والله العظيم م بمش عدييل كده ي حبوبه..
حبوبه:ها بت هاا بلفخك هسي.. انتي ليه طواالي معانده كدي ..
-عايني ي حبوبه م بي الغصب.. هو عرررس عررررس عررررررس امش ليهو زهجانه ماااا مااااشه..
حبوبه:خلاص طيري من وشي ..ونادي لي اخوك..
-هو في الشارع وكان كوركت ليهو بجي بفلقني.. 😤
.......
ملااااذ يي بت ي ملااااذ
قلت لي حبوبه دقيقه بس امش اشوف ايات دي مالا..
-هويي ها بتنبحي مالك..
ايات:كدي تعالي اركبي من فوق الكرسي ده عندي معاك ونسه..
شلت الكرسي وطلعت فوق الحيطه ودقينا ونسه طوويله كده..
حبوبه:ملاذ ي بتي بدل القله ادب البتسون فيها دي كان جيتيني ادهن ليك شعرك العامل زي كوم البعر م اخير..
قلت ليها م فيهو شي خليهو
ايات:عايني خلاص انزلي عشان م تجي حبوبتك دي تنبزني انا زاتي.. المهم م تنسي بعد بكره في شنو😂👍🏻
قلت ليها في شنو😳
ايات:النتيييجه..
قلت ليها انعلوشك ي حيواانه مذكراني ماااالك😒
ايات:خلاص طيري..
......
يلا تعالو احكي ليكم:
انا ملاذ عايشه في الجزيره مع حبوبتي وجدي واخوي.. ابوي متووفي ليهو سته سنه يعني كنت صغيره وامي بعد م تمت الحبس طوالي مشت عرست راجل تاني واسه عندها منو ولد وبت واصلا يعني امي وابوي كانت علاقتهم مزبزبه يعني شبه منفصلين ف امي م كان فارق معاها صراااحه يعني.. عندي اختي بي بيتهاوراجلها وعندها تيمان.. انا امتحنت تالت السنه دي.. عشت حياتي مجهجه شديده م كنت لامه في ود ومحبه ام لانو امي كان قلبها م حار علينا..بتذكر كان اختي زينب عملو ليها عمليه زايده قبل م تعرس امي م جاات ولمن زينب عرست جات الليله وبكره العرس ومشت.. ونتيجه تامن كان ضربت لي وباركت لي سااي وقالت لي بصلك وم جات.. بتجي كل فتره والتانيه بيت جدي هنا في االجزيره تسلم علي حبوبه وجدو وعلي انا واخوي وطبعا راجلها مرطب بتجيب لينا حاجات كتيره بس نحن طوالي م قاعدين نشيل. حبوبه وجدو زي الم فارق معاهم بتهم دي وصراحه انا كماان م فارقه معاي امي لانو حبوبه باقيه لي اام واكتر.. اما اخوي ده انا اكبر منو بي سنتين بس.. دخل الثانوي ياداب..عندي عم واحد بس وكره الدنيا عليهو اصلي م بريدو والله ساكن في الخرطوم لكن صراااحه بجي البلد كل فتره والتانيه بشوف اخوي اما انا مم شغال بي وم شكلو بريدني.. م عندي عمات طبعا.. عندي خالتي اتوفت قريب وخالتي التانيه مقيمه في السعوديه.. وخااال واااحد وساكن جمبنا وبريدو شديد..مع انو كل الناس معاي لكنن انا طوالي بجيني احساس اني وحيده ووم لي زوول.. مهما كنت مبسوطه بحس انو في جهه فيها فراغ عايز يتعبأ..انا زوله شويه ممكن اكون حقانيه وم بحب الحقاره والاستفزاز بس قلبي طيب وم بسأل زول.. عايزه ااقرا وانجح عشان اشيل الشيله من جدي هو شغال ففي فرن صغير كده وحالنا علي قدرنا يعني ممكن يكون شهر وضعنا الحمدلله وشهرين وضعنا كعب..بس نفسي اكبر ويقولو علي دكتوره ملاذ واكون رافعه راس جدو وحبوبه..
......
قاعده في المطبخ بجهز في الحفاظه ومزااجي رااايق تقوووم تجيني ليك خبته من حيث لا ااحتسب..
وضاح:بت اللذينا ي كلبه
قلت ليهو اااجي ماالك.. قال لي كمااان معاك عواره.. قلت ليهو وضاح النبي فك لي يدي وجعتني.. قال لي اول شنو ليه عملتي كده قااصده موشش.. قلت ليهو شنو هوو اصلا.. قال لي ياااخي انا جادي.. قلت لليهو انا زاتي جاده..😂
حبوبه:ي اولاد في شنو
وضاح:تعالي شوفي السجمانه دي
قلت ليهو هووي ماف زول سجمان غيرك هنا..
