حكايتي ( روايات ليبية )

حلقة 28

رواية #حكايتي
( واقع ممزوج بلخيال )
للكاتبة #حنو
الرواية بلهجة الليبية
الحلقة 28
.
.
.
روحو كلهم وقعد معاي حذيفة مقعمز ع كرسي ويتفرج عليا نضت اني شفت حذيفة
اني..حذيفة
حذيفة..حبيبتي
اني..وين اني
حذيفة..انتِ في العيادة
اني..كيف حال ولدي
حذيفة..وبنتك تبيش تسئلي عليها؟
اني..بنت شنو
حذيفة..تندريش والا شنو
اني..كيف
حذيفة..😂ياعمري معناها لحظة بسس
طلع للممرضة واقنعها تجيبهم جابتهم واحد ملبسينه سماوي وتانية ملبسينها بودري
حذيفة..حبايب البابا جو
اني واسيت روحي قعمزت..حذيفة عاد
حذيفة..ههههههه جبتي توم ياقلبي😉😍
اني..حييي بالحقااا😍
حذيفة..ايه
اني..الحمدلله يارب وشكر ليك😍
حذيفة..هههههه الف مبروك علينا ياروحي
اني..الله يبارك فيك😍مش مصددقة
حذيفة..هههههه ولا اني مصدق
جت خدتهم الممرضة ورقدنا احني تاني يوم صبح جوني كلهم احمد و سنابل فرحانين
احمد..هي احني بنوضو
اني..خيركم مزال
احمد..للأسف طيارتنا بعد ساعتين
اني..الله😓
احمد..ايه اني باش نحضرك ونروح بس
اني..امممم به عاودوها مرة تانسة
سنابل..ان شاءالله والف مبروك عليكم والحمدلله ع سلامتك مرة تانية😄
اني..الله يبارك فيكم صحيتو
روحو خدو شناطيهم وطلعو للمطار 🛫
.
.
.
بدرية..ايه شن بتسموهم
اني..تصدقي والله مافكرنا
حذيفة..الولد في بالي وخاطري فيه الاسم هوا نبي نسميه محمد
اني..ايه حلو
مهند..خلو عليا اني اسم البنت
اني..شن بتسميها😊
مهند..ليليان
اني..حلووو😍😍
حذيفة..تم خلاص تو نسجلهم محمد وليليان
اني..ايه😍
بدرية..بطولة عمرهم ان شاءالله وتشوفوهم من حملة كتاب الله
اني..اللهم امين يارب
وجي دكتور عطاني خروج وطلعنا
وصلنا للحوش كان مهند وهاني مزينين الحوش بالسماوي و البينك
اني..حييي😍😍محلاااه
بدرية..بتقعدو عندنا الايام هدي وبعد 40يوم روحي
حذيفة فتح عيونه ع وسعهم😳
مهند وهاني يشبحوله من تحت ويضحكو
اني..ايه خير وخير حتى تساعدوني فيهم الزوز مانقدرهمش ومانعرفش شن ندير😌
بدرية..اني زي اميمتك ومش حتحتاجي حتى حاجة
حذيفة..اني راكب بندوش تو نجي
اني..اوك
اتكيت في الدار الي مفرشينهالي وقعدنا نهدرزو
.
.
.
.
احمد..نعم ياعمي😐
عمي..حق نور جابت توامة؟
احمد..ايه
عمي ابتسم..مشاءالله ربي يزيد ويبارك
احمد..ايه
عمي..ترا وريهملي😍
احمد..😐باهي
فتح احمد تلفونه ووراهمله
عمي..في نيتي نكلمها لكن خايفها تردني
احمد..نور عمرها ماردت حد🙂
عمي..ان شاءالله
خش احمد للحوش
سنابل..حبيبي وتيت العشي اني
احمد..تعباااااان
سنابل..حتى اني هي ناكلو ونرقدو😴
تعشو ورقدو
.
.
ام احمد..ريت ريت اوووو جابت حتى توااااامة
بو احمد..باهي ربي يباركلها
ام احمد..اي اي زيد انت 🙂 اخخخ لوكانها اهني لما نقتلهملها
بو احمد تعفلق..لااااااا زودتيييييهااااا انتِ😠هدا ماناقص هوا حققق تعرفي تزيديييي حررررف بسسسس تعتبري طالق بالتلاااااتة
سكتت ام احمد وخافت من ردة فعل راجلها اول مرة يكون معاها هكي وقعدت تفكر في راسها وتخطط انها لازم تتخلص منه بس كيففف!
.
.
