حكايتي ( روايات ليبية )

حلقة 38

رواية #حكايتي
( واقع ممزوج بلخيال )
للكاتبة #حنو
الرواية بلهجة الليبية
الحلقة 38
.
.
.
طق عليا الباب عمي عادل وهو مبتسم وفرحان
اني وقفت..اهلين عمي
عادل وهو الفرحة مالية عيونه..قعمزي بنتي هدا مكتبك اصللا من اليوم رجعتلي حياتي اني من اليوم رجع بوك يخدم معاي😍
اني ابتسمت رغم عني..ههههه مستحيل نجي في مكان بوي بس اهو نحاولو
عادل..اايييه يابنتي شوفي السنين كيف تجري
اني بحزن..ايه ياعمي ريت اخرتها راجلي قتلوه مني تخيل ياعمي كنا ماشيين بنديرو عمرة مع بعض💔بس شوف شن صار فينا
عادل..شن القصة هيا
اني..من قبل حتى مانتزوج في واحد كان كل مرة يطلعلي في مكان وع اساس يبيني ويحبني صارت خطبة لي حماتي المهم طلع يقربلها وخطبتني امه وفات الوقت وعرفته هوا كنت حنوافق عليه بس بعدها بعتلي مسجات انه تاجر مخدرات وحجات زي هكي ومانصلحش ليه فته حتى اني باب وسكرته مش ناقصني مشاكل قلت المهم برا برا بدي اعجابي بي حذيفة وحذيفة بدي يتقرب مني خطبني وبعد فترة تزوجنا ويوم كان تدكر الي صارلي ان نضربت برصاص كان منه هوا قعد يطارد فينا وكان يبي يخطفني سافرنا وحتى نسيناه رجعنا وبعد اطمنا انه نسانا رجعلنا الكابوس من جديد🖤وانتهي بموته😔
عادل..الله لا تسامحهم ربي يلطف بحالك يابنتي والله انك وجعتيني وادمرتي منهم ومن كل شي ربي معاك الحمدلله
اني..ايه الحمدلله وتوا قررت نكرس حياتي لصغاري وبس انأمنلهم مستقبل صح ويعتمدو ع بعضهم وبسس
عادل..ربي يحفظهملك😊يادكتورة وابدي استقبلي حالات من توا
اني..ايه ان شاءالله
وبدو يجوني الحالات وكنت دكتورة نساء ف كان تخصصي الي نبيه ومستمتعة بيه بس كل مايخشو عليا زوز نذكر خشتي اني وحذيفة وفرحتنا بأول بيبي وكيف يفرحو الله ع هالايام 💔
لعند كملت دوامي وروحت طول
مشت الايام واني نحاول نتفاداها الي اسمها انسام بس شكلها مزال ماتعرفنيش
.
.
محمد..يا طارق قولي الراجل حي والا مييت ؟؟
طارق بضحكة..خيرك ياولد خالي شن دخلك بيها الامور هدي
محمد..فهمنننني😠
طارق..ايه عايش بااااهي
محمد..كييييف عاااايش ودرته ميت كييييف!!!!! علاش تكدب ع اماليه ومرته وصغاره علاااااش؟؟
طارق ببرود..شن الي وصل فيك انت
محمد..واصل فيا هدا خو مرتييي
طارق..اني مش حنطلقه لين ما يطلق مرته و نتزوجها
محمد..كيف هكككي فهمممني يا$:؛#-"&# بااااهي ؟! كيف تبيه يطلق مرته
طارق..راه بديت تغلط راه اني.متحملك الايام هدي ع خاطر الدم الي بيننا
محمد..مانبيشي الدم اني الي بيننا
طارق..صار ماتبيشي اسمع اني ماعنديش خلوق لتكسير راس دير روحك مشعارف والا والله صغارك ماعاد لاقيهم اهو قتلك اني مش طالقه لين ما يطلق مرته😒وهي تشاو
سكر ع وجهه ولوح فونه وهوا يفكر في محمد وكيف يبعده عليه
اما محمد الي يدور في الحوش ومش عارف كيف يدير كان سكت مصيبة وكان دوي مصيبة اكبر وعارفه يديرها
.
