بقى لا معاي صحبات ولا اهل حتى انو شال مني تلفوني💔😞الوقت كلو بقول لي اشتغلي.. انا في الغرفه الجمبهم بليل بسمعهم يضحكو ويتونسو انا بقفل اضني عشان م اسمعهم.. مرافي ولدت ولد.. م كانو بخلوني اشيلو نهاي ولا حتى اهبشو بحسو انو انا ح اقتلو في يوم من الايام..
يوم كده عمر قال لي انزلي جيبي خضار وم تتأخري.. الفتره الاخيره دي بعد م جابو ليهو الولد عمر اتغير يعني كانو بقى واعي وحس بي المسؤليه شويه يعني بقى م شغال بي اصلا لا بدقني ولا بكورك فيني حتى مرات بتكلم معاي كلام عدييل انا لمن بستغرب لكن الوش الشوم التانيه ديل اصلي خشمي م بفتحو معاها لكن لمن تكون كديستي قايمه علي م بسكت ليها برد والوقت كلو بتقول لي قومي اشتغلي..يشتغلو فيها الدكاتره شحت ربي🌚💚.. مشيت جبت الخضار وانا في الشارع شايله باقي القروش واصلا كانت كتيره جا ولد شلخني بي السكين في يدي شلخه كبييره وشال القروش وجرا انا بقيت ماسكه يدي والدم ده سايل بي صوره خياليه وانا اصلا بخاف من الدم بس بقيت ابكي جات مره لملمت الخضار ووصلتني البيت دقت الباب انا كنت خايفه لانو متأكده انو كان ح يدقني لانو القروش قريب200 وقلت الليله اصلو م برحمني لانو مرافي ساقت ولدا ومشت بيت امها تلاته يوم وجايه.. خلاص انا ماسكه قلبي في يدي مع دمي😂عمر فتح االباب قال ده شنو المره قالت ليهو جاها حرامي ود كلب وشال قروشا وجرحها والله البت مسكينه قمت انا عايزه اتكلم قام قال لي المره تسلمي ي خاله وشال الكيس ومسكني ودخلني جوه قعدني في االكرسي وانا ككنت ببكي وعايزه اتكلم وابرر ليهو والله ي عمر انا اانا م م ك ك قال لي هششش اوعك تتكلمي مشى جاب المنظف والشاش واللصقه نظف لي الجرح انا بقيت ابكي شديد وحارقاني بقى ينفخ في الجرح انا نسيت وجعي وبقيت اعاين ليهو مع انو الجرحه كانت كبيره بس نسيتا وبقيت ااعاين في عمر المجتهد شديد ده ♥قام ربطا للي وشال مفاتيحو وقال لي يلا المستشفى عشان الجرح عاوز خياته قلت لليهو لالا عليك الله م ماشه😭قال لي قومي ي ملاذ قومني ومسكني وركبت العربيه كانت حارقاني شديييد كان كل مره يركز في السواقه ومره يعاين لي ويقول لي قربنا لحدي م وصلنا بدو يخيتو للي قلت لي عمر م تمش اقيف قال لي م ماشي بقيت مكنكشه ففيهو وخاته راسي علي صدرو والدكتور كان شغال في يدي التانيه الدكتور خلص عمر قعد يضحك وقال لي خلاص ي ملاذ انتهينا😂قمت برااحه زحيت راسي منو قال لي اها كيف اسه قلت ليهو كويسه.. الدكتور قال لي عمر مرتك خوافه وجبانه..انا وعمر بقينا نعاين في بعض مسافه بس انا نزلت عيني منو قامت الدكتوره قالت اننا جاين مع بعض سكتنا ساي وعمر اتلبش😂طوالي قمنا ومشينا البيت..