اني..ستاحشت حوشنا فيه ريحة بابا وماما
حذيفة..الله غالب خلي تمر هالسنة ونروحو نشوفو الوضع
دقيقة تلفوني يتصل من ليبيا هدا حاتم..ايوا احبيبي
حاتم..مبااااارك مباااارك
حذيفة..ههههههه الله يبارك فيك ياغالي
حاتم..وين وين هارب بيهم غادي نبو ناكلو العصيدة متعهم
حذيفة..خلاص تعالى وجيب معاك دقيق متع العصيدة😂
حاتم..😂😂تحسابها خطوة ماهي
حذيفة..شن بنديرلك
قعدو يهدرزو واني متكية ونفكر
اني..يقولو ان اول اسبوع ع الام واني امي تحت التراب😔الله يرحمكم ويوسع عليكم يارب قعدت نفكر لو ماما موجودة راهي جتني طول اما خالاتي بالتلفون بس ااااه عندهم الحق كيف بيجوني ويسيبو صغارهم قراية ودنيتهم كلها غادي باه حتى ع الاقل صهيب يحسسوني ان عندي اهل وعيلة😔هه شن نحكي اني عيلتي عند ربي وماعندي غير هالعيلة🖤ربي يخليهم وسقطت من عيني دمعة سخونة حارة طالعة من القلب مسحتها ع طول ورشفت خشمي
حذيفة انتبهلي انتهت مكالمته مع صاحبه وجاني طول..خيرك حبيبي تحسي بحاجة؟
اني كنت مستنية كلمة بس حطيت يديا ع وجهي وبديت نبكي بالعبرة حذيفة فهمني ع طول حضني وقعد يسكت فيا خشت علينا امه
بدرية..خيييرها
حذيفة شافلها ودارلها بعيونه متع تطلع
بدية..مش باهي ليها هديها
حذيفة..باهي
طلعت امه وسكرت باب الدار
حذيفة..يا بكاية علاش توا هدا؟
اني..مضايقة
حذيفة..تبي نروحو لحوشنا
اني..لالا مرتاحة اهني بس كان خاطري ضايق ومستاحشة ماما وبابا
حذيفة وجعته..الله يرحمهم ياروحي خلاص هي وسعيلي
وسعتله ورقدت ع صدره وكل مرة نبكي وهو يقولي فضفضي وطلعي الي في قلبك لين رقدت وكانو حتى صغار راقدين 💤💤
.
.
وفاتت ايام وليالي بحلوها ومرها 💎
جتنا سوس واخيرا هيا وراجلها وكانت تبكي من الفرحة انها شافتنا وكانت حامل
اني..واخير جيتي😍والله فرحتينا بجيتك👏🏻
سوسن..ايه الحمدلله محمد ماه قعد يرتب في اموره وفضى روحه وتمم على كل شي وجينا
اني..باهي الحمدلله شن اخبار الببو😊
سوسن..بنوتة ياقلبي😍
اني..ياروحي😍😍ان شاءالله تولدي بالسلامة يارب
سوسن..نبي نجيب اهني😌
اني..حققق!!
سوسن..والله محمد هكي يبي هدا باش طولنا باش جينا
اني..باهي مليح🤗😍
سوسن..ايه وين الكتاكيت
اني..خداهم مهند قال بنطلعهم
سوسن..ستاحشته الفرخ 😂
اني..جو مغيرلنا جونا اما هاني ديما ع حاله
سوسن..ديما هكي عطيه قرايته وبس
اني..ايه ربي يوفقهم
بدرية..هي نوضو خلي نحط الغدي
نضنا حطينالهم هما وحطينا لينا احني بروحنا جي مهند جابلي الصغار شدت سوسن واحد وبدرية واحد واني ركبت فوق نشوف في حذيفة شن يبي
حذيفة..حبيبي حدديلي هدم بنطلع صحابي جو
اني..باهي تمام
حددتله حوايجه الي يبيهم لبسهم وطلع واني نزلت قعمزنا درنا شاهي ونهدرزو ستاحشنا بعضنا
وبعدين جي عمي وقعد يهدرز
سوسن..بابا وين محمد
عمي..اهو خليته اهني في الصالون
اني حسيت انه بيخش بس تحشم
اني..عميمة عطيني الصغار خلي نركبهم نرقدهم
بدرية..هاك بشوية عليك الزوز
اني..لالا تعودت 😂
ركبت بيهم وقعدت نرقد فيهم
محمد..كيف حالك شن اخبارك
بدرية..باهية ياوليدي الحمدلله بخير
محمد..شن جو الغربة
بدرية..اهي مكسددين مانعرفوش ليبيين اهني لكن توا عمك قال في صاحبه بيجي يستقر اهني بلكي نغيرو جو
عمي..ايه ناس كويسين
محمد..باهي كويس اهو حتى احني قاعدين اهني
عمي..بالله
سوسن..ايه قررنا نولد اهني
بدرية فرحت..😍😍الله باهي الحمدلله
محمد..هوا اني عندي خدمة اهني وقلت خلي تولد اهني مرة وحدة
