البارت الثامن والعشرين
قلب جريئ
منه محمد واقعيه
في بيت عاصم ..
عاصم بصوت عالي : بأي حق تطرديه ..بأي حق قوليلي فهميني
ناديه بعناد وبصوت عالي : البيت بيتي ومن حقي أدخل اللي أحبه وأطرد اللي مش عيزه ..
عاصم بعضب : اقسم بالله العلي العظيم إذا مارجعتيهوش خلال يومين .. سمعتي يومين بس .. !! والله لا ينتهي كل الي بينا
ناديه انصدمت : بعد العمر ده كلو تعملها؟؟؟
عمر واقف ساكت ..محتار مش عارف يقف في صف مين!!
عاصم بصوت حاد : ابني مش عايزه يتمرمط .. ومن حقه يدور علي راحته وأنت السبب بكل شيء حصل .. فرضتي كلامك فرض عليه .. ومشتيه وكأنه طفل .. مفكره الناس على كيفك.. ده واحد طلع عن كلامك واتجوز والتاني منعرفش عنه حاجه ..!! كله منك وبتعاملك الشديد معاهم
عمر بصوت هادي : بابا استعيذ من الشيطان
ناديه تقاطع عمر وبصوت عالي: أصلاً ابليس راكبة .. وأنا اللي متحملة وصابرة بالبيت على كل مرار.. ولدت وربيت وتعبت وطلعت رجاله وفي النهاية أنا اللي ضيعتهم .. اظن ياعاصم أني وصلتهم لمرحلة أنا اللي أرتاح فيها دلوقت .. وأنا اللي بدور علي الراحة .. بس انا الي مكتوب عليها الشقى !!! والغلب دمعت عينها ..
عاصم بحزم: المهم حاتم يرجع يعني يرجع وكلمتي ماتنيها .. !!
طلع عاصم .. بعد مارماه كلامه الي نزل ع ناديه زي صاعقه ضربت جسمها لحد ما فحمها واتحولت لكوم من فحم اسود
ناديه قعدت على الكنبه بنكسار وحطت ايديها على راسها وبكت بحرقه ... !!
عمر قرب وباس رآسها : ماما فكري تاني وتعرفي الصح من الغلط ..
ناديه تبكي بحرقه: ازاي يعايرني بأبني محمد ؟؟؟ أنا ايه ذنبي ؟؟
عمر قعد جنبها وقرب عليها : امي كان متنرفز معلش متزعليش منه ..
ناديه بكت بقوة : يعني أنا راضية عن اللي حصل بأبني .. !! والله قلبي ميت عليه ولا اعرف عنه بياكل بيشرب ميت حي.. والله لو هو ميت كان أهون من إني معرفش عنه اي حاجه!!!
عمر دمعت عيونه : ماما ماما اذكري الله وإن شاء الله يرجع .. ربنا معاه ..
جت منار .. وئعدت قدامهم ..
عمر بصوت هادي : منور قومي جيبي كوبايه ميه لماما ..
وقفت منار : طيب .. ونفخت وتكلم نفسها .. يااااربي كبرت وهما دايم يخبو عني ولا عايزني اعرف اي حاجه .. افففف
..........بقلم منه محمد............
في بيت أهل ساره .. !! حاتم وساره لسه داخلين ..
مريم بترحاب : والله البيت نور..
حاتم دخل سلم وقعد : بوجودك ياطنط.. اخباركم إن شاء الله تمام ؟
مريم: الحمد لله .. أنتم عاملين ايه يارب تكونو مرتاحين ؟
حاتم: الحمد لله.. يبتسم .. مدام معايا ساره اكيد مرتاح ..
ساره ابتسمت ..
مريم : ربنا يخليكم لبعض ..
...............................
في بيت عاصم المراسي .. عمر قاعد جنب أمه وأمه ماسكه رآسها ..
عمر بصلها : ماما فيك ايه ؟
ناديه بوجع :حاسه رآسي بينفجر ..
عمر : أجيب لك برشامه صداع ؟
ناديه بصتلو : اخدت .. والله ماقادره أشوف حاجه ..
عمر وقف :ماما شكل ضغطك ارتفع وإلا انخفض قومي معايا لا شكلك مش طبيعي ..
ناديه رفعت رآسها : عمر قول لمنار تجيب هدومي لازم أروح المستشفى والله حاسه الدنيا كل حاجه سواد ..
عمر بينه وبين نفسه : ربنا يستر ..
ولسه بتقف وقعت من طولها
............منه محمد.....................
