كييف يعني يمشو شهر عسل لالا والله معليييش عديييييل..
-هي ي مرافي موش قلتي لي م بطيقو بعض..
-م بعرف التقول كتبوهم عند الشيخ..
-كدي اهدي والله نطيرهم من بعض..
-عايني ي امي انا م ماشه بيت عمر ده تاني وولدي ده م بديهو لي ابوهو كان بقى مع المخلوقه الاسمها زفتين دي..
-----------
ياخ بالجد كانت احلا تلاته يوم اعيشا مع عمر😍والله بتعامل معاي بي طريقه حلوه شديد بحسسني اني طفله.. ياخ بشيلني من مكان لي مكان🙈ولمن اجي اسوي الاكل بساعدني.. غير الغرفه حقتي وبقاها غرفه نومنا🙈💜
قلت ليهو ي عمر نفسي اشيل ولدك.. قال لي تشيلي ولدي واولادك وتربيهم كمان😊قلت ليهو ي سلام ياخ.. قال لي طبعا مرافي ماشي اجيبا الليله انا عوجت خشمي قال لي مالك قلت ليهو امش جيبا اسه قال لي لالا عايز اقضي شويه وقت اسه معاك وبعدين اجيبا هي ولدي قلت ليهو تمام ي زول..😏قال لي حلات الغيره فيك قلت ليهو القال ليك من انا بغير انا مم قاعده اغير قال للي كدي عيني في عينك ي جميل.. 😉قلت ليهو عمر عليك الله زح مني..قال لي بالجد ماشي اجيبا قلت ليهو بالجد امش😊..قال لي بالمناسبه انا قبيل الصباح ضربت ليها وكلمتها وقلت ليها انو انا وانتي حنمش شهر عسل بعد اسبوع.. قلت ليهو اااجي😱ورده فعلها شنو قال لي قفلت الالخط في وشي طبعا وقالت لي م عندك ولد عندي هنا وتاني م بجي االبيت ده انا وهي م بنقعد قلت ليهو يعني ح تحصل مشكله قال لي شبه كده😂بعد هو مشى انا قعدت مع نفسي..
اسه ي ملاذ عمر ده ععندو ولد ومرافي دي كعبه وممكن عادي تحرمو من ولدو بي سببي انا ولو حصلت مشكله بطلقو والولد بعيش مجهجه العشتو انا م عايزه ااعيشو لي زول ععايزاهو يكون وسط اامو وابوه.. تركيزي كان كلو علي الولد..بعد شويه قلت لكن ي ملاذ اانتي بتحبي عمر وهو بحبك كيف تمشي وتخليهو بعد م خلاص حسيتي بالك ح يرتاح تاااااني ترجعي للسك واللك.. قلت خلاص انا اكتب ليهو رساله ..شلت ورقه وقلم وكتبت ليهو الايام العشتها معاك بي مرها وحلوها م حح انساها حبيتك شديد في التلاته يوم الاخيرةة دي حبيتك ب جنون حسستني بي اهتمام وخوف وحب حنان م لقيتا في زول لكن انا عايزاك مبسوط وصدقني لو فضلت معاي م ح تنبسط ولا انا برتاح لانو مرافي صعبه وم بتخلينا في حالنا..خليك مستور بي ولدك ومرتك وانا اعتبرني قصه ابتدت بي مشوار مواصلات ويادوب وصلت للنهايه واقفل صفحتي دي وابدا صفحه نظيفه.. ♥
*Malaz*
شلت هدومي وطلعت طوالي.. ضربت لي بيان قلت ليهو في االبيت قال للي ااي..مشيت ليهم في بيتهم حكيت ليهم القصه ممن البداايه لانهم مم كانو عارفين بيان قال لي ارجعي للي راجلك ي ملاذ ورغد قالت ليهو ياخ كده اخير ليها انت مم بتعرف حسادره الضرات ششنو وملاذ م قدر التعب ده..قلت ليهو ااسمع ي بيان انا متأكده انو عمر ده بلحقني وم بخليني امش.. تتذكر جواز االسفر الطلعو لي عمي؟قال لي ماشه وين قلت ليهو بس اديني ليهو عايزه اسافر لي ناس امي في السعوديه خلاص عايزه استقر من االتعب ده لانو ضاقت بي قال لي خلاص انا بحجز ليك في اول طياره قلت لليهم عليكم الله لو عندي معزه عندكم م تكلمو عمر لو جاكم وحلفتهم.. بيان مشا لقا في طياره الليله الساعه12ص والحضور الساعه9 من الوقت داك لحدي اسه ععمر ده ضارب لي زي76 مكالمه انا م برد ليهو لحدي م قفلت تلفوني وضرب لي بيان قال ليهو م لاقي ملاذ قال ليهو خلاص انا بفتشها معاك..ياخ عمر م خلا زول م ضرب ليهو..انا مشيت المطار وودعت بيان ورغد وضربت لي وضاح وطبعا وضاح شغال في السعوديه قلت ليهو كلم ناس امي انو انا جايه الصباح.. طيارتي طارت خلاص وودعت البلد دي وتاني م راجعه جدعت الماضي وتاني م برجع ليهو💔💔
---------
عمر:كلو بي سببك انتي ي شوم
مرافي:خلاص بقيت تكرهني خلاص غشت عليك وكتبتك عند الشيخ..
