الوجه الحقيقى للعشق_ سأقتحم حاجزك_

الفصل الحادى والعشرون

# إمبراطور _العشق _

#سأقتحم _حاجزك _

^الفصل الحادى والعشرون ^:_

بعد مرور سنة

زاد تعلق آدم بأطفاله بطريقة رهيبة خاصة ملاك التى أصبح يرى ميرال فى كل تفاصيلها فكان يقضى معها اغلب أوقاته، بالمقابل ازداد حزن قلبه على فراق فاختفت ابتسامته تماما فلم تكن تظهر سوى مع أطفاله
أصبح فهد مع صغر سنه قادر على استيعاب مايجرى فى حياته وأصبح منطوى قليلا عن الناس

يوسف أصبح قاسى بعض الشئ وكأن حاله تبدلت مع آدم وازداد حزنه هو ورودينا عندما علما بعدم مقدرتهما على الإنجاب مرة أخرى ولكن مايهون عليهما تلك الطفلة التى احتلت كيانهما فمع عدم وجود احد يراعيها كانت رودينا نعم الام لها ولكن فى أحد الايام
آدم:_ خير ياأمى أنتى طلبتى تشوفينى
كوثر:_ايوة ياآدم فيه حاجة جه وقتها انك تعرفها
آدم :_فيه ايه قلقتينى فيكى حاجة
كوثر:_ لا ياحبيبى الموضوع اخذت نفسا عميقا ثم قالت مرة واحدة:_ انت لازم تتجوز ياآدم
انتفض كمن لسعته حية ليقول بحدة:_ اييييه ايه اللى انتى بتقوليه دا ياأمى، انا اتجوز تانى واحدة غير ميرال 
كوثر:_يابنى حاول تفهمنى، انت لسه صغير مش هتقدر تعيش حياتك كلها لوحدك
آدم :_ افهم ايه ياامى انا كفاية وجود ولادى فى حياتى وبعدين انا مش مستعد أظلم واحدة معايا انا مش هقدر احبها
كوثر:_ طب جرب يابنى مش هتخسر حاجة
آدم:_ اجرب ايه لا طبعا ياامى انا آدم عارفة يعنى ايه آدم، آدم اللى مالهوش وجود غير بميرال، ميرال ماسبتنيش هى لسه معايا روحها لسه معايا مافيش حد فى الدنيا يقدر ياخد مكانها
كوثر:_ ماقولتلكش خليها تاخد مكانها، ميرال كانت بنتى واكتر كمان وانت عارف بحبها قد ايه بس دا ميمنعش انك ابنى اللى ماعنديش غيره وانا مقدرش اشوفك وحيد بالشكل ده
آدم:_ياامى انا مقدر احساسك بس لا والف لا ان حد تانى ادخله حياتى حياتى مافيهاش غير مراتى بس
كوثر:_ بس مراتك ماتت ياآدم
آدم :_ ولو بس انا هفضل عايش على ذكرياتها الباقى من حياتى، لأن عارف ان ربنا مش هيعذبنى اكتر من كدا واكيد هيبعتنى لحبيبتى قريب
كوثر:- بعد الشر عليك يابنى ماتقولش كدا
آدم:- دا مش شر بالعكس هيكون النجاة ليا لو انا مكنتش مع ميرال مش هكون مع حد تانى ابدا، ولو سمحتى ياامى اقفلى السيرة دى وماتفتحيهاش تانى
هم بالانصراف ليلقى الصدمة الأكبر عندما قالت والدته:_ طب ولو قولتلك ان ميرال هى اللى طلبت منى اخليك تتجوز تانى!!!!

******************

فى المقر الرئيسي لشركات المصرى

كان يجلس وهو يطلع على بعض الأوراق لتحتد عيناه فجأة ويبدو الغضب على وجهه
ليقول بشرار يخرج من عينيه:- يابن ال******
ليأخذها ويذهب مسرعا
وصل إلى قسم الشرطة بسرعة البرق ليدلف إلى الداخل ويمسك بالظابط من ياقته ويقول بغضب:- بقا انت بتضحك عليا وبتقول انها ماتت والله لهوديك فى ستين داهية ومش هيكفينى فيك موتك، مين اللى قالك تقول كدا
جاء المسؤل عن القسم ولحسن الحظ كان صديقه ليقول :- اهدى يايوسف انت فى القسم ماينفعش اللى بتعملوا ده
يوسف بغضب:_ لكن ينفع اللى بتعملوه ده حازم صح
حازم:_ايه اللى حصل بس
يوسف:_ الكلب ده قالى ان بنتى ماتت فى العربية اللى اتحرقت
حازم:_ وبعدين
يوسف:_ولا قبلين معايا دلوقتى ورق يثبت ان اللى كانت فى العربية مش مكة
حازم:_ ايه اللى بتقوله ده
يوسف:_ اللى سمعته والكلب ده مشترك مع اللى خطفوها كمان والا ماكنش جابلى معلومات غلط وقال ايه هرجعلك بنتك وياتاريه كان بيتوهنى
حازم بحزم:_ يوسف معلش قابلنى فى المخزن شوية كدا
يوسف بحدة:_ مش ماشى الا لما، قاطعه حازم ليقول:_يوسف اسمع اللى بقولهولك
نظر له يوسف بغضب ثم ذهب
نظر حازم إلى ذلك الشرطى ليجد تقاسيم وجهه توحى بمدى رعبه
حازم:_ تعالى معايا ياشريف
شريف:_ على فين يافندم
حازم:_ هفسحك ياروح امك أمشى قدامى يالا.
شريف:_ححاضر يافندم
خرج حازم وهو يجر هذا النذل وراءه