قاعده في التوليت وبسرح وبفكر انا ح انزل الجامعه وم متعوده علي البلد دي وم فاهمه فيها شي😥مواصلات وناس وجوطه والله خايفه شديد المجتمع الخرطومي ده بخوف شديــد.. ياداب فهمت كلام جدو..الله يصربني والله مشتاقه ليهم شديد.. قمت ضربت لي ايات اتونست معاها مساافه كده.. وقفلت.. بعد شويه باب الاوضه دقه قمت فتحتو لقيتو بيان.. وكان مهموم شديد مسكتو وقعدتو في السرير وجريت الكرسي وقعدت قلت ليهو بيان احكي لي مالك.. كان خاتي يدو في راسو وم عايز يرفع شكلو كان ببكي رفعت ليهو راسي بي يدي وعاينت ليهو في عيوني ..بياااان اهدا واحكي مالك..
-ملاذ ليه الناس دي كده..
-ي ولد مالك..
-ملاذ انتي بتفهمي قصص الحب؟
-لا لانو م حصل حبيت
-قال لي خلاص م ح تفهمي وجعي..
-عايني ي بيان احكييي..انا بقيف معاك ولو م قدرت ببكي معاك وين المشكله..
-عندي وحده بحبها من هي كانت في سنه تامن وهي بتبادلني نفس الشعور اسه هي امتحنت تالت يعني قدرك..بحبها شديد ومتعلق بيها شديد وعدتها انو باقي سنه واخلص الجامعه واجي بيت ابوها وهي موافقه وحلوين وباسطه مع بعض.. في الفتره الاخيره حسيتها اتغيرت دي م ياها حبيبتي البعرفها.. اسه صحيت الصباح فتحت الواتس لقيت رقم مرسل لي صور.. لقيتا مصوره صور م حلوه خااالص مع ولد.. ولمن اتصلت علي
الرقم االرسل لي لقيتو مقفول.. ضربت ليها قلت ليها انتي وين قالت لي في بيتنا يعني ويــن.. قلت ليها خشي واتس.. قمت رسلت ليها الصور طوالي بدون م ترد حظرتني ضريت ليها كم. مره حتى ردت قلت ليها فهميني قالت لي عاين انا م مستعده اتزوجك وانا مربطه مع ود اهلي.. وبحبو شديد وانت يلا لازم تتشات برا.. 💔ملخص القصه #حبيبتي خانتني وكانت بتكذب علي اربعه سنين.. فاهمه ي ملاذ فاهمه..
..
انا سكت مساافه وبدون م احس لقيت روحي ببكي وماسكه ليهو يدينو الاتنين بي قوه قال لي والله عايز اموت قلت ليهو م عارفه اقول ليك شنو م قادره اتكلم اتوجعت زيــك.. قال لي كوني معاي وم تبعدي.. قشيت دموعي سريع وقلت ليهو عاين ي بيان انا م متعوده اخلي حااجه انا م بقدر اعيش بدونها.. انت بقيت قريب لي شـديد.. انا م عايزه اشوفك منكسر نهااي.. م عايزه دموعك ولا ألمك.. عايزه بياااان بيااان عبدلله القوي الراجل الم بتكسر.. عايزاهو هو بي قوتو.. صدقني في الدنيا دي ح تلقى البخذلك كتير ح تلقى البوجعك والم بتقدر تبوح بيهو وحتى لو ااتكلمت م بتقدر توصل احساسك الجوه لي الزو البتتكلم معاهو ح تكتفي في وجعك جواك.. لكن اانا فاهماك م تجتهد عشان تشرح لي.. انا معاك..وبسندك.. م بخليك وحاتك انت وحات روحك الغاليه علي م بخليك تمام.. انت اقوه من انو بت تدمرك.. ويعني شنو اتخذلت مره ومرتين ح ترجع وتتعلم والعتره بتصلح االمشيه.. اتوجع وابكي واضعف م مشكله لكن بعد ده كلو قوم من ضيقك وارجع بيان القوي تمااام.. ♥
سكت ساااي وبقى يتبسم قال لي جبتي الكلام ده من وين.. ضحكت ضحكه خفيفه وقلت ليهو انت عارف ي بيان.. قال للي اها قلت ليهو في واحده ااسمها نهله بعد كبرت بقت اسمها ضبانه😂😂😂اضحك الشروق مرت من هنا..ضحك شديد وقال لي ممججنونه كانت في ددموع في عيونو وقام طوالي..
....
