حكايتي ( روايات ليبية )

حلقة 30

رواية #حكايتي
( واقع ممزوج بلخيال )
للكاتبة #حنو
الرواية بلهجة الليبية
الحلقة 30
.
.
.
اني..ايه وهدا الي صار
حذيفة..ربي يهديها غلط الي داراته
اني..ايه بس تو يرجعو هيا نادمة هلبا هوا الي مكبر راسه ومايبيش يردها قالي تقعد تتربا
حذيفة..عنده الحق
اني..ايه نبي نطلع نشري هدية لي سنابل حفلة تخرجها بعد غدوا ارفعني
حذيفة..باهي بعدين العشية نطلعو
اني ابتسمت..اووك😍
رن فون حذيفة بمسج فتحه وقعد يقرا فيه
اني..منو!
حذيفة ارتبك..اااه لا صاحبي حاتم🙂
اني..اها به بس من امتى حاتم يبعت في مسجات
حذيفة..خيرك انتِ؟؟
اني..ولا شي☺
نضت من جنبه واني نشم في ريحة خيانة😵يارب لا
خشيت اتكيت وخداني النوم بحدا صغاري
.
.
حذيفة..اني شن قتلللك قتلك معاش تتصلي او تبعتي مسج صح والاااا؟ وبعدين شن قصة الحمل هدي!! هيا ليلة بسس
هي..وكان ليلة بس يعني
حذيفة..يعني ماخديتيش الحبوب
هي بخبث..اييه😈
حذيفة..والمطلووووب!!!!
هي..تتزوجني
حذيفة..شن تخرفي انتِ شنوووو شن تقولي
هي..هدا هوا يا تتزوجني ياا اما
حذيفة..اما شنو
هي..يا اما نجي لمرتك ونقولها ع كلللللل شي
سكر حذيفة ع وجهها وقعد يخمم فتح اتصل بي حاتم
حاتم..ايواا
حذيفة..بحداك حد؟
حاتم..ايه شوية طالع
طلع حاتم وركب سيارته..شن في؟؟
حذيفة..تذكر السهرة هديكا
حاتم..ايه
حذيفة..تذكر في البنت هديكا
حاتم..ايييه
حذيفة..ايه كلمتني توا
حاتم..ومنين جابت رقمككك
حذيفة..وين نندري على&%$&@ تقولي حامل بنت ال#$&&#
حاتم عيط..حااااااامل😳😵
حذيفة..ايييييه ولو فتتها قتلي بنجي لي مرتك تي شن ندير شنووو اني ماكنتش واعي ليلتها ياريتني متتت ولا درتها😡اني حيوان اني نستاهل شن يصيرلي اني
حاتم..غير نتلاقو ع الشط ونتفاهمو وقلها تجي هيا
مشو وتلاقو وجت البنت
حذيفة شدها بقوة من يدها..بتنزليه فااااهمة
هي..وعلاش يابابا بنزله!! تتزوجني وخلاص
حذيفة..نتزوج حناك مش نتزوجك تعرفي وربي العزة لو ماتنزليه نقتلك
هي..هههه تقتلني عندي من يوصل المعلومة لي مرتك ره ماتقدرش تهرب مني🙂
حاتم..وين ورقة التحاليل!!!
وجهها والا اصفر..ماجبتهاش معاي
حاتم..تم بري معانا توا ونزيدو نتأكدو😉
رفعوها بالسيف معاهم ودخلوها العيادة ودارت روحها طاحت صاخت
حاتم..سلام عليكم بالله نبي ندير تحليل حمل للمدام
الدكتورة..وعليكم السلام ايه كيف طلبته عليها توا يسحبولها
طلعوها وسحبولها وقعد حذيفة يستنى وراكبه الف عفريت وهو ع نار اول ماطلعت نتيجة جي خداها حذيفة طول وفتحها بس مافهمش
حذيفة..دكتورة شن في في الورقة حامل والا لا؟
الدكتورة..برا للدكتورة الي اتابع عندها وهيا تقولك
حذيفة..قوليلي توا شن النتيجة😡
الدكتورة خافت..لا المدام مش حامل☺
لوح حذيفة الورقة وطلع وهو فرحان
حاتم والبنت طلعو وراه
حاتم..شنو!!