عمر:دي عمايلك انتي..
مرافي:امش سكها لكن والله ولدي م اديك ليهو..
عمر:كويس.. يلا ارح ارجعيي بيت ابوك انتي وولدك العايزاهو دده وانا بعرف اربيك..
------------
انا وصلت مطار الرياض وضاح كان منتظرني سلمت عليهو بي اشواق كتييره..😭وداني للي امي ووالله امي دي راجياني جمب الباب بكيت معاها جنس بكا والحاله حبوبه😭وعلي اخوي ووعد ديل م شا۽ الله بقو كباار.. ♥
قعدنا واتونسنا اانا قلبت180 درجه وعملت فيها مبسوطه وومجنونه قلت ليهم عمر رسلني ليكم قال لي اامشي اقعدي شهر هناك..كيف بالله😉امي وحبوبه قالو لي لالا تتمااام وضاح قال لي ملاذ دقيقه دايرك قلت ليهو ووالله نعساانه وعايزه انوم خلي لي بعدين..قال لي لا هسه قلت ليهو خلاص انا رجعت للشقا والتعب..مشيت ليهو قال لي في شنو بينك وبين عمر حاصل شنو قلت ليهو ها جنا ها ماف ششي😂قال لي ملاذ انتي اختي وانا بعرفك وانتي عيونك ببتفضحك.. قعدت وقلت ليهو اوعك تتجيب سيره لي ناس امي..وحكيت ليهو انو عرس فيني لكن م قلت ليهو انو كان بعاملني كعب..وضاح زعل شديد وقرب يكورك انا هديتو وسكتووسكتو..
عدت الايام وتميت شهرين ماف خبر من عمر لانو غيرت شريحتي كنت يومي بنوم بي صورتو م عارفه حالو كيف ي ربي احفظو بس..مشتاقه ليهو شوق شديد لكن كده احسن لي وليهو..
------
امي:ملاذ لكن كترتيها القعده هنا..
قلت ليها اسمعي ي امي انا وعمر انفصلنا ولي اسباب خاااصه..
حبوبه:شنووو شنو شنو م عندنا بت بترجع بيتا ي بت هووي سويتي شنو قلت ليهم. عاينو م تقعدو تتشمرو فيني انا م ح احكي ليكم نهاي بس انفصلنا ووم ح ننرجع لي بعض..خليني اتم شهر تاني واعمل اقامه عديل واشوفلي شغل ههنا ينفعني بلا عرس بلا بطيخ..
...
