الحلقة ١٣
بسم الله الرحمن الرحيم و الصلاة و السلام على اشرف المرسلين
تجمع الشباب لقضاء بعض الوقت باحدى المراكب في النيل لم يكن معهم رامز حيث قرر ان يأخذ زوجته و يتناولا العشاء باحد المطاعم و في نفس الوقت هو لم يكن يطمئن لادهم حيث انه متأكد انه يدبر له مكيده
كانت المركب مجهزه لاستقبال العرسان و مزينة فاعجبت الفتايات بمنظرها الرائع
مهرة : ايه الصمت القاتل اللي احنا فيه ده
غزل : عايزانا نعمل ايه يعني ما هما مطنشنا على الاخر وواخدين ركن لوحدهم
زهرة : دا حتى فارس اللي مش بيبطل ضحك واقف في اول المركب سرحان مع النيل
شمس : انا غلطانه اني جيت معاكوا ال هتبسط ال
مهرة : بصو انا عندي فكرة
زهرة :فكرة ايه يا مجنونة
مهرة : هتعرفوا دلوقتي
شمس : واو انا بحب الجنان
غزل : ههههههههه وها قد انضمت للعائلة مجنونة تانية
مهرة و قد توجهت لمقدمة المركب تحدثت مع شخص ما ثم علا صوت الاغاني و قد كانت اغاني شعبية من الطراز الاول
فقد بداءت الاغاني باغنية عم يا صياد لمحمود الليثي
غزل : يا جنانك اللي هيطلع على عنينا
شمس : انا بحب الاغنية دي اويييييي
زهرة : انت متأكده يا حبيبتي انك كنت عايشه في امريكا
شمس ببراءة : اه ليه
غزل : لا يا حبيبتي مفيش حاجه زهرة بس بتهزر معاكي
مهرة : انت لسه هترغوا يلا نرقص
واقفت البنات و بداءوا يتمايلن على الحان الاغنية كل هذا و هناك اعين تشتعل متوجهه اليهم
ادهم : لا كدا كتير اوي
ذهب سامح اليهم و اخذ بيد زهرة و اجلسها بجواره
سامح : متتحركيش من هنا
وقام امسك بيد شمس و اجلسها بجوار زهرة : لو اتحركتوا من هنا هرميكوا في النيل و قد اعزر من انذر
زهرة : في ايه هو احنا عملنا حاجه غلط
شمس : على فكرة يا سامح انت قليل الذوق
زهرة : تصدقي صح انت قليل الذوق
سامح ؛ انا قليل الذوق متخلف بردوا لو اتحركتوا مش هيحصلكوا كويس
كان يجلس باحد اركان المركب يفكر في حياته و كيف ستكون هو علم انه يعشق صغيرته التي تربت امام عينه كان يعتقد انه يحبها كاخت له و لكن بعد ان حاول احدهم ان يقترب منها و هو وقتها كان على علاقة بخطيبته الاولى وقتها علم انه لا يحبها كاخت و لكنها حبيبة القلب و التي لم يعترف بهذا لنفسه حينها و قد قرر انه لن يتركها و لكن ما حدث وقتها و الحادث الذي تعرض له اجل كل شئ
سمع صوت الموسيقى التفت وجد هذه المجنونة تتمايل على الحان الاغنية بطريقة طفوليه استفزته هو يريد الان ان يقتلع الاعين التي تنظر لها باعجاب
توجه اليها جذبها من يدها