عمي..ايه كويس حتى امها تكون جنبها
محمد..ايه بنخليهالكم اليوم هي هدي امك وهدا بوك تغمريهم😂😂وانتِ طول الوقت نبي ماما نبي بابا
عمي..حي حي قصدك هيا هكي
محمد..ايه والله زي مانحكيلك😂
سوسن..مش هكي عاد غير ستاحشتكم
بدرية..هههههههه والله حتى احني يابنيتي بس شن بديري مانقدرش نخلي خوتك في بلاد غريبة اهني والله مايهنيني قلبي
سوسن..ايه عندك حق
محمد..هي دمتم سالمين😂اني طالع
سوسن طلعت وراه
سوسن..وين ماشي
محمد..بنشوفلي اهني وحدة شقراء قنينة نمشي معاها اليوم لبين جيتي انتِ غدوا
سوسن..تشوفلك قهرتك وطياح سعدك
محمد..تو في وحدة عاقلة تقول لراجلها حبيبها هكي
سوسن..ايه في انييي😡
محمد..🤣😂نبصر عليك ياروحي بنشوف حوش قريب من هني انأجره و ندهور شوية ونروح نرقد
سوسن..باه تمام
محمد قرصلها خدودها..نجيهالي البطة ياربي😘
سوسن..حييي يابارد حارة خيرك
محمد..هههههه هي توا مع سلامة وديري بالك ع روحك
سوسن..حاضر سلامات
طلع محمد وسوسن خشت وجهها احمر قعمزت تهدرز مع امها وبوها واني رقدت اني وصغار
.
.
خش حذيفة لقي صغار نايضين ويلعبو فوقي واني راقدة
حذيفة..نور حبيبتي خيرك راقدة
اني..ااه
حذيفة..رقدتي حول يا محمد عيب ماما
جي قام محمد وحطه في الجراي متعه وقام ليليان وحطها بيننا
اني..ايه نرقد في صغار صار العكس هما رقدوني
حذيفة..هههههههه محلاها بنتي اني ❤
اني..خيرك روحت امخر
حذيفة..قداش ليا عليهم الشباب ترا بدليلهم بنولي
اني..وين
حذيفة..يستنو فيا لوطة يبو يشوفو صغار
اني..به
بدلتلهم وعطيتهوله ونزل بيهم واني خشيت ندوش
بدرية..وين طالع بيهم يناري
حذيفة..لصحابي
بدرية..باهي دير بالك عليهم وخليهم يصلو ع النبي
حذيفة..اللهم صل وسلم عليه حاضر
طلعهم برا لقاهم مقعمزين في جنان هما ومهند
حذيفة..وهدم صغاري🤣
حاتم..اوووه تبارك الرحمن ماشاءالله الله أكبر عليهم
صاحبه تاني..ماشاءالله الولد لبنتي مستقبلا ايواااه
حاتم..😂😂مرات يحب زي بوه
حذيفة..تفاهمو معاه مادخليش اني😂😂
ناض صاحبه تالت..والبنت لولدي رأفت محجوزة
حذيفة..😂بلكي مايعجبهاش بنتنا
صاحبه..والله امها ع الصلاية ديما كان حصلت ولدي😌
حذيفة..وبوه مشي لمكة ودعي كان حصل بنتي😊😉
مهند..😂😂😂تي غر خيركم بس😂العسل هدي بنت عمها الي تقولي عليه نبيه ناخدهولها اني بفم ساكت😎
حذيفة..🤣😂😂بتصيعلي بنتي انت هكي
وقعدو يهدرزو ويبصرو ويضحكو لعند ساعة 2 رقدو صغار بينهم دخلهم وقعمزو لعند الفجر بعدين خشو رقدو في صالون
نضت اني الفجر دوشت وبدلت ونزلت جعت درت سندوتش وفطرت وقلت خلي نديرلهم فطور طيبت الشاهي والقهوة والنسكافيه قلت مرات واحد من الاولاد يبيه وقعدت نوتي في الفطور
ع خشة عمي..صباح الورد
اني..صباح الفل عمي
عمي..تصدقي يابنتي ع قد ماندير كناين مش حندير كنة زيك
اني..علاش ياعمو
عمي..مستحيل نلقا كنة زيك والايام بيننا يابنيتي
اني..لالا والله بنات المتربيات بنات الاصول في غير مش باينات
عمي..ايه ف قتلك مستحيل نلقا زيك اني يادكتورة امتى بتولي لقرايتك
اني..اهو قريب بنولي ان شاءالله ضيعت هلبا
عمي..لالا كله خير من عند ربي انتِ بس شدي هلبا وان شاءالله حتكملي اصلا شنو مزال 4سيمسترات بس شدي حيلك وكمليهم
اني..ايه بإذن الله
عمي..رقدو الاولاد
اني..الفجر رقدو
عمي..حي عليهم اني مانحبش السهور هدا باش تو نوريهم انوضهم
اني..حرام خليهم كيف رقدو ياعمي😂
عمي..يستاهلو من قلهم يسهرو
اني..😂😂
طلع عمي مشالهم واني كملت الي ندير فيه
.
