الوجه الحقيقى للعشق_ سأقتحم حاجزك_

الفصل الخامس عشر (الجزء الثانى)

الفصل الخامس عشر (الجزء الثانى)

مر أسبوع على ماحدث ويزداد العشق يوما بعد يوم بين آدم وميرال، فى نفس الوقت الذى تزداد فيه المشاكسات بين يوسف ورودينا.....

وفى يوم كان الجميع متجمع معا ليبادر آدم الحديث:- انا هسافر الاسبوع الجاى
صدم الجميع لتقول ميرال:- هتسافر!!!!
آدم:- أيوة ياميرى هارجع لندن الاسبوع الجاى
نظرت له ميرال بحزن ثم ذهبت الى غرفتها بسرعة
تنهد آدم بضيق ليقول له محمد بتفهم:- معلش يابنى على اللى هى عملته هى بس مبتحبش مواضيع الوداع وكدا
آدم:- ولا يهمك ياعمى
كوثر بحزن:- هتسافر ليه ياآدم؟؟
آدم:- ياماما انا عندى شغل فى لندن لازم أخلصه، مش هتأخر
يوسف:- هتقعد هناك قد ايه
آدم:- شهر بالكتير لحد اما أنقل كل حاجة على هنا
كوثر:- وهتسيب ميرال لوحدها، يوسف ممكن يروح مكانك
آدم:- لا ياماما الشغل دا محتاجنى انا، وانا هتصرف مع ميرال، انا هطلع أشوفها بعد إذنكم

صعد آدم إلى غرفتها ليجد عيناها حمراوتين من كثرة البكاء ليتمزق قلبه لرؤيتها هكذا، اقترب منها ليردف بحنية وهو يمسد على حجابها:- ممكن اعرف احنا بتعيط ليه دلوقتى
أزاحت يديه عن رأسها لتقول بغضب طفولى:- متكلمنيش، انا زعلانة منك ومخصماك
آدم:- لاحول ولاقوة الا بالله يابنتى انا عملت ايه دلوقتى
ميرال بدموع:- انت عتسافر وتسيبنى
آدم:- ياحبيبتى انا مش مهاجر دا هو شهر بس وراجع
ازدادت فى البكاء لتقول :- شهر!! يعنى ٣٠ يوم، يعنى ٧٢٠ ساعة، يعنى ٢١٦٠٠ دقيقة، يعنى٦٤٨٠٠٠ ثانية، عايزنى استنى كل ده
آدم بصدمة:- انتى حسبتى ده ازاى
ميرال ببرائة:- حسبتها بالآلة الحاسبة قبل ماتيجى
خر آدم ضاحكا بصوته كله ليقول :- قسما بالله انا هتجوز طفلة، ثم أكمل بجدية:- ياقلبى السفرية دى مهمة علشان افضل معاكى بعد كدا، يعنى مثلا عايزانا لما نتجوز اسافر واسيبك
ميرال بغباء:- دا على أساس اننا بنلعب مع بعض ماحنا اتجوزنا خلاص
آدم بمكر:- ياقلبى اقصد لما تبقى فى بيتى
ابتسمت بخجل ليكمل:- أيوة انا عايزة الابتسامة دى تفضل على وشك وماتفرقهوش، واهى ياستى فرصة كمان علشان تحضرى نفسك للفرح، واهو تاخدى راحتك علشان ماتزهقيش منى بعدين
ميرال بصدق:- عمرى مازهق منك ابدا
آدم:- يابوووى على الكلام لانا كدا هضعف ومش هسافر
ميرال بلهفة:- طب ياريت
آدم:- برضوا، احنا قولنا ايه
ميرال بحنق:- خلاص خلاص، سكت اهو
أخذها آدم بين ذراعيه وقال مقبلا رأسها:- هتوحشينى ياهبلة
ميرال:- وانت لا
آدم:-😶😐😶
ميرال بطفولة:- لأنك هتفضل معايا علطول، صورتك هتاخد مكانك لحد اما ترجع
أشتد آدم فى ضمها، لتسمح لنفسها بأن تستنشق عطره الذى ستحرم منه شهرا كاملا

*******************

_فى غرفة ميرال_
رودينا:- مالك يابنتى ليه الزعل ده كله
ميرال بدموع:- آدم وحشنى أووى
رودينا بصدمة:- ياختتتتاى كله ده علشان آدم واحشك، دا مكانش غايب من يومين اومال لما يعدى الشهر هتكونى عملتى ازى لا انتى حالتك صعبة اوى، تعالى بسرعة يآدم البت هتموت