صحيت اليوم التاني وبي فرحتي الكبيره كالعاده عملت الروتين اليومي.. جاتني ايات ناطه وتكورك وتزغرد قالت لي ابوي جاب لي تلفون😍عاينت ليها مساافه وقلت ليها بركه ي يمه الجابو ليييك😂عقباالي كده قالت لي هااا وحات الله فرحانه ليهو اكتر من النتيجه😂😂😂😂😂قلت لليها اقسم بالله متخلفه.. قالت لي كده خلاص بمش لي تسابيح تظبطو لي وبعديا نخش عااالم التكونليجا😂😂قلت ليها واااي منك ها الغبيانه اسمها تكنولوجيا😂😂😂😂قالت للي كلو مويه يلا بمش انا انتي تمشي شغلتك.. بعد ممشت انا نزلت ليك جلبابي كنت اصلا رافعاهو عشان ببمسح بس نزلتو وقشيت يدي في الجلباب ومشيت لي حبوبه لقيتها تورك في خدره قعدت جمبها وربعت ليها كرعي فووق وبقيت بمشي يدي في الملايه قالت لي م تقعدي تتهاطلي لي وتعملي لي فيك مجنونه عايزه تقولي شنو.. قلا ليها ي حبوبه انا موش خلاص انتهيت من جو الشفع وقرايه المدراس..بعد ده ممكن تجيبو لي تلفون صاااح🙁قالت ليي هوي ماف كلام زي ده تتلفون مم تنزلي لحدي الجامعه وكمنا رربيكه ساي ععشان تضربي للينا بيهو مم تنسينا قلت ليها يعني اصلو م اكون ززي البنات😤عاملني خدامه في البيت لا عايزين تودوني الخرطوم ولا تجيبو لي تلفون هدي ايات جابو ليها تلفون وانا اقعد احرس ليك في التلفزيون واسك واعرف الراجل الكتلو وقام مات😭والله عزبتوني عدييل وحبوبه دي ولا شغاله بيبس جاتني لبعه حااره في ضهري عايزه وانا بهرج.. ياخ م ممكن معاك ي وضااح الوقت كلو تخبت فيني..بس قبلت كده لقيتا زينب نطيت فيها فووق وحضنتها وسلمت عليها. باركت لي وسلمت علي وبكت معاي..سلمت علي بناتها الت مات منه ومي..وقعدنا ونسيت موضوع ااتلفون..بليل زينب قالت لي امي م ضربت ليك لسه قلت ليها م منتظراها اصلا بالله دي ام عليك الله من الامهات قالت لي م تقولي كده ي ملاذ عيب قلت ليها بتحامي ليها ولا الفهم شنو قالت لي حتى لو بعدت منك دي ح تفضل امك نتي مجبوره عليها قلت ليها خلاص قفلي المووضوع.. نا عايزه لي تلفون.. قعدت تضحك قلت ليها مالك قالت لي ماف شي.. بعديها مشت..
عده اسبوعين ايام مملله وروتين ابو كلب..التلفون م جابو لي مع انو نبحت في راس حبوبه وجدو بس كاني جردل طحنيه فااضي😂💙ايات طبعا انشغلت بي تلفونها وحاات الله من يوم قالتلي جابو لي تلفوني تتي م جاتني ولا لقيتها بسمعها تتشاكل مع تسابيح بنتونس بي الحيطه واي زول يرجع لي حالو..كان الوقت كلو تلفزيون ونوم ونضافه..ماف ولا اي شي جديد حتى امي م كلفت نفسها تجي تبارك لي مع انو م راجيا فيها الرجا..
بس في يوم راقده احضر قمت من ااسرير اتذكرت مووضوع التقديم وانو انا ناسياهو لبست توب ومشيت لي اياات سلمت عليها وبقيت قاعده وهي شايله تلفونها قلت ليها وين حيك ي بت م بتجي قالت لي انتي مالك م بتجي قلت ليها انتي بتجيني اكتر واصلا متعودين وبعدين كان جيتك ولا جيتيني واحد صح..م ردت علي وبقت تضحك في التلفون ختفت منها التلفون وقلت ليها عايني موضوع التقديم ده فهمو شنو قالت لي انا قدمت ي بت وتقديم الكترني كمااان ايه رايك قلت ليها والله ي ايات؟قالت لي اقسم..اسامه عندو ناس بعرفهم شال بياناتي ومشى قدم لي جيبي بيااناتك بخليهو يقدمم ليك..وقامت شالت تلفونها بقيت اعاين ليها مسافه وقلت ليها م اتوقعت منك تعملي كده في ياتو انتيسويتي حاجه بدون م توريني قالت لي ياخ جات كده م تنقي لي في راسي..قلت ليها والله ي ايات حليل الصحبه الكانت بدون تلفون لو التلفونات بتعمل كده انا م بدور لي تلفون وتتهني بي التلفون وان شاء الله يددوم ليك واناا كاني م كنت صصحبتك تنسي العشره الطويله عشان تلفون..ايات ياخ ليه كده انتي بياعه قالت لي هوي ي ملاذ هووي شنر يدوم ليك وعشره وبياعه بس مشغوله ساي قلت ليها ااي مشغوله بي التلفون ولمن تفضي بتجيني وقت فرااغك اي انا م سله واقعه في الواطه بشيلوهو وقت يحاتجو يدخلو فيهو وساخه.. قالت لي يعني قصدك شنو قلت ليها سلامتك بس لمن تحتاجيني بتلقيني اصلو م مشكله ومع السلامه قالت لي عليك الله اقفلي الباب وراك عاينت ليها بي شفقه وقلت ليها والله ي حليلك الدنيا غاشاك ومرقت منها..مشيت البيت بالجد كنت تعبانه شديد قعدت بكيت قدرتي وابيت الاكل واي شي بليل جاتني واعتزرت وقالت لي قفلت التلفون وم بفتحو الا لمن ترضي..شالت بياناتي وقالت لي ح اقدم ليك..
...
نسيت موضوع ايات وبقيت افكر قلت بالله عان انا العويره..يخسي علي انق في التلفون وناس حبوبه وجدو قروش حقت شهر كامل م لاقين..وفوق كده باسطننا انا ووضاح بالجد انا انانيه صحيت الصباح قلت لي حبوبه انا كنت بهظر ساي في موضوع التلفون م دايراهو وكذلك جدو طبعا استغربو فيني لكن اتجاوزت..
بعد كم يوم التقديم طلع طبعا شالوني طب الخرطوم😍😍😍😍😍😍😍😍😭😭😭💙وايات اعلام السودان.. انبسطنا شديد وكان باقي شهر وحاجه وننزل الجامعه..♥
#نتلاقى..