في بيت أهل نفين .. أمها بتجري و دخلت غرفة نفين لقت نفين بترضع ابنها.. اتكلمت بسرعه وهي مقطعه نفسها من العياط: نفين عمر كلمني بيقولي أختي فالمستشفى ..
نفين اتجنت : ليه مالها ؟
أمها والدموع مالية وشها : والله معارفه ؟؟ !! يابنتي اتصلي على عبدالله والله ما قادرة حتى أمسك الموبيل ..يارب لطفك يارب
نفين نطت بسرعة واخدت الموبيل واتصلت : يارب تحفظها من كل شر ..
أم نفين واقفة وتسمح دموعها بالمنديل : يارب يارب يارب تخليها ده انا ماليش غيرها ..
نفين بلهفه : ايوه ياعبدالله فينك ؟
عبد الله : فالبيت ..
نفين بهدوء وخايفة : طيب ياحبيبي تعال أمي عايزاك
عبد الله استغرب : ليه خير فيه ايه ؟؟!!!!!
نفين : خالتو فالمستشفى..
عبد الله قاطعها: ياساتر يارب مالها فيها ايه ..؟؟
نفين: لالا إن شاء الله خير بس تعال بسرعة ..
عبد الله قام وقف : اوك مسافه الطريق اجهزوا ..
.................بقلم منه محمد.............
في المستشفى ..
عمر دخل المستشفي واستقبلو امه منه ع الترولي وعمر ماشي وراها والممرضة معاهم ...
بعد شويه دخل عمر غرفه الكشف: ها يا دكتور طمني
الدكتور: ابدا اطمن غيبوبه مؤقته شويه وتفوق بعد تأثير الدوا،، بس حاولو متجهدوها
عمر هزراسه: شكرا يا دكتور فيه حاجه مطلوبه نعرف بيها سبب الغيبوبه
الدكتور: بالتاكد بس لازم نعمل فحص طبي وتحاليل عشان نعرف سبب الغيبوبه ولازم تفضل فى المستشفى لمدة ٤٨ ساعة تحت الملاحظة لمراقبة العمليات الحيوية و التنفس والضغط والنبض والحرارة وربنا يشفيها
عمر: شكر يا دكتور خرج الدكتور وعمر قرب لسرير ناديه
عمر بصوت واطي يكلم أمه : لازم تريحي نفسك واظن سمعتي الدكتور قال ايه؟؟
ناديه اكتفت بهز راسها
الممرضة : يلا يا مدام لازم ترتاحي وماتفكريش بأي حاجه لأنه ضروري ترتاحي.
ناديه اتكلمت بعيونها بمعني : يارب ..
عمر باس رآسها : الف سلامه عليك يا ست الحبايب..
ناديه نزلت دموعها
عمر مسح ع شعرها: الحمد لله على كل حال ..
وطلع موبيله يرد ع ابوه: ايوه يا بابا .... اه بالدور التاني .. لا الحمد لله هي بخير .. لا طبعا اهلا بيك
...........................
في بيت أهل ساره ..
ساره وأمها في الليفنج .. !!
مريم :بالعكس انا بدعيلك ليل نهار ..
ساره بخوف : بس حاتم لحد الان ميعرفش عن التقرير ولا عارفه اعمل ايه ؟؟
مريم تبتسم : اقولك ايه لسه بس حاسه باهميه كلامي ؟؟ مالك قوليلو واخلصي مفيش كدبه بتفضل ع طول ..
ساره كشرت : صعبة يا ماما .. والله صعبة .. حاتم غيور .. أنت ماشفتيش ازاي بيبهدلني بالمطاعم والأسواق معرفش انه غيور كدا
مريم ضحكت : هههههههه وفيه راجل مش غيور ؟؟؟
ساره: ربنا يستر منه .. بجد عرفت إن كلامك كله صح .. وحاتم أفكاره تختلف جذرياً عني ..
مريم تتنهد: يا بنتي الكلام ببلاش بس التطبيق صعب ..وده حال حاتم!! يتكلم بس صعبة عليه يطبق لأن عايلته وعاداته تختلف عنك ومهما كان اللي حواليه يأثرو عليه ..
ساره سكتت شوي : ليه كل ماجيتلك تخوفني ومش بتريحني
مريم قاطعتها: لان أنا أصدق واحدة معاك وخايفه عليك تصدقي الأيام وهي بتضحك عليك .. أنا صريحة معاك مش عوزاك تنصدمي بالواقع ..
.................................