بقيت قاعده مع رروحي.. طبعا م حاسه بي اي ااحساس وجعه.. 😂يعني م قادره افسر احساسو لانو انا بشوف الحب ده وهم وعدم فهم ساااي.. اصلا انا ييحبو لي شنو وشي العامل زي طربيزه اللحام دي.. 🙄
--------------
ملاااذ قومي عشان م تتأخري علي اول يوم في االجامعه..
طبعا قمت زي الكافتني شيطان😂وشعري نايش قمت وشلت كرعي..واشطفت ساااي ووشي بدون صابون عاينت لقيت الهدوم الاشتريناها انا ورزان..م عرفت البس شنو زاتو لبست لي عبايه سمحه مزركشه كده وكوزت الطرحه وخميت الشنطه ومرقت.. نزلت من السلم بيان ورزان بقو يعاينو للي مسااافه رزان قالت لي ده شنو ي بت الناس قلت ليها مالك😕بيان قال لي ده منظر برلومه.. قلت ليهم برلومه دي شنو😀رزان ققالت اللييييييله يحلنا االله من ملاذ تعاالي طلعنا التلاته فوق.. ورزان بقت تطلع في الهدوم..طلعت لي اسكيرت اسود وبلوزه كبدي بي ابيض..عاينت ليها مساافه وقلت لليها عايني البلوزه دي قصيره كيف.. قالت لي كدي خشي جربي عاينت لي بيان قال لي امشي جربيها ي بت..مشيت جربتها لقيت ليك الاسكيرت ده مشنق فووق ومرفوع للفؤاد قلت ليها ياخ الاسكيرت ده قصير قالت لي ي بت ده اصلا موضتو كده😂😂😂🎼قلت ليها حلاتك يختي عايزاني البس السجم ده..ي ها قايلاني ماشه امسح واكنس حوش الجامعه يختي انا ماشه اقرااا اقرا قالت لي ملاذ ي بت امي اصبري😂😂😂😂خلاص نزليهو م حنك..بيان قال لي هاك البسي الاسبورت الجديد شلتو عاينت ليهو كـــدااا وجدعتو😌بقو يعاينو لي كانهم عايزين يضبحوني..قلت ليهو بــــري مالي ماشه العب دافوووري😏بيان قال لي والله اديك كف..
قلت ليهم عاينو انا بلبس البريحني.. رزان قالت لي ملاذ كده بتتأخري.. كدي البسي الطرحه دي شلتها ولفيتا لفت الخدم🤮😂😂😂رزان قالت لي والله استفرغ فيك.. 😒قلت ليها عايني اديني عبايتي م تقعدو تقلو لي ادبكم🤨..بيان قام مضايق وفتح الدولاب وشال ليهو عبايه سودا كرفسها وجدعا وقال لي البسي دي ي كلبه..
والله انا وقعت وقمت من الضحك.. 😂😂😂😂😂😂رزان دموعا جات جاريه..طبعا ولا كذبت دخلت جوه العبايه الكرفسها لي دي وطرحه سودا والشنطه قالو لي م تتكلمي معانا نهااي سامعه الكلام ده..😠قلت لليهم راحتي اهم شي.. المهم بيان ساق عربيه البيت ومعانا رزان وصلوني الجامعه دخلت وودعتهم..
طبعا لقيت جنس خلـــق.. 😐وووووب ووووب سو لي االهارت.. 😣حسيت روحي بشكير وسخان🤣ياخ البنات ديل واللبس كيف والاولاد والله شكلي اعفن بت ح اكون في الجامعه..😇م اشتغلت بي االموضوع كتير وصراحه كنت جعانه.. دخلت الكافتيريا قلت ليهو عايزه سندوتش طعميه بي الشطه والمخلل😋ضربتو ضرب عجيــــــب😂😂😂بعديها قمت اتفسحت في الجامعه لحدي م المحاضرات بدت.. حضرت المحاضرات كلها واليوم كان حلو مع روحي طبعا😂لقيت خوفي االجامعه كيس فاضي سااي..طلعت من بوابه الجامعه لقيت رزان وبيان. مشركين لي جمب العربيه قلت لليهم ويييين يااا🙃رزان قالت لي كدي اول شي نزلي يدك من العبايه االمشنقاها فوق دي واعدلي طرحتك.. شنو بت العرب دي..قلت ليهم ياخ ااه انسو وحات الله في جنس حاجات في الجامعه ديي احي بس.. بيان قعد يضحك وقال لي اكيد جعانه ييلا ناكل في مطعم لذيذ كدكده ونرجع..مشينا وفتحنا الاغاني وانا ورزان نغني وبيان ساكت سااي طبعا انا عارفاهم مالو قمت سكت مساافه كده ورزان بقت تغني ببراها وانا اصلا قاعده ورا بيان طوالي قمت ختيت يدي في كتفو وشلت يدي طوالي بس عايزه احسسو انو م براهو..
