الحلقة الثالثة
بسم الله الرحمن الرحيم و الصلاة و السلام على اشرف المرسلين
في حجرة زهرة دخلت حنان لتطمئن عليها
طرقت الباب عدة طرقات ودخلت الغرفة
حنان : زهرتي حبيبتي عاملة ايه دلوقتي
زهرة : كويسة يا خالتو
حنان : مش باين يا قلب خالتك
زهرة : نفسي اعرف ازاي وانا مش من دمكوا وبتحبوني كده ومش بتفرقوا بيني وبين ولادكوا و في نفس الوقت اللي انا من دمهم مش معترفين حتى بيا دا لولا عمي ربنا يباركلي فيه كان زماني مرميه في الشارع
حنان : وهي تضمها لها انت هبلة صح انت بنتي يا عبيطة انت دي لو كريمة سمعتك بتقولي كده هتبهدلك لسه كل ده مش بتعتبرينا اهلك يا زهرة انا والله لولا اني سيباكي براحتك كنت خليتك تقوليلي ماما انت والله غاليه علينا اوي يا حبيبتي
زهرة : طب ليه جدي بيعمل معايا كدا وعمامي مش معترفين بيا اصلا
حنان : هيجي يوم ويعرفوا انهم غلطوا ضيعوا كنز من ايدهم
زهرة : ربنا يباركلي فيكي يا نونة
حنان : مادام قولتي نونة يبقى روقتي استني بس الواد فارس يرجع من عند الدكتور وانا اخرجك احلى خروجه عشان خاطر عيونك الحلوة ده يلا قومي اتوضي كده وصلي ركعتين
زهرة : حاضر يا خالتو
حنان : اما اروح اشوف عمك اللي شكله نام ده عشان ياكل علينا الخروجة بس على مين
زهرة : ايوه كدا يا خالتوا سيطري
ههههههههههههههههه
حنان : طول عمري يا قلبي مسيطرة ههههههههههه
______________________
امام مبنى من المباني الضخمة ينزل ادهم بطلته الرجولية من سيارته لينظر الى المبنى نظرة طويلة ثم يتجه لداخل المبنى يطلب الاساسنسير يضغط على بعض الارقام ليصعد به الى احدى الشقق يخرج من جيبه عدة مفاتيح يفتح باب الشقة يتجه للداخل
يلتفت يمينا ويسارا لا يجد احد بالشقة ليخلع جاكيت بدلته ويلقيه باهمال على الكنبة يجلس عليها وراسه الى الوراء يفكر ويفكر ولاتذهب هي من تفكيره
ادهم لنفسه : كيف لها ان تسيطر هكذا عليه من هي لتأخذ كل هذا الحيز من عقله ولكن هل اخذت من تفكيره فقد ام من قلبه ايضا
ادهم : ازاي تعمل معايا كده ازاي تقول اللي قالته ده بس اوعدك يا بنت خالتي مش هتكوني لحد غيري انا ادهم انت ليه انا وبس وانا هعرف ازاي ارابيكي من اول وجديد انا ادهم زين الدين محدش يقولي لا ابدا انا هندمك على كل كلمة قلتيها عشان تعرفي انت بتلعبي مع مين يا قطة
في هذه الاثناء دخلت فتاة الشقة وكانت ترتدي ملابس لا تمت لكلمة ملابس بصلة فهي تظهر اكثر مما تخفي
ما ان رات ادهم حتى جرت عليه