.
حذيفة وهو يفكر ياربي ساعدني ياربي نرجع لصغاري ومرتي😔يااااارب احميهم منهم ومن شررهم يااااارب لو ناويلهم شر يجو ييديروه فيا ولا يديروه فيهم ياااارب😭قعد حذيفة يدعي ويشوف للمكان الي مسجون فيه ليه توا اكتر من شهر وهوا اهني فجأة نقلبت حياته وانقلبت الموازين وانقلب كل شي في حياته قعد يدعي لربي ان يفرج عليه كربته
جاه طارق فتح عليه الباب بقوة
حذيفة..استغفرالله وخلاص شن تبي
طارق..تكلم زين احسنلك
حذيفة..شن مزال تبي ادير يعني
طارق بإستفزاز..ايه المدام بدت تشتغل وكملت حياتها ولا كأنك كنت موجود
حذيفة وقف بثقة..الحي ابقى من الميت
طارق تلفت وهو مذهول من البرود الي بيجلطه..هه بعد ماكنت موقفها شكلها ماصدقت متت ومشت تخدم
حذيفة..عادي شن المشكلة يعني مش نهاية الدنيا موتي هدا شي تاني شي كيف تبيها توكل صغارها وتوقف ع حيلها وتزيد تتقوا وهدا شغلها اني كنت موقفها عليه بس لاني نبيهاش تتعب واني موجود☺بس توا اني مش معاها وهدا حقها😏
طارق نزل في حذيفة ضرب اما حذيفة اهني والا عليه وطاح في طارق ضرب زي المجنون لانة كان حذيفة مش مربوط زي كل مرة طاح فيه ضرب ورفس وفش غله فيه فجأة جو رجالة طارق وقاموه وربطوه
حذيفة..يا جبنااااء هههههههه باش تعرفو روحكم بسسس ماتقدروش تضربو الا لما اني مربوط بس 😂😂
ويجيه كف وبوكس وتيروات وماخلو مادارو فيه ولوحوه زي كل مرة
.
.
.
اما عندي اني كنت مرهقة وتعبانة رقدت طول وخليت صغار عند حوش جدهم
نضت مع العشية حسيت روحي مكسدة قعدت نصلي وندعي لي حذيفة ليش مش مصدقة انه مات 🤕 رغم ان فاتت ع وفاااته فتتترة كبيرة وقريب ينسوه الكل الا اني ياحبيبي الا اني في كل شي عندي ليك ذكريات😔حتى حوشنا اني وياك معاش قدرت نخشله ومش حنخشله الا معاك😔هذا لو ظني في محله قعدت ندعيله هلباااااااااا وقعمزت نقرا في قرآن💚
بعد كملت قعمزت فتحت تلفوني شفت لقيت مسج من طارق كالعااادة كل يوم لازم من مسج منه زعميتك يبي يدير زي مادار قبل اما اني نشوف وكل مانشوف نزيد نحقد عليه ونكرهه اكتر😬واكتر
.
.
.
.