حاتم واقف بالعربيه عند بيت أهل ساره .. كان بيمشي بس وقف تاني ونزل من العربيه .. وطلع سجاره يدخن .. وبينه وبين نفسه .. ليه يا امي ؟؟ والله لو تعرفي غلاوه ساره بقلبي وراحتي معاها كنتي مازعلتي مني .. وقف شوي يتفرج ع الي رايح وجاي ويدخن بشراه.. شويه رمى السجاره وداسها برجله .. وركب العربيه وشغلها .. ومشى .. !!!!
قطع عليه تفكيره صوت الموبيل .. طلعه ورد : اهلا ياعمر..
عمر : اخبارك ؟
حاتم بصوت تعبان : موتني التفكير محتار بين أمي وساره ..
عمرسكت شوي ...
حاتم استغرب : روحت فين ؟
عمر بهدوء: حاتم أمي مرتفع ضغطها ودخلت غيبوبه مؤقته
حاتم بخوف : طب هي كويسه ولا ايه طمني ياعمر ربنا يخليك ؟
عمر بسرعه : لالالا بس قالوا هنخليها في المستشفي يومين أوتلاته يعرفو سبب الغيبوبه ..
حاتم استغرب وبقهره : يعني أمي فالمستشفى ؟
عمر اتنهد: ايوه .. و الدكتور قال لاااازم ترتاح و ربنا يستر عليها..
حاتم دمعت عيونه : يااااااااالله كله مني انا .. طيب بأي مستشفى؟
عمر : لا حاتم متجيش ارجوك أمي لازم ترتاح ..
حاتم بعصبية: ايه متجيش دي امي ياعمر ..!! جاي يلا قولي بأي مستشفى ..!!
......
في المستشفي
عبد الله وأمه ونفين .. دخلوا غرفة ناديه .. بسرررعة راحت أم نفين وباست رآسها : سلامتك ياغالية ..
ناديه بصوت تعبان بالكاد يتسمع : الله يسلمك ..
قربت نفين وباست راس خالتها : سلامتك ياخالتو ..
وقرب عبد الله وباس رأسها وايدها : سلامتك .. الف سلامه عليك يا اطيب خالتو ..
ناديه بدموع : الله يسلمكم ,, اقعدوا..
عبد الله وهو واقف : قلت أشوفك وأتطمن عليك .. أنا هطلع عند عمر وعمي عاصم ..
أم نفين : على راحتك يا ضنايا بس انتظرنا اوعي تمشي ..
عبد الله : إن شاء الله .. خالتو تآمريني بحاجه ؟
ناديه : سلامتك يا قلبي ..
قعدت سها و جنبها نفين ..
عمرخبط الباب ..ودخل .. وقرب لأمه .. وبصوت واطي : ماما حاتم جاي ومصمم
ناديه بصتلو وبصوت واطي : عايز ايه تاني ..!! مش هيرتاح غير لما يموتني ؟؟
نفين سمعت ونزلت راسها ..
عمربصوت واطي : أقوله ايه؟
ناديه حنت لابنها بس خايفه على زعل أختها ..سكتت.. !!
عمرابتسم : أكيد رضيتي .. بعدين يا امي لازم تريحي نفسك وصحتك أهم من اي حاجه وكل حاجه.
ناديه نزلت دموعها: وأنا ماكمل عليا إلا هو وأخوه .. سكتت شوي .. خلاص خليه يجي ..
عمر باس ايدها وطلع ....
أم نفين تبكي : مالك يا اختي ايه الي صابك ؟
ناديه : الضغط ارتفع من القهر ..
نفين مسكت كيس عصير وفتحتو لخالتها..
أم نفين : يا ختي ريحي نفسك ..
ناديه بصوت واهن: مش قادره مش قادره
ام نفين: اهدي وانتبهي لنفسك محدش هينفعك صحتك اهم
ناديه: يارب اللهم لا اعتراض ع حكمتك
عبدالله دخل : نفين تعالي معايا شوي ..
نفين عطت أمها باقي العصير وطلعت مع عبد الله ..
نفين : فيه ايه ..؟
عبد الله تعالي ائعدي فالانتظار لأن حاتم جاي ..
نفين ودقات قلبها تنبض بسرعة : جاي ؟
عبد الله مسك ايدها ومشى معاها : وإلا أقولك تعالي نتمشى لحد ما يطلع ..
نفين والدموع بعينها : ماشي كويس إنك قلت لي ..
عبد الله ابتسم: مش حابب تنحرجي
رآحوا للاسانسير ..واتفتح وركبوه ونزلوا ..
