حكايتي ( روايات ليبية )

حلقة 19

رواية #حكايتي
( واقع ممزوج بلخيال )
للكاتبة #حنو
الرواية بلهجة الليبية
الحلقة  19
.
وكانت تبكي قدامي بجهدها كله في الدموع وفي شهقاتها سخفتني شوية بس بعد قعد يرن كلامها في ودني معش قدرت نشفق عليها..انتِ بالله ع شن حاسدتيني قوليلي ترااا ع شششن💔ع ان امي وبوي توفو؟؟💔ع ان ماعنديش اخت تسندني؟؟💔ع ان عمامي كأنهم غرباااء؟؟💔ع الرزق ع الفلوس؟؟؟😡 خووووودديييييهم كلللللهم خووووديييهم 😭خودي الفلوس خودي الحياااااش خودددي كلللل شيييي💔 بس لو ترجع امي ويرجع بوي والله كل شي ليككك شن الفاااايدة في هدااا كللله واهلي متوفييين💔احكككي شنووو انتِ عندك حياتك عندك امك عندك بوك عندك خوت وواضح من لبسك عندك فلوووس عندك صاحبتك واقفة جنبك شن تبي من دنيا تاني احكي؟؟؟؟💔
ميرا..😢🤧
اسيا..اسفة
اني..ع شنو بالله علييييك ع شنووو ع الوجع الي سببتيهولي شوفي الي اني فيه توااا كلللله بسبببككك🤕والله مـ اني مسـا..
قطع عليهم صوت احمد
احمد..اني سمعت كل شي اضني ويا نور يا وخيتي نعرف ان ربي يسامح ع اكبر غلط احني من باش مانسامحوش البنية جاتك لعندك واعتذرت غلطها كبير وكان غلطها حيكلف حياتك بس مداما هيا نادمة خليها بينها وبين ربي🙂
اني..اطلعي برا اطلللعي معش نبي نشوووفك
ميرا..بالله عليك سامحيها والله اليوم كيف طلعناها من العيادة خدت جزاتها من بوي وخوتي بالله عليك والله الليل ماترقد فيه💔
اني ضحكت بهزوة..هه شفتي شفتي اختك كيف خايفة عليك من عذاب ربي وان الي درتيه يوليلك!!! ومزال تحسدي مزاال؟هه من الي بيحسد التاني اني والا انتِ بس حشاني اني متربية وبنت ناس وبوي الله يرحمه مربيني ع الصح بس انتِ شكلك مش متربية حشا اختك الي جنبك حسبي الله ونعم الوكيل في الظالم وبري ربي يسامحك🙂💔
طلعت اسيا وطلعت وراها ميرا
اني قعدت العبرة خانقتني ومانبيش نبكي وشادة روحي ومعش قادرة نتحمل نفسيتي تاعبة هلبا
سنابل..ءء نور حبيبتي
اني..خلوني بروحي لوسمحتو😭
طلعو وسكرو الباب وراهم وقعدت نبكي كنت محتاجة ان نبكي ونطلع الي في قلبي
احمد..من هدم
سنابل..زيني زيك مانعرفش بس حسيت انها مدايرة شي بينها وبين حذيفة وهدا الي خلا نور ادير الحادث💔
احمد..امممم الحمدلله صار خير
سنابل..ايه 🙂
احمد..ءء بنطلب منك طلب
سنابل..نعم!
احمد..تقدري تحدديلي سوريتي !!
سنابل..ءء ااه باه هاتها اني مكسدة اصلا
احمد..مش تحرقيها😏
سنابل..امالا دور من يديرهالك
احمد..امري لله 😂 تو نجيبها
قعمز احمد يتفرج ع TV وسنابل خشت للدار متعي وحددتله سوريته وطلعتهاله
احمد خداها ولف وطلع للمربوعة
سنابل..😑حتى شكرا لا متكبر😐مغرور😑
احمد..كنت مولي نقولك شكرا لكن طلعتي ماتستاهليهاش😏
سنابل..😳😳ياربي شن هدا عفريت كفين والنبي😒
خشت تجري لقتني راقدة فرشت جنبي وفتحت لابتوبي و فتحت ع مسلسلها ع نت وشكلاته ع TV وبدت تتفرج🍃
.
.
.
.
.
بعد فترة بدي حالي تمام وصحيت احسن من قبل الحمدلله😌
بديت نطلع ونبتت واموري تمام ومعاش مزال ع عرسي الا اسبوعين قعدت مهتمة بنفسي وناسية الكل😌
بدو خالاتي بايتين عندي فجأة نطت في بالي فكرة😌
اني..نوضوو
خالاتي..شن😳
اني..العرس مش حنديره اهني
ايمان..نووني شن تقولي
اني..العرس في حوشنا حوش بوي وامي😌هوا الي حنطلع عروسة منه وغير هالكلام ماعنديش🙂
وخشيت داري🤗
شوية وظمو كل شي ومشينا حوشنا وبدي العرس فيه عزمت جيرانة كلهم من بداية الشارع لنهايته كنت نبي الناس كلها تفرح معاي😌هدا اليوم خااص😍🙆
قعدو كل ليلة سهرية وجو واني فرحانة بس طبعا ناقصة لانها فرحة الام والاب هيا الاساس😓
وكل ليلة غني وجو وهياجة لعند جي يوم الحفلة
.
.
سنابل..يييي ياقلبي😍💘
اني..خيرك😳
سنابل..تتتهبلي تتباركك الرحمن عليكك😻🙈
اني..الله😍
سنابل..والله حلاتك يا نونو😌💗
اني..خجلتيني😂
قعدنا نهدرزو لعند جي احمد😍
لبستني سنابل الكاب وطلعنا اني ركبت من الخلف ع طول😂
سنابل..ءء خنركب جنبها
احمد..سواق بوك اني ماهو اركبي قدام😐
ركبت سنابل القدام وهي متكنطية وتبيش دير مشكلة في هدا اليوم فتح اغاني احمد وقعد داير جو👏🏻👏🏻💕ومرة مرة يعطي في نظرات لي سنابل وهيا كذالك واني مبتسمة صورتهم وهما يشوفو لبعض 😂 جتهم صورة روعة
شوية ووصلنا للصالة
نزلوني من سيارة
احمد..تي دخلي النم شعرك
سنابل..تي باهي خير بلاك انت تقول عليك راجلي😒
اني ضحكت وقمت يديا فوق..اللهم امييييين يارب
سنابل تحشمت وخشت تجري وخلتني واحمد نزل راسه وقعد يعاند فيا وهو وجهه احمر
اني..تقول مش انتم الي بكري تعطو في نظرات لبعض ههههههه
احمد..نور يافرخة مش وقتك
اني..خزي اني توا مش فرخة يا استاااذ ركزز
احمد..😂والله حتخلي مكانك هي باهي
اني..الله غالب هدي سنة الحياة
وركبوني خشيت ولاقتنا مسرة خششوني للدار وخشولي خالاتي
اني..يي ايموو تهبللي طالعة😍
ايمان..هههههه محلاك ياحلوتي
اني..طالعة لخويلة🙆
خالتي..الف مبروك يابنتي ان شاءالله ربي يسعدك ويهنيك
اني..الله يبارك فيك امين يااارب
نورا..نونووو مشاءالله طالعة قمممر
اني..تسلميلي😍حتى انتِ والبيبي مخليك دبة هههههههههه
نورا..اففف زي خالك🙄
اني..هههههههه
ايمان..هي بتخشي
اني..وين احمد
سنابل..قعد برا
ايمان..نادي عليه يا سنو مدامك مانحيتيش واني خلي نطلع😌
طلعت خالتي وطلعو وراها خالاتي ومرت خالي و خشلي احمد
اني..حميدتي
احمد كان عيونه معبيات دموع وخانقاته العبرة وشاد روحه شدلي يديا وقام راسه فوق استنشق هواء وبعدين شافلي وتنهد💔
احمد..اليوم وليتي عروسة😍وطالعة زي الاميرات نبي نقولك شي وخليه في راسك اني خوك وسندك و وبوك وامك واختك ماتخافيش لو يوم حذيفة دارلك شي والله حتلقيني اول من يوقف معاك لو في يوم صارلك شي حتلقيني جنبك مش تقولي ماعندي حد عندك اني ردي بالك في يوم يضربك او يهينك وتسكتيله تعاليلي اني ونردلك كرامتك واعتبارك ومادرقيش عليا شي مهما كان السبب فاهمة واني واثق منك وواثق من حذيفة انه راجل ويحبك وحيصونك ومستحيل يضرك يا احلا دكتورة شافوها عيوني ربي يباركلك وربي يبعد عليك بنات واولاد الحرام ارفعي راسي فوق وخليني ديما مفتخر انك اختي خليك قوية وياجبل مايهزك ريح خليك ديما قوية في اصعب المواقف خليك كيف ماعرفتك ولا تخلي مخلوق يغيرلك افكارك وطموحك تفكري ديما انك عندك سند تتسندي عليه ومستحيل يغيره شي عليك❤وتوا هي نخشو
اني كان كلامه مأثر فيا هلبا وفرحني هلبا وزعلت ان بنفارقه بعد كل هالسنوات كان ونعم الاخ..ربي يخليك ويحفظك ليا يارب ويديمك فوق راسي وخيي😍
باس احمد ع راسي وطلعنا خشينا ع اسماء الله الحسنى واول مانفتحت اتذكرت شي
.
