مشيت لي ايات وقلت لي تسنيم مع السلامه ومرقنا..
وماشين ونتطاقش في ااشارع..
ايات:اسمعي ي بت ابوها..المغرب باقي ليهو زي عشره دقايق خلينا نغشى الدكان قله ادب سااي..😂💜
قلت ليها سمح ارح..
ونحن ماشين لاقينا اسامه طبعا اساامه ده ود دكتور الحله وصاحب ايات شديد ووزي المربطين مع بعض كده انا شاامه الموضوع😂 واخوي انا وكده يعني..كان طواالي معانا في بيتنا وحبوبتي ربتو زي ولدا..
المهم لقيناهو وايات الشليقه وقفت معاهو وطبعا سلم علينا واقفين نتوونس واصلا الشارع فااضي.. بس عيني دي تقع في عين وضااااح واااي انااا حيلي مااات جراا لي شعااع وشال ليهو طوبه انا استعدلت ووشلت كرعيني في راسي وفكيت جريه وافحط من شارع لي شارع😂😂😂ووضاح ساكيني وانا رافعه توبي فوووق..وصلت البيت وقفلت باب الشارع وبتنفس الصاعدين وصلت الاوضه..
قلت ليها حبووووبه ي حبووووبه الحقيني
حبوبه:بسم الله بسم الله خير..
قلت ليها ولدك جاي يدقني لقاني في الشارع..
حبوبه:اهاا انا م قلت ليك..
قلت ليها واي عايز يج......وطااااااخ لبعه بي المفراكه في ضهري خلتني ارقص اللوووول واقع في الواطه واقوم قبلت عليهو عايزه انبزو اداني خبته في كتفي تااني😭💔
وضاح:بخبت في راسي وبتكلم.. القاك في الشارع وتجري مني.. كان م خواافه ماالك.. بت اللذيينا ي حيوااانه
قلت ليهو وضاح زح مني عشان م اديك شلوت
وضاح:تدي منو
قلت ليهو م بعرف😏
وضاح:اسمعي هنا تااني م القاك في الشارع وشايل المفراكه وبطير لي في شعري😂😂😂اتخييلو بس...
حبوبه:ي ولــــد
وضاح:م القاك في الشارع سساامعه الكلام ده ولا لا..
م رديت عليهو وبعاين ليهو
وضاح:خبتني تااني وقال لي سامعه..
حبوبه شالت االمفراكه وضربتو في كراعو اسمع هنا ي ولد هووي دي اكبر منك شنو شغال تخبت فيها شمال ويمين اخير ليك انعدل..
وضاح:حبوبتي بالله م تضربيني قداما..
حبوبه:بضربك ي قليل ادب..
انا لقيت الوضع تمااام وحبوبه شايلا االشيله معااي😊عايزه اقل ادبي قلت ليهو عليك الله امرق من الاوضه دي خلااص عامل ريحتك الزي الطير ددي..
وضاح:ملاااااااذ😡
قلت ليهو المحروق يروق ي بيبي..
حبوبه:كدي كان راجل مد يدك عليها..
وضاح:اصبري..
قلت ليهو عايز تعمل لي شنو يعني شافع مراهق ساي مخلوع بي الثانوي.. شلت االمفراكه ورميتا جمب كرعيهو😂
حبوبه:خلاص بطلو قله ادب وكدي اسمع لي صوت واحد فيكم بجي بعلقكم في المروحه دي..
ووضاح يعااين لي سااااي وعيونو دي مطلع شراار..
بس حبوبه مرقت انا طوالي عايزه الحقها طوالي وضاح جراني من شعري ووصعني في الواطه وضاغت علي راسي شديد في الواطه انا السااااعه الاقوم ليك واعمل ليك القوه االخارقه الفي اسبيستون دييك😂😂😂💜وطبعا هو قووي وم بقدر عليهو وقمت ورقدني في االسرير وانا اديتو شلوت وقع في الواطه وقام عضاااني وطبعا شغالين كتاامي عشان حبوبه بتجينا.. في النهايه لوا لي يدي شديد انا قعدت ابكي قام فكاني طبعا قمت سسرحت شعري ومشيت لي جدو اخدت وونستي معاهو..