نفين وهي طالعة من الاسانسير : مسكينه ياخالتو شكل اللي رافع ضغطها حاتم ..
عبد الله : الله يعينها .. حاتم ومحمد كلهم يرفعو الضغط ..
نفين فجأة ارتبكت .. ووقفت ..
لانها شافت حاتم وهو بعيد عنهم بس هو ماانتبه .. دقات قلبها زادت وبقت سريعه .. ودموعها نزلت لا اراديا..
عبد الله انتبه .. وبصلها بشفقه ع حالها وسكت ..
نفين.. ولسان حالها يقول ..
يارتني ما عرفته ولا وهبته قلبي ..!!
يارتني أول ماشفته غيرت طريقي ومصيري .. !!
نفين. مسحت دموعها ومشت .. وبينها وبين نفسها .. ياريت عندي أخت أشكي لها .. وتفهمني .. يااريت عندي حد أطلع شوي من شوقي وأطفي شوي من ناااااري .. والله لو تعرف غلاوتك ما كنت سبتني يا حاتم .. !!
عبدالله قطعها : نوفا ..
نفين بصوت هادي : نعم ..
عبد الله ابتسم : أنا حاسس إني ربنا هيعوضك براجل احسن منه وأطيب منه ألف مرة ..
نفين ابتسمت ابتسامة فاقدة فيها الأمل .. !!
...................................................
دخل حاتم .. وسلم على خالته .. وباس راس أمه :حمد لله على السلامة يا غاليه
ناديه نزلت دمعتها : الله يسلمك ..
ئعد جنب خالته وقرب الكرسي لعند أمه ..
أم نفين وقفت : يلا اسيبك يا ناديه وارجعلك تاني والف سلامه..
حاتم لف وبصلها: مستعجله ليه يا خالتو ..
أم نفين بمغزي: معلش اهم حاجه اطمنت ع اختي وده اهم شئ .. طلعت تلفونها من الشنطة .. وراحت تودع أختها .. الف سلامه عليك ماتشوفي شر.. ولا تشيلي هم حاجه محدش هينفعك صحتك أهم من كل حاجه ..
حاتم نزل رآسه ..
ناديه بتعب : ربنا يعني ع هم الدنيا .. ويفرج عن ابني كربته والله ده الي هد حيلي وبكت ..
أم نفين : انشاء الله يفرجه عنه وادعيلو ..
طلعت أم نفين..
حاتم مسك ايد أمه وباسها :سامحيني يا امي ..
ناديه مسحت بايدها على رآسه : وأنا ليه مين غيركم بعد ربنا .. ربنا يسامحك
حاتم بصلها وابتسم : والله ما فيه في الدنيا زي طيبتك ..
ناديه بهدوء : بس مراتك مش عايزه أشوفها ..
حاتم اتنهد: امي والله بتتعبي نفسك .. والبنت لو تعرفيها كويس صدقيني هتندمي على اللي عملتيه فيها ..
ناديه سكتت ...!!
حاتم بصوت هادي : ماما أنا مش حابب أتعبك وإذا عاوزني أسكت هسكت خالص..وفعلا سكت ..
ناديه : لا اتكلم قول كل اللي جواك ياعالم ممكن يجرالي حاجه واانت شايل مني
حاتم ابتسم : أجيبها يا امي ؟
ناديه سرحت في ولا حاجه .. !!!
حاتم بصلها : اللي يريحك وأنا أهم حاجه راحتك ورضاكي ..
ناديه هزت رآسها يعني رآضية ..
حاتم قام وباس راسها وضحك من الفرحة : دلوقت بس ارتحت ..
ناديه بكت: خفت يابني افقدكم وعرفت انكم اد ايه غالين وغمضت عيونها ونزلت دمعه على خدها غصب عنها دخل عمر شاف حالتها قرب منها وبحنيه غطاها ومسح على راسها وخدها برفق وبص لحاتم : خليها ترتاح
حاتم :طيب بس هي كلت
عمر بهدوء : اه اكلت واخدت علاجها تعال نطلع خليها ترتاح شويه
........................
في بيت أهل ساره ..
ساره بالصالة تكلم بالموبيل وتضحك : بجد ؟؟ والله انبسطت جدا جدا حبيبي أوكي .. ربنا يقومها بالسلامة .. طيب .... خلاص 10 دقايق وأبقي جاهزة اه فعلا أتأخرنا ..طيب.. باي ياعمري
.........................................
نفين بالغرفة وعلى السرير بتستعد للنوم وجنبها ابنها .. أمها خبطت علي الباب ..
