الوجه الحقيقى للعشق_ سأقتحم حاجزك_

الفصل الحادى والثلاثون

#إمبراطور_العشق _
#سأقتحم _حاجزك _
^الفصل_ الحادى _والثلاثون ^:_

:_ايه رايك في المفاجأة دي ياسيادة الرائد
فهد بتهكم:_كنت منتظرك بس كنت متوقع تيجي بوقار يليق بمنصبك مش بحملة دعاية
جاسم:_الكبير دايما لازم يبقا ليه حملة دعاية، عشان الكل يعرف هو مين
فهد:_دا انهي كبير بالظبط اللي اعرفه ان الكبير بيبقا كبير بعقله ومش محتاج حمله عشان يتعرف لانه اساسا الكل عارف هو مين ويقدر يعمل ايه، واظن اللوا قالك قبل ماتيجي ان حضرتك ياكبير مالكش اختلاط بيا يعني من الاخر مش عايز اشوف وشك يامعلم تمام
جاسم:_هتشوفني يافهد هتشوفني كتير اووي
فهد وهو يتجه بعيدا عنه:_يبقا انا مش مسؤول عن اللي هيحصل
ذهب فهد تاركا اياه يشتعل من الغضب
نطر حوله ليجد الجميع ينظر نحوه ليصرخ قائلا :_بتبصوا علي ايه
فزع الجميع ليتفرقوا عنه تاركين اياه يشتعل من الغضب.
توجه الي الثكنة الخاصة به بغضب جم لايري أمامه ليصطدم بشئ لايعلم كيف يصفه كل مايعلم انه يقسم ان ذلك الشئ يكاد يتحطم من اصطدامه به
رفع نظره بغضب الي ذلك الشئ ليتقابل مع تلك العينان الرماديتين اللتان أخذته الي عالم آخر
تصنم أمامها وهو سارح في عيناها ليفوق على صوت انثوي يصرخ عليه:_مش تحاسب ياعم
زال غضبه كله وهو ينظر إلى غضبها الطفولي ليبتسم ابتسامه خلابة زادت من عصبيتها:_وكمان بتضحك انت معندكش دم طيب والله لاعرفك
وفي لحظة دهست بقدميها الصغيرتين على قدمه ليصرخ بتألم وتنصرف مسرعة
جاسم بتألم:_يابت ال...... ثم تظهر ابتسامة أخرى وهو يقول :_يخربيت حلاوتك ياشيخة

كل هذا تحت أنظار فهد الذي شاهد الموقف ليقول بسخرية:_هي البنات دي بتاكل ايه، لسانهم محتاج قطع...

************

في المقر الرئيسي لشركات المصري
دلفت الي الشركة بتوتر وخجل شديدين متجهة نحوه وهي عازمة على سؤاله
توجهت حيث يوجد مكتبه ولكن في آخر لحظت غيرت رأيها واستدارت بسرعة لتهرب لكنه رآها ونادي عليها لتتصنم مكانها وتحدث نفسها:_ طب انا هعمل ايه دلوقتي ياربي ساعدني، ايه ده انا حاسة اني داخلة حرب ماتتعدلي كدا يابت هو هياكلك يعني، يووه بقا مش عارفة بس قطع كلامها بصوته الاجش الهادئ:_آنسه ملاك فيه حاجة
ملاك:_هاا لا قصدي
مصطفى بابتسامة هادئة:_خير عايزة تقولي ايه
ملاك:_هو بصراحة، هو حضرتك يعني
مصطفى:_اللي كملت التصميم صح
ملاك بدهشة:_عرفت اني هسأل عن كدا ازاي
مصطفى:_عشان مافيش بينا كلام غير ده
ملاك:_طب ليه كملته، ممكن اعرف
مصطفي:_شوفي انتي
ملاك:_مش فاهمة
مصطفي بابتسامة:_هتفهمي قريب

***************

في مكان آخر
:_البضاعة فين
:_مافيش حاجة غير لما الكل يتجمع ودا كان اتفاقنا من الاول
:_ اتفاق!! هههههههه ماحنا كمان كان اتفاقنا ان شريكتك تبقى موجودة معاك وقت التسليم بس مش شايف حد غيرك
زجره الاخر بعنف:_لا دي تشيلها من دماغك خالص وقسما بالله لو حد منكوا قرب ليها لهتكون نهايتكم
:_انت بتهددني ولا ايه ماتفوق يالا انت ناسي احنا مين وممكن نعمل فيكو ايه
:_لا مش ناسي انا مين وأعتقد أن انتو كمان مش ناسين انا اللي في أيدي ممكن يعمل ايه
:_ماشي يابشمهندس هتعرف اللي بقولوا ده كلام من اي جهه والبضاعة هاخدها بالزوق بالعافية