-انت ي عبدلله ملاذ بت اخوك دي بتجي للجامعه بتقعد في داخليه ولا وين
عبدلله:والله م عارف ي ايمان مكان عايزه تطير تطير..
ايمان:عااد لكن جنس محن.. تعالي ي رزان كبي لي الشاي ده واشربي معاي..
رزان:كويس..
شربو مع بعض واتونسو..
-ي حاجه انا طالع شويه كده وبرجع..
-ماشي وين ي بيان ي ولدي..
-امي م بتأخر..
....
رزان:اسه ي امي الولد ده سااي تخلي ييمرق ويخش..
ايمان:هي عاااد هو ولد كيف الكلام ده..
رزان:اسه كان بتخليني انا اطلع براي مالو😂😂
دان:اااجي ي ببت ابووي😂
ايمان:خلاص قومن علي المطبخ ده نضفو نضافه عاامه كده انبسط منكم زاتو الليله طارق اخوكم ومرتو جاين يتغدو معانا..
يلا اعرفكم.. ده عبدلله عمي القلت ليكم بكرهو كخخخ😑ومرتو ايمان طبعا انا م بعرفها بس اسم لكن م حصل شفتها والود الكبير اسمو طارق ومتزوج وعندو ولد وبت الولد في الروضه والبت قدر وضاح اخوي في اولى ثانوي بعديها رزان ودي ياداب خلصت جامعه وعاطله ساي وم عندها موضوع😂اما الولد التالت اسمو بيان.. ااي هو اسم بت بس برضو اسم ولد ده في السنه الاخيره في الجامعه وبعديهو دان ودي بتقرا في تانيه جامعه..
......
اها طارق ومرتو ساره جو والعيله اكتملت واتغدو واتونسو ..بلييل كده..
عبدلله:قبيل والله يي ايمان فكرت في موضوع ملاذ..
ايمان:اهاا
عبدلله:رايك شنو تجي تقعد هنا معانا م ليها زول والله هنا مع اني م بريدا لكن اسوي شنو..
ايمان:شنوووووو لااا والله م بتجيب لي ببت اخوك هنا عشان تستولى علي البيت.. عبدلله:تستولي شنو ياخ هي زاتا مسكينه بنديها غرفه بعيده شويه من غرفنا وتاكل وتشرب معانا وتمش جامعتا وتنوم نوما وفي حالا (مسكييينه قااال👻
هع هع هع هع😈😈😈)
ايمان:خلاص سمح كدي لمن نصبح الصباح نشاور الاولاد..
عبدلله:وانا بكره المساء بسافر البلد اكلم جدها واجيبا هنا الصباح..
ايمان:سمح....
.....
بيان:صباحات ع ست الكل..
ايمان:اهلا..
رزان:الجميل مالو صاري وشو..
ايمان:كدي اقعدو عايزاكم.. ي داااااان داان تعالي سريع..
دان:اها ي امي..
ايمان:طيعا عندكم بت عمكم المتوفي اسمها ملاذ م حصل شفتوها يلا امتحنت اسه تالت وهي في البلد هناك وطبعا ح تجي الخرطوم وابوكم قال يسكنوها معانا رايكم شنو..
رزان:جابت كم..
ايمان:قال لي92
رزان:اريتو حاالنا ي يمه😂😂😂عن نفسي م عندي مانع..
بيان:ولا انا اصلا م فارق في شي زياده الخير خيرين..
دان:خلفت كراعها لا والله معليش عدييييل..
ايمان:في شنو..
دان:تجينا لشنو م تتمش تشوف ليها اي سسجم داخليه..
ايمان:ده ابوكم اانا زاتي مجهجه وم عارفه للكن ابوكن اصلو ببحب البوبار..
------------
حبوبه:ملااااذ ي بت..
نعم ي حبوبه..
حبوبه:عمك قال جاي الليله..
قلت ليها ااااجششششش شي رااقي عديييل نعلو جاي يبارك لي..
حبوبه:ابعرفو وحاتك كدي لمن يجي..
قلت ليها سسمح..
....