نفين : ادخلي ماما ..
امها فتحت الباب: مانمتيش؟
نفين ابتسمت : لا والله لسه كنت هنام بس عبودي أزعجني ..
أمها : طيب شوفي أنا افتكرت امر كدا قبل ما أنام .. وكنت هقوله النهارده لحاتم بس رجعت في كلامي .
نفين ارتبكت ومستغربه : خير فيه ايه ؟
أمها : اصلو أتأخر بمصروف الولد .. وانت شايفه حالتنا على الله ثم على معاش أبوك الله يرحمه .. هو له أب يصرف عليه ..
نفين سكتت شوي : عندك حق يا ماما .. خلاص طيب كلميهم وإلا اقولك اتصلي بعمر هو يوصلو ..
أمها : لا أنا أقول لعبد الله .. بس قلت اخد رآيك ..
نفين: لا أكيد أنا مع حق ابني .. بكره يتعود إن أنا اللي بصرف عليه ولا يديني مليم لعبودي ..
أمها : عندك حق .. لان الراجل حسب ما يتعود ..
نفين: يلا ربنا يفرج كل ضيقة ..
أمها قربت وتطل على عبود : يا عمري نايم ..
نفين بصت لـ عبود : اه يا قلبي .. مع إنه تعب أمه اليوم ..
أمها : ربنا يخليهو لك يارب .. يلا تصبحي على خير ..
نفين ابتسمت : تلقي الخير ..
طلعت أمها ..
نفين سحبت اللحاف واتمدد .. حطت رآسها على المخدة وبتفكر .. !! الحمد لله اللي جبت منك ولد .. عشان أقدر أشوفك .. ياااه اشتقت لك .. افتكرت لما شافته بالمستشفى .. ماتغيرتش ياحاتم على حلاوتك لا ويمكن بقيت أحلى .. اتنهدت .. متزعليش ده قدر ومكتوب .. نزلت منها دمعة .. يابختك بيه ياساره .. أكيد انت أسعد واحدة فالدنيا .. !! يارب ترجعهولي .. يارب يارب يارب ..وانا ساعتها هحافظ عليه
..................
مرت الأيام .. واتغيرت أمور بسيطة .. ساره قربت لناديه اللي رقدت بالمستشفى أربع أيام بسبب ارتفاع الضغط !! .. وحاتم !! ولا عنده علم عن موضوع ساره.. !! وعبد الله وبسمه على حالهم .. أما سحر مبسوطة مع طارق اللي فعلاً كان محتاج تغير .. وخالد وليلى جايين زيارة للقاهره قريب ......
في بيت أهل نفين ..
نفين بغرفتها .. تكلم بالموبيل :حمد لله على سلامتك ياقلبي ,, طبعا لازم أشوفك ,,
ليلى : ياااقلبي والله انت طول الوقت فبالي ,, مابتفارقيني ..
نفين : طيب ليه ماقلتيليش إنك جاية
ليلى : ياحبيبه قلبي تعرفي على بال ماأستقر وأرتاح وانت مجربه
نفين: مجربه والله عذرتك.. وحمد لله على السلامة وسلمي على خالد
ليلى : إن شاء الله ,,
نفين : طيب حاولي تجيلي بكره أو بعده
ليلى : بحاول لأننا مش بنطول و تبدأ دراسة خالد
نفين : والله مشتاقة لك كتير يا ليلي
ليلى : وأنا أكتر ياقلبي ,, أوكي ياعسل ,, أنا هقفل معاك تعرفي انامهمة ولسه راجعة ,,
نفين ضحكت من قلبها: مهمه جدا,, يالله في امان الله ..
ليلى : في امان الله يا قلبي
في شقة حاتم .. اعد على اللاب توب بالصالة .. وساره ترص الغداء على السفره..
حاتم ببتسامه : الحمد لله كلها شهر ونرجع استراليا والله مبسوووط جدا ..
ساره وقفت مكانها: الحمد لله .. والله كان فضلي شوي وأموت من القهر ..
حاتم : ربك يفرجها .. أهم شي رضى ربنا ورضي الوالدين ..
ساره ابتسمت ومشت : عندك حق.
حاتم راح يتأمل نوع الاكل : هه ساره طابخه باميه ؟
ساره وهي بالمطبخ : اعمل ايه يا حبيبي مايعجبكش الا الباميه ؟
حاتم اخد بالملعقه: آآآآه باميه .. بموت فيها سحب الكرسي وقعد ..