حذيفة..مش حامل بنت الكلب كانت تبي تلعب علينا
حاتم..اركبي اركبي تو تشوفي
ركبت وهي مش قادرة تنطق بولا كلمة وتخطط لموضوع جديد وهي باين انها مش ناوية خير
حذيفة..صار حامل يا شن اسمك
وسن..اسمي وسن
حذيفة..تعرفي بنردوك لوين مالقيناك وربي العزة لو نلقاك قدامي وربي ماتلومي الا نفسك
وصلو وحطوها وطلعو وحذيفة مش قادر يقيم راسه من الرعشة الي دارتهاله
حاتم..الحمدلله مشت ع خير
حذيفة..انت كيف تخليني ندير شي زي هدا بسسس
حاتم..ع قد ماشديتك ومنعتك انت مابيتش وكنت تعافر فيا معاش قدرت نشدك
حذيفة..يارب سامحني ياااارب تخيل الموضوع يوصل لي نور وربي ماهي قاعدة فيه نعرفها اني يااارب يااارب
مشو لكافي وقعمزو فيه شوية وجي حذيفة حضني طول
اني..حبيبي خيرك
حذيفة..نحبككك اني نحبككك
اني..حتى اني نحبك ونموت فيك بس خيرك قولي
حذيفة مسح دموعه..شي شي هيا باش بنمشو
اني..تي قول خيرك قبل
حذيفة..شي قتلك هيا كان بتطلعو
اني..اوك
طلعنا وكان حذيفة ع كل شي يقوللنا باهي وموسع باااله شكيت في امره مفهمتش خيره
روحنا من تعب تعشينا ورقدنا طول ومشت الايام حضرنا حفلة التخرج
احمد شد يدها..مستحيل نخليك اني
سنابل وقت شد يدها نصدمت وفرحت ومن الفرحة نقزت وتغمراته طول
احمد..نحي اني ماسامحتكش بس قدام الناس مش مخليك
سنابل جتها زي الغصة نحت من عليه وقعدت واقفة جنبه نادو عليها وجي معاها بوها خدت شهادتها وسلمت عليهم وتلفتت باست راس بوها وحضناته وبعدين مشت تجري لي امها حضنتها وباستها
امها..احمد يابنتي هو الي عليه حمل كبير في قرايتك
مشت سنابل لي احمد وهي خايفة لو تحضنه بيصدها قدامهم مدت يدها وهوا حضنها وقعد يلود بيها
سنابل..اسفة والله مابقصدي الي صار بالله عليك خلاص
احمد..معاش نقدر نتحمل بعدك اليوم بتروحي معاي🤗
سنابل وهي الفرحة مش سايعتها.
يسسس
اني..الف مبروك سنبولة حبيبتي😍
سنابل..الله يبارك فيييك😍
فات اليوم روحنا
اني..احلا لحظة واحلا فرحة
حذيفة..اكيد
اني..ايه خلي ندخل الصغار للحمام ونرقدهم ونجي
مشيت دخلتهم الحمام دوشتلهم وبدلتلهم بجامات النوم ودخلتهم رقدو
وخشيت اني دوشت وبدلت وقعدنا ساهرين اني وحذيفة
.
.
بعد فترة
.
.
سنابل..حميدا نوض نوض عندي ليك خبببببر
احمد..شنو!!
سنابل..انييي حااااااااامل
احمد جي مقعمز..نحلم وله شن تقولي
سنابل..شن تحلم والله حامل وهي نوض نمشو نديرو تحاليل
احمد وهو يحك في راسه..كيف عرفتي
سنابل..درت التست متع الحمل
احمد ناض حضنها وهو خاش للحمام..وتي روحك توا نطلع نلقاك برا😅
سنابل..هههههههههه مهبول
مشو مع بعضهم دارو تحاليل وطلعت النتائج وطلعت سنابل حامل💘
احمد كانت الفرحة مش سايعاته وسنابل فرحانة لانها فرحت احمد
سنابل..توا نمشو نتغدو برا بالمناسبة هدي ههههههههه
احمد..اكيد😂😍من اليوم معاش اديري شي فاااهمة
سنابل..مش لدرجة هدي حبيبي يعني عادي وحوشنا مش كبير هلبا باش بنتعب فيه
احممد..هكي قلت اني
سنابل..ربي يصبرني
.
.
.
عندي اني سمعت انها حامل وفرحتلهم هلبااااا
اني..الف مبروك ياقلبي
سنابل..الله يبارك فيك
اني..لحظة الباب يشرين تو نعاودلك
سنابل..اوك
سكرت منها شفت من الشاشة لقيتها بنت واقفة واطق وتشرين لبست وشاحي ونزلت فتحت الباب
اني..تفضلي!!