........
رجعنا البيت استحميت ونمت وصحيت ضربت لي ناس حبوبه وبعديها لي ايات وسألتها من اول يوم في الجامعه واتونسنا والبت السمحه صاحبت ممن اوول يوم الا كان انا..🙁
نزلت اكلت مع الجامعه..ورجعت نمت..
طبعا عده اسبووع كامل في الجامعه بمش وبجي وبنوم وبديت اقرا من الاسبوع االاول م صاحبت ولا زول..بقيت معظم ووقتي في البيت مع بيان عشان اطلعو ممن الحاله الاهو فيها..وقله ادب شديده مع دان وطبعا اانا بسفه فيها وم حصل فرت لكن تصبر لي العفنه🙃..
كان يوم خميس جيت من االجامعه وتعبانه شديد..جاتني خالتو ايمان بدون م تدق باب الغرفه فتحتو وقالت لي نايمه ليها شنو قومي فزي جايني نسوان الحله يشربن معاي جنبه قومي نضفي الهول وسوي الجبنه ورصي العده سامعه الكلام دده قلت ليها انا اقوم؟ قالت لي ااي وبراك كمان.. قلت ليها كويس.. قمت مع انو زهجانه منها ومن طريقتها في الكلام لكن طفيت ناري.. ركبت السماعات في اضاني ولبست لي بنطلون طبعا من ضمن البناطلين الاشتروها لي.. نضفت الهوول بي اخلااص ععجييب😍وبخرتو ياخ لمن انبسط من روحي..مشيت المطبخ رتبت العده وسويت الجبنه وعملت لي فنكوش..دان جاتت داخله وطبعا مزاجي رايق قلت ليها دان تعالي ضوقي الفنكوش ده قالت لي السواهو منو قلت ليها اناا شفتي كيف😍قالت لي م عايزه لانو انتي زوله وسخانه وم نضيفه مم مضمون تكون عملتيهو كيف..قلت ليها نعم؟قالت لي زي م سمعتي قلت ليها سبحاان الله.. مح ارد عليك طبعا قالت لي م لازم يلا طيري من المطبخ ده قلت ليها م طايره قالت لي البيت بيتي اناا تمام قلت ليها وبيت عمي قالت لي ممكن عادي اطردك ضحكت ليها وتميت شغلتي طوالي هي مرقت وقالت لي متخلفه سفهتها زي كل مره طبعا☺..
النسوان جو وخالتو ايمان قالت لي تعالي ضيفيهم وجيبي القهوه.. طبعا كنت قايلاها اول م تشوف شغلي ح تنبسط ببس م ادتني رده فعل..اصلا م راجياها انا واثقه من نفسي..قدااااام ي ملاذ😂😂😂مشييت قدمت والنسوان مستغربات دي منو.. في وحده قالت ليها دي منو ي ايماااااان انا طبعا عايزه انط واتشوبر سبقتني دان قالت دي خدامتنا😟انا بقيت اعاين ليها قامت ايمان قعدت تضحك وقالت ليهم دي بت اخو راجلي.. جابوها من البلد ابوها ميت وامها مرت راجل تااني يعني اسره مفكفه كده وهي بالجد تشبه الخدامات..انا زاتي قلت تساعدني في شغل البيت اسه انا لمن قبيل بعمل في الفنكوش علمتها تسوي وحده لكن هم طبعا م بعرفو الحاجات دي..ياخ انا حسيت بي انو الدنيا دي ضلاااااااام💔💔مسكت خشمي وجريت الاوضه بقيت ابكي شديييد لانو كلاما وجعني لي درجه م طبيعيه..
اضايقت شديد وكنت عايزه ارجع البلد ولا عايزه. جامعه ولا زفت.. عديت الجمعه والسبت في اوضتي بس بمرق باكل وبرجع..بيان ورزان بحنسو فيني بس انا م قادره اتكلم..
بقيت امش الجامعه بي المواصلات مع بت ااجيران عشان بيان نزل الجامعه وطريقو غير طريقي..م محتكه مع بت الجيران شديد بس بسألها وبتجاوب والعكس..
#نتلاقى..♥
