البارت السادس والعشرين
قلب جريئ
منه محمد واقعيه
ساره بالغرفة .. وماسكة موبيلها .. بتكلم نفسها اقوله اه اقوله وابعتلو .. أكيد بيقابلها .. لازم أخرب بينهم بأي طريقه.. لااااازم .. أنا ساكته طيب ليه.. بس خلاص مستحيل أسكت .. كتبت مسج ..وبعد ما انتهت .. تقرا المسج : أيوه ظبط.. طيب يانفين .. اتكت وصول ..
...........
في بيت أهل نفين .. بالصالة
عبد الله شايل عبود .. ونفين واقفة جنبه : وقالك ايه كمان ؟
عبد الله : قال جاي نتفاهم دلوقت .. وقلتلو لسه نفين قالت بكره
نفين فرحت بس خبت : لا عادي يجي دلوقت مفيش مشكله ..
عبد الله بخبث : عادي أروح أقوله لأنه مطول اظاهر فاضي مورهوش غيرك النهارده وابتسم .. بس روحي البسي بسرعه
نفين ببتسامه: طيب ... راحت بسرعة .. وهي ماشيه وقفتها أمها ..خير مالك كدا مستعجله وبتجري ؟
نفين : بتفاهم مع حاتم ..
أمه مستغربة : شكلك مبسوطة .. ؟
نفين تضحك : طبعا أكيد ..
أمها بتريقه : اتقلي واركزي شوي خليه يعرف إنك قوية على الأقل .. لحد ما يتكفي ع بوزه ..
نفين مشت : لما اروح ألبس وراجعة لك ..
امها بسخريه من الموضوع ولهفتها : ياربي لك الحمد .. ده ولا كانه متجوز عليها الهبله فرحانه ..يارب تخلف عليا ..
.................
حاتم لوحده بيلعب مع عبود وبيكلموه: يااااقلب أبوك .. والله مشتاق لك ..وباسه
نفين خلصت .. ونزلت .. عبد الله بالصالة مع أمه : يلا يا نوفا بسرعة حاتم منتظرك ..
حاتم وصلو صوت مسج طلع موبيله ( الهانم الي انت رايحلها جري تعرف عملت فيا ايه مراتك المحترمه وانت في السجن انا مش بفرق بينك وبينها لكن انا جوايا قهر وذل والست البرنسيسه اهانتي لو كنت متعرفش الست جات هنا لحد بيتي وبابا لسه ميت وضربتني وشتمتني وبهدلتني وانا ربنا ينتقم مني لو كنت بتبلي عليها )
حاتم رن ع ساره بسرعة لأن دمه فار،،ولا قادر يشوف قدامه ..
حاتم على طول بعصبية : ليه ماقلتيليش إلا الوقت ده ؟
ساره : معرفش .. بس اديني قلت لك ..
نفين قربت من الباب ووقفت مرتبكة ولا دخلت .. ووقفت وسمعت قبل ما تدخل كل المكالمه !
حاتم بعصبية : امتى ضربتك ؟
ساره تبكي : وأنت فالسجن .. والله العظيم مابكذب ..
حاتم اتنهد : ليه طيب عملت كدا ؟
ساره تمثل بالبكاء : مقهوره انك رمتها هيكون ليه يعني ؟
حاتم يهديها : طيب حبيبتي .. أنا هفرجك عليها..
نفين بتسمع ومستغربة .. ؟؟
ساره: حاتم من غلاوتك في قلبي سكت .. بس ماقدرتش افضل اخبي عليك ..
حاتم : لا أكيد نفين عقلها ضرب .. الهانم متعرفش إن ظفرك يسواها ويسوى اللي جابها فعلاً ماتربتش..
نفين وسعت عيونها وانصدمت .. ونزلت دمعتها .. ورجعت .. شهقت بقوة .. ماراحتش للصالة .. راحت لمكان تاني .. وأأعدت على اقرب كرسي .. تبكي بنهيار وايدها ع شفايفها تطلع صرخه مكتومه بمرار: لييييه انا عملت ايه (وبسخريه)قال لبساه وداخله اتفاهم معاه قال ؟؟
.......منه محمد......
أم نفين وعبد الله بالصالة .. يارب يتفاهموا ..
عبد الله : لا حاتم إن شاء الله يحلها ..
أمه : نقول إن شاء الله .. وحتى احنا كمان ولا ضغطنا عليه ولا حاجه..
.........
في بيت أهل ساره..
ساره ااعده على طرف السرير .. ياتري ايه الي حصل ؟؟ والله كان متنرفز .يارب يقلب الدنيا عليها وع الي خلفوها..قال عشان ابنه حبهم قرد هي وابنها
.....................
حاتم قاعد ينتظر .. دخل عبد الله .. استغرب : الله امال فين نوفا ؟
حاتم يبتسم مجاملة : لحد دلوقت ماجتش ؟ ومعرفش فينها؟
عبد الله مستغرب : ازاي ماجتش .. من شوي راحت وجاتلك ؟؟؟ طلع ينده بعلو صوته: نوفا نفين
حاتم كلم ابنه : شفت أمك عامله ايه .. والله لا أوريها .. بس خليني أشوفها في الاول
دخل عبد الله المكان الي فيه اخته وشافها منهاره:نوفا مالك ؟
نفين بكت بقوة : عبد الله سبني الله يخليك ..
عبد الله قعد جنبها : حاتم قال لك حاجه زعلتك ؟
نفين بمرارة: أصلاً ماشفتهوش .. خلاص مش عيزاه..
عبد الله يتنهد وبحيره : أنت من شويه كان نفسك تتفاهمي معاه ايه الي غيرك ؟
نفين اتعصبت جدا: خلااااص هو كدا مش عايزاه خلصنا .. يا اخي طلقوني منه .. خلاااااص ريحوني بقي
عبد الله مستغرب بشدة : ما هو اكيد عملك حاجه او قالك حاجه ضيقتك
نفين بصوت عالي وعياط : انا عيزاه يطلقني .. وقفت .. أنا ريحالو .. ومشت وهي فاقده أعصابها ..
وقف عبد الله قدامها ومسكها : اهدي ووحدي الله ..
نفين تبكي بقوووة : رايحه أقوله يطلقني .. ولو حتي عاوز ابنه ياخده انا مش عايزه حاجه تفكرني بيه
حاتم واقف يسمع صريخ .. !! اتلبخ وبينه وبين نفسه أروح أشوفها .. ؟؟ اه اروح ماهي مراتي ومفيش حد غريب ..
................
جريت امهم عليهم بفجعه: مالك يا نفين ؟
نفين ااعدت وكأن حيلها مهدود : امي خلوه يطلقني قبل ما يخرج ..
دخل حاتم وعلى طول شاف نفين حس ان الموضوع كبير من شكلها .. !!!
نفين نزلت رآسها وبكت بحرقه ..
حاتم بصصلهم ونفين قطعت قلبه : مالكم ؟
عبