يوم قاعده في الجامعه في مصطبه كبييره كده ومربعه كرعيني ومتمحنه.. جا ولد قعد جمبي كان بشرب في بارد عاينت ليهو ونزلت كرعي وزحيت حبه.. عاين لي مساافه وقبل مني ومشى طوالي قلت ده مالو ي ربي.. 🙁م اشتغلت بيهو.. دخلت المحااضره الدكتور جا خاشي وانا قاعده جمبي بت والدكتور صوتو وااطي بقيت اطنطن ده شنو الراجل الرمه ده م سامعين زاتو سمع الطرش وتسمع السمعتو سعاد الحماها المشي والقعاد😂البت القاعده جمبي ضحكت شدييييد انا قبلت عليها وضحكنا سوا واصلا م بعرفا فجأه القاعه بقت صااانه صن شديد قبلنا علي الدكتور وتدريجيا الابتسامه اختفت كان متكف يديهو قال لينا اها انتهيتو خلاص البت بي عفويه قالت ليهو اي ي استاذ وقعدت تضحك قال لينا مدام خلصتو اطلعو برا عشان نكمل محاضره قلت ليهو لالا دقيقه عايزين نحضر قال لي ي بت قلت اطلعو بره قلت ليهو عليك الله يي استاذ قال لي بمش بنادي العميد قلت ليهو خلاص مرقنا انا والبت طبعا انا زعلت عشان المحاضره ضاعت مني وكانت مهمت شدييد قعدنا وبقيت ابكي قالت لي متخلفه دي ي بت ي حلاه الطرده انتي ففي المدرسه م كان بطردوك ولا شنو قلت ليها انا اوله الفصل كنت😭قالت لي شــــيييي رااااااااقي بالجد قلت ليها م. متعوده ييااخ والله ححرام قالت لي ي بت يااما وياما ح تنطردي في الجامعه دي.. بقينا نضحك كداا قالت لي ارح نااكل انا جعاانه قلت ليها ارح مشينا اكلنا قلت ليها هي بالمناسبه م اتعرفنا قشت يدها وومدتا وقالت لي رغد برلومه معاك وطب.. ساكنه اام در مجنونه شديد وبحب الطقه😂💜قلت ليها ملاذ برلومه معاك وطب. ساكنه ان در وبحب اي شي بتحشي في البطن والغنا.. 😂😂قالت لي هي نسيت انا زاتي بموت في الاغاني..قلت ليها صفات مشتركه..♥
دده بالجد كان احلا يوووم من ييوم خشيت الجامعه رجعت البيت حكيت لي رزان وبيان..
كنت مبسوطه شديد حستا ح تكون صحبتي شديــد وجاين مع بعض كدا..اليوم التاني لقيتا قاعده في واحد من االكراسي خلعتها بي وراا وقعدنا اتونسنا وعدت الايام ولحدي م تمينا شهر وحاجه في الجامعه..
طبعا م ووريييييتكم😂😂😂بقيت البس ااسكرتيات وبلاوز وبقيت احجب الطرحه زي البنات😂😂💜
وطبعا رغد بتتمكيج وهي حلوه حلوه شدييييد م شاء االله وطبعا الاولاد بشاغلوها وانا بكون معاها وطبعا م بشتغلو بي اصلا 😂😂😂😂عشان كده عرفت الولد العاين لي في المصطبه ومشا م عجبتو اصلا انا م بعجب لي زول ي يمه😂😂😂😂😂😂معترفه النصيحه..بس يوم قاعدين نتونس انا ورغد سلم علي رغد وهي سلمت عليهو مدا لي يدو وقال لي وين ي مزه اااجششششششششش قال لي مزه😭😭😭😭😭😭وحات الله قال لي مزه صلحت طرحتي وسلمت عليهو قعد يتونس معانا وتاني اصلو م عاين لي ..طلع صاحب رغد.
رجعت البيت..
رزان:لوزه طبعا الاسكرتيات فيك حلوه وبقيت حلوه كيف..
اتكبكبت وقلت ليها احي اانااا🙈🙈اسكتي الليله في ولد قال لي مزه قالت لي حلوو؟قلت ليها كساار قالت لي شوووف البت بقت منفتحه قلت ليها الجااااامعه قالت لي الجااامعه ي وسخه😂😂😂😂💜بعد شويه بيان جا من الجامعه وشايل لينا شوكولاتات ادانا انا ورزان وقال لي هاك شيلي ديل لي دان قلت ليهو بري م بمشي ليها انا قال لي اامشي ياخ طلعت دقيت الباب قالت خش خشيت قلت ليها دام قالت لي خير قلت ليها بيان جاب ديل قالت لي وجايباهم انتي ليــه😏قلت ليها عايزاهم ولا ارجع قالت لي ايواا انتي م الخداامه الفي االبيت خلاص جيبيهم.. اتجاوزتها ومديت ليها قالت لي ختيهم جمبي وهي كانت شايله تلتلفونا وانا عايزه اطلع قالت لي عايني قلت ليها اها قالت لي تعالي نبقى صحبات المشاكل م منها فايده قلت لليها خلاص وعيتي لي روحك قالت لي تعالي ومدت يدها استغربت فيها ومديت يدي بي حسن نيه مسكت يدي وضغطتها شدييد وقالت لي اوعك تحلمي انك تشيلي قرش من قروش ابوي لو مات قلت ليها والله؟قالت لي ولو اتخارجاي من البيت ده يكون احسن..قلت ليها انتي لو م مرتاح في قعده البيت دي اتفضلي منو قالت لي ي بيبي ده بيت ابوي قلت ليها اسمعي ي بيت ابوي انتي ابوك لو هامه ليهو م كان بتتمني موتو قالت لي بتين اسه اتمنيت موتو قلت ليها بس اسكتي قالت لي كدي اني وختي لي تلفوني في الشاحن وطبعا انا شويه طيبانه شلتو وختيتو في الشاحن واصلا التلفون فيهو شقه قالت لي التلفون ده كدي ارفعيهو رفعتو ليها قالت لي الشقاهو شنو قلت ليها مالو تلفوني..قالت لي اسمعي هوووي شقيتيهو انتي جيتا في وشها وقلت ليها هوووي ي بت هوي انقرعي.. قالت لي كدي ارفعي الشبشب ده دقيقه قلت ليها ارفعو انا قالت لي ايون.. قلت ليها علي عيني وراسي الساعه الرفعت الشبشب ووقعت فيها خبت من طرف😂😂😂😂😂😂😂بقيت ادق فيها واتكلم.. شفتي هوي انا الحقاره م بحملها وسكت كتير اخير ليك اتادبي.. قامت وسرخت ودقتني وانا طبعا دقاااااقه..ايمان ورزان ودان جو وفكونا من بعض.. انا اتفشيت..ايمان كوركت فيني وقربت تدقني لمن بيان مسكها..
#نتلاقى..♥
