My Happily Never After (On Going)

Liham

Circa 2000

Ito'y buong puso kong isinulat para sayo

sa kabila ng masakit na katotohanan

na kahit kalian ay hindi mo malalaman

na ikaw and siyang tinutukoy ng liham kong ito

Alam mo ba..

kahit hindi ka magsalita,

buo na araw ko pag nasa tabi kita.

sana mabanggit mo kahit minsan,

na naging masaya ka dahil ako ang iyong kasama.

Handa akong ipagsigawan sa buong mundo

ang tunay kong nararamdaman sayo...

at alam kong kahit ikaw ay nasa tabi ko

hindi mo rin maririnig ang tibok nitong puso ko,

ang puso kong nanghihina kasisigaw ng pangalan mo...

Sa kabila ng kirot at sakit dito sa puso ko,

na dulot ng labis kong pagmamahal sayo.

ay ikaw pa rin magpahanggang sa ngayon

ang dahilan kung bakit tumitibok pa ito.

Nakikita mo ba ang mga luha ko?

para maunawaan mo ang laman ng aking puso,

at nang maramdaman mo ang pagibig ko sayo

na nakakubli sa bawat patak nito...

Hindi ko magawang ilihim ang pananabik sayo

ang maging bahagi sa bawat daang nilalakbay mo,

ayaw kong sundan ang mga yapak na tinatahak mo,

Ngunit bakit ganito...

hindi ko maihakbang ang mga paa ko papalayo sayo..

wala na akong takas pa,

hindi ko na maitatago ang luha sa aking mata...

at hindi ko na rin kayang pigilan pa

ang aking mga ngiting dahan dahan nang nawawala.

hindi ko hinihiling na ibsan mo ang aking kalungkutan,

bigyan mo lang ako ng kaunting pag-asa,

na balang araw ay makakalimutan din kita.

na isang araw, mawawala ka na rin sa isip ko

at tuluyan ng maglalaho sa loob ng puso ko...

Sana...

maintindihan nitong aking isipan,

na kailanman ay hindi mo magagawang tandaan,

ang mahahalagang bagay na hindi ko kayang kalimutan...

At sana...

matanggap nitong aking puso,

ang katotohanan na kaya mong maging masaya,

kahit wala ako sa buhay mo..

wc