تاني يوم نضت بكري صغاري مش معاي شدهم جدهم وكانو مستاحشينهم هلبا خليتهم عندهم مشيت للعيادة طول خشيت مكتبي حطيت شنطي وحجاتي ولبست البالطو وشربت اميا دعيت ان ربي يمشيلي اليوم هدا ع خير وكنت مضااايقة وفي قلبي غصة ومفهمتش خيرني شوية وخش عليا المدعو طارق😏
اني..اوهوووو طارق جاني وفي مكتبي كنت تقول راه فرشنالك البساط الاحمر عيب عاد واستقبلتك احلى استقبالل يليق بيك وبكيانك يا مجرم🙂
طارق جي قعمز في مكاني واني كنت واقفة ونشوفله وكان يلعب بالبيرو متعي..مافيك من دوة اني جاي نقولك كلمتين وطالع بما ان حذيفة مات😌تتزوجيني🙂واني راضي بصغارك وحنعيشك اميرة والي تبيه اوك وهدا منغير الفلوس والسواقين والخدم وكل شي تبيه اوك😉واني تحت امر كل شي تبيه لبس مكياج خدمة كله تبيه تمام😊هااا شن قلتي
اني ربعت يديا وابتسمت وقربتله وصبعي في وجهه..نجوم السمي اقربلللك من انِّ نكون ليك يا مجرم يا سفاااح
طارق..له له له علاش القسوة هدي كلها ياروحي
اني..طالعة اطلع روحك ياااارب توا لو سمحت اطلع برا لاني عندي شغل ومش فاضية لتفاهاتك
طارق وقف وكان اطول مني وقريب ليا وحط صبعه قدام وجهي..حتشوفي ايام عمرك ماشفتيها
اني..ع اسساس يعني اني مش شايفة شي شفت الي ماشافه واحد واهو الحمدلله عايشة بكل قوة وكل ماتزيد ادير شي اني كل مانزيد نتقوا يا مجرم تحسابني بنخاف منك والا بنخاف من الي مستأجرهم ههههههه تي اني مانخاف الا من الي خالقني وهيا توا برا براااا
طلع طارق وهو متنرفز ورافع خشمه فوق ومش حاسب حد قدامه😏
طلع واني المرة هدي ولا دمعة نزلت مني وكلني قوة واسيت روحي وطلعت
وقعدت نمر ع الحالات (الموقف الي توا بنذكره عموما صاير حقيقي موقف الممرضة والمخدر والبيبي الي قريب مات بسبب الشي هدا مش من الخيال صاير مع قريبتي😊)
انسام جت للممرضة..اسمعي في حالة رقم غرفتها 20 بري اضربيلها يبراء مخدر تراه نفختلي راسي لا بت تجيب ولا خلتني نرتاح
الممرضة التانية..حوليها ع دكتورة نور مرات تعرف تتعامل معاها
انسام تكنطت..وشن اني مش مالية عينك اووو وبعدين من امتى ولت دكتورة نور يعني شن هالحاجة الكبيرة هيا تقول عليها صاحبة العيادة هيا هه😏 اني راجلي هني صاحب العيادة واني الي نقوله يتنفد بالحرررف
ناضت الممرضة وهيا خايفة ومشت طول دارت الي قتلها عليه
فتت من قدام غرفة ونسمع في وحدة تتألم اني خشيت لقيت الممرضة عندها كيف ضربتلها يبرة
اني..خيرها؟
الممرضة..نفختلنا راسنا من بكري وهيا شاداته بواصي وعياطات دلع بكل جتني دكتورة انسام قتلي اعطيها مخدر
اني..علاش تعيط هيا ؟؟
الممرضة..ع اساس بتجيب يعني هههه وهيا مزال وقتها
اني نصدمت فيها..كيييف وعطيتيها مخددددر؟؟؟
الممرضة خافت..ايه خيرك
اني..وقالتلك انسام تعطيها؟
الممرضة..ءء ايه والله هيا قتلي نفختلي راسي سكتيها
اني..ترا ساعديني نكشف عليها وحي عليكم حي لو صار الي متوقعاااااااته
كشفت عليها وكان حتى من راس البيبي باين.. تي كيف الاهمال والتسسسيب هدااااااا بسسسسسرعةةةة حولووووها لي غرفة الولادة
طلعت اني نجري وراهم وهما مطلعينها
انسام تشوف كيف يتجارو جتني..معليشي هدي الحالة تبعي كيف تسمحي لنفسك اطلعيها او تقربي جيهتها
اني شفتلها من فوق للوطة..كلامي معاك بعدين يلي مدايرة روحك دكتورة
وكان الكل يسمع فينا
خشيت للغرفة وقعدنا نحاولو نفيقوها بس عبس خششناها ع غرفة العمليات وكانت اولي عملية
درتلها العملية والحمدلله انقذتها وانقذنا البيبي😌شوية وكانت الممرضة بتطلع تبشرهم
اني..اصبببري ماتطلعيش نكملو ونطلعلهم انييي خاطري نطمنهم بنفسي ونطلع بالبيبي اني
الممرضة..تمام دكتورة 💕
وفات الوقت خديت البيبي كان ولد زي العسل💙قمته
اني..بسم الله ووقتها جت قدامي لقطة كيف عطاني حذيفة محمد في غمري دمعو عيوني وشديت روحي وطلعت..الف مبروووك والف الحمدلله ع سلامتها❤
الراجل..الله يبشررك بالخييير واخير واخيرا بعد 10سنيييين ربي رزقني بطفل الحمدلله يارببببي
ونزل سجد شكر لربي انه اطعمه هالنعمة هدي اني ابتسمت وعطيته البيبي اذن في ودنه وعطاهاولي حطيناه في الحضانة وشوية وطلعت المريضة لي غرفتها واني مشيت لمكتبي وناديت ع انسام شوية وجتني
انسام وهي تدلع بمشيتها..نعم يا هه دكتوورة
اني..انتِ عارفة نفسك مع من تدوي يا انسة!!!
