင်းဖို့အတွက် ပြင်ဆင်ထားလို့ ရပါပြီ.. မကြာခင်မှာပဲ.. လုကလန်ရဲ့ ရဲတိုက်ဆီကို ရောက်ပါတော့မယ်.. "မှော်ယာဉ်ပျံကို ထိန်းကျောင်းမောင်းနှင်သူတစ်ဦးက ပြောလိုက်သည်။ " ရောက်ခါနီးနေပြီလား.." " မကြာခင် ရဲတိုက်ကို ဝင်စီးရတော့မှာပဲ."တစ်ယောက်ပြီးတစ်ယောက် မတ်တတ်ရပ်လိုက်ကြတော့သည်။ အားလုံးက တာဝန်တစ်ခုတည်း၊ ပန်းတိုင်တစ်ခုတည်းကိုပဲ ဆင်နွှဲကြရမှာ ဖြစ်ကြသော်လည်း တစ်ယောက်ချင်းစီ၏ စိတ်ခံစားချက်တို့က မတူကြပေ။ ယခုတစ်ခေါက်သည် စစ်ပိုင်ရုံအတွက် ပထမဆုံးအကြိမ် အန္တရာယ်များသည့် တာဝန်ကို ယူခြင်း ဖြစ်သည်။ ထို့ကြောင့်လည်း သူ့ကလန်ကနေ ငွေလအဆင့်သမားတစ်ယောက်ကို တစ်ခါတည်း ခေါ်လာခဲ့ခြင်းပင်။ သို့ပေမဲ့ စစ်ပိုင်ရုံမှာ မလုံလောက်သလို ခံစားနေရသေးသည်။ ကျင့်ချိုးအရှေ့မှာလည်း သူ့ ခွန်အားတွေကို သက်သေပြဖို့အတွက် နည်းနည်းလေးပင် မညည်းတွားရဲ မပြသရဲချေ။ ထန်ရှုံးမှာတော့ အတော်လေး တည်ငြိမ်ပေသည်။ နှစ်ပေါင်း ၁၆၀ တိတိ နေလာခဲ့သူမို့ သူ့လမ်းကြောင်းအရှေ့မှာ ဘယ်အရာမှ တားဆီးနိုင်မှာ မဟုတ်ဟု သူ ယုံကြည်ချက် ရှိသည်။ လျန့်ယုံမှာတော့ ဖျတ်လတ်နိုးကြားစွာ ရှိနေ၏။ သူ့ရဲ့ အဓိက အလုပ်တာဝန်မှာလည်း ရဲတိုက်အတွင်း ဝင်ရောက်လုပ်ကြံကြမည့်အချိန်အတွင်း သူ့သခင်လေး ပိုင်ရုံကို ကာကွယ်ပေးရမည်မဟုတ်လား။ အခုတစ်ခေါက်သည် ကျင့်ချိုးအတွက်လည်း ပထမဆုံးအကြိမ်ပင် ဖြစ်ချေဿည်။ သူမက စိတ်လှုပ်ရှားနေသော်လည်း မှော်ပညာရှင်တစ်ယောက်၏ စိတ်ခွန်အားမျိုးက အရာအားလုံးကို တည်ငြိမ်စွာ ရင်ဆိုင်နိုင်စေသည်။ ရွှယ်ယင်အတွက်ကရော... ဒဏ္ဍာရီအဆင့်သမားတစ်ယောက်အနေဖြင့် သူ့မှာ ကြောက်လန့်ခြင်းဟူ၍ မရှိနေချေ။ ထို့အစား လုကလန်၏ ရဲတိုက်အကြောင်းကိုသာ စိတ်ဝင်တစား ဖြစ်နေခဲ့သည်။ ရွှယ်ယင်နှင့် ကျန်သော သူများသည် အသီးအသီး ထလာခဲ့ကြပြီး ကုန်းပတ်ဆီသို့ လျှောက်လာခဲ့ကြသည်။ မှော်ယာဉ်ပျံမှ အောက်သို့ ငုံ့ကြည့်လိုက်သည့်အခါတွင် ကြီးကျယ်ခမ်းနားသည့် ရဲတိုက်တစ်ခုကို သေချာ မြင်လိုက်ကြသည်။ ရဲတိုက်မှ အပေါ်ဘက် မီတာ ၃၀၀ အကွာတွင် ရွှယ်ယင်တို့ မှော်ယာဉ်ပျံက ရောက်နေပြီ ဖြစ်သည်။ မှော်ယာဉ်ပျံ၏ အစီအရင်အစွမ်းကြောင့် မြူဆိုင်းအကာကွယ်ဖြင့် ကာကွယ်ထားသည်ဖြစ်ရာ အောက်မှ လူတို့မှာ ထိုမှော်ယာဉ်ပျံအား မမြင်ရချေ။ " အားလုံးရှင့်.. ကျွန်မရဲ့ မှော်အစွမ်းကို သုံးပြီ အကာအကွယ်တွေ လုပ်သွားပေးလိုက်မယ်.. ကျွန်မတို့ကို အချိန်တစ်ခဏလေးတော့ မြင်ရမှာ မဟုတ်ဘူး.. ပြီးရင် အပေါ်ကနေ တိုက်ရိုက်ခုန်ချပြီ ရဲတိုက်ထဲကို တစ်ခါတည်း ဖောက်ဝင်ကြမယ်.. အစောင့်တွေ ရှာမတွေ့ခင် လုဟွိုင်ရူကို လုပ်ကြံနိုင်ရင် အကောင်းဆုံးပဲ.. "ကျင့်ချိုးက ရှင်းပြလိုက်သည်။ " ကောင်းတယ်.. ကျင့်ချိုး ပြောတဲ့အတိုင်း လုပ်ကြတာပေါ့.." ဟု စစ်ပိုင်ရုံက ပြောလိုက်လေသည်။ " ဟုတ်တယ်.. ဟဟ.. ငွေလအဆင့် မှော်ပညာရှင်တစ်ယောက်က ငါတို့နဲ့ ပါလာခဲ့တာ ကံကောင်းတာပဲဟ.."ထန်ရှုံးက ရယ်မောလိုက်လေသည်။ ချွင်းး.. ရွှယ်ယင်မှာ သူ့ရဲ့ နှင်းပျံနတ်လှံ အပိုင်းတိုနှစ်ခုကို ဆက်လိုက်ရင်း တိုက်ပွဲအတွက် စတင် ပြင်ဆင်လိုက်တော့သည်။ ရွှယ်ယင်ကို ကြည့်နေသည့် စစ်ပိုင်ရုံမှာ နှာခေါင်းတစ်ချက် ရှုံ့လိုက်ပြီးနောက် သူ့ရဲ့ အသွားနှစ်ဖက်ဓားကြီးကို ဓားအိမ်ကနေ ထုတ်ယူလိုက်သည်။ အားလုံးမှာ ပြည့်စုံသလောက် ပြင်ဆင်ထားပြီးခဲ့၏။ တိုက်ပွဲကို အချိန်မရွေး စတင်လို့ ရနေလေ၏။" ဝူးး " မိုးပြာရောင်ဝတ်ရုံနှင့် ကျင့်ချိုးမှာ သူမလက်ထဲက မှော်တောင်ဝှေးဖြင့် ဂါထာတစ်ခုကို မန်းမှုတ်လိုက်ရာ လေပြင်းတစ်ခု ဖြစ်ပေါ်လာပြီး အားလုံးကို လွှမ်းခြုံသွားသည်။ " အောက်ကို ဆင်းကြစို့.." သူမက ပြောလိုက်သည်။ " စမယ်ဟေ့.." ဟူး..ဟူး.. ဟူး.လူ ငါးယောက်စလုံးက ပြိုင်တူ အောက်သို့ ခုန်ဆင်းလိုက်ကြသည်။ သူတို့၏ ခွန်အားဖြင့် မီတာ ၃၀၀ မှာ ခုန်ဆင်းရာတွင် မည်သည့် ဒဏ်ရာမှ ရရှိစေမှာ မဟုတ်ချေ။ ကျင့်ချိုးက လေပြင်းကို ဆင့်ခေါ်လိုက်ရသည့် ရည်ရွယ်ချက်မှာ သူတို့ သက်ဆင်းရမည့် နေရာဆီသို့ ထိန်းကျောင်းစေသည့်အပြင် သူတို့ငါးယောက်စလုံးကို မမြင်စေလို၍လည်း ဖြစ်သည်။ ရွှယ်ယင်သည် မြေပြင်ကို လှမ်းကြည့်လိုက်သည်။ အောက်သို့ ခုန်ဆင်းရာတွင် လေပြင်းက သူတို့ ငါးယောက်စလုံးအား ရဲတိုက်ဝင်း အလယ်ဘက်သို့ ခေါ်ဆောင်သွားသည်။ ရဲတိုက်ဝင်း အလယ်ဘက်တွင် ရှစ်မြောင့်ထောင့် သဏ္ဌာန်ရှိသည့် ရဲတိုက်ကြီးက မြေပြင်မှာ ငွားငွားစွင့်စွင့်ဖြင့် တည်ရှိနေသည်။ ထိုအချိန်မှာလည်း လေပြင်းတစ်ချက် တိုက်ခတ်သွားပြီ ဘေးပတ်ဝန်းကျင်က ဖုန်မှုန့်များ သစ်ရွက်များကို မွှေ့ယမ်းပစ်လိုက်ရာ အစောင့်စစ်သည်တို့သည် မျက်လုံးပင် မဖွင့်နိုင်အောင် ဖြစ်သွားရသည်။ ရွှစ်.. ရွှစ်.. ရွှစ်.. ရွှစ်.. ရွှစ်..