البارت السابع عشر
قلب جريئ واقعيه
منه محمد
عزاء لشهداء كنيسة القديسين بالإسكندرية
وخالص عزائى ومشاركتى القلبية لجميع الاخواه الاقباط.
نبدء
ووصل حاتم البنك .. حاسب سواق التاكسي ونزل ..
مشي يدخل البنك .. ويوقفه صوت واحد .. .........:حاتم .. حاتم
حاتم وقف مكانه مصدوم
سعد صديق أبو حاتم : اهلا يا بني عامل ايه حمد لله بالسلامه
حاتم محروج في نص هدومه: اهلا يا عمي انا بخير الله يسلمك.. و سَلم عليه
سعد : طمني عنك ؟
حاتم : انا بخير والله أنت الي عامل ايه والولاد بخير ؟
سعد : الحمد لله كلنا بخير .. أبوك أمبارح وأنا معاه ولا قال لي إنك جيت ولا جاب لي اي سيره قالي اخر مره لما نزلت من فتره..
حاتم انحرج جدا : اه فعلا وانت عامل ايه ؟
سعد : تمام الحمد لله ..
حاتم : أنا والله مستعجل يا عمي عندي كام حاجه هنا بخلصها واشوفك على خير ..
سعد : ماشي يا حبيبي ربنا يسرلك امورك .. مع السلامة وسلم على الوالد
حاتم : يوصل .. مشي حاتم .. من فين طلع لي ده كمان اهي كملت.
سعد اتصل بعاصم .. وهو بيكلم نفسه مش الراجل ده قالي اخر مره حاتم جه من شهرين مشفهوش تاني ولا نزل من استراليا
عاصم رد : اهلا يا سعد عامل ايه
سعد : انت ياراجل جالك زهايمر مش انا امبارح لسه سالك عن ابنك حاتم قلتلي ان حاتم مجاش من اخر مره
عاصم ضحك : ربنا يشفيك انت من الزهايمر ايوه وانا مشفتهوش من اخر مره من شهرين ؟
سعد : ازاي اذا كان انا لسه شايف حاتم في البنك بقي تضحك عليا يا عاصم دي اخرتها اخرتها ياصحبي تستخف بي ..
عاصم مستغرب : حاتم ابني ؟
سعد بستهزاء : لا ابني ؟ اه ابنك ؟
عاصم : ههههههههههههه اتأكد ياراجل يمكن واحد شبهه
سعد بتصميم : والله انا لسه مسَلم عليه .. اتكلمت معاه هو حاتم
عاصم برق : يا ابن الحلال ابني لسه في استراليا ..
سعد اتكلم بعصبيه وحده : ياراجل بقولك والله انا لسه مسّلم عليه تحب أروح أدورلك عليه أنا قريب من المكان اللي هو فيه ؟
عاصم: لا تدور عليه ايه بس ..
سعد بعصبية : انت شكلك متعرفش ان ابنك هنا في اسكندريه يأما بتستهبل عليا
عاصم : طيب مع السلامة وانا هشوف الموضوع ده
سعد : ماشي مع السلامة .
بقلم منه محمد
قفل عاصم الموبيل.
ناديه بصتلو : حكايته ايه الراجل ده ؟
عاصم ضحك بصوت عالي : الراجل اتجنن بيقولي حاتم ابنك هنا ولسه مسّلم عليه
ناديه تضحك : هههههههههه هو وكدبه ده عقله في البلالالا ؟
عاصم يضحك : والمشكلة كبر الموضوع ويقولي اني بضحك عليه وحاتم هنا
ناديه : هههههه الراجل ده نكته وهو لو حاتم هنا هتخبيه عليه ليه
عاصم : ابدا هو دمه خفيف ودايما يعمل فينا مقالب بس للدرجه ان ابني هنا لا وسعت منه كتير
..............
في بيت علي .. ساره بتساعد الشغالة بترتيب الصالون والتنظيف .. شوفي امسحي التربيزه عدل وأنا هطلع لبابا اوك
الشغالة : اوك..
طلعت ساره.. من الصالون ,, وراحت لغرفة أبوها .. دخلت وهي تبتسم : يلا يا بابا تقوم تئعد تحت لان حاتم شويه وجاي ..
علي بصلها : يلا يا بنتي .. وقف علي .. وجسمه تعبان وهزيل
ساره قربت ومسكته ومشت معاه براحه : ربنا يخليك لي ويطولنا في عمرك ياغالي وباست كتفه
علي : ويخليك يارب ويسعدك ..