.
عمي يضرب في مهند ع رجله بشوية..مهننند مهنند نووض نوض ياحمار نووض عندك جامعة والااا
مهند ناض..نعم يابوي كيف رقدنا راهو
عمي..وتقولي فيها في وجهي نوض منوض
ناض مهند ركب داره كمل نومته 😂
عمي..حذذذيفة نووض وقت ع الشركة
حذيفة نومه رزين ومن الصعب ينوض
عمي..حاتتتم يا حاااتم عبي عليك بوك بتخدم وبتكون حوش نووووض ياولد انت وياه نوووض
كلهم ولا كأنه ينوض فيهم
طلعلي عطيته مالقي اميا..بزعها عليهم ياعمي هدم هكي يبو 😂🙊
عمي شبحلي وضحك..فكرة والله
خش عمي وبزع الميا عليهم خلاهم يتخابطو في بعضهم
عمي..خزززيه لتوووا راقدين نوووضو
حذيفة..تي يابوي خيرنا عاد كيف رقدنا
عمي..مالياش علاقة نوض هيا سقدولي روحكم هيا حاتم انت عندي معاك كلام
حاتم تخزرط وشاف لحذيفة..ءء شن في ياعمي
عمي..نوض هي تعالى معاي
ناضو كلهم دوشو وضمو الصالون وقعمزو والي هدا ينعس فيه النوم
حذيفة متعفلق..اسمعي
اني..نعم غير قول صباح الخير
حذيفة كشخ..درتي نسكافيه
اني..ايه😑
حذيفة..حطيلي اني وياهم خلي بالك نصحصحو
اني..درت نسكافيه ودرتلكم فطور
حذيفة..امتى نايضة بس
اني..من الفجر
حذيفة..معناها انتِ ورا الميا
اني..لالالاااا😳
حذيفة..بوي عمره مادارها
اني..عينك مش اني
حذيفة..تو نتصافو بعدين هيا عطيني الي وتيتيه
اني..هاك فرش قبل
خدي حذيفة الفرشة وفرشها
حاتم..شن الفطور واتي امالا
حذيفة..اكيد
جي بياخد حذيفة الصفرة وكنت حاطتلهم كل شي ماخليت مادرت حتى من الكرييب والبريوش درته
اني..حذيفة
حذيفة..نعم
اني..زي اليوم ماما وبابا توفو قلهم قبل مايبدو ياكلو يدعولهم بالرحمة بس☺
حذيفة وجعاته انه ناسي نزل راسه..حاضر
حاتم..اووووه صفرة حتى في الاحلام مافيش
حذيفة..ادعو لي بوها وامها بالرحمة قبل ماتبدو
حاتم..قصدك مرتك الي مدايرة هدا كله
حذيفة هز راسه بإيه وعقله مش معاه معاي بس
الكل..الله يرجمهم ويوسع عليهم يارب ويجعل مثواهم الجنة
قعدو ياكلو وحذيفة يساير فيهم وخلاص
ناض حذيفة..تو نجي كملو انتم
جي لقاهم ياكلو واني مش معاهم
حذيفة..نور وين
سوسن..صباح الخيير نور فوق تبدل للصغار قالت فطرت
حذيفة..به
ركبلي طول لقاني مقعمزة نبكي لف يديه عليا وحضني..الله يرحمهم ياقلبي خلاص اش انتِ هكي تعدبي فيهم راه
اني زدت حضنته وقعدت نبكي اكتر واكتر
.
.
بدرية..يا عبدالهادي
عمي..نعم
بدرية..مالاحظتش نور مضايقة
عمي..لالا اليوم ماشاءالله من الفجر نايضة وتضحك وعادي جوها
بدرية..بس اني حاسة ان فيها حاجة في عيونها معبية دموع وحزن بلكي متعاركة هيا وحذيفة
عمي..لالا كنهدا راك سمعتي دوشتهم
بدرية..ماني عارفة
سوسن..ااه الحمدلله اني نايضة محمد جاي
بدرية..بسلامتك يابنيتي ديري بالك على رويحتك
سوسن..حاضر