انا اتفشيت.. ايمان كوركت فيني وقربت تدقني لمن بيان مسكها طوالي انا مرقت من الاوضه مشيت اوضتي طبعا بقاوي في روحي عشان م عايزه ابكي ضربت لي ايات اتفشيييييت وكوركت وهي اصلا ببتسكت لمن اكون زهجانه بتخليني اتكلم واكورك وبعدين بقفل الخط..
المساء كده جا عم عبدلله.. انا مشيت عايزه اديهو مويه ايمان قالت لي م تديهو بتو انتي ولا حاجه وطبعا كلــهم قاعدين حتى طارق ومرتو كانو الليله قاعدين.. بس عبدلله قال ليها ليه مالك هايجه قالت ليهو اتخيــل انها دقت بتك.. دان طوالي فتحت بيت بكا وطلعت دموع التسماح وبقت تقول ليها انا كنت قاعده في غرفتي جات فتحت الباب رمت لي شوكااتات في الارض انا قمت عايزه اشيلهم قامت دفرتني بي كراعها ورمتني في الارض وبقت تدق فيني بالسفنجه وخربشتني في ضهري.. انا بقيت واقفه مصمغه م عارفه ارد اقول شنو ايمان قالت ليهو ياخ جيت لقيتا عاصراها علي السرير وخانقاها وشاده ليها شعرا..انا بقيت اتمتم م قادره اتكلم من شده الخلعه..رزان كانت عايزه تتكلم عم عبدلله قال ماف زول يتكلم والبتكلم يمشي من هنا.. بيان قال ليهو لكن ي ابوي الحق واجب قال ليهو اسكت قلت ليك.. قبل علي وقال لي البت دي سوت ليك شنو انا سكت وم قادره ارد.. قال للي بتكلم معاك ردي لي عشان م اجي اكفتك.. طبعا سكت سااي وابيت ارد اصلا م بدي لي مبررات لي زول انا.. قال لي بتي م تهبشيها والله اسه احرمك من الجامعه اخير ليك.. طله الحزام من بنطلونو ودقاني وانا لسه واقفه وبعاين لي دان قال لي ننزلي عينك من البت قلت ليهو انت موش عايز تدقني دقني وانا عيني م بنزلا بقى يضرب فيني شديد بيان م قدر يستحمل مسك منو الحزام ابوهو قال ليهو بشحطك انت زاتك.. 😂💜قال ليهو خلاص ي ابوي الموضوع م بستاهل.. وانا اسه بفهمك الحصل شنو قال ليهو ولا تفهمني ااي شي انا دان ددي م برضى فيها دتن بي وورا ايوها ضحكت ضحكه خبيثه كده.. طارق قال لي ابوهو اي ددقها ورما البت دي اصلا م قاعده في واطه الله ددي.. بعد م خلص دق قال لي يلا ططيري من وشي واسبوع كامل ماف ليك جامعه انا مشيت اوضتي رزان كانت عايزه تلحقني لكن ايمان قالت ليها للاحقه ليها ششنو كدي كان مره امشي الحقي البت الرمه سبب الاذى دي..
ياخ انا بس بتيين احصل اوضتي دخلت مسكت شعري ده شدييد وبقيت ابكي بي صوت عااالي عاالي شدييد وبي حرقه.. بقيت اقول عايزه اامييي دايره اميي..نادو لي حبوبه انا تعبت والله تعبت...اياات وينك.. ي اميييي اميي..بقيت كده قرابه االنص ساعه نمت في االواطه بعد م صحيت غسلت وشي وطلعت عايزه اامش الحمام فتحت الباب لقيت بيان خاتي ليهو كرسب ومتمحن وقاعد لي انا استغربت وقلت ليهو اانت واقف من بتين قال للي من لمن دخلتي وقفلتي الباب.. طبعا حنيت علي حالو والله كان علامات الضيق ففي وشو اكتر مني.. مسكني من يدي ودخلني الغرفه قال لي ااسمعي ي ملاذ انا ابوي كل شهر بديني مليون بتقدري تنتظري تلاته شهور اتم تلاته مليون واديك ليها وتمشي تقعدي في داخليه وانا كل شهر بجيك في الجامعه وواديك مليون لانو والله يوملاذ مم بتقدري تستحملي قعده بيتنا.. نتي م بتعرفي ناس بيتنا نحن مجبورين نستحمل بعض للكن انتي مم عندك ذنب انتي م مجبوره تسمعي وسخ اضانك وكل يوم تبكي..انتي م مستعده لي التعب دده كلو م بتقدري..قلت ليها بيان كدي بالعقل كده قول انا مشيت داخليه ابوك برضى انك تديني ققروش واصلا انانا م ح اشيل اي قروش منك.. قال لي م عندي شغله بي ابوي انا انا عندي شغله بيك انا م بستحمل ضيقك ده كلو..قلت ليهو انا متعوده يي بيان ياخ انا عايشه بدون ام واب عاادي يعني..اي شي حار لكن م حار زي ده..بقيت اخد ووادي في الكلام وكل م احاول اسكت بقول لي واصلي ووطلعي الفي قلبك..بقيت اتكلم وابكي لحدي م العبره مسكتني شديد بيان م قدر يستحمل طووالي طلع وكانت دموعو مغرغه عيونو..
اليوم ده م طلعت من غرفتي رزان جابت لي اكل اكلت شويه بس..
هناك في الجامعه كنت تلاته يوم مضايقه واصلا كان باقي ااسبوع وننزل امتحانات االسمستر كنت منتظراها بي فارغ الصبر عشان اسافر البلد..
بنقرا انا ورغد وبتنونس سواا جات بت صحبتنا اسمها شهد بقينا نحن التلاته صحبات شديد وكانو بفرقو علي طواالي.. دخل في شلتنا ولد اسمو عصام وده اصلا صاحب رغد وصاحبنا نحن التلاته وبقينا شله وطوالي مع بعض.. بلاقي ايات مره مره يعني م طواالي.. بيان لمن يخلص ماحضرات بدري بجيني في الجامعه بنرجع سوا.. خلصنا السمستر الاول وامتحنت..وسافرت البلد اتخيلو عمي ابا يوديني واصلا بيان م عارف االبلد وين قام وصلني مكان المواصلات ووراني اعمل ششنو لحدي م وصلت ياخ سلام مع ناس حبوبه وجدو ووضاح وبكا شدييد حتى زينب اختي جاات وسلمت علي..طبعا الحله كلها بقت تقول لي بت الجامعه وبت الخرطوم.. 😍🙈ياخ بالجد الحله راحه من كل هم.. عديت فترت الاجازه ورجعت الخرطوم البقت فقر علي😤..
....
يوم ماشين انا ورزان الدكان كان في اولاذ سمحين قاعدين بس ماشين كده قامو شاغلو رزان وانا طبعا م اشتغلو بي والغيره كتلتني.. مشيت وقفت في االمرايه.. قلت اصلو ي ملاذ اانتي يعاينو ليك شنو مبشتنه ومعولقه السنه كلها.. بس اليوم االتاني غسلت وشي بي صابونه غسيل ولبست توب كده سمح ادتني ليهو حبوبه ومرقت الكدان ماشه اجيب اندومي..بس جيت جنب الاولاد وانا ممتأكده انهم ح يشاغلوني ووماشه بي ثقه طبعا..😌ومريت فيهم مرور الكرام وماف زول حاول يرفع عينو اصلا والله كاني م زول كاني شي تاني.. قلت بيني وبين واي ي ملاذ اانتي منتهيه عدييل.. لازم تنكربي.. بس مشيت دخلت توووشك لي رزان..