حكايتي ( روايات ليبية )

حلقة 34

رواية #حكايتي
( واقع ممزوج بلخيال )
للكاتبة #حنو
الرواية بلهجة الليبية
الحلقة 34
.
.
.
حذيفة..يما بنقولك😍
اني شفتله
بدرية..شنو
حذيفة..بيجيك حفيد جديد😌
بدرية فرحت..بالله😍😍ماشاءالله ربي يبارك ان شاءالله تنوضي بألف سلامة يابنتي لكن مش كنتي حامل
اني توترت ونزلت راسي..سلمك عمتي😊اااه الصراحة من بعد المشكلة الي صارت بيني وبين حذيفة رميت
حذيفة اضايق
بدرية..الله غالب
جت ساعة 10 نضنا روحنا
رقدو صغار واني بدلت وقعمزت ع كرسي وقعدت ندهن في يديا بالكريمة ونفكر وسرحانة تلفتت لحذيفة الي امتد ع السرير و يتألم شوية
اني..حبيبي
حذيفة..نعم
اني..نبي نطلب طلب
حذيفة..شنو
اني..نبي نخدم
حذيفة عقد حواجبه..شن قلنا حني ناقص غير يجيني واحد يقولي مرتك زميتلي في الخدمة😒تكمل معاي
اني..شن جيب هدي في هدي خيرك
حذيفة..شن تبي تراه
اني..نبي نخدم نبي نجرب وضيفتي الي تعبت وشقيت عليها
حذيفة..انسيه موضوعك هدا🤓
اني..شن بننسى ؟
حذيفة..انتِ صح تعبتي ودكتورة واحلا دكتورة بس دكتورة ليا اني بس😌 واني مستحيل نخلي مرتي تروح عقابات ليل و تبات مناوبات واني مقعمز راقد هني انتِ ناقصاتك حاجة؟؟؟ قولي تكلمي
اني..الحق لا
حذيفة اتكى..خلاص امالا فوتيه الموضوع 🙂
اني اضايقت بس لما نفكر في الموضوع مرات نحس في كلام حذيفة صح اني مانقدرش حوش وخدمة ومسؤلية كبيرة
فاتت ايام وبديت نتابع مع دكتورة الي نبيها وحياتي بدت احلا من قبل وجوي حلو وبديت واخدة بالي ع حوشي اكتر من قبل
.
.
فاتو 9 شهور🤰
.
.
.
وجبت بنت وسميناها وتين وبعد يوم روحت من العيادة بخير وسلامة
اني..الله يبارك فيك عميمة😍
لقيتها مبخرة الحوش وموتيتلي عصيدة وحلبة وطبيخة دحي قعمزنا تغدينا مع بعضنا وفرحانين بالمولودة الجديدة 😌
ليليان..هدي منو ماما
اني..هدي اختك يا ماما
ليليان..شن اسمها
اني..اسمها وتين
ليليان وهي عاقدة حواجبها..اخي مش حلوة😏اني احلا منها
اني..عيب حبيبتي انتم زوز حلوات وهدي اختك ياماما ماتقوليش هكي
ليليان وهي مش عاجبها الكلام..به😏
حذيفة..محمممد وينك
محمد جي يجري..نعم بابا
حذيفة..وين مشيت
محمد..كنت نلعب بالكورة وراء الحوش
حذيفة..من بكري ندور فيك اقعد اهني ألعب قدامي
محمد..باهي
طلع للجنان وقعد يلعب
سوسن..نووور هيا انزلي مدايرين شوايات
اني من دار..باهي دقييقة بس
قعدت نرقد فيها مابتش ترقد بدلت ولبست وشاحي ونزلت بيها وجنبي ليليان وماتبيش تطلقني بكل طلعت للجنان
عمتي..كيف اطلعيها يابنتي مغرب توا
اني..مابتش ترقد ياعمتي صدعتلي راسي عييت
عمتي..خلاص اطلعي وهاتي اني صقعت نخش بيها نرقدها ونتفرج
اني..اوك
عطيتهالها وطلعت قعمزت معاهم ونهدرزو ونضحكو
سوسن..بما ان ليليان ومحمد مادرتولهمش سبوع خلاص اهي جت بنوتة جديددة ديرولها سبوع كبير
اني..ايه حتى اني هكي فكرت وعيد ميلادهم قريب قلت نديرلها سبوع و عيد ميلاداتهم الزوز
ليليان..اني نبي نديره بروحي مانديراش معاها😏
اني فنصت فيها..هياااا تحشمي شن قلنا فوق😡
حذيفة..خيرك عليها
اني..غايرة من اختها لين كارهتها
حذيفة..عيب يابابا شن قلنا حني
ليليان بدت تبكي
مهند..خيركم على حبيبتي تعالي نطلعو ونخلوهم تعالي
هاني..الي مفسدها انت
مهند..مادخلكمش
قامها في غمره وطلع هوا وياها وقعد يدهور بيها لعند سكتت وضحكت ونست
مهند..بنت عمها هيا اصلا وله دلوعة عمها
ليليان..ايييه😍
مهند..توا بنعطيك البوكس هداا باهي وبنمشو لي مكان
ليليان ضحكت وشافتله..هدي لي عهد😈؟
مهند ضحك..كيف عرفتي
ليليان..هههه ماه بابا هكي يجيب لي ماما
مهند..هههههههه به
مشو لي حوش عهد
مهند..ايوا
عهد..ها حبيبي قتلك صحباتي عندي ومدايرة عيدميلادي اني خيرك اتصلت !