.
.
قبل سنوااات💔
ماما..تعرفي شن نبي اني يوم حفلتك
اني..اياح ياماما تو قتلك نبيش نتزوج نبي نقعد معاك
ماما..غير نكمل دوتي اسكتي
اني..باه
ماما..اول ماتخشي هكي ع اسماء الله الحسنى ويدخلك احمد هكي نتخيل فيك اني توا ههههه واني نبخر فيكم
اني..اياح ع اساس بتخليه مرت عمي يدخلني تي هكي ومش قايلتله ان احني خوت فكيني منها ترا
ماما..ايه بالله بس والله احلا شي في الحفلة لما تخش العروسة ع اسماء الله الحسنى خير من هالاغاني الجدد
اني..ايه صح حلوة😍
.
.
.
ورجعت لوضعي ونشوف في خالتي جايبة البخور وتبخر فينا تقول تقرا في افكاري💔
نمشو اني واحمد ومبتسمين
اما احمد وراء ابتسامته هدي قلبه الي يعصر فيه تقول بيطلع بنته مش اخته💔فكرة انها تبعد عليه مش قادر يستوعبها😓
وصلو وتلفتو وقعدو واقفين وتصور فيهم المصورة واديرلهم في لقطات
فتحولنا اغنية
.
.
سميتكگ أخـو💗 عـلى عـناد العـدو😌💪🏻
تجـوتيي والـننعـم كفو منكگ كگفو❤
ياوحـد من هـلي😌ياعـشققي الأولـي🙆🙈
اخـويي الهـيبة اسمـييككك💪🏻💕
اشـدن ظهـري بـس بيگگ🙅🏻
أهـد ويـاااكگ لـلموت😌وحدكگ مـا أخلييگ✋🏻💛
يـاحزاام الظـهر❣👑
اـيه ولـك😌💙
بـس بـيگگ أفـتخخر😌👌🏻
بـس✋🏻💚
أحـط عممـري بإيـديگگ❤🙈
ولـگ تـؤمـر أممر💕💛
خـادم😌
غلاتـك بالـقلـبب❣
وغـيرگ ما أحبب💕
قـد مـاغـالـي أنـتَ😌💛
سمـيتگگ ذهـب😌👑
سميتكگ أخـو💗 عـلى عـناد العـدو😌💪🏻
.
.
تمت الاغنية وباسني ع جبيني وطلع💛✋🏻
كانت العبرة خانقاته وبيبكي عيونه شفتهم كيف يتهربو مني ويبيش يحطهم في عيوني باش ماينزلوش دموعه💔
شوية هكي وطلع وخدي روحي معاه قعمزت وكنت نبي نتنفس زين باش مانبكيش الميك اب غالي ياجماعة🙃👌🏻
سنابل..اااخ ع خوك هدا
اني..هههههههه ماطيحتيشي شن بنديرولك
سنابل..طايح هوا غير يكابر🙃
اني..اممم ت نشوفو
قعدت ندردش اني وسنابل لعند ناضت هيا وشوية نتلفت نلقا طاولة فيها نساوين عمي ويهدرزو ياقلبي ني ياريت نقدر نصدقكم نحلف عليكم الا تقرمو فيا🙂😐تلفتت وقعدت نتفرج ع ناس وع الاجواء وع البنات الي يرقصو قدامي وكانت الصالة معبية اخخ ياميمتي كان حية بس😣الله يرحمها💔جتني المصورة وبدت فيا تصوير لين عيوني وجعوني🙄
شوية وريت فوني هزي في يدي شفته لقيته مسج من حذيفة
حذيفة..حبيبي اني قريب نوصل❤
اني ابتسمت ع طول
المصورة..نكمل
اني..باه غير ناديلي ع سنابل
مشت المصورة نادتها وجتني..نعم
اني..حذيفة شوية ويوصلو قولي لخالتي
سنابل..اووك
كملت المصورة واني مقعمزة ونستنى شوية هكي وانوض نخش للدار نسمعهم جو كنت نواسي في روحي نعدل في روجي وجوي حلو شوية ونسمع حذيفة فتح الباب وخش اني قلبي قعد يدق يدق يدق وتوترت وتلبكت معاش عرفت نتللفت والا لا خايفة وفرحانة😣
حذيفة..حبيبي💗
اني تلفتتله وكانو عيوني معبيات دموع
حضني حذيفة وحتى هو عيونه مدمعات..ياروحي ليش بس الدموع توا
اني..فرحة😢
حذيفة..ههههههههه باه نحبك والف مبروك لينا يامرتي تصدقي فرحان هلباااااااااااااااااااااااااا