اسمعي ي بت ابوها..قالت لي ي بت مالك هجمتيني قلت ليها اديني قروش برجعا ليك قالت لي كم قلت ليها االعندك وانا برجعا ليك قالت لي خلاص معاي 500 هاك ليها لكن دايره بيها شنو قلت ليها بوريك وفوو جريت مشيت الصيدليه قلت ليهو اسمع ي حاج اديني كل انواع كريمات فسخ وجلخ ودعك وكلو كلو قال لي للي منو قلت ليهو مالي انا كراع بنبر قال لي عايزه الحاجات دي كلها قلت لليهو اي قال لي خليني اكتب لي صباع يفسخك فسخه حلوه قلت ليهو يي زول انا عاوزه اكون جير بوماستك بس انت اديني قال لي راحتك اداني تلاته صباعات وصابونه وواقي شمس قلت ليهو عاد جيهتني قال لي القروش م بتم لكن قلت ليهو م مشكله ببكره بجيب لليك قال لي والله عشتن طيبه قلبك دي خليها بشيل من حسابي قلت ليهو تسلم ي ابوي ومشيت البيت كعكت شعري واستحميت ومشيت جبت اكياس البقر حقت رزان واتمسحت ولبستهم ولبست الشرابات ومسحت وشي ومشيت عملت لي عصير منقه ودخلت لي رزان في غرفتها وقفلت النور وعليت ددرجه المكيف قالت لي ااااجي اااجي اااجي اااجششششش..ماااالك قال قلت ليها عاد النصيحه لقيت روحي جردل طحنيه فاضي عايزه املاهو قالت لي انا زاتي خليني املاهو معاك قامت وعملت نفس حركاتي ورقدت جمبي وواي وحده ببقت شايله تلفونها..
قمت ختيت االتلفون ورقدت علي بطني وورفعت كراعي وبقيت ااهزز فيها ققلت ليها انتي ي رزان انا اتقرب من دان اختك دي كيف.. عايزه اكسبها قالت لي بجي يوم وبتكسبيها م تخافي.. قلت ليها سمح خلينا منهاانتي م عايزه تشتغلي ققاالت لي ووالله النيه ففي بس رربنا يصلح الحال..قلت ليها ااممم.. قالت لي خلاص قومي عايزه انوم وانتي بكره عندك جامعه قلت لليها كذابه عايزه تخلطي صاااح قالت لي ااي يلا امشي..مشيت الحوش لقيت بيان قاعد وسرحان قال لي مالك صاحيه قلت ليهو مم نعسانه قال لي ووده شنو االابساهو ده ققلت ليهو عايزه افسخ😂😂قال لي والله من اول يوم وشك ضارب قلت ليهو حيوان خلاص هو زاتو م من اول يوم كده..
...
اليوم التاني مشيت الجامعه وعد اليوم عادي مع الشله وكده يعني ونتيجتنا طلعت ومعدلي كان حلو شديذ.. وانا طالع من الجامعه بعد م ودعت الشله جاني اتصال من رقم غريب.. رديت وقلت الو جاني صوت مره لكن م عرفتو وانا الصوت م غريب علي..قالت لي معاك نجلاء ي ملاذ طبعا نهااي م ختيت في بالي قلت ليها نجلاء منو قالت لي اجي نجلاء امك..😳اتخلعت كده ومرديت وقفلت الخط في وشها رجعت لي بس فصلت فيها بعد شويه القاها ليك في وشي قلت ليها جيتي من وين وواصلا القال لليك انا بقرا هنا منو عاينت لي وقالت لي والله كبرتي قلت ليها الوراك.منو انو انا بقرا هنا قالت لي االبسأل م بتوه..قلت ليها خلاص وسعي عشان عايزه اامش قالت لي والله م بتمشي عليزه اتكلم معاكي انتي كيف قلت ليها انا كيف؟هههه قالت لي ااي وقاعده في ياتو داخليه قلت ليها والله لكن اام حنينه شديد ومشيت منها طوالي وم ااتلفت نادتني كتير لكن م اشتغلت بيها.. هو يعني ليه انا كل م احاول انسى وابدا خخطوه جديده حلوه تاني المواضيع ترجع لي ورا الله م ممكن انا بس ربنا كاتب لي الشقي والحمدلله..
