الحلقة ١٥
بسم الله الرحمن الرحيم و الصلاة و السلام على اشرف المرسلين
توجهت العائلة لغرفة زهرة وقام بهاء بتسليمها لزوجها
بهاء : خلي بالك منها يا سامح يا ابني زهرة ده زهرة وهي زهرة اسم على مسمى
سامح : في عنيه يا عمي
بهاء : خلي بالك من نفسك و من بيتك يا بنتي و اي حاجه تحتاجيها انا موجود
زين : اوعى بقى انت لزقت
بهاء بدموع : و اخذ زهرة في حضنه هتوحشيني يا بنتي اليومين دول
زهرة : وهي تبكي : وانت يا بابا و الله مش عارفه هبعد عنكوا ازاي
زين : لا دا يوم فرح و الراجل ده مش هيجيبها لبر اوعى يا عم
زين لزهرة : حبيبت قلب عمك زهرتي الجميلة لو الواد ده ضايقك في حاجه قوليلي رنه و اكون عندك املصلك وانه
سامح : هي وصلت لكدا لا انا اخاف بقى
زين ؛ هبقى اديك قايمة الممنوعات عشان تخلي بالك هههههههههه اولهم اخدم نفسك بنفسك بنتنا تدلع و بس متعملش حاجه
سامح : وهو ينظر لها من ناحية الع متقلقش خالص يا عمي 😉😉😉
شمس : الله يا اونكل انت چينتل خالص
حنان : محجوز يا حبيبتي العبي بعيد
شمس : هههههههههه طب يا طنط متسوفيلي واحد زي اونكل زين
حنان : امممممم هو نسخة واحده يا قلبي بس و لا تزعلي عريسك عندي ههههه
بهاء : يلا يا عريس خد عروستك ورانا غيرك اتنين اجن من بعض
سامح : الله يعنكوا انا عارف يلا يا زهرة امسك يدها كانت تنظر لهم نظرات ابكت كل من حضر هذا الموقف اخذها سامح ركب سيارته و معه شمس كانت تجلس بالمقعد الامامي
نظرلها مطولا
زهرة : ايه بتبصلي كدا ليه
سامح : ببص عيب و الا حرام
زهرة : لا بص ادامك متبصليش
سامح : دي عربيتي على فكرة ابص مطرح ما انا عايز
شمس : و الله مغلطوس لما قالولي انكم قط و فار اهدوا سويه يعني حتى اول اسبوع هههههههههه
سامح : عجبك كدا بتضحكي الناس علينا
زهرة : و اخرجت له لسانها اه عاجبني
سامح : بينها ايام سودة
_____________________
تم تسليم غزل و مهرة لفارس و ادهم
قال زين لادهم : الجوازة ده اخرها شهر ماقنعتهاش بيك هطلقها و كويس ان الموضوع ماتعرفش عشان تبقى الحكاية ده بينا و غزل متخسرش فاهمني طبعا متخسرش حاجه يا ادهم طبعا الكلام دا ليك انا واثق في فارس انه مش هيأذي مهرة