دخلت قال لي ارقدي قلت ليهو لالا عندي طبيخ قال لي ي بت انتي مجنونه ولا شنو😠قلت ليهو هي حاجه بسيطه واسه راحت قام ضغط علي يدي وجعتني قلت ليهو حرقتني ي عمر قال لي معليش.. اها كده موش حاره قلت ليهو اي🤧قال للي ماف شغل ليك نهاي ارقدي يلا ونومي قلت ليهو م نعسانه م بنوم قال لي ي بت مالك عنيده كده نومي..خلاص خفت منو وغمضت عيوني بي الغصب لحدي م نمت.. صحيت لقيتو راقد في السرير التاني انا اصلا في اوضتي في سريرين طبعا اتخلعت لانو ولا في يوم من الايام دخل اوضتي😕😢بس انا لقيتو نااايم وفاتح خشمو ي الله اناا والله منظرو زي الطفل.. عاينت ليهو مساافه كده وضحكت قام صحى انا عملت روحي نايمه بعد شويه حسيت بي نفس قريب لي فتحت عيوني االقاهو في وشي🙈غتيت وشي بي البطانيه وقلت لليهو داير شنو قال لي انتي كويسه قلت ليهو عمر انت مالك قال لي خايف عليك شديد ي ملاذ..♥
كدي دقيقه واااااي واااي طبعا قلبي وقع سته مرات وقام تاني.. اول مره قلبي يخفق🐸😂المهم قلت ليهو انا قايمه استحمى.. طبعا قلبي لسه بدق..استحميت وسرحت لبست لي فستان حلاوي بي بيجي نص كم ولبست معاهو هاف جت طلعت شميت ليك ريحه ااكل قال لي تتعالي قلت لليهو جبت الاكل ممن وين ققال لي ططلبت دليفري وسخنتو بي االمايكرويف.. طبعا م حصل اكلت معاهو بقى ياكل وانا قاعده اعاين ليهو عاين لي قال لي م تتحشي مالك بتعايني لي قلت لليهو لالا اكل انا م جعانه قال لي افتحي خشمك قلت ليهو لالا وزحيت منو قال لي هاك ياخ فتحت خشمي واكلت اللقمه بقت في شفايفي قام مسحا لي ونزل عينو وااي انا خجلت شديد🙈😭اول مره ولد يعمل لي كده ياداب حسيت بي اني بت بت كده🐸😂بس المهم اكلنا كده وقلت ليهو راجعه غرفتي قال لي قبل م ترجعي انتي زعلانه مني..عاينت ليهو وابتسمت ابتسامه خفييفه كده بتحكي عن قصه الف وجع ومشيت منو ووقفلت الباب.. ياخ حسيت بي احساس عجيييييييييييب🤤🤤😍عجيب عدييل وااي كنت خايفه ووقلبي بدق وجسمي بارد قلت ي ربي ده الاحتضر وانا م عارفه لانو م حصل جاني احساس زي ده😂😂😂بس دق لي الباب بعد ساعه قال لي ملاذ انا ماشي اجيب ليك المضاض الحيوي تمشي معاي ولا تنتظريني قلت ليهو لالا بنتظرك تب..قمت من سريري وبقيت ارقص م عارفه ليه بس حسيت بي اهتمام م حصل زول اداني ليهو..♥كنت مبسوطه شديد مع انو انا ضقت وجع كتير من عمر ده لكن كانو م عمل لي شي..م عارفه حسيت انو دي خفه مني ولا قله ادب🤧😂😂😂المهم قلت خلاص خليهو اليجي واتاقل عليهو😌ي حليلك ي دان كنتي ست الحاجات دي..بقيت حايمه في البيت واصلا انا الحته الوحيده الم بنضفها غرفه النوم حقت عمروالفقر الاسمها مرافي السجم دي..قلت كدي اخش بعدين قلت لالا ي ملاذ تاني قلت بخش بشوف ساي وبطلع خشيت لقيت كتب كتاار بقيت اتفرج فيهم بين الكتب لقيت كتيب صغير كده مكتوب عليهو5awater omer فتحتو كان مكتوب بي خط عريض ملاذ مالي الورقه كلها بي اسمي طبعا انا الجاهله قلت معناها ده دفتر الناس الح يقتلهم🤢الليله ووب..فتحتو زياده كان كاتب حبيتا من يوم قالت انتو قايلني مسكينه..
[ حبيتا لمن ادقها وم تتكلم وتسكت ساي.. ولمن احرجها و م ترد علي.. حبيتا لمن تبكي وتمسك يدها وتضرب راسا عشان تسكت.. حبيت العرق الصابب من جبينا لمن تكون شغاله في المطبخ.. حبيت عيونا.. كلاما.. شخصيتها.. عزه نفسها.. حبيت كتمانها.. حبيتا لمن تتصرف براها بدون م يقولو ليها.. حبيت تعاملا لي بعد العرس م كانت بترد علي ولا بتقل ادبها.. اتفقنا بعد سته شهور اطلقها بس في السته الشهور دي عشقتها.. م كنت قادر اقرب عليها.. م عارف اقول ليها كيف انك جزء من كياني.. اتزوجت فيها عشان عارفها م بتحبني وعايزها تغير.. م كانت بتغير اتأكدت انها م بتحبني.. بتكرهني.. كيف م تكرهني وانا بعامل فيها المعامله البشعه دي..ليها حق تسوي فيني اي شي.. كنت بتمنى تجي يوم وتبكي فيني وتضربني وتقول لي عزبتني بس م كانت شغاله بي.. انا بحبك ي ملاذ.. ممكن م اقدر اقول ليك لمن اموت لانو انا كتوم شديذ وم بعرف اعبر ولقيتك زي كده.. يعني ح نموت وماف زول عارف في قلبو للتاني.. مرتي اسه حامل.. كان نفسي القى ولد منك.. لكن انا حلمت حلم خلاني اصحى لي روحي.. انا ح اعاملك زي مرافي وواحد م ح افرق بيناتكم من الليله ولي قدام ح ابدأ اغير تعاملي شويه شويه..
