الحلقة العاشرة
بسم الله الرحمن الرحيم و الصلاة و السلام على اشرف المرسلين
في الصعيد
اجتمع حمدان الناجي مع كبير عائلة الشافعي وهدان الشافعي
حمدان ينفع يا حج اللي واد ولدك عمله ينفع اكده
وهدان و قد علم من حفيده ما حدث فقد هاتفه و قص عليه كل ما حدث و انه قال انها زوجته لتخليصها من هذا الذي يسمى جدها رق قلب جده لهذه المسكينة و انها كانت ستصبح ضحية جديدة لحمدان الجارحي بعد والدها ووالدتها لولا موضوع التار الذي كان سيؤدي بحياة الكثيرين ما كان وافق على ان يضع يده في يد حمدان و لكن للضرورة احكام
وهدان : انا عارف ان واد ولدي غلطان و احنا محجوجين بس لو عايز تحل الاتفاج اللي بينا انا موافج يا حمدان
احمد سريعا : نحل ايه بس يا حج ابوي بس زعلان من اللي حوصل احنا كنا خلاص اتفجنا كان لازمته ايه اللي عمله واد ولدك ده
وهدان : خلاص يا حمدان فرح الولاد السبوع الجاي و هيكون اهنه في بلادنا مش في القاهرة انا هبعت للدكتور سامح يجي يجضي السبوع ده اهنه و انتو كمان ابعتوا هاتوا بتكوا عشان يكون الصلح بين اهلنا اهنه جدام كل الناس
حمدان : اكيد بت ولدي هتخرج من بيتي يا حج وهدان
وهدان : خلاص اتفجنا على بركة الله
_____________________
في بيت ورد كانت تتحدث بعصبيه مع ابنتها
ورد : يعني ايه هيتجوز وانا بعتاكي معاه ليه عشان ترجعي تقوليلي انه اتجوز
شمس : ببرود وانا اعمل ايه يا ماما اسده و اقوله والنبي اتجوزني
ورد : انت عايزه تشليني صح لو عايزه قوليلي بس عشان ابقى عامله حسابي
شمس : بعد السر عليكي يا ماما انا عملت كل اللي قولتيلي عليه بس هو اللي عرفته انه كان بيحبها بس مس قايلنا طلع حويط يا مامي
ورد : و لو بردوا هجوزهولك متقلقيس يا شمس
شمس بتمثيل : انت قولتي كتير و مس بتعملي حاجه
ورد : متقلقيش هي مش هتاخد في ايدينا غلوة كبيرها اسبوع و تتطلق موضوع التار ده بس يتحل
شمس : اه يا مامي لحسن انا اكتسفت اني بحبه
ورد بشك : و من امته ده
شمس : انت نسيتي يا مامي عسان يستر على اللي عمله جوزك
ورد : متفتحيش الموضوع ده واوعي يعرف ان عصام هو اللي عمل كده مش عايزين نروح وراء الشمس
شمس : متقلقيس يا مامي انا هعرف اتصرف
_____________________
فارس كان يصعد درجات السلم وكان يتحدث على الهاتف :متقلقش يا سامح انا عرفت واحد هيقدر يدخل مكتبه
