الوجه الحقيقى للعشق_ سأقتحم حاجزك_

الفصل الخامس والثلاثون والأخير (الجزء الثاني)

#إمبراطور_العشق_

#سأقتحم _حاجزك _

^الفصل الأخير ^:_

بعد مرور أربعة أشهر
وفي أحد الأيام كانت مكة تبحث عنه في كل مكان ولكن لاتجده مما أثار القلق في نفسها لنذهب الي منزله لكن لم تجد سوا رودينا ورنا
رودينا:_مالك يامكة
مكة:_ماشوفتيش فهد بتصل عليه مش بيرد ومش عارفة هو فين قلقانة عليه مش عارفة أتصرف ازاي
رودينا:_اهدي يامكة اهدي ياحبيبتي، هو بيختفي دايما في اليوم ده
مكة:_بيختفي! مش فاهمة، وبعدين في الباقي فين ملاك وعمو آدم وعمو يوسف انتو قاعدين لوحدكو ليه على حد علمي النهاردة أجازة ومافيش شغل
رودينا:_اقعدي اقولك على حاجة، انتي مش ملاحظة ان اليوم ده دايما بيبقا اجازة عندنا احنا بس
مكة:_أيوا لاحظت بس هو النهاردة فيه حاجة مهمة يعني
رودينا:_النهاردة ذكرى وفاة ميرال يامكة
مكة:_ايه!!
رودينا بحزن:_من عشرين سنة لحد النهاردة واليوم ده مابيتغيرش لحد ماتعودنا عليه وبقا حاجة أساسية عندنا كلنا مش عند آدم بس، في اليوم ده دايما آدم بيختفي فيه من عشرين سنة وهو بيختفي لكن فين الله أعلم، أما فهد كان بيفضل معانا لحد اما كمل ١٥ سنة وبعدين اتنقله عدوة باباه واختفي هو كمان لكن هما فين دلوقتي ماحدش يعرف
مكة بحزن:_طب وملاك؟
رودينا:_ملاك! ملاك شافت كتير والله دايما في اليوم ده بتدخل غرفتها وبتقفل عليها ومابتظهرش، اليوم ده بالنسبة ليها من أسوء يوم في حياتها، مش عايزة تقتنع ان اللي حصل كان مكتوب وان مالهاش دخل بوفاة ميرال
مكة بدهشة:_صحيح النهاردة عيد ميلادها
رودينا:_بس بس اوعي تجيبي السيرة دي قدامها
مكة:_هو فيه حد مبيحبش عيد ميلاده
رودينا:_عمرها ماحتفلت بيه
مكة بتفكير:_بس السنة دي هتحتفل بيه
رودينا:_انتي بتقولي ايه، مستحيل حتى لو هي وافقت آدم وفهد مش هييجو
مكة بمكر:_سيبيها عليا، المهم هتساعدوني
رنا بحماس:_أنا معاكي
مكة:_اشطا، وانتي ياعمتو
رودينا:_أمرنا لله
مكة:_كدا تمام
في المساء
هبطت ملاك الي الأسفل لتحضر بعض الماء ولكن كان المكان لايعلمه الا الظلمة لتنادي بخوف:_عمتو انتي هنا، ياربي اعمل ايه انا بقول ارجع تاني الأوضة
ولكن أحد ما وضع يده على عيناها لتصرخ بقوة:_انت مين
ليأتيها صوته الدافئ:_اهدي دا أنا
ملاك بدهشة:_مصطفى! بتعمل ايه هنا
مصطفى:_هتعرفي دلوقتي بس انتي اهدي
ثم جذبها باتجاه الحديقة ليزيح يده من على عينيها لتظهر حمرتها وانتفاخها من كثرة البكاء
ملاك:_عملت ليه كده
مصطفى:_عشان أجيبك هنا
ملاك:_عايز ايه
مصطفى بحالمية:_كل سنة وانتي طيبة ياحبيبتي
ملاك بعصبية:_ماتقوليش الكلمة دي
مصطفى بابتسامة هادئة:_كل سنة وانتي طيبة ياأغلى حد في حياتي