اني..واني اكتر فرحتي ماتنوصفش😍
حذيفة دارلي يده..هي نطلعو
اني..استنى نصورو قبللل
حذيفة..مزال قصدك😐
اني..يس 😂
خشت المصورة وخدتلنا كم لقطات وخشينا ع اغنية لا اله الا الله الف الصلاة والسلام عليك ياحبيب الله محمد( حسين الجيسمي )
خشينا ووصلنا وكانت المصورة تصور فينا في كل لقطة قعمزنا وجوني اهله يسلمو علينا ويباركولنا😍
اني..وين سوسن
حذيفة..حي ع دماغ ماه حتى هيا حفلتها اليوم
اني..يييي ع النسوووة 😂😂حي معناها نبي نلحق عليها💔
حذيفة..😂😂😂مش منك عادي به هي نوضي نقصو التورطة ونطلعو
اني..تمام
نضنا وقصينا التورطة قبل نبي نرقصو بس هو مايبيش🤦💔
طلعنا وقفوني سلمت ع خالاتي وجابتلي سنابل الكاب ولبسته وقعدو يتغمرو فيا بس الغريب مابكيتش🙃ممكن ان ماما مش معاهم💔
اني..مع السلامة💗
شديت في يد حذيفة وطلعت من صالة وقعد ينزل فيا بشوية بشوية جاه احمد وهو عيونه حمر
احمد وصوته مخنوق..دير بالك عليها
حذيفة..في عيوني
احمد..رد بالك منها💔
حذيفة..حاضر ماتخافش عليها✋🏻💛
ركبوني هما الزوز في سيارة ومشي حذيفة بيركب وكان احمد مطبس عليا..ديري بالك من روحك واي شي كلميني اني وماتبعديش عليا❤
سكر عليا الباب وخلاني في حالة نزلو دموعي ومعش قدرت نشد نفسي😣
حذيفة بدي يسوق وشوية وحس عليا ان نبكي
حذيفة..خيرك شن في
اني..ششي
حذيفة..خلاص حبيبي نوعدك كل يوم تكوني عنده بس خلاص بلاش دموع💔
اني..صح؟ بالحق حترفعني ديما ليه؟
حذيفة..ايه والله
اني..نحبك
حذيفة شد يدي وباسها وهوا يسوق وقوا الاغاني ويغني معاه بالصوت العالي وفات روشنه..قدااااام كل الناااااس اليوووم جنبيييي غاااالياااا اليوم بشرع الله انااا ليه وهووا لييييا والليلة باااااي بااااااي تشااااو يالعزوووبية😂😍
اني..😂😂😂
.
.
عند سوسن كانت متوترة وفرحانة ان خدت حبيبها الي بنت هيا وياه احلامهم مع بعض وفرحانة انه كان معاها راجل✋🏻ووفا بوعده ليها وبحبه ليها
كانت في صالة واقفة في دار وتستنى في محمد يخش عليها لانة سمعتهم وصلو وخشو وكانت اصوات الزغاريط تتعالى والترحيب بأهل العريـس👏🏻
لحظات وخش عليها فارسها حبيبها تلفتت وشافلها وشافتله
محمد حط يديه ع عيونه ومعاش قدر يسيطر ع روحه نزلو دموعه وهو يشوفلها كانت المصورة معاهم وتصور فيهم اما سوسن الي كان قلبها بيطلع من مكانه خلاص محمد والا راجلها وبدون خوف وقدام كل الناس هوا ليها وهيا ليه😊 فرحة بينهم كانت اكتر من فرحة نور وحذيفة لانهم عانو بسبب حبهم لبعض هلبا وصبرو وناول😌
طلعت المصورة تقدم محمد لسوسن وحضنها
محمد..مش مصددق
سوسن..ولا اني مصدقة ولااا اني يامحمد واخيرا واخيرا بعد كل شي احني مع بعض😌والله فرحانة وفرحتي مانقدر نوصفها
محمد باعد عليها شد يدها وحطه ع قلبه..من اليوم انتِ ليا واني ليك من اليوم قلبي هدا ملكك وقلبك ملكي من اليوم مافي ي يفرقنا سواء الموت من اليوم حبيبتي اني وياك وااحد من اليوم نوعدك تعيشي معاي احسن عيشة من اليوم ياروحي مستحيل نباعد عليك ولا نخلي مخلوق يخش بيننا واخيرا وليتي مرتي وحتكوني ام لصغاري يا سوسو