طق طق الكلام اتقطع بي صوت فتحه الباب انا ققلت الكتيب ومرقت من الاوضه ودخلت اوضتي كنت ببكي بي هستريا💔دق للي الباب قال لي ملاذ اخش؟م رديت قام خشى جدع كيس الدواا وجا علي قال لي مالك في زول هبشك في زول سألك احكي لي ي ملاذ مالك يدك واجعاك قلت ليهو خليني ي عمر اامش خليني قال لي م بخليك.. مالك اتذكرتي تعاملي ليك؟؟ملاذ. اسف والله اسف انا انا انا م قادر ابرر ليك بس بالجد انا انسان كعب ووسخان وحيوان اعفي لي بس من الليله ولي قدام انا اي شي انتي ددايراهو ببجيبو ليك م تبكي.. انا وقفت عايزه اطلع من الاوضه مسكني من يدي وجراني عليهو انا زي الشافعه مسكت في قميصو بكيت بي صووت عاالي شديذ بي حرقه طلعت عكر السنين كلووو طلعت عزابو لي ووجعو زواجو فيني طلعت حق طفولتي لمن م كان في زول معاي طلعت حق موت جدي حق فراق امي وحبوبه...هو كان ساكت وبرجف وخاتي يدو في شعري قال لي خلاص انتهيتي عاينت ليهو وكلي دموع قال للي لو انتهيتي انا بحبك ولو م انتهيتي انا برضو بحبك💜ملاذ اانا ح اعوضك كل دقيقه عشتي فيها الم ح اعوضك اي شي.. ح ااخليك تحبي نفسك اكتر واكتر ح اعيشك في نعيم وجنه ح نكون سوا انا ندمان شديد انا بحبك ي ملاذ عمري فداك ي بت انتي جننتيني عديل😍انا بقيت منزله راسي قعدني في السرير وقاوقال لي انتي عارفه ي ملاذ انا حبيت كل شي فيك لمن ت ....قلت لليهو عارفه قال لي كيف قلت ليهو قبل شويه قريت دفترك قال لي حيوانه قلت ليهو م. قدرت ااتمالك نفسي قال لي حبيت فكه شعرك لمن تصلحيهو وانت شغاله لمن تزحي شعرك من وشك..تتزكري لمن كنتيي نايمه في الكنبه وصحيتي لقيتي روحك متغطيه ده انا الغطيتك..لمن فتحتي دولابك ولقيتي علبتك الانا شلتها منك قاعده ده انا الرجعتها م مرافي.. لمن تلقي مناديل في اوضتك عشان عارفك بتبكي وتستغربي المناالمناديل دي بتجي من وين ده انا البختها.. لمن تفتشي حاجه وم تلقيها وانا اكون شايفها اقوم اخت ليك في مكان معروف وانتي تقولي بسم الله موش انا فتشتها اسه..كنت بضحك عليك لمن تتمختي بي طرف جلبابك😂😂قمت غتيت وشي بي يدي وضحكت قال لي فداها الضحكه ي ناس وحلات البتخجل قلت ليهو عمر ياااخ قام حاكاني وقال لي عمر يااخ😂🙈ربنا يخليك لي ي روح عمر انتي..قال لي ملاذ زعلانه مني قلت ليهو لا قال لي احلفي قلت ليهو وحاتك قال لي وحاتي انا😉قلت ليهو اي ياخ قال لي حياتي ليك شنو قلت ليهو م عارفه🙈قال لي غمضي عيونك وقولي قلت ليهو ابيت قال لي قولي خلي الحقاره قلت ليهو يااخ شنو قال لي بتحبيني؟🤔قلت ليهو اي♥.. اتخلع قال لي بتحبيني؟قلت ليهو اغير راي يعني😒قال لي خلاص😂طيب قومي البسي نمش ناكل بره..قلت ليهو اكلنا قبيل قال لي حنك مرقه وكده😆قعدت اضحك..فتح الباب عشان يمرق قلت ليهو بحبك♥خت راسو علي الباب حركتو دي وترتني شديد ياخ🤦🏻♀
مرقنا ومشينا كان بالجد يوم حلو بسطني شديد♥
#نتلاقي