وضاح:انتي محوله القناه الانا بحضر فيها لي شنو
حبوبه:لا حووووولاااا ياخ هسي ده شي بتشكلو فيهوو..
قلت ليها اسأليهو عليك الله بس.. 😏
وضاح:ااي شي بتشكلو فيهو اناا من صباحات الرحمن بفتش في القناه ددي ووقت م القاها تجي الغبيه دي تغيرا كمان معاها مسلسل تركي..
قلت ليهو ترك ليك ضبانه في حلقك ده.. هوووي ههووووي عارفني انو ده وقت مسلسلي مالي ومال قناتك..
وضااح:كويسسسس تاني تشوفني الريموت بعينيك..
طوااالي جريت عشان اشيل االريموت هو جرا ورا ووقعني وشال الريموت وعايز يحول القناه اانا ختيت يدي في الديجتل عشان م يحول القناه وبقى يقول لي والله اصلك م برحمك قلت ليهو كدي بس كان رااجل عتب الخطوه دي😂😂قالت لي كويس وشال الريموت وفصل التلفزيون وشال ميلاتو ورقد اتغطى وقال لي اقفلي معاك النور للمن تقومي.. 😂😂ياخ اتحرقت عليهو كيييف..قمت وفتحت التلفزيون وعليتو من التلفزيون بي اعلى درجه وفتحت نور الاوضه وجريت منو الملايه وقفلت الباب ومرقت.. الغريبه انو م جا لاحقني بكون مااات..
طوالي مشيت الاوضه التانيه لقيت جدو راقد وخالف كراعو وبقرا في الجريده..قلت ليهو كدي زح النرقد جمبكك..
جدو:م ممكن تكوني مضايقاني في ااي شي
قلت ليهو ممكن..
جدو:كرهتيني قوومي من هنا
قلت ليهو برضو ابيت واصلا م عندي كرامه..
جدو:كرامه ولا سماايه..
😒قلت ليهو ظريف لكن..
قعد يضحك وقال لي ارح جيبي الليدو من تحت المرتبه نلعب معاك قيم..
المهم لعبنا كده والعصر جا جدو رجع علي شغلو ووضاح مرق مع اصحابو وحبوبه ناايمه تشخر.. وفي زهجه حااصل.. البتجي بعد صلاه العصر دي.. بس رقدت في السرير وواصلا وضاح شايل الريموت ييعني ماف طريقه تلفزيون.. بعد شويه تجيني ايات تجدع لي التوب..
-قومي ارح
قلت ليها علي وين..
-لي تسنيم.. قالو رقبتها مشموطه😂😂
قلت ليها ااحي اناا..دقيقه اكلم حبوبه..
مشيت لفحت االتوب وكلمت حبوبه وطبعا م بتنسى توصيتها ..م تتأخري..م تتسكعي في الشارع..احرصي انو وضاح م يشوفك عشان م يقل ادبو معاك.. 😂😂
..ماشين اانا وايات نتونس في الشارع لاقانا وضاح انا الساعه الانطر ليك عيوني دي عاين ليناا مساافه وجا قال لي ماشين وين ايات قالت لليهو لي تسنيم عيانه ماشي معانا؟قال ليها طيرو وم تتتأخرو..
المهم وصلنا انا عايزه ادق الباب ايات قالت لي كده زحي هاا من متين بندق البيبان😂😂قلت لليها اجي ععااد شكيت منحك..
دخلنا لي تسنيم لقيناها راقده براهاا..
تسنيم:يخسي عليكم بتجوني بعد ااسبووع..
ايات:عااد اسوي ليك شنو..
انا فكيت الضحكه وقلت ليها عجبني وسر باالي..
تسنيم:شريره.. 😂
خليتم يتونسو دخلت المطبخ لقيت خالتو هناء والله ولا سلمت عليها.. طوالي فتحت الحلل واشوف ليك سلطه الاسود تتسوي كدي.. بس شلت لي عيشه وقعت فيها ضرب ننضييف..
خالتو هناء:خبتتني في ضهري.. ها بتها سسلام الله م بتدوري.. قلت ليها والله جعاااانه قالت لي كدي سلمي اول قمت قشيت يدي ببي التوب ومديت ليها يدي..قالت لي ددي شنو االرفاله دي غسلي يدك عديل وتعالي ااكلي مع تسنيم قلت ليها لالالا معاي ايات والمغرب م دايراهو يخش علينا النمش علي بيوتنا..
....مشيت لي ايات وقلت لي تسنيم مع السلامه ومرقنا..
#نتلاقى..