انسام..ههههههه ومع منو يابعدي بنت السلطان؟ والا بنت الوزير والا بنت الرئيس والا بصفتك شنو صاحبة العيادة الي جاية تتأمري تقول عليك جايبتيها من رزق بوك خيرك ياماما العيادة هدي متع راجلي انييي
اني ابتسمت ونضت من الكرسي ووقفت قدامها ونشبحلها بنظرات تحدي وبنضحك عليها وعلى الصدمة الي بتتلقاها
اني حطيت يديا في جيوب البالطو..خلينا نحكو بالمهم انتِ كيف تتصرفي هكي كنتي حتخسري حياة انسانة والبيبي الي في بطنها فهميني وين قريتي طب!؟ تي نحس فيك واسطة تي معقوووولة مرااااء تتتووووجع وفي خيار وجااااااعهاااا تمشي تعطيها مخدر تخدريهاااا لانة راسك يوجع فيككك خيررررك وين عقلللك بالله انتِ قريب خليتيهم يخسرو بيبي يستنو فيه ليهم 10 سنين عارفة شن معنى 10 سنييييين يعني 10 سنين من زواجهم لحد توا صابريييين وجيتي في اللحظة الاخيرة بتلبزي عليهم كل شي افتحي عقلك يا هه دكتورة وألهي بخدمتك
انسام..اولا اني مادرتش شي تانيا هدا كله من الممرضة تالتاً انتِ منو باش تتكلمي معاي بالاسلوب هداااا من تحسابي روحك ياماما هي اصحي ع عمرك واعرفي مع من تتكلمي فاااهمة ناقصني وحدة زيك ادير عليا دور الدكتورة
اني تلفتت وقعدت حاطة يديا على عيوني باش يمشي صداع وتلفتلها..اني صاحبة العيادة توا عرفتي منو اني😊
انسام من الصدمة نفلقت بالضحك..😂😂😂😂ووووووووه جناااااابي هههههههههههههههههه توا انتِ من كل عقلككك تبيني نصدقك هههههههههه
اني تلفتت للروشن ونشوف للناس..اه ونسيت نقولك انتِ مطرووودة ومن توا انتهي شغلك عندنا ياريت تورينا عرض كتافك تحملت اخطائك بما فيه الكفاية
انسام..والله انك واخدة في روحك مقلب
اني..ماعنديش وقت نضيعه مع المفرخ تاني شي بوي صاحب العيادة وعمي عادل وراجلك كانو يشتغلو فيها باش العيادة ماتوقفش ف كانت العيادة من بابا والخدمة من عمي عادل وراجلك لحد ما اني نكبر ونجي للإدارة بس بابا توفى ف اني مانقدرش ف قعد فيها عمي عادل وبعدها تزوجت وسافرت ولهيت ومالهيتش بالخدمة بس توا هه رجعت وبقوة توا صدقتي
وتلفتلها..وياريت تعطيني عرض كتافك ومعاش نبي نشوفك عندي لعند ماتصلحي من نفسك
طلعت انسام وملامحها متغيرة للصدمة والاستغراب ان راجلها ماحكالهاش روحت طول خشت لحوشها وهي تخبط وتبكي
.
.
.
إذا عجبتك القصة لا تنسي الإعجاب و الإضافة ليصلك كل جديد مشاركة القصة مع الأخريين
و لا تنسوا أيضا تعليقكم و اقتراحاتكم لنقدم ما تريدونه

MBC LIBYA تابعوا صفحة