هناك عبدلله اتحرك ووصل الساعه7 مساء سلم علينا وطبعا تعاملو معاي م زي كل مره سلم علي كويس وبارك لي م اكزب ععليكم انبسط شديد انو اخيرا ففي زول ممن اهلي عبرني.. قام فتح موضوع انو عايز بت اخوي بتجي تقرا االجامعه في بيتو وتعيش هناك وكل اجازه بجيبني لي جدي وحبوبه واخوي..جدو وحبوبه الكلام عجبهم واقتنعو بيهو انا وافقت بس م كنت رضيانه لانو ماف حته هناك في الخرطوم وكده بمش داخليه وبقلق جدي وحبوبه..اتوكلت علي الله..الساعه10كلهم نامو وقفت في حيطه ناس ايات وناديتا وكلمتها قعدت تبكي ووقالت لي خلاص الجامعه حتفرقنا وانو هي بعد اسبوع ماشه الخرطوم وح يرحلو عديل هي وابوها ووتسابيح.. قالت لي لكن ان شاء االله المسافات تكون قريبه عشان ازورك..قلت ليها م ح نبعد من بعض اطمني..وقالت للي امشي ننومي بكره راجيك سفر وانا من الصبااح بجي بودعك..
.....
اصبح الصبح انا بجهز في شنطتي وببكي وحبوبه تبكي معاي..
حبوبه:ي حليلك ي بتي..
قلت ليها حبوبه عليك الله م تبكي كده انا م بقدر امش قالت لي معليش لكن ده حال الدنيا..ايات جات خاشه تضحك لمن شافتني ببكي ضربتني وقالت للي ماشه الخرطوم االبتحلمي بيها ووانا لاحقااك للاحقاك في حلقك😂😂😊قلت ليها ح افقد صحبتنا االعشناها في الحله سوا💔
حضتني وقعدنا نبكي..
جدو جا داخل صفق وقال لي يلاااا السفر😍جريت ععليهو ومسكتو وقلت لليهو ابووي ووبكيت شديد مسكني من اكاتفي قال لي م تبكي ياخ ماف زول مات انتي اسه ماشه لي حياه جديده وجامعه ومجتمع غير الانتي عايشاهو وبي اخلاقك ووتربيتك بتعكسي ااي حاجه حلوه نحن تعبنا عشانا فيك وم اكذب عليك انا م قصرت معاك ولو قصرت م ببقصدي..عايزك تصوني ننفسك وقبل م تخطي ااي خطوه اتذكر ربك وختيهو قدامك اتذكري مبادئك وم تتنشني والشيطان يغرك..خلي شخصيتك ققويه اسندي روحك واصبري لانو ح تتلقي السمح والشين..جملي حياتك بي نفسك اخلقي عالمك الخاص صدقيني م بتتعبي تب في الدنيا دي..حافظي علي صلاتك واكلي كويس وخليك زوله رزينه وواعيه واتوكلي علي ربك وانا واثق فيك ووراك في ضهرك واديت عمك القروش لكن رجعها وقال بجيب ليك تلفون براهو ووقت م تتضايقي اضربي لي بونسك ووبضحكك.. اهتمي بي نفسك..سكت وكلام جدو عجبني بستو في راسو..وطلعت شنطتي الحوش ودعتهم وقبل م اطلع قلت ليهم وضاح وينو.. قام طلع من الاوضه قلت ليهو اها ي المجنون فايته ومخليه ليك البيت اسرح وامرح فيهو وشو كان مورم من البكا قال لي اقول ملاذ تاني لي منو واكورك لي منو واعزب منو قلت ليهو اضرب لي واعمل اي شي دايرو قال لي م تمشي جيت حضنتو وبكينا شدييد بي صوتلمن جات ايات فكتنا قلت ليهو اووعك تستولى علس حاجااي انا بجي في الاجازه والله القى اوضتي عملتها ملعب كوره افقلك ودولابي م تخت فيهو هدومك بقتلك وكدي كان راجل شفر القنوات بتاعتي قال لي ملاذ 💔💔ونا بتكلم وببكي قلت ليهو الله حلاني تاني ماف زول بخبتي في ضهري😂😂😂وقلت ليهم مع السلامه وخليتم في بكاهم عاينت بالبيت قرابه العشره ثواني وطلعت ركبت العربيه..
#فارقت الناس الفرحه وفارقت الحله بي ناسا..
#خلاص مشيت..
#نتلاقى..