سوسن فرحتها كانت مش قادرة توصفها وزادت بكلام محمد ليها..محممد خلاص فكنا منه الاسم هدا شن سوسو
محمد ضحك..ههههههه باهي حاضر ياروح محمد انتِ
وقفو جنب بعض خشتلهم المصورة وكملت تصويرها معاهم وبعدين طلعو خشو ع اسماء الله الحسنى وبعدين جابتله اخته المايك🎤 وجي مقابل سوسن وقعمز ركبة ونص وشد يدها..تسمحيلي بأول رقصة لينا مع بعض😊
سوسن وعيونها مدمعات..اكييد😍يامهبول ههههههه
والبنات يتصايحو وذايبات معاهم(جبت معاي ليم لحلقة اليوم🍋🍋🍋🍋🍋🍋)
نزلت سوسن و رقصو الزوز مع بعض ع اغنية
(بهاللـحظة بـذات مـن حـدي ماتـرووحـي❤ بهاللـحظـة بـذات تـوحـدنـااا يـاروحـي😌....الخ)
محمد..تصدقي ع قد مانوصفلك حبي ليك مش حنوفيه
سوسن..ولا اني نقدر نوفيه كلمة نحبك نحس فيها شوية ع الحب الي نحملهولك💕
وشوية وطلعو ومشو للدخول
.
.
عندي اني وقعدو سيارات صحابه ورانا وكلاكسات ويجو جنبنا مرات ينابشو فينا
لعند ماوصلنا لعند صالتهم خشيت واسوني وخش حتى هوا معاي
دخلنا وكانت عميمة بدرية تزغرط وفرحانة وشادة الوشق وتوشق فينا مالحقتش ع سوسن كانت كيف مروحة اضايقت ان ماشفتهاش بالفيلو🤦💔
خشينا ووقفنا شوية وقعمزنا جت صورت معانا امه ونساوين عمه و بعدين جو خالاته صورو وكان جو حلو💗
بعدها طلعنا وروحنا لـ❤💒
خشينا
حذيفة..من اليوم هذا حوشك وحياتك حتكون معاي وحتكوني ملكة الحوش هدا ياروحي سامحيني لو غلطت فيك في يوم والله نحبك ياقلبي انتِ💝
خشينا للحوش داخل قعد يوري فيا في كل دار وكل مكان في الحوش وبعدها وصلنا لدار النوم خشينا
حذيفة..عليك المي!
اني..ايه
حذيفة..باه هي نصلو
صلينا وتمت هالليلة ومن احلا يوم في حياتي💕
.
.
.
.
بعد شهر بديت قراية وكان حذيفة معاي ومش منقص عليا شي كل سبل الراحة موفرهالي كنت فرحانة بيه وفرحتي مش سايعتني❤بيه😌
اني..حبيبي وينك
حذيفة كان في مكتبه وحاط الاوراق قدامه ويشتغل
حذيفة..اني في المكتب
اني..تفضل هذي قهوتك عيوني تبي حاجة تانية؟ اني خلي بنبدا نقرا لانة امتحاناتي قربو
حذيفة..خليك جنبي بس اقري جنبي
اني..نخاف نزعجك
حذيفة..اشش وبري جيبي شيتاتك وابدي اقري
مشيت جبت حجاتي وقعمزت جنبه في المكتب وبديت نقرا وكنت غارقة في قرايتي ومانحسش الا بروحي دايخة ومش واعية ع شي🤦
حذيفة تلفت لما سمع خبطة راسي لقاني اني يحسابني نعست ورقدت قعد يفيق فيا..نور نور خيرك نور نوضي حبيبتي ماتخوفينيش قعد يفيق فيا مافقتش كنت حاسة راسي رزين ومش قادرة نفتح عيوني
مشي ناض حذيفة جابلي البرفيوم وقعد يبخلي فيه ع يديا وقعد يشمملي فيه فقت وحسيت راسي يومجع فيا🤕
حذيفة تنهد وعقد حواجبه.. #يتبع
.
.

إذا عجبتك القصة لا تنسي الإعجاب و الإضافة ليصلك كل جديد مشاركة القصة مع الأخريين
و لا تنسوا أيضا تعليقكم و اقتراحاتكم لنقدم ما تريدونه

MBC LIBYA تابعوا صفحة