ساره رجعت ومعاها اطباق وسحبت كرسي وقعدت ..
حاتم : تسلم ايديك حبيبي ..
ساره : حبيبي تسلم.. يلا بسم الله ..
حاتم ابتسم: بسم الله ..
.......................
في شقة عبد الله .. عبد الله ونفين وبسمه قاعدين بيتغدو ..وشاف نفين قاعده مش ع بعضها
عبد الله يبتسم : ايه وحشك وأنت ما كملتيش ساعتين بعيد عنه ..
نفين وهي تآكل : لا بس قلقانه بيتحرك كتير ولازم عيني دايما عليه ليقع
بسمه تقاطعها: أنا اللي أعرفه إنهم بيقوله كلمه بابا في الاول صح وياعيني عليه ماعندوش اب
عبد الله بصلها ب نظرة حادة ..
نفين سكتت .. وحست إنها انقهرت منها ..
عبد الله صعبت عليه اخته واتعصب ع بسمه جدا : انا متحملك لأني أصيل وطبعي طيب ونفين ع الأقل بقي عندها ولد واللي اتجوزها ماعرفش قيمتها.. يعني بإختصار متحملك لأني اتربيت على الاخلاق وإلا أقدر أخليك تندمي إنك فكرتي تتجوزيني..
بسمه بخوف منه: مالك ؟؟؟ بهزر معاها وهي عارفه إني بهزر ..
نفين تقاطعها: لا مش بتهزري ومش أول مرة تتكلمي كدا وتحرقي دمي وانا ساكته ومتحمله .. واظن انا قليل لما باجي لبيت أخويا عشان انت موجوده فيه
بسمه بستهزاء: لا ابقي ياختي ابقي تعالي
عبدالله زعق : خلااااص وقف ورمي المعلقة .. احترمي وجودي على الأقل .. واحترمي إني جوزك !!
بسمه وقفت بصوت عالي : ياااسلام هي تتكلم عادي وأنا تتحمل مني الكلمه بالعافيه..؟؟ لا ياعنيا هتكلم وبراحتي
عبد الله بصلها من فوق لتحت وسابها ومشي وهي بتتكلم ودخل الغرفة ورزع الباب بقوووة.. و بصوت عالي .. عمرها ما هتتعدل ..
بسمه رجعت قعدت وبصت لنفين نظرات ناريه: يااااسلام عجبك عملتي مشكلة بينا يارب تكوني انبسطي ! .. ياختي ما تبقيش تيجي لانك بتحاولي تخلقي بيني وبين جوزي مشاكل ..لانك انسانه غتته وما تنطاقي كئيبه ونكديه وفقريه
نفين بحتقار : والله لما ابقي جايه بيتك ابقي اتكلمي .. انا جايه لبيت أخويا .. وأي وقت احب اجي هاجي ..
بسمه انقهرت : طيب طيب نبقي نشوف ..هتيجي تاني ازاي
نفين بتحدي: بنشوف وابقي وريني !!!
بسمه سكتت وعيون الشر والحقد تشع من عيونها !!
.......................
في بيت عاصم ..علي السفره
ناديه : والله معارفه محمد بياكل ولا جعان
عاصم اتنهد: ربنا يفرج عنه ..
ناديه والدموع بعينها : جسمه كان مليان كان بيحب الاكل وكنت دايما انصحه يخفف لا يزيد وزنه .. و سكتت ..
منار تبص لـ أمها ..
عاصم عيط: والله وحشني .. واشتقت حتى لخناقه ..
ناديه : 5 شهور منعرفش عنه معلومه أكيد نحف وطلع عضم جسمه ..بكت .. وسابت المعلقه ..
عمر بص لـ امه : ادعيلو يا امي .
.............منه محمد............................
في شقة حاتم بعد الغداء.. طلع من الحمام..
ساره وهي تشيل الصحون : هاه عجبك الأكل حبيبي ..
حاتم بصلها :أكيد معقول حبيبتي تعمل حاجه وماتعجبنيش ..
ساره رمت له بوسه في الهوا : حبي ..
حاتم أخد اللاب توب وقعد على الكنبه بالصالة ..
ساره بالمطبخ وبصوت عالي : حبي اعمل حسابك النهارده نروح لأهلك ..
حاتم : طيب .. فتح ايميله ..ويكلم نفسه .. يوووه أمبارح لسه شايفه .. 16 ايميل اوووف والله ناس فاضية..هيكون ايه يعني
.................
في شقة عبد الله .. عبد الله وبسمه بالغرفة ..