يوم كده كنت زهجاانه شديــد راقده في السرير ومقبله علي الحيطه وضاح جا قال دي مالا نايمه قام قال لي ملاذ انت نمتي قبلت عليهو وقلت ليهو لالا قاعده اعمل في البروفات للموت قال لي يكون احسن زاتو.. قلت ليهم خلوني براي الليله..بقيت مقبله علي الحيطه وزهجانه شديد وكل شويه ابكي واسكت ببالجد فاقده عمر ومشاكلو وحبو وكل شي.. 💔دخلت استحمى قلت يمكن الزهجه تفك.. طبعا الزول في الحمام بياخد راحتو اما نحن عندنا الزول في الحمام بيعدم راحتو.. علي جا ددق لي الباب قال في زول في الحمام قلتليهو بي كوراك لالا الحمام قافل علي رحو زعلان😠طير من هنا..طلعت من الحمام لقيت امي بتعاين لي وتتبسم..قلت ليها م مطمناني ابتسامتك دي حبوبه قالت لي حلاتك قلت ليهم من الانر كده في شنو قالو لي في زول جاي يتغدا هنا بتعرفيهو🤪طوالي ختيت بيان ورغد وعملت م عارفه مشيت لبست وطبخت وقلت اخيرا جوالسعوديه واخيرا في ناس اشتاقو لي.. بس لبست لي فستان لونو لون زينب بي اوف ووايد تحت ركبه بي كتير ولبست لي حجل وعملت شعري وسرحت القدام وفكيت الورا وعملت ميك اب خفيف طبعا بقيت راقيه م ووريتكم😉💜المهم الجرس دقا قلت لي وعد افتحي الباب..بس وضتح جاني دخلني الاوضه وقال لي م تمرقي لمن اقول ليك تعالي..قعدت ومتوتره..جاتني وعد قالت لي قالو ليك تعالي طوالي مرقت
😱💔ده شنو جيت من وين انت قال لي البسأل م بتوه ي ملاذ..بعد شويه المكان فضى بقينا واقفين برانا جا عايز يمسك يدي انا زحيت منو قلت ليهو اسمع انا م بحبك قال لي كذابه وبتموتي فيني موت قلت ليهو والله؟قال لي ااي وانا عارف ليه مشيتي بس ممكن افهمك قلت ليهو عاين ي عمر انا في الفتره التلاته شهور دي نسيت كل شي عليك الله م ترجع تزكرني قال لي اقنعيني انك نسيتيني قلت ليهو اي قال لي علي الطلاق كذابه قلت ليهو الطلاق علي ياتو مره لكن قال لي انتي م عارفه حاجه زاتو قلت ليهو وبعدين انت شنو الثقه الفيك دي قال لي ملاذ ح ترجعي معاي قلت ليهو م ح ارجع طبعا قال لي م وقت عنادك قلت ليهو انا قلت م راجعهوتعال اقعد امل وامش اتخارج قال لي خايفه علي امرض عشان كده قلت لي اكل قلت ليهو اكرام ضيف م اكتر قعدو كلهم واكلو وانا ساكته ساي واكل وعيني م رفعتها عايزه اشرب شوربتي قال لي قدام الناس دي بحبك💜الشوربه اتكشحت فيني..عمر دا قام سريع وكبا فيني مويه بارده وشالني كنت. بعاين ليهو وبقول بي صوت م مسمووع اشتقت ليك قال لي وانا كمان قلت ليهو شنو هو قال لي اشتقت ليك قلت ليهو انا م قلت كده قال لي انا حافظك ومرتبك ي. فرده..ااحي اناا بس ااحي😭قلت ليهو نزلني نزلت الاوضه وقفلتها م طلعت الا لمن هو طلع..
