#إمبراطور _العشق_
#سأقتحم _حاجزك _
^الفصل_ الخامس_ والعشرون ^:_
:_ مطلوب فرقة طبية تطوعية هتسافر لمجموعة من القوات الخاصة المرتكزين عند الحدود الشرقية، اللى مستعد يشارك يتفضل يسجل اسمه عندكوا لبكرة عشان تفكروا...
*************
فى منزل مكة
مكة بضحك:_ مساء النور ياعالم
سامية:_ حمد لله على السلامة ياكوكو روحى غيرى لحد اما اجهزلك الاكل
مكة:_ تسلميلى ياعسل، الا قوليلى هو بابا جه؟
سامية:_ ايوة قاعد فى الأوضة
مكة:_ اوك، هاشوفه لانى عايزاكوا فى موضوع
تك تك تك
:_ ياحجووج انت صاحى
عبد العزيز:_ ايوة يامكة ادخلى
مكة:_ مساءك فل وياسمين ولوز وبندق كمان
عبد العزيز بضحك:_ قولى عايزة ايه من غير لف ودوران
مكة بمزاح:_ ايه ده هو انا مفقوشة للدرجة دى
:_ لا مسلوقة ياخفيفة
مكة:_ ههههه اضحك دلوقتى ولا اعمل ايه ياماامى
سامية:_ لا بينى سنانك ياختى، يالا قوموا الاكل جاهز
مكة:_ على بركة الله
على المائدة
سامية:_ نعم!! أنتى بتقولى ايه يامكة، عايزة تطلعى برا البيت شهر وكمان المدة مش متأكدة
مكة:_ وفيها ايه ياماما مانا طالعة تبع المستشفى، مش هبقا لوحدى
سامية:_ لا بردو يامكة انا مش هسمحلك تروحى
مكة بتوسل:_ ياماما عشان خاطرى انا عايزة اروح بجد هاكتسب خبرة هتفدنى بعدين وبعدين دا حاجة للبلد مش عايزانى يعنى اساهم فى بلدى ولو بشطر صغير
عبد العزيز بحكمة وهدوء
:_ روحى يامكة
سامية بدهشة:_ انت بتقول ايه ياعبدو عايزها تروح وتسيبنا!
عبد العزيز:_ سيبيها ياسامية دى حياتها وهى كبرت وبقت قادرة تاخد قراراتها بنفسها، ولازم تتعودى مسيرها تتجوز وتسيب البيت اتأقلمى من دلوقتى احسن ليكى وليها
مكة:_ بابا انت زعلت منى
عبد العزيز:_ لا يابنتى انا فخور انك عايزة تعملى حاجة لبلدك حتى لو صغيرة، روحى وماتقلقيش انا هاقنع مامتك
قبلته مكة بفرح:_ حبيبى يابابا تسلملى
توجهت إلى والدتها
مكة:_ ياماما عشان خاطرى مش عايزاكى تزعلى منى بس بجد انا رغبتى شديدة انى اروح ارجوكى
نظر إليها زوجها بمعنى ان توافق فتنهدت وقالت:_ ماشى يامكة. بس خلى بالك من نفسك.
قبلتها هى الأخرى بسعادة ثم ذهبت لتحضر أغراضها***********
:_رودى
رودينا:_ ايوا يايوسف
:_الجماعة حوالى ساعتين وهييجوا عايز كل حاجة جاهزة انا معتمد عليكى ياعسل، والا والله هصدرك فى وش اخوكى
رودينا بضحك:_ والله انا مش عارفة اخويا عاملك ايه دا حتى طيوب خالص
يوسف بسخرية:_ دا حتى طيوب خالص! مانتى مشوفتيهوش على حقيقته ، اووومال مين يشهد للعروسة ياختى
:_ طب خلى بالك ليسمعك
يوسف:_تعالى ياختى أصلها نقصاكى
ملاك:_ مالك ياجو ماتورق كدا ياسطا
يوسف بقرف:_ اسطا، انتى شغالة فى موقف
ملاك بضحك:_ ايوا ليك شوق فى حاجة
يوسف:_ بصى ياملاك يابنتى انا والله عندى مرارة واحدة ومش عايزها تتفقع فأنا هامشى بدل مافقعلك عينك
ملاك:_ وهو فيه حد هاى زيك ياخالو ويقول هفقع
رودينا:_ بيئة اووى ياجو
يوسف:_ ان كيدهن عظيم، ربنا عالظالم والمفترى انا همشى عشان متنقطش
رودينا بضحك:_ خلى بالك لتزحلق
انفجرت الاثنتان من الضحك لتقول ملاك:_ فيه ايه ياعمتو، ايه الدوشة دى كلها
رودينا:_ باباكى ياستى عازم ناس عندو فى الشركة باين بيجهزوا مشروع مش عارفة
ملاك:_ اها قولى كدا، طب تمام انا رايحة الكلية عايزة حاجة
رودينا:_ عايزة سلامتك ياروحى
قبلتها ملاك لتذهب تحت أنظار رودينا المبتسمة لهذه الفتاة التى لم تحرمها من شعور الامومة تجاهها...
أنت تقرأ
الوجه الحقيقى للعشق_ سأقتحم حاجزك_
Romanceهى فتاة بسيطة تحب الحياة جميلة للغاية تريد ان تعيش حياة عادية لكن مسالمة اقتحم هو حياتها لتنقلب راسا على عقب لتغرق فى دوامة العشق وتقدم كل مالديها من دون مقابل لاتدرى اى حياة واى طريق ينتظرها ؟؟؟؟ هو شاب عملى صعب الطباع عنيد يهابه الجميع لديه قلب...