ရွှယ်ယင်တို့ ငါးယောက်စလုံးသည် ရဲတိုက်ခေါင်းမိုးထက်တွင် ပေါ့ပါးစွာ သက်ဆင်းလိုက်ကြသည်။ " ရဲတိုက်ထဲ ဝင်ရအောင်.." စစ်ပိုင်ရုံက အသွားနှစ်ဖက်ဓားကြီးကို ကိုင်ကာ အရာရာကို ရှင်းပစ်ဖို့ အသင့်ပြင်ထားလေသည်။ " အင်း.." ထိုအခိုက်မှာပဲ ရွှယ်ယင်တို့ ပုန်းကွယ်နေသည့် ရဲတိုက်ခေါင်းမိုး၏ ညာဘက်နေရာတွင် အလင်းရောင်တစ်ခုက စူးခနဲ တောက်ပလာသည်။ " အလစ်ဝင်တိုက်ခိုက်ကြသူတွေ.." အေးစက်စက်အသံက ရဲတိုက်အတွင်းမှာ ပေါက်ကွဲ ထွက်လာသည်။ ၎င်းအသံက ရဲတိုက်ဝင်းအနှံ့ ပျံ့နှံ့သွားသည်။ " ခေါင်းမိုးအပေါ်မှာ .. သူတို့ကို သတ်ကြ.."" လုပ်ကြံသတ်ဖြတ်သူတွေဟ.."" ဟိုမှာပဲ.. သွားကြဟေ့.."ရဲတိုက်၏ အတွင်းစည်းနံရံမှာ အပြင်ဘက်ဝင်းကို ပိုင်းခြားထားသည်။ ထိုနေရာတွင် အစောင့်စစ်သည်တို့ များစွာ စောင့်ကြပ်နေလျက် ရှိသည်။ ထိုသို့ သတိပေးသံ ထွက်ပေါ်လာသည်နှင့် ကြယ်ခြွေဒူးလေးကြီး အလက် နှစ်ရာကျော်က ရွှယ်ယင်တို့ ငါးယောက်ကို တစ်ပြိုင်နက်တည်း ထိုးချိန်လိုက်ကြသည်။ တကယ်တမ်းတွင် ယန္တရားပညာရပ်တွင် ကျွမ်းကျင်သူ ဥက္ကာပျံအဆင့် မှော်ဆရာတစ်ယောက်နှင့် ဥက္ကာပျံအဆင့် သူရဲကောင်းစစ်သည် လေးယောက်တို့က အစောင့်စစ်သည်များကို ကွပ်ကဲလျက် ရှိနေရာ ရဲတိုက်တစ်ခုလုံး၏ လုံခြုံရေးက အမှန်ပင် တင်းကျပ်လှသည်။ " ငါတို့ကို ရှာတွေ့သွားပြီး.." ထန်ရှုံးက ပြောလိုက်သည်။" ဟွန့် ရှာတွေ့သွားတော့ရော ဘာအရေးလဲ.. သူတို့ကို သတ်လို့ ရနေတာပဲ.." ပိုင်ရုံက အထင်သေးသည့်သဘောဖြင့် ရယ်ရယ်မောမော ပြောလိုက်သည်။ " အားလုံးပဲ.. ဒီအချိန်မှာ ငါတို့ရဲ့ ပန်းတိုင်က လုကလန်ပဲ.. မင်းတို့နဲ့ ဘာမှ မဆိုင်နေဘူး.. ဒါပေမဲ့ ငါတို့ကို လာရင်ဆိုင်မယ်ဆိုရင်တော့ မင်းတို့အားလုံး သေရလိမ့်မယ်.." ကျင့်ချိုးက အစောင့်စစ်သည်တွေကို အရင်သတိပေးလိုက်သည်။ သူမ၏ သတိပေးစကားက ရှင်းလင်းပြီ ဆိုလိုရင်းကို ကွက်တိ ရောက်သည်။ တဖန် ချိုသာကြည်လင်သည့် စကားသံကြောင့်လည်း သူမ၏ စကားကို နာခံအောက်ကျို့စေဖို့ စိတ်ညို့လိုက်သည့်အလား တတ်စွမ်းနိုင်ပေ၏။ သို့သော် ထိုစကား၏ အောက်အလွှာမှာတော့ သေခြင်းတရား အငွေ့အသက်များ ရှိနေ၏။ ပတ်ဝန်းကျင်တစ်ခုလုံးက လေထုမှာ အေးစက်သထက် အေးစက်လာခဲ့သည်။ ရဲတိုက်ဝင်းတစ်ခုလုံး ရေငွေ့များပင် ရစ်သိုင်းလာခဲ့သည်။ မျက်စိတစ်မှိတ်အတွင်းမှာပဲ မြေကြီးပေါ်က မြေခဲမှုန်များပါ အခဲတုံးဖြစ်ကာ ပူးကပ်အေးခဲသွားသည်။ လုကလန်၏ ရဲတိုက်ကြီးတစ်ခုလုံးသည် ရေခဲရဲတိုက်ကြီးအဖြစ် ပြောင်းလဲသွားချေပြီ။ အစောင့်စစ်သည်တွေလည်း ရေခဲတမျှ အေးစိမ့်သည့် လေပြေတို့၏ ကိုက်ခဲမှုကြောင့် ခိုက်ခိုက်တုန် ချမ်းစိမ့်လာခဲ့သည်။ " အေးလိုက်တာ.."တချို့အစောင့်စစ်သည်တို့မှာ အေးစိမ့်လာသည့် လေထုအခြေအနေကြောင့် စွမ်းအင်များ ကုန်ဆုံးလာကာ မြေကြီးပေါ် လဲကျသွားသည်။ " ငါ့ရဲ့ ဆီးနှင်းစွမ်းအားအဝန်း သက်ရောက်ထားတဲ့ နေရာကနေ အနောက်ဆုတ်ကြ.. မင်းတို့ အသက်ရှင်လိမ့်မယ်.. မဟုတ်ရင်.. သေဖို့ပဲ ရှိကြလိမ့်မယ်.." ကျင့်ချိုးမှာ ထိုအစောင့်စစ်သည်အငယ်တို့ကို ညှာတာသောအားဖြင့် သတိပေးလိုက်သေးသည်။ တကယ်တော့ ထိုအစောင့်စစ်သည်တွေနှင့် သူမမှာ ဘာရန်ငြိုးမှလည်း မရှိနေခဲ့ပါဘူး။ " ဟူး.." ရွှယ်ယင်မှာ ဘေးပတ်ဝန်းကျင်ကို လှည့်ပတ်ကြည့်လိုက်သည်။ ကျင့်ချိုးက ရေခဲစွမ်းအားကို လှပစွာ ထိန်းချုပ် အသုံးပြုပြလိုက်သည်ကို ကြည့်ပြီး ရွှယ်ယင်မှာ အံအားသင့်မိသည်။ သူမသည် ရေခဲစွမ်းအားပညာရပ်တွင် ပညာရှင်တစ်ယောက်မှန်း ရွှယ်ယင် သိသော်လည်း ထိုမျှလောက် ရှိလိမ့်မည်ဟု တကယ်ပင် မထင်မှတ်ထားခဲ့ပေ။ သူမ၏ ဆီးနှင်းစွမ်းအားအဝန်းကို ရဲတိုက်တစ်ခုလုံး ခြုံငုံမိသည်အထိ ဆန့်ထုတ်နိုင်သည့်အပြင် ဘေးပတ်ဝန်းကျင်က လေထု၏ အပူချိန်ကိုလည်း အစောင့်စစ်သည်များ အသက်မသေစေဘဲ အရှုံးပေးစေရုံလောက်အထိသာ လျှော့ချနိုင်စွမ်းကို ကြည့်လျှင် ကျင့်ချိုးသည် ရေခဲစွမ်းအားနယ်ပယ်တွင် ပညာရှင်တစ်ဦး ဖြစ်သည်ဆိုတာ သေချာသလောက် ရှိနေပြီ။ သို့သော် ဘယ်လောက်ပဲ ကျွမ်းကျင်စွာ ထိန်းချုပ်နိုင်စေဦးတော့.. အချိန်ကြာလာသည်နှင့်အမျှ နှင်းကိုက်နာကြောင့် သေရလိမ့်မည်။ " မြန်မြန် ထွက်သွားကြလေ.." ထိုအခါ ပို၍ ကြံ့ခိုင်သည့် အစောင့်စစ်သည်တို့က အားနည်းသည့် အစောင့်စစ်သည်တို့ကို