رن جرس البيت ..
ساره قلبها وقع مكانه من الفرحه ونادت للشغالة: ناني .. ناني .. روحي افتحي الباب بسرعة ..
ساره دخلت أبوها الصالون وطلعت .. دخل حاتم لابس قميص نبيتي وبنطلون بيج طالع شيك ع الاخر دخل وقال .. السلام عليكم ..
علي بصلو كتير : وعليكم السلام .. وبيوقف ..
حاتم راح بسرعة : استريح استريح ياعمي و باس رآسه ..
علي : يااهلا وسهلا يابني
حاتم قعد : يااهلا بيك
علي : إن شاء الله تكون بخير ..
حاتم : الحمد لله الله يسلمك الف سلامه ع حضرتك ماتشوف شر إن شاء الله قادر يشفي حضرتك
علي ابتسم بضعف : الحمد لله علي كل حال ..
حاتم كان قاعد مبسوط ومرتاح وبدء: والله يشرفني إني أرتبط ببنتك ياعمي
علي : تسلم وتستاهل كل خير .. وساره إن شاء الله تسعدك ..
حاتم يبتسم : وإن شاء الله أسعدها وانت ترتاح ياعمي وتطمن عليها ومتشلش همها.. علي : ربنا يسعدكم يابني ساره معنديش غيرها واتمني لها السعاده من قلبي وربنا يوفقكم ..
حاتم : طيب بكره نكتب الكتاب لأن مش معانا وقت والله ..
علي : اللي يريحك وتشوفه أنت .. أنا خلاص زي مانت شايفني صحتي راحت ..
حاتم: ربنا يديك الصحة والعافية وقادر يشفي حضرتك
ساره قاعده بالصالة .. ياااربي والله نفسي أشوفه .. بس عيب .. خلاص مسيرنا نكتب ... جت أمها: خلاص ودينا القهوة ..
ساره : ودتها الشغالة ؟
مريم : اه .. ربنا يسعدك يابنتي طول الليل والنهار بدعيلك ..
ساره تبتسم : آمين يارب .
...............
في بيت اهل نفين
ناديه لسه داخله عند أختها أم نفين ونفين معاهم
ناديه تضحك : مش النهارده الراجل سعد المخبول صاحب عمك اتصل بينا والله ياختي الراجل ده بحس انه مسكون
ام نفين : بسم الله الرحمن الرحيم
نفين: ههههههه ليه ماله ؟
ناديه: بيقول سّلمت على حاتم وشفته عند البنك..
نفين انصدمت عشان ليلى قالت لها كمان : ازاي ؟
ناديه : مش بقولك الراجل اتهبل ع كبر وخرف
نفين سرحت ..
أم نفين ضحكت : بسم الله الرحمن الرحيم .. عليه كدب السنين.
نفين سكتت ......!!!! وحطت ألف سؤال في راسها ..
نفين قامت راحت تشكي همها لأخوها ..
عبد الله : معقولة ؟
نفين : يعني في ألاول قلت يمكن صدفة بس دلوقت لا بقي مش صدفه واظن كدا فيه شئ انا معرفوش ومش طبيعي كمان..
عبد الله بصلها ويفكر : لالالالا انا مش مصدق يجي هنا اسكندريه ولا نعرف انت شكلك قلبتي ع سعد يانفين وعقلك هوا ع الاخر
نفين والدمعة بعينها : طيب ليه من أمبارح بتصل بيه موبيله مقفول ؟
عبد الله : صدفه مجرد صدفه ؟؟ فين المشكلة طيب أقولك متفضليش توسوسي روحي اقعدي مع امك وخالتك ونفضي دماغك
نفين اتتنهد ووقفت : بس انا برضو مش مرتاحة ..
عبد الله ضحك :نوفا بطلي حركات مالهاش داعي ..روحي ربنا يهديك ..
نفين : طيب تشوف مسير الأيام تبين ..
...............................
مّر الوقت بسرعة .. حاتم رجع للشقة .. وقاعد بالصالة .. ودماغه شغاله هيعمل ايه مع سعد لو راح قال لابوه وخايف يتفضح وبكره كتب الكتاب وينكشف كل شيء ,, فضل يدعي ربه انه يسترها معاه لحد بس ماينهي كل شئ ويرجع استراليا ويخلص من هنا
...........................
ساره قاعده عند أبوها .. وهي مبسوطة : أنت ارتحتلو يا بابا؟
علي : الرجَل ماشاء الله عليه ..