بسمه وقفت : اسمع أختك وقحة وانت بعد ما مشيت وسبتنا متعرفش ردحت لي وقالت لي ايه ..؟؟
عبد الله بصلها : ها قالت ايه ؟
بسمه بكت بتمثل بحرفيه : بتقول البيت مش بيتك ومنين ما احب اجي ومن الكلام الي يسم البدن وانا ساكته .. والله انت متعرفش عن اللي بيحصل منها بس قدامك تتمسكن وتمثل إنها مسكينة و هي حية من تحت تبن .. أختك سوسة تعرف معنى سوسة ,, معقووولة كل السنين دي ولا تعرفها !!
عبد الله انقهر من نفين: طيب أنا بتفاهم معاها وقرب ومسح دموع بسمه .. دموعك غالية علي وقف شوي .. .. وطلع .. راح للصالة ..
بسمه ابتسمت والشر طالع من عيونها : انت يا حثاله تكلميني انا كدا ؟ وقسم بالله لتندمي
نفين تكلم أمها بالموبيل : ها يا قلبي بودي كويس خايفه يكون تعبك ؟
أمها :لا والله كأن ليك خمسين سنة بعيد عنه لا متعبنيش بس أنت اللي أزعجتيني عايزه تعالي خديه و تضحك ..
نفين : طيب ياماما مع السلامة أنا علي المغرب جاية ..
أمها : مع السلامة ..
قفلت .. نفين وبصت لعبد الله الي واقف متغير وبصتلو مستغربة .. !!
عبد الله بعصبيه : لا مش المغرب هتروحي دلوقت قومي .. يلا .. أنا مش ناقص مشاكل .. وحركات التمثيل دي ماتعجبنيش يانفين
نفين انصدمت : بتقول ايه أنت ؟
عبد الله بعصبية : بقولك قوووومي يلا ما تتمكسنيش وتمثلي .. يلا روحي عند أمك الله يعينها عليك ..
نفين وقفت بحده : أناطالعه .. بس احترم نفسك شوي وأمي هي أمك .. ولا لحقت تأثر عليك واحده أنت عارفها من يوم بس اتجوزتها ..
بسمه تسمع وتبتسم ..
عبد الله بصوت عالي : سدي بوزك لحسن اكسره بطرقتي وبعدين أنا عارفك من زماااان قبل ما اتجوزها .. والله لو واحدة منكم قاصرة الشر ماكانت حصلت كل شوي مشكلة شغلتوني بكلام فاضي ,, خلاص ماتجيش البيت هنا تاني وهي مش جايه البيت عندكم وأقطعها من دلوقت
نفين بصتلو بحتقار.. وراحت تاخد شنطتها وماسكة نفسها عن الدموع .. وجواها قهر بصت لنفسها بزاويه بعيده عنهم مين يواسيها ؟! مين يطبطب عليها ؟! مين يمسح دمعتها ؟! غمصت عيونها والدموع متحجره بعيونها
عبد الله بصلها بقرف : خلصي ومستنيك برا في العربيه.
نفين بصوت عالي : حسبي الله ونعم الوكيل فيك يا شيطانه..
بسمه طلعت ووقفت قدام باب الغرفة وحاطه ايدها على وسطها ..نفين بصتلها بكره وهي بتعدل حاجبها وبتريقه: نعمه العقل زينة ..
بسمه بسخريه: والله زينة !!.. أشوف فيك عقل ماشاء الله ..
نفين مشت وعدت من جنبها وضربتها في كتفها..وطلعت ..
.......
حاتم يقرا الايميلات .. وفتح ايميل عنوانه الفقر بالقاهره,, والإعلام كشف لنا أشياء نجهلها ..(( اه ده تقرير عرض في قناة لااااايفوتك التقرير ..اوه نسيت اشوفه
حاتم بدا يحمل التقرير .. جت ساره .. تبتسم وئعدت جنبه : بتعمل ايه..؟
حاتم بصلا ويبتسم : بشوف ايميلي .. الايميلات دي فرهدتني الناس ما بتملش
ساره ابتسمت : انت ماشاء الله محبوب من الكل .. حطت رآسها على كتفه .. وحط ايده ورا ظهرها : بحبك اوي يا ساره .. قفل شاشة الكمبيوتر وضمها : هاه خلصتي الي وراك ؟
ساره بدلع : اه بس المطبخ يهد الحيل..وضوافري باظت من غسيل المواعين!!