စတင် တွဲထူ၍ ထိုနေရာမှ အနောက်ဆုတ်လိုက်ကြသည်။ ရဲတိုက်အတွင်းမှာ ရှိကြသည့် အစေခံတို့သည်လည်း အခွင့်ရေးယူပြီ တိုက်ပွဲ ဖြစ်တော့မည့် နေရာမှာ အမြန်ထွက်ခွာသွားကြသည်။ ကျင့်ချိုး ထုတ်သုံးလိုက်သည့် ရေခဲစွမ်းအားအဝန်း၏ အင်အားစုအောက်မှာ အစောင့်စစ်သည်ပေါင်း သုံးထောင်ကျော်တို့သည် ပြန်လည်တိုက်ခိုက်ဖို့အတွက် စိတ်မကူးကြတော့ပါဘူး။ ဖြစ်နိုင်သမျှ လွတ်အောင် ထွက်ခွာဖို့သာ ရွေးစရာ ကျန်တော့သည်။ တကယ်တမ်းတော့ တိုက်ပွဲကို အနိုင်ရဖို့ မဆိုထားနှင့်.. အေးစက်လွန်းသည့် ပတ်ဝန်းကျင်မှာ ခြေလက်တွေပင် လှုပ်ရှားမရအောင် တစ်ကိုယ်လုံး အေးစက်ထုံထိုင်းသွားကြရသည်မဟုတ်လား။ " ကဲ.. ဝင်ကြစို့.." ကျင့်ချိုးက သူမ၏ မှော်တောင်ဝှေးကို ကိုင်၍ ကျန်သည့် လူလေးယောက်နှင့်အတူ ခေါင်းမိုးပေါ်ကနေ ခုန်ဆင်းလိုက်သည်။ လုဟွိုင်ရူကို လုပ်ကြံဖို့ အခွင့်မရလိုက်၍ ဒီအတိုင်း တိုက်စစ်ဖွင့် သတ်ဖြတ်ဖို့သာ ရွေးလိုက်ကြရတော့သည်။ ***" ဟွန့်.. အရူးကောင်တွေကွာ.. ဘာမှ မထူးတဲ့ အကောင်တွေ.."လုဟွိုင်ရူမှာ ရဲတိုက်အပြင်ဘက်တွင် ထိုနေရာမှ ထွက်ပြေးဖို့ ကြိုးစားနေကြသည့် အစောင့်စစ်သည်တို့ကို ကြည့်ရင်း ခေါင်းကို ခါယမ်းလိုက်လေသည်။ " အခုတော့ ရဲတိုက်အထဲမှာ ဆင်ထားတဲ့ ထောင်ချောက်တွေနဲ့ ငါ့ကိုယ် ငါပဲ အားကိုးရတော့မယ်.. ဝင်လာရဲရင် ဝင်လာကြည့်.. အသေဆိုးနဲ့ သေရမှာ မုချပဲ.." ထို့နောက် လုဟွိုင်ရူသည် စင်္ကြံလမ်းတစ်လျှောက် ခပ်သုတ်သုတ် ပြေးသွားလိုက်သည်။ သူ့စိတ်ထဲတွင် ရဲတိုက်အတွင်းသို့ လျှို့ဝှက်လမ်းကြောင်းအတိုင်း ဝင်သွားဖို့သာ ရှိသည်။ သူ့မှာ ယုံကြည်မှုတော့ ရှိနေသည်။ သူ ဆင်ထားခဲ့သည့် ထောင်ချက်တို့သည် ငွေလအဆင့်သမား သုံးယောက်မှ ငါးယောက်အထိ အလွယ်တကူ သတ်နိုင်မည်ဟု ယုံကြည်ချက် ရှိနေခြင်း ဖြစ်၏။ ထို့အပြင် နတ်ဆိုးတမန်တော်သည်လည်း ရဲတိုက်အတွင်းတွင် ရှိနေသေးသည်။ ထိုအချက်များကြောင့်လည်း သူ့မှာ ယုံကြည်မှုက အတော်လေး ရှိနေသည်။
YOU ARE READING
Lord Xue Ying
Fantasyဒုတိယမြောက် ဘာသာပြန်စာစဉ် အရှေ့တိုင်း စိတ်ကူးယဉ် ကျင့်ကြံခြင်း စွန့်စားခြင်း စစ်ပွဲ တာအိုဝါဒတွေနဲ့ ယှဉ်ပြိုင်မှုတွေ မှော်အစွမ်း သတ္တဝါဆန်းတွေ ရောသမမွှေ ပါဝင်ထားပါတယ်..