بدأت بالبكاء لتقول بصراخ:_قولتلك ماتقوليش كدا
مصطفى وهو يزيح دموعها:_فيه حد يزعل لما حد يهنيه بعيد ميلاده
ملاك:_أيوة أنا، دا مش عيد ميلاد، دا اليوم اللي ماما ماتت فيه بسببي
مصطفي:_انا عندي الكانسر وفي مرحلة متأخرة كمان والدكتور مش هيقدر يعملي حاجة ومش هقدر اعيش اكتر من شهر
ملاك بصدمة:_انت بتقول ايه!!!!!!!
مصطفى:_دي الحقيقة للأسف، قوليلي بقا هل انتي السبب في اللي انا فيه ده، هل لو مت انتي السبب
ملاك:_بس انت بتخرف بتقول ايه اكيد بتكدي
مصطفى:_أيوا بكدي ياملاك الحمد والشكر لله طبعا اني سليم معافي نحمدك يارب، بس اللي انا عايز اوصلهولك ان مافيش حد سبب في تعب حد ربنا هو اللي كاتب ده هيموت امتى ودا أجله هيبقى امتى، احنا مالناش دخل واكيد الكل قالك كدا مليون مرة بس هقولهولك تاني مامتك فضلتك على نفسها بكرا ان شاء الله لما تبقى ام هتفهمي وتقدري اللي مامتك عملته، ربنا كاتبلنا أعمارنا، انا ممكن أموت دلوقتي وانا بتكلم معاكي ممكن انتي ممكن اي حد في الدنيا، ماتفرقش الطريقة بقا كل واحد وبيموت بالطريقة اللي ربنا مقدرهاله بس في النهاية كلنا رايحين لمكان واحد، ماينفعش تحملي نفسك حاجة مالكيش دخل فيها وبالذات حاجة زي دي، نفترض مثلا انك ماكنتيش في بطن والدتك مثلا دا كان هيخليها عايشة، لاطبعا لان دا نصيبها ودا قدرها وانتي لازم تفهمي كدا كويس، ربنا قالك "" كل من عليها فان ويبقى وجه ربك ذو الجلال والإكرام ""
الموت علينا حق ياملاك وكلنا إليه راجعون، مامتك محتاجة منك انك تعديلها مش انك كل شوية تأنبي نفسك، ياريت يكون كلامي وصل
انتهى من كلامه وكانت هي غارقة في دموعها، ضمها بذراعيه إلى صدره ليربت عليها ويهدئها :_عارف احساسك لان انا بردو جربته بس عارف ان هي في مكان أحسن من هنا عشان كدا بدعيلها وانا مبسوط
ثم أكمل بمرح:_ودلوقتي حان الوقت، ثم أخرج علبة قطيفة من جيبه وجعلها تغمض عيناها
ملاك:_دي ايه
مصطفى:_هتعرفي دلوقتي، ثم ألبسها اياها في عنقها
ملاك:_سلسلة!!
مصطفى:_لا خاتم
ملاك:_رخم
مصطفى:_كل سنة وانتي طيبة ياحياتي وكل سنة واحنا مع بعض ان شاء الله، يلا شوفيها
ملاك:_الله جمييييلة، شكرا ياحبيبي تترد في الأفراح ان شاء الله
مصطفى:_هههههه، بس ياهبلة تعالي الكل مستنيكي جوا
دلفت إلى الداخل لتصدم برؤية والدها وشقيقها مع باقي العائلة يبتسمان لها ابتسامة عذبة لم تستطع حبس دموعها لتركض ناحية والدها وتحتضنه
آدم بحنية:_كل سنة وانتي طيبة ياحبيبتي عقبال سنين كتيرة بخير
ملاك:_وانت طيب يابابا
فهد:_وانا ماليش في الحب نايب ولا ايه
احتضنته لتقول بحب:_كفاية انك احسن اخ في الدنيا
فهد:_كل سنة وانتي طيبة يابشمهندسة