حاتم باسها : لما نروح استراليا إن شاء الله أجيب لك غسالة صحون مسك ايدها .. عشان الايد الحلوة دي ماتتعبش
ساره ابتسمت : ربنا يخليك ليا حاتم انا مبسوطة معاك
حاتم بصوت هادي : أنا مبسوط أكتر لأني بحبك أكتر
ساره تبتسم : لا أنا بحبك اكتر.. والدليل تعبت عشان اتجوزك .. لا وحبيتك من أول نظرة ..
حاتم بعناد وبهدوء : أنا تعبت أكتر ..وأنا ضحيت بأمور كتيرة ..انكري بقي يا نكاره
ساره ضحكت وبغنج: طيب ايه مش يالله عشان نثبت الحب عملي...ومسكت ايده وراحت لغرفه النوم دخل حاتم وقفل الباب وبص لساره الي بدأت تجرده من التي شيرت وتقربه منها اكتر حاتم قرب منها وهمس في ودنها بعشق : بعشقك وبدأ يقرب شفايفه من شفايفها لحد ما حست بانفاسه الحاره علي رقبتها وضمها ورفعها للسرير
...........................
نفين بعد ماوصلها عبد الله دخلت تبكي بالصالة وأمها شافتها جريت عليها ونفين حكتلها كل الي حصل
نفين تبكي بنهيار : قوليلي مين هيبقالي في الدنيا لو سابني عبدالله..؟؟
أمها تتنهد: لا حول ولا قوة إلا بالله العلي العظيم .. حسبي الله عليك يابسمه !!
نفين : أنت لو شفتيها ازاي واقفه ترد .. أنواع الخبث كلو فيها .. والله العظيم ماكنت أصدق المسلسلات و أقول كلام فارغ مافيش حد بينا كدا ..
أمها : الشر في كل مكان يابنتي .. بس أناحكلم عبد الله وليه حساب معاه ..
نفين تمسح دموعها: طيب ابني فين ؟
أمها : نايم في اوضتي وقلت للشغالة كل شوي تشوفه ..
نفين بيأس: هروحلو مانا مش نافعني بالدنيا إلا ربنا ثم أنت وابني ربنا يخليكم ليا.. واخويا مشي وراه مراته
راحت نفين بقهرها
رن التلفون .. ردت أم نفين: الو .. الحمد لله بخير .. والله كلنا بخير أنت كويس ؟ خير.. خلاص أقول لها ,, طيب مع السلامة ..
أم نفين تنادي: نفين نفين .نفين ترد بصوت عالي :جيت يا امي جيت .. وجت نفين ومعاها عبودي : نعم
أمها : حاتم اتصل
نفين ارتبكت : عاوز ايه ؟
أمها : عاوز يشوف عبودي وأكيد هيجيب له مصروفه ..
نفين بهدوء .. طيب هروح ألبسه ..
راحت نفين .. وهي مش على بعضها .. وبينها وبين نفسها .. يااااارب أشوفه لو لمحه تنسيني كل اللي حصل لي النهارده والله وشه بينسيني الهم .. ياااااارب ..
.........................
في بيت عاصم.. !!
ناديه منزلة رآسها على الأرض وقاعده على طرف سرير محمد ...
عمر بهدوء نزل وقعد قدامها على طرف سريره : ماما ارجوك ما تقوليش كدا ,, إن شاء الله تفرحي بيا .. وبعدين ابنك مستقيم وماشي في السليم وأول ماأتوظف هتجوز وتشوفي عيال عيالي ..
ناديه بصتلو : أنت الوحيد اللي عمرك ما زعلتني .. ولا عمري سمعت صوتك مرفوع علي ..
عمر قام وباس رآسها وايدها : وأنا أقدر أرفع صوتي عليك برضو ..
دخل عاصم : خير مؤتمر القمه؟
ناديه:ابدا بتكلم مع ابني نور عيوني..
عاصم ضحك و مشى وقعد جنب ناديه ع الارض : بتحكو عن ايه ياتري ؟
عمر : عاوزني اتجوز ..
عاصم : هههههه لالا لسه بدري ..
عمر بمزح : اه صح لسه بدري
ناديه بتكشيره : خلاص فاضلو سنة وشوي ويتخرج .. واجوزه وأفرح بيه ..
عاصم : ربنا يوفقهم .. وعقبال مانفرح بمنار ..
ناديه ابتسمت : لا لسه بدري منار مش هتفارق حضني..
عمر : منار مفيش زيها ..
ناديه قامت وقفت: يلا اروح احضر الغدا حاتم جاي هو ومراته .