مهند..تبينيش؟
عهد..ههههه مش هكي يامهبول غير بيشدوها جرتي
مهند..باه افتحي الباب
عهد..شن تقول
مهند..قتلك افتحي الباب
عهد جت شبحت من الكاميرة لقت بنت صغيرة واقفة قدام الباب وشادة بوكس..هي مني هدي
مهند..افتحيلها البنت البوكس رزين عليها هههههه
عهد فتحتلها طول ودخلتها وخدت منها البوكس حطاته ع جنب..مهند يامهبول البوكس رزين ع البنت هكي معقولة
مهند..هههههه باه هي اني ماشي شوية وجاي باهي خليها معاك ردي بالك منها غير الاولاد يبوني ضروري
عهد..في عيوني
مهند..وكل عام وانتِ ملكي كل عام وانتِ ليا اني وبسس كل عام وانتِ معاي وان شاءالله عامك الجاي معاي في حوشنا😌
عهد..ياعيوني انت😍امين يارب
ليليان كتفت يديها..باه عييت اني هيا
مهند..ههههههه ربي يصبرك لسانها مش حتسلمي منها
عهد ضحكت..خلاص هيا باي
سكرت منه وشبحت لي ليليان..لولي حبيبتي
ليليان..هيا بنطلع لي مهند
عهد..مهند قال بيمشي لي صاحبه وجايك خشي معاي دايرين تورطة😍
ليليان..صح😍😍😍به
خشت ليليان تجري ووراها عهد
صاحباتها قعدو يهدرزو عليها وحبوها وشافو هدية مهند كانت قفطان وايفون اكس ماكس و وكندرة للقفطان واكسسواراته ❤
.
.
اني..زعما خيرهم عطلو حذيفة كلمه خوك
حذيفة..باهي ..ايوا مهند ها شن جو وين البنت
مهند..تو مش تكشخو عليها
حذيفة..وينها
مهند..ههههه حطيتها في مكان تو نجيبها غير توا مع الاولاد
حذيفة..وين حطيتها
مهند..عند وحدة نعرفها
حذيفة..من الوحدة هدي
مهند..كترته راك تشاو
سكر عليه وفاته
اني..من ؟ ووين ؟
حذيفة..نعرفش قالي حطيتها عند وحدة
اني..من الوحدة هدي
حذيفة..شكلها صاحبته
اني..امممم تو تجي ونفهمو
حذيفة..ايه روحت حتى امي
اني..ايه روحت ركبت اني بي وتين وقعدت نحاول نرقدها بس هيا شي شي ماتبيش ترقد وعياطة هلبا لين فددتني
شوية وطق الباب فتحته لقيتها ليليان خاشة وفي يدها كيسة معبية حجات بس مازبطتهاش شن خشت تجري لدارها
حذيفة..وين وين صيعت البنت انت راك
مهند..😂مالكم ومالها بنتي هدي
حذيفة..وين باه رفعتها
مهند..هي تشاو
طلع وسكر الباب خش حذيفة ركب طول لي ليليان
حذيفة..لولي بنتي
ليليان..نعم🙄
حذيفة..زعلانة مني بنت البابا
ليليان..هونا بنتك وتين🙂
اني..عينك انتِ بنتنا الكبيرة الحلوة الامورة😍
ليليان..اني عارفتكم تبو تعرفو اني وين كنت اني وعدت عمو ان مانقولش خلاص مانيش قايلة😏
اني شفتلها بغيض وطلعت
حذيفة وقف..اني سئلتك توا؟ لا غير نبي نرضيها بنتي اني لكن نمشي لي وتين خير
ليليان وقفت..نبيش ماما تعرف
حذيفة تلفت وضحك غمزلها..وين تراه
ليليان..كنت عند حبيبت مهند اليوم عيدميلادها😍وعطتني هدية حلوة😍وهيا يا بابا حلووة هلبااا وعمو وله رفعلها هدية كبيرة يابابا فيها تفون (تلفون) و قفطان وكندرة وحديدة وسنسلة وخراصات حلوووات يابابا😍😍قتله عمو وقت نكبر جيبلي زيهم😍قالي حاضر هييي نبي نكبر اني باش ناخد زيهم😍