جدو:مالك محموقه كده..
قلت ليهو يياخ ده الولد السجمان ده..
وضاح جا داخل وقال لي عايني قومي سوي للي شاي ساده عندي مزاج فيهو
قلت ليهو كمان معاك مزاج.. المزاج يجي من وين.. قال للي ضبحت لي خروف كاارب لمن قعد يبكي😎.. قلت للي جدو ششاايف ي جدو شايف..
جدو:ملاذ والله لسه صغيره ح تخشي الجامعه كيف..
وضاح:طيري ي بت..
جدو:هوي اوعك تنهر البت دي ولا قدامي وولا وراي سامع.. وانتي قومي سوي ليهو االشاي ده خليهو يتشوي..
طبعا خشيت المطبخ محروقه عليهو وانبز فيهو واصلا هو عندو حساسيه من القرفه بس كيتنا عليهو كبيتا في الشاي وواديتا ليهو اول م شربا كشح الشاي وبقى يكح وكرعينو م قادر يشيلهم انا خفت شديد ومسكتو دخلتو الحمام والجردل كان مليان طوالي كشحت فيهو مويه.. ع حسب معرفتي يعني قالو شويه كده بروق..المهم جابو دكتور الحله يلي هو اابو اسامه واداهو حقن ومسكن ورقد نااام.. طبعا اخدت علقه من حبوبه وجدو وزعلت شديد.. اي انا غلطانت لكن في النهايه البسويهو فيني وضاح ده انا تعبت عدييل..يعني اسه الكبير منو فينا غايتو بس..
...
حبوبه:هوووي هاا الشمس دي م طاقاك قوومي خلاص علي نضافتك..
قمت زهجاانه واخلاقي تحت الارض االسابعه رفعت شعرتي فووق وشلت الفرشه ومشيت علي الوضايه واصلا ااوضايه فيها مصطبه كبييره يعني لو ررفعت كراعي بصل االحيطه.. المهم بتسوك جات كديسه بقت واقفه في الحيطه انا بعاين ليها وهي بتعاين لي قلت ليها م تعايني لي انتي كمان بديك كف اسه😂😂😂😂والكديسه ابت تتحرك قمت رشيتها بي المويه ببقت تكورك قلت لليها ها م تنبحي فينا وجيت عليهاا واديتها فت خبته وقعت في الواطه وقلت ليها ووسخه قليله ادب..بس اسمع ليك اايات دي تسرخ من الضحك😂😂قبلت عليها لقيتا واقفه في الحيطه ورافعا راسا قلت لليها انتي كمان بقوم عليك اسه وهي مصره تضحك لحدي م وقعت انا شلت الكرسي وطلعت اعاين ليهو دموعها جاريه من كتره الضحك قالت لي شرطيني ضحك الله يجازيك في زول بتكلم مع الكديسه ي بت قلت ليها اها اسوي شنو كرهوني قالت لي اصبري نضفي واسه بجيك نسوي جبنه ونتونس.. قلت ليها ااي احسن عشان تطلعيني من الجو ده.. قالت لي صحي مالكم انتو ووضاح امس تتجارو في الشارع زي التيران قلت ليها اسكتي بس وحكيت ليها القصه كلها قالت لي عااافيه منك اصلو مقصوف الرقبه ده انا مبدورو كان اخوك ولا زفت قلت ليها نفس الشعور.. 😂😂😂😂😂😂😂
...
اايوم عدا عاادي بدون مشاكل مع وضاح ووديت الاكل لي جدو في الفرن والليل جا وم كنت قادره انوم عشان النتيجه بكره..لحدي م اصبح الصبح..
#نتلاقى..