وسن..هدا حوش حذيفة عبدالهادي الـ...
اني..ايه تفضلي من تكوني
وسن..شوفي يا نور
اني..دكتورة نور😉
وسن..الي هيا بنقولك بعدي ع حبيبي
اني..من من ماسمعتش
وسن..ع حذيفة حبيبي
اني..ومن وين لوين باش يكون حبيبك يابعدي
وسن..ايه عندك حق ماتصدقيش وجعتيني
فتحت فونها وورتلي صور وهو راقد جنبها ومبتسم معاها قعدت اندقق في صور قصدي فيهمش حتى فبركة وكل مانمشي صورة كل مانصدم اكتر واكتر ااااه ياربي مش ناقصني هالمصيبة بكل
اني..اطلعي برا
وسن..حناااخده
اني..قلت اطللللللعي برااااااااااااا
وسن..مش طالعة
اني ضربتها كف..اطلعي برا يا وسخة يا حشرة امشي
دفيتها وسكرت الباب وقعمزت وقعدت نبكي
اني..😭😭😭علاش ياربي علااااش والله ماناقصني هم ياربي علاش هكييي😭كل مانرتاح في حياتي نكتشف شي جديد😭😭😭اااااخ ياقلبي كسرتني يا حذيفة كسرتني😭😭
خشيت لبست عبايتي وضميت حوايجي كلهم في شنطة وجيت خديت حوايج للصغار ونزلت الشناطي لوطة وركبت نزلت الصغار
ليليان..ماما وين ماسيين وين بابا
اني..خلاص اسكتي مافييييش باباااا
محمد..ماما علاس تبكي
اني مسحت دموعي..مانبكيش اسكت
ركبت تاني غسلت وجهي وساويت وشاحي ودرت نظاراتي ونزلت لقيت حذيفة واقف يسئل في صغار ولما لقاني
حذيفة..وين ماشييين خيرك؟؟!
اني..اسئل وسن حبيبتك الي راقد معاها وانت فرحان كنت تقولي كنت تقولي ياحذيفة انك ماتبينيش كنت تقووولي ان فرحتك مع غيري مش معاي والله نخليك بس تهيني اني تجي وحدة في نص حوشي وتهيني لا والله ماتنكتب علياااااا وبرالها هونا تستنى فيك هه خاين تي عففففففتك انيييي عفففتككك نكررررهك😡😡
حذيفة نزل عليه الكلام زي الصاعقة
خديت مفاتيح السيارة حتى ماكلفش نفسه يشدنا صغاره يبكو واني نبكي حطيت شناطي في سيارة وركبتهم وركبت اني السيارة وطلعت وحذيفة داخل قعمز يبكي زي البيبي الي سيباته امه بروحه
اما اني نسوق ونبكي وصغار يبكو معاي لعند وصلت لحوشنا حوششنا الي ليا سنييييييييييين معاد خشيتله ااااه حوش امي وبوي هو الي بيسندني مع طيحتي هدي💔
فتحته وخشينا للحوش ودخلت حجاتي وسكرت الباب بالقفل
ليليان..ماما هدا حوس منو
اني والعبرة خانقتني..هدا حوش جدك💔
محمد..مس هداكا حوس جدي
اني..لا هدا حوش جدك ومن اليوم بنعيشو اهني
ليليان..وبابا
اني..خلااااص اسكتي معاش تقوليلي باااباا خلااااص
خشيت وخليتهم مقعمزين وخايفين فتحت الحوش الي كان معبي غبرة من كتر ما مش عارفة روحي شن ندير نظفته كلللله وخشيت دوشت اذكرت صغار طلعت لقيتهم يلعبو وليت خديت مكنسة وطوبو كنست الجنان لميت الكناسة وخديت طوبو الميا وسيقته وكملته
ليليان..ماما جيعانة
اني..تو نطلبو غدي من برا
محمد..به😍
طلبت غدي قعد نص ساعة وجانا الطلب خديناه وسكرنا الباب وقعمزنا ناكلو
دخلتهم رقدتهم وقعدت مقعمزة نفكر في مصيبتي الي جتني كيف ندير بسسس معقولة معقولة حذيفة حبيبي يخوني قعدت نفكر ونبكي
.
.