ساره : الحمد لله أهم شيء عجبك ..
علي : وباين عليه تقيل وعاقل وهو طالب الحلال يا بنتي
ساره مبسوطة ..
علي : بكره تتشيكي والبسي فستان جميل لانك لازم تروحي معاه خليني أرتاح
ساره انصدمت : لا يا بابا وازاي أروح وأنا مجهزتش ؟ وحتى فستان فرح ماعنديش ولا عملت حسابي
علي يفهمها : الرجَل متفهم للوضع.. وقالي تجهز نفسها من استراليا وكل حاجه تعوزها وان كان ع الفستان البسي فستان حلو انتي ماشاء الله عندك كتير يا ساره
ساره بنص عين: والله جد يا علي ؟؟ لالالالا مستحيل ألبس أي حاجه خاليه بكره يكتب وانا غسلت فستان حلو عندي أقعد معاه وبس ..
علي : يابنتي ريحيني مش لازم تعملي مهرجان لازم تسافري معاه لازم تكملي طريقك ده مستقبلك الي هينفعك
ساره : باااااااابا سفر مش رايحة استراليا بعتذر ازاي بس أروح وأنت تعبان ؟
علي : لا مفيش اعتذار تروحي الأسبوع الجاي جهزي نفسك انا بخير يابنتي ميصحش الراجل سايب دراسته وحاله عشانك وانت تقوليلي هفضل هنا انا بقي مش عاوزك تأجلي كملي ده هيريحني اكتر صدقيني
ساره باست ايده : الله يخليك عاوزه افضل هنا جنبك
علي يقاطعها : يابنتي انا مش هعشّلك العمر كلو ومصلحتك أهم اسمعي كلامي والله تندمي بعدين..
ساره نزلت دموعها : بس انا عاوزه اكون جنبك والله ماأقدرش ارتاح ولا ابقي سعيده وأنت كدا وكمان بعيد عني.
علي اتنهد : حتى أنا عاوز طول الوقت أشوفك .. بس هي دي سنه الحياه إن تتهني مع جوزك واسمعي كلامي أنا أبوك وعارف مصلحتك ..
ساره منزلة راسها وتنزل دموعها : ليه بس كدا انا لو سافرت مش هرتاح وهحس ان فيه نار جوايا طول الوقت عليك
أبوها سكت ..بمعني انتهي النقاش
..........منه محمد...........
نفين مسترخيه هتنام .. مطفيه النور وعلى الإضاءة الهادية .. !! وبتفكر .. والله كلام عبد الله صح خييير إن شاء الله يجي ليه من غير مايقول لحد حتي اهله !! بس لالالا أكيد فيه حاجه .. نفين نامت والوسواس يوديها ويجيبها .
حاتم وهو ممدد هينام جات في باله صوره نفين والله يا نفين لو تعرفي اكيد هتقلبي الدنيا فوق نفوخي .. بس انا عملت الصح اتجوزت لا مشيت في الحرام ولا ارتكبت ذنب اوه انا مش ناقص مشاكل انا ادعي ان ربنا يريحني مع ساره وبس.
.....منه محمد.....
في بيت عاصم المراسي .. عمر ومحمد في الغرفة ..
عمر قاعد على طرف السرير : أنت هتموت امك وابوك معاك يا جحش انت ..وكأن عقلك مش براسك ؟
محمد : لا براسي وأنت اللي عقلك مش براسك الله يهديك
عمر : حتى مذكرتك أهملتها .. سبحان الله مافيش عيله تكتمل للاخر لازم يطلع واحد مخه مضروب ..
محمد بعصبيه: انت عاوز ايه في ليلتك دي ؟ خلاص يااخي ماتسبني في حالي..
عمر بهدوء : هسيبك ..
دخل ابوهم عليهم: فيه ايه عندكم ؟
عمر : فيه ان ابنك لسانه طويل .. يعني حضرتك ماتعرفهوش..
عاصم : الله يهديك يامحمد .. عيب احترم اللي أكبر منك .. اظن الإسلام أمرنا إننا نحترم اللي أكبر مننا مش تاخد اللي يعجبك وترمي اللي مايعجبكش ..
محمد غطى وشه باللحاف : طب سبوني أنام ممكن
عاصم بص لعمر : للأسف ماقدرتش أربيه صح ..
عمر سكت ..
طلع عاصم بقهره
مَرت الساعات بسرعة وراحت الليلة على الجميع زي ماهي !!
