طبعا صحيت من الساعه 6 او م نمت اصلا عشان اصحى قمت نضفت البيت وفرشتو وبخرتو واستحميت ولبست لي جلباب طويل بي طرحتو.. مشيت لي ايات لقيتا رااقده في التلفزيون قلت ليها سجم خشمك ده شنو😳 قالت لي مالك ي بت قلت ليها الليله النتيجه علي فكره قالت لي ويعني شنو😎قلت لليها ايات بطلي هبل وقومي استحمي قالت لي اصلا قايمه وجاينك انا وتسابيح اختي نحضر النتيجه معاكم وابوي برضو بجي علينا عندكم قلت ليها خلاص سمح وجدي زاتو قاعد م مشى واسامه وابوهو جاين برضو قالت لي خلاص شوي كده وبلحقكك..
مشيت البيت وجوني والناس كلها اتلمت انا كنت خايفه شديد زقت منهم ومشيت صليت ركعتين ايات نادتني وقالت لي االمؤتمر بدا طواالي مشيت قطعت لي كوزين مويه وجيت قعدت حضرنا المؤتمر وخلاص قالو النتيجه طلعت وطبعا لا انا ولا ايات عندنا تلفون..
ايات:تسابيح ارح دخلي رقمي بتاع الجلوس وبعديني ملاذ..
تسابيح:هييي وب علييي😱نسيت تلفوني..
ايات:م مشكله اسه بمش اجيبو ليك..
اسامه:ياخ هدا تلفوني ارح ادوني ارقامكم..
ايات:لالا هوي بتفضحنا..
اسامه:جيبي ياخ قلت ليك..
ايات:خلاص ملاذ اول..
قلت ليهم والله ابيت عدييل
وضاح:خلو العواره كان م نتيجه..
اسامه:اول شي اي وحده توريني عايزه تدخل جامعه شنو..
قلت ليهو اسامه عليك الله م وقت رشاقتك..
ايات:عاين عايزه جامعه الاحفاد البقولو عليها سمحه دي ورقمي .....ارح سريع وريني النتيجه..
حبوبه:😀😂😂😂😂خلي االشفقه..
اسامه:دقييقه دقيقه النتيجه طلعت😃ايااااات..
ايات:اهاااااااا😦
اسامه:لالا اول ملاذ توريني عايزه جامعه شنو..
طبعا انا اتململ زي الثعبان وخايفه خووف.. قلت ليهو اسامه عليك الله وري ايات نتيجتها واديني التلفون ده بدخل الرقم براي اصلا النتيجه ددي حاجه شخصيه..
اسامه:ي زوله ابيت.. ارح قولي
قلت ليهو يياخ جامعه الخرطوم..قام قال لي ارح رقم جلوسك.. قلت ليهو لالا وعايزه اقوم تسابيح مسكتني قرصتني وقالت لي خلي اللتاخه😂😂قمت اديتو الرقم..بقى يعاين لينا انا وايات..
ايات:ياخ م تنضم م تجيب لي الهارت😤
اسامه:ايااات معقول لكن تجيبي اانسبه دي..
ايات:اسامه الله يخليك قول والله كرعي ماتو..
اسامه:85%😍😍😍
ايات دي طارت من السرير وجرت بره الحوش ودخلت ونططت ونحن كوركنا وسلمنا عليها..واتبكينا وطبعا انا نسيت روحي لحدي م حبوبه قالت ي جماعه اقعدو يلا ارح نشوف ملاذ.. بس قلبي اشتغل دلووكه وخايفه خوف مبااالغه.. اسامه بقى يعاين لي مسااافه وويهز في راسو حسيت بي انو العالم ضلم💔قال للي ملاذ ليه انتي م قريتي كويس يعني..بقيت اتلفت ودوعي نزلت بي غزااره..قال لي 60%ي ملااذ ليه يااخ كنا قايلنك ح تجيبي اكتر من كده لكن تعيدي السنه االجايه وتجيبي فوق ال90 مع انك كنتي دايما متفوقه بس اكيد في خلل في النتيجه.. ياااخ انا والله راسي لفا وقعدت ابكي بي هستريا كلهم مسكوني اسامه قام قالو ههوي اسكتو.. عايني ي ملاذ92%كيف معاك😍😍😍😍😍😍..قمت سكت وبقيت اعاين ليهو مساااافه وعيوني دي مولعه شراار😂😂قلت لليهو حسبي الله ونعم الوكيل فيك بشكيك لي رربي بس حبوبه بقت تزغرد وتسابيح وايات تكورك وتصفر😂😂😂😭انا بقيت واقفه وبقول لي اسامه وريني وريني بالجد جبت 92% لمن شفتها في التلفون شلت المخده ووولفيت بيها وضحكت ششديد كنت مبسووطه ياااخ😭😭💙الجيران خشو علينا وهاك ي الحلاوه والمباركات والسلام.. العصر كده كنا صاعدين نتونس ايات قعدت تبكي شديد وقالت ي ريت لو امي كانت عايشه كانت ح تحضني وتكون معاي واكون مبسوطه كلنا بكينا معاها..بعديا جبناالشاي والكيك والونسه والضحك..هي نسيت اكلمكم تسنيم جابت70%..
#نتلاقى..