حذيفة..ياربي كيف بندير كيف بنرجعها😓نور مستحيل ترجعليي
كلم صاحبه وجاه للحوش خش لقاه مكسر كل شي ومقعمز وحاط راسه بين يديه
حاتم حط يده ع حذيفة..حذيفةةة!! شن الي صاير
حذيفة..شن الي ماصارش
حاتم..شن في ووين مرتك وصغارك
حذيفة..مشو سيبوني
حاتم..كيف
حذيفة..الحيوانة وسن جت قالت كل شي لي مرتي
حاتم خبط يده..كييييف
حذيفة..هكي صار
حاتم..باه وين مشو
حذيفة..يا اما مشت لخوها يا اما لحوش بوها واني متأكد انها في حوش بوها كنهدا راه جاني احمد
حاتم..باه برالها فهمها انك ماكنتش واعي ع نفسك
حذيفة..نعرفها اني مستحيل تصدق وتسامحني
حاتم..غير برا شن خاسر انت
ناض حذيفة ولع سيارته وطلع جايني في طريق اما حاتم جاب شغالة وخلاها تضم الحوش وبعدين سكر الحوش و روح بيها وقعد يتصل بي حذيفة
.
.

حذيفة..نوووور افتحي اني حذيفة
اني..شن مزال جاي تبي
حذيفة..باه افتحي قبل وبعدين نتفاهمو
فتحتله وخش وسكرت الباب
اني..تفضل شن تبي !!!؟؟
حذيفة..والله اسف يانوارتي والله اسف ماكان قصدي كنت مش واعي ع نفسي كنت ساهر وشربت وصار الي صار والله ماكنت بوعييي
اني..وشاربببب!!!؟!! انت خيرك؟؟ وين كان عقللللك
حذيفة..اسف والله عارف روحي غالط
اني..نجوم السمي اقربلك بإنِّ نسامحك😡انت خنتني خنت ثقتي فيك حووول معاش تمسني كرهتكككك اطلع براااا
طلع حذيفة وهو مهزوز ركب سيارته وسطرب وطلع يجري للبحر
اما اني قعمزت في جنان وقعدت نبكي كلمت احمد وجاني يجري
احمد..شن في تكلمي
اني حضنته وقعدت نبكي..خاني يا احمدد قهرننني
احمد زاد حضني..ابكي ابكي طلعي الي في قلبك
اني..علاش هكي بعد مافرحت ان كونت عيلة بدل عيلتي الي ماتو درت عيلة من جديد كنت فرحانة كان مش منقص شي عليا ولا على الصغار كيف قدر يديرها من دون ما نحس او نشك مش عارفة ولا اني نقصت عليه شي سيبت كل شي ع خاطره قعدت ربة بيت ع خاطره كرست حياتي ليه ولي صغاري وبس كانت اقصى امنياتي نكون عيلة وكونتها بس شوف شن صار انقلبت 180درجة فجأة هكي بغلطة منه قلبت حياتي كلها علاااااااششش علاش يا احمد قولي علاش هكي😭😭😭علاش مكتوبلي نقعد يتيمة علااش بعد ماقلت هدا بوي وخوي وعيلتي كلها بعد ماخلاص دارلي هكي في شن قصرت معاه اني😭😭والله تعبت صدمننني صدمة عمريييي يا احمد مشي خاني مع وحدة ماتسواش ماتجيش في ظفري خاني مع وحدة **** كيف باه فهمني كيف هكككي لو يبي كان تزوج عليا ارحم من انه يدير الحراام علاش هكي بسسس😭😭😭
ضمني احمد ليه وقعد يهدي فيا واني اكتر مانزيد لعند رقدت في حضنه
احمد تنهد تنهيدة طالعة من القلب وقامني ودخلني للدار وغطاني ولقي صغار يلعبو ببالسوني
ليليان..حااالو تاحستك
احمد قامها..حتى اني ياحلوة
محمد..حولي نبي حالو
قامه احمد معاها..شن جو
ليليان..اخي مس حلو
احمد..علاش
محمد..😔ماما وبابا تعاركو
احمد..😔 #يتبع
.
.
.
ان شاءالله تنال اعجابكم حبايبي #حنو 💔😭
إذا عجبتك القصة لا تنسي الإعجاب و الإضافة ليصلك كل جديد مشاركة القصة مع الأخريين
و لا تنسوا أيضا تعليقكم و اقتراحاتكم لنقدم ما تريدونه

MBC LIBYA تابعوا صفحة