حذيفة ضحك ان جبد منها كل شي..خلاص ارقدي اكيد تعبانة
ليليان..ايه نبي انني
حذيفة..به ارقدي هي
ليليان..وين مودي
حذيفة..روح مع حناك
ليليان..به تصبح على خير بابا حبيبي
باسها حذيفة..وانتِ من اهل خير يابابا
طلع حذيفة وسكر الباب وخشلي اني نلعب في وتين
اني..حكتلك؟
حذيفة..هههههه ايه لكن قتلي ماتقولش لماما
اني..الباردة هدي هدا كله ع خاطر مهتمة بي وتين اكتر منها
حذيفة..هههههه ايه عادي فوتي
اني..شن قتلك
حذيفة..قتلي كنت عند حبيبت مهند شورا عيد ميلادها اليوم
اني..اهاااا مايطلع منه هالمهند هدا😂
حذيفة..ايه يصطفلو طفي ضي بنرقد
اني..شن بترقد وهدي الي تفنص من بكري
حذيفة..خدمة غدوا شن بندير
اني..وين بنمشي باهي مابتش ترقد
حذيفة..الصبر خدي مخدته ومشي رقد في سرير محمد ولده
اني..ايه هوا هدا تقول بنتي اني بس الصبر وخلاااص
قعدت نهز بيها ومارقدتش الا بعد ما طاح جهدي معاها ورقدت حتى اني💤
.
.
الصبح حذيفة يفتح بقوة ويسكر
اني نضت ع صوته..خيرك بشوية صبح
حذيفة..هذا بدال مانايضة توتيلي حاجتي قاعدة راقدة
تأخرت ع خدمتي
اني عين مسكرة وعين مفتوحة..والله زي ما انت هربت ورقدت في دار بروحك شن بنديرلك واني هدا وين رقدت من جرتها حلوة حتى هدي نضفي اغسلي بدلي شملي رضعي ورضي هدي ورضي هدا وحتى الكبير زي البيبي احرف منهم تي عييت اني شن بنقطع روحي عليكم
حذيفة..ماقالك حد تزوجي🙄
طلع وخلاني
اني..اشي اشي خزي عليه
لوحت وراه المخدة والا ولوحها عليا ونزل طلع
اني..مبردك كيف حطيت راسي نبي نرقد نسمع ليليان تبكي مشيتلها..نعم ياماما خيرك
ليليان..ماماا اني درتها تحتي😭
اني..شنووو😳
ليليان..اسسفة ماما مانندريش ع روحي
اني حطيت يدي ع راسي..اااه ياربي الصبببر😭خلاص اكيد امبارح خديتي برد خشي دوشي واني تو نطلعلك حوايجك
ليليان..به
خشت ليليان نحت حوايجها وخشت ادوش واني وتيتلها حاجتها وخشيت عليها غسلتلها بسرعة وطلعتها قبل ماتنوض وتين لبستها ونزلت تتفرج وقمت الفراش لقيته مش واصل لانه نايلو نحيت الشرشاف وكل شي وحطيتهم بنغسلهم وطلعت نسمع في وتين تبكي خشيتلها
اني..اااه ماما اه ياحبيبتي
وتين..اووواااه اوووواااه
اني..ياقلبي انتِ خلاص اششش افففي شن هدا يابنتي
عليك صبح مطنطن دخلتها الحمام حشاكم وحطيتها ع بانيوها المخصص ليها وبديت نغيرلها ودوشتلها وبدلتلها وطلعتها لقيت ليان مقعمزة
اني..فطرتي عيوني؟
ليليان..لا
اني..علاش حليمة ماجتش ؟؟
ليليان..ايه
اني..باه تو ننزل نديرو فطور احني 3 مع بعض باهي مامي
ليليان..به
اني..خلي وتين جنبك ندوش ع سريع!!