عده اسبوع انا كل م اطلع من البيت القاهو في وشي طوالي برجع..جاب رقمي الجديد وبضرب لي انا بفصل فيهو.. يلا عده يومين لمن اطلع م بلقاهو قلت معاناها زهج ورجع السودان.. ف قمت اليوم التاني مرقت مع وضاح وعلي البقاله.. لمن نزلت لقيت بوالين كتييره في الارض بنفسجي وكبدي عاينت في السماء فوق لقيت طياره ومركبين فيها شريط طويل مكتوب عليهو:
*ح افضل اقول ليك بريدك لامن تقولي لي خلاص كفى.. وانا اصلا ريدي ليك براك حتى لو غيرك ليو حفى*♥♥♥انا بقيت اعاين مخلوعه بعدين جاا اسمي فوووق بين السحب بي البوالينMalaz♥ سمعت صوت الموسيقى بي اغنيه اوعديني😭💜انا بحب الاغنيه دي شدييد وهو عارفني بحبها السعوديه دي كلها وقفت في راسي انا بقيت ابكي ومبسوطه شديد جاني وكان لابس بدله كحليه😍قال لي تقبلي تعيشي معاي باقي العمر تقبلي نملا الدنيا بنين وبنات تقبلي تقولي لي بحبك كل يوم ختيت يدي في خشمي وانا ببكي قلت ليهو ببقبل بقبل بقبل😭😭😭😭الناس دي كلها صفقت لينا مسكني من يدي وقال لي بكۑ القلب الملان اشواق وقت غاب وشك الضواي.. مرحب بيك في قلبي الم سكن زول غيرو💜مشينا دخلنا البيت حبوبه تبكي وامي تبكي وتزغرد ووضاح يبكي شديد كلهم كانو مبسوطين..بعد شويه الباب دقا عمر قال لي قومي افتحيهو مشيت فتحتو لقيت كميه بتاعت هداايه خيااليه قبلت عليهو وقلت ليهو حتى عيد ميلادي م نسيتو قال لي مع انو م حصل عملتو ليك وم كنت بشتغل بيك..بس انا كلمتك انو ح اعوضك..ديل اربع وعشرين هديه ليك انتي ديل بقدر عمرك بس انتي بقى عمرك25 شال يدي وختاها في قلبو وقال لي دي الهديه ال25 دي دقات قلبي ليك وحبي ليك الجوا هنا انتي م غيرك..♥♥
...........
حكى لي انو مرافي اتوفت بي ذبحه وخلت مراد بدوم ام حاليا هو م امي بس انتي بتقدري تربيهو قلت ليهو والله لو م عندك مانع ابقيهو ولدي..من السعوديه طوالي مشينا السويد عملنا شهر العسل هناك وكان جميل شديد رجعنا السودان..عمر اشترى بيت كبير وبقينا فيهو انا وهو ومراد مراد كان الوقت داك عمروسنتين ونص انا حسيتو انو ولدي😭حبيتو شديد..
........
بعد سنه
عمر:ملاذ رايم شنو تفتحي عياده في الجزيره بتاعتكم وتزوريها كل فتره قلتليهو انت جادي قال لي ااي مالي بهظر انبسط شديد طبعا🙈لانو عمر كان بلبي لي كل رغباتي مع انو م كنت بطلب كتير بس بجيب لي اكتر من م اقول..
فتحنا عياده خيريه..وامورنا سلكت وربنا فتحها علينا..
-------
طولت م ولدت عمر قال لي نمش نشوف مشكلتك شنو..مشينا نشوف لقو عني التصاق في الانابيب سافرنا بره والحمدلله العمليه نجحت هسي انا بي بتي نور♥ولدي مراد مع انو ممن بطني بس عشان هو ولد حبيبي بحسو قطعه مني ولانو بشبهو شديد..
....
بعد فتره فتحنا مستشفى لعلاج العقم بالمجان سميناهو مرافي الايمان♥
-/-/-//-/-
#كسره
دايما الزول بتعلم من كل الموافق ممكن يصل لي فتره يقول انو انا خلاص الابواب كلها اتقفلت علي وانو انا م محظوظ في الدنيا دي يقعد يوهم نفسو..بعد شويه يلقى امورو بقت تماام التمام وماشي في سعاده فجأه الموازين كلها تاني تتقلب وبتقول دي النهايه.. وم بتطلع النهايه.. في كل مره تقع وتنكسر فيها بتقول انا خلاص تعبت ووصلت لي حيطه سد لكن لا بتلقى روحك زي م اتجاوزت الفات بتتجاوز الجاي.. وبعد شويه المواقف البتقويك..م ببقى شي بهزك.. دايما انت عاين بي صوره ايجابيه وجمل الحاجه حتى لو كانت شينه في نظرك بي انت خلي الكعب حلو عشان يحلا ليك.. اسعد نفسك بي نفسك.. اقع وقوم وين المشكله لكن م تحوج زول ليك.. م توري زول انك ضيعف عشان يسيطر عليك.. حب وسامح وغني وارقص اضحك وابكي..اعمل اي حاجه انت بتقدر عليها عشان لي قدام م نجي تتحسر وتندم.. نحن م عايزين ندم.. عايزين اجيال مستقبل..
