البارت الرابع والعشرين
قلب جريئ واقعيه
منه محمد
في بيت عاصم المراسي ..
عاصم يادوب داخل من الباب : عمر راح فين ؟ عربيته مش عند الباب ..
ناديه قاعده على طرف السرير ومش على بعضها : نفين ياحبه عيوني بتولد
عاصم انبسط : الله يهون عليها يارب .. لا كدا مش هقدر أنام ..
ناديه بكت : ولا أنا ..
عاصم قرب وقعد جنبها : المفروض تفرحي حاتم هيبقي اب ..
ناديه تبكي : اتمنيت حاتم يكون بينا يحس ويسمع الخبر بنفسه..
عاصم يهون عليها : إن شاء الله قريب يطلع .. ادعيلو يخرج بالسلامه .. وينبسط بفرحه ابنه
ناديه والدموع مالية وشها : يارب تفرج عنه وعن محمد.. يارب ..
.......قصص منه ع القهوه.............
ساره طلعت بعد ما سابت امها رن الموبيل.. وشافت الرقم وابتسمت : اهلا يا عمو .. اه انا طلعت !حطت الموبيل بالشنطة وطلعت ..
.......................
نفين تتألم وهي فالعربيه.. والطلق عمال يزيد.. عمر الله يخليك بسرعة ..
عمر مرعوب وخايف : هانت قربنا ...
أم نفين : اتحملي يابنتي .. اصبري ..انشاء الله خير
نفين تبكي : ااااه مش قادره ..
..................................
ناديه رايحه جايه قلقانه وعماله تدعي من كل قلبها وباين عليها القلق رفع نظره وبصلها يراقب رده فعلها
عاصم قاعد ويهز رجليه بتوتر : وبعدين بقي ؟؟
ناديه انتبهت: مالك ؟
عاصم وهو يحط الكوبايه من ايده : لا مش هينفع اقولك تيجي نروحلها ايه الي يقعدنا هنا ومستحيل ننام ..
ناديه : اه والله لازم لما تولد نفين تفتح عيونها تلاقينا جنبها نهون عليها ..
عاصم وقف ومسك ايد ناديه : طيب يلا قومي البسي وادعي ربك يهون عليها
ناديه وقفت : ربنا يهون عليها .. ويارب ابني يخرج و يشوف ابنه قريب .. يارب
......................
عمر قاعد بالإنتظار .. رن موبيله رد:ايوه يا ماما ..
ناديه : ايوه ياعمر طمني ايه الأخبار ؟
عمر : دخلت خالتي مع نفين .. وأنا منتظر برا ..
ناديه : طيب قالوا ولادة ..؟
عمر بسرعة : ايوه ولادة وبسرعة دخلوها ..
ناديه : يارب تهون عليها .. طمني يابني انا في السكه انا وابوك
عمر :لا مفيش داعي انا هطمنكم من خلال التلفون واول ما تولد تعالو إن شاء الله في معاد الزياره لانهم هيرفضو يدخلوكم
ناديه : طيب طمني يابني مع السلامة ..
عمر : سلام ..
ناديه: كان نفسي يكون عبد الله موجود جنب اخته
عاصم: عبد الله ماشاء الله بيعشق اخته
..قالك ينفع نروح
ناديه:قال في معاد الزياره .....شويه ورن موبيل ناديه
ردت بسرعة : ايوه ياعمر .. هاه طمني..
عمر بفرحه : أطمني ولدت وجابت ولد ..
ناديه بكت : ولد يا أبو حاتم..
عاصم ابتسم ونزل سجد ع الارض شكر لله ..
ناديه : طبيعي ؟
عمر: خالتي بتقول طبيعي ..
ناديه وهي تبكي : الحمد لله ونفين كويسه بخير ؟
عمر : يا امي رني ع خالتي واساليها بقي والله معرفش اي حاجه انا قاعد برا بس هي خرجت طمنتني ودخلت تاني
ناديه : طيب طيب مع السلامة ..
عمر : مع السلامة ..
ناديه وهي ماسكة الموبيل: ألف مبروك ياأبو حاتم ..
عاصم : الله يبارك فيك .. يلا اتصلي بسها اطمني ..
ناديه اتصلت: اهلا يا سها .. ماشاء الله مبروووك وحمد لله على سلامة نفين.
أم نفين تبكي من الفرحة : الله يسلمك ..
ناديه بكت بقوة : والله إنا اتمنيت حاتم يكون موجود بينا ويفرح .. والله نفسي يعرف..
أم نفين : ادعي له ..
ناديه أخدت منديل : طيب نفين عامله ايه يارب ما تكون تعبت ؟
أم نفين : لا الحمد لله ولدتها سهله..
ناديه: الحمد لله .. أنا عاي الظهر هاجيلكم إن شاء الله ..
أم نفين : الزيارة الساعة 3 ..
ناديه : خلاص إذا قدرت أصبر جيت على 3 أنا وأبو حاتم..
أم نفين :ماشي يا اختي تيجو بالسلامه ومع السلامة عشان داخله عند نفين..
ناديه : سلمي عليها وباركي لها ..
أم نفين : يوصل .. ومبروك ياتيته ..
ناديه : يبارك بعمرك ..وانت كمان تيته
..................................
في مكتب المدير ..
ناصر وساره جوه المكتب ..
ناصر : الموهبة إن شاء الله موجودة .. والبنت متمكنة ..
المدير : بالعكس احنا بنرحب في تواجد العنصر النسائي واظن حضرتك عارف
ناصر : شيء ممتاز ..
ساره: يعني افهم تم قبولي وإلا لا ؟
المدير بصلها : مش بالسهولة دي يا انسه .. لازم الاول نعملك تجربة .. وإذا نجحتي تقدمي تقارير للأخبار أو للبرامج .. أو حتى تبقي مراسلة ..
ساره تبتسم : فين انفذ التجربة .. ؟
المدير : امممم تنفذيها في قسم الأخبار .. لأن هناك التقارير كتيرة .. وإن شاء الله تعجبيهم ..
ناصر : وامتى نيجي .. ؟
المدير : تقدر تروحلو حالا .. وترتبو معاه ..
ناصر وقف ومد ايده يصافحه: شكرا لحضرتك جدا ..
المدير : بالتوفيق ..
ساره سلمت : ميرسي ..
المديرهز راسه : العفو ..
طلعوا ..برا المكتب
ساره وهي بتمد : تفتكر يقبلوني ..
ناصر : إن شاء الله .. وشكلك عجبتي المدير بجرأتك بالحوار ..
ساره تبتسم : أهم شيء الجرأة ..
ناصر : ربنا يوفقك ياحبيبه عمك ..