ليليان..باه
اني حطيتها في سريرها..هزي بيها هكي لعند نطلع باهي ماما ماديريش شطانة باهي حبيبتي
ليليان..به
طلعت حوايجي خشيت حمام حشاكم وخليت باب مردود باش نسمع اي شي ودوشت وطلعت نسمع في وتين تعيط مشيت نجري لقيت ليليان واخدة مكياجي وتلبز فيها وتقولها اسكتي بصوت وحدة شريرة
اني..ليليااااااان😠
نحيت من يدها وضربتها..قداااامي لدااارك
ليليان..به
مشت تجري لدارها وقعدت تبكي
اما وتين قمتها..خلاص يامامي خلاص توجع فيك حبيبتي خلاص ياروحي
قعدت نمسحلها في المكياج والي مخليتها بيه زي المهرج كملتلها غيرتلها لبستها الي تلبزت ونزلت بيها حطيتها في قعمازها ورقدته وخليتها فوق طاولة قعدت تشبح وساكتة واني نوتي في الفطور كملت طلعت من المطبخ..لووووولي تعاااالي افطررري
ليليان فتحت باب دارها..افطري انتِ وبنتتك اني مانبيش
اني..ياربي الصببر😢باه انززلي هيا
ليليان نزلت وهي مطرمتهم
اني..ياحبيبتي علاش اديري هكي مش هدي اختك ؟ علاش هكي اديريلها واتعبي فيا بدال ماتساعديني ياماما حرام عليك هكي
ليليان بدت تبكي..انتم تحبوها اكتر مني
اني..والله ياروحي لا انتم زي بعضكم نحبوكم زي بعض وانتِ الاولى ياروحي خيرا خوك محمد مايديرلها في شي ويحبها
ليليان..لانكم تحبوه اما اني لا تكشخي عليا وتضربي فيا وهيا ديما تقوليلها يا مامي ياحبيبتي واني لا
اني..انييي عينك ديما نقولك اني ياروحي علاش الدلع هدا كله ع خاطر اختك ماهو شوفيها انتِ كبيرة وهيا بيبي والبيبي مايعرفش لازم نهتمو بيه وولما يكبر زيك يبدا يفهم خلاص
ليليان..به
اني..تعالي بوسيها هي
ليليان ابتسمت..به
جت باستها وقعمزت واني بديت نفطر في ليليان ونفكر في حذيفة هل فطر او لا 🤔
رضعت وتين ورقدتها حطيتها مقابلتني وبديت نطيب الغدي
جيت قعمزت وتنهدت لو عندي اخت راه توا تعول عليا وماتخلينيش نتحرك 💔 انا مايمشيش حالي هكي😣تعبببب لازم نرتاح باش نتحسن 😤
اخييي عليها لما تكوني يتيمة لا اب ولا ام تمشي تقعدي عندهم تفرهدي ع روحك معاهم ولا اخت تحن عليك وحتى تقعدي تدللي عليها ماتحسيش روحك متقلة عليها بس اني لمن بنحكي لمن بنقول عزوزتي لاهية في همها و سوسن عندها حوشها وراجلها و سنابل مش حتتحمل سادها صغارها واني مانبيش نضايق حد يااااارب ساعدني قعدت نطيب نخمم ودموعي ينزلو ع كومة الحجات الي عندي وشغالة الي ماجتش💔 قعمزت ومعاش قدرت نوقف قعدت نبكي من الوحدة الي اني فيها تعبانة😭
ليليان..ماما ماما ماما خيرك
اني..شي خليني شوية بس
قعدت نبكي لين فرغت الي في قلبي🖤
قمت راسي من ع طاولة ونضت غسلت وجهي ووليت لقيت ليليان تتفرج وتهز بي وتين وجوها مليح خشيت للمطبخ كملت الي اندير فيه جي حذيفة ماتكلمناش خش بدل ونزل لقي الغدي قعمز وتغدينا
ليليان..بابا
حذيفة وهو ياكل..نعم
ليليان..ماما بكري
اني..كولي توا مش وقتها
حذيفة شافلي وشافلها..خيرها ماما
ليليان..بكري ماما كانت تبكي هلبا
اني فنصت فيها..باش قتلك بطني توجع خلاص هي كولي
شافلي حذيفة وسكت كملنا غدي وجيت بنقيم الماعين
حذيفة..تو نقيمهم اني خليك مرتاحة
قعدت نقشر في الفواكه وقام حذيفة الماعين غسلهم وحطهم في غسالة وجي قعمز حطيت كل واحد وصونيته فواكه وقعدنا ناكلو
حذيفة..لولي بري قعمزي تفرجي
ليليان..به
مشت ليليان بي صونيتها قعمزت في مكانها وتتفرج
حذيفة.. #يـتـبع
.
.
.
ان شاءالله تناال اعجاب الكل يااااارب وقربت النهاية😔💔 #حنو
إذا عجبتك القصة لا تنسي الإعجاب و الإضافة ليصلك كل جديد مشاركة القصة مع الأخريين
و لا تنسوا أيضا تعليقكم و اقتراحاتكم لنقدم ما تريدونه

MBC LIBYA تابعوا صفحة