الروايه دي فيها ظلم وقهر كتير بتحكي عن قصص نحن عايشنها في حياتنا اليوميه ولو م عايشنها سامعين بيها وشايفنها.. انا اكتشفت انك مهما تكون ضعيف.. مع مرور الزمن وطريقه خشونه الحياه وكلام الناس المتوحش والحقاره والظلم والمواقف ح تقوه شديد وتبقى زول ساند حليك بي حيلك..
*اوعك ترجى ليك حاجه من زول وتنتظر زول.. وم تعشم زول في حاجه انت م قدرها.. م توعد لو انت م قدرو.. م تتعلق بي زول شديد عشان بالجد كده ي جماعه ماف زول دايم لي زول ..كلنا تحت تراب وح نموت والموت حق..
فارقونا ناس كانت بيناتنا عشره سنين.. بقو في عالم تاني مع ربنا.. اي بنشتاق ليهم كتير لكن بنقرب ليهم بي الدعاء.. الفراق موجع وحاار شديد بس الدنيا اخرها كوم تراب..
وممكن تفقد زول وهو لسه عايش.. زول كان بهتم بيك وبحبك والاربعه وعشرين ساعه معاك فجأه يتغير ويسيبك ويفارقك وكانو لحظه م كنتو حتى عشره السنين الهانت عليهو م فكر يرجعها..
اعيد واكرر م تتعلق بي زول اكتر من اللازم ياخ لو عايز تتعلق اتعلق بي ربك عمرو م يخذلك.. بل بالعكس ح يقويك وتبقى اسعد انسان في الدنيا..
اتصرفو بي حكمه في الامور.. ادرسوها كويس وبعدين بادرو بيها..
م تدقق شديد في الناس وتفاصيلهم صدقني م ح نقدر نعيش.. امشي بي قانون دع خلق الخالق واهتم بخلقك..
#ح يجي وقت في حياتك ح تصل لي عدم الاقتناع بي اي زول ح تقيف عن المجاملات ح تكتفي بي الحقيقه وتكتم عليهاحتى لو كانت جارحه.. يلا في المرحله دي بذات ح تقوه وعقلك ح يكون متحكم بيك..
"""
Me
ي ريت لو انو أي شي بنحلم بيهو و نتخيلو قبل النوم يكون جزء من واقعنا و أي كابوس بنشوفو يكون عبارة عن حاجة عابرة و نعيش لحظة الخوف فيها بس و ننساها💔👉 بس للأسف أحيانا بحصل معنا العكس بس عن نفسي انا كل يوم بيزيد إيماني بي انو دي كلها عقبات عسى و لعل يجي يوم و تتحل💜 و انو السعادة حيجي يوم تدق الباب و تسكن جوا القلب للأبد💜 و انا بشوف انو مفروض الزول يجري ورا احلامو عشان يحققها ❤و م عيب الزول يقع و يقوم يحاول تاني و يقع مرة تانية و يحاول مرة تالتة و بإذن ربنا حينجح و وقتها حيعرف انو الحياة فيها حاجات حلوة و حيزيد ايمانو بي انو مهما يكون الأمل بسيط إلا انو الأمل دا هو البدفعك لي انو تحاول و تحاول و تحاول لمن تحصل على الحاجة البتتمناها 💜
# *الحكاية* - *عزيمة* - *و* - *ايمان* 💕
*مٌْعادِلُُه ْعكِسِيَُه مٌوَزُوَنَُه*
#وَمٌيَنَ غًيَرَكِ سِكِنَ جْوَايَ وَْعلُمٌ قًلُبّيَيَ سِرَ الُبّوَحُ..♥
#النهايه..💜
#صلو علي الحبيب المصطفى💚🎼
#بس ي جماعه انا عشان وقتي كان ضيق في الروايه ددي م راجعتها ف اكيد حيكون في اغلاط بس معليش اعزروني بس انا متأكده م ح تكون اغلاط كبيره كلها جروح بتتعالج..☺
*ودمتم سالمين*
ربنا يرحم جميع موتانا المسلمين والمسلمات.. ♥
#MAlaZ
*التوقيع*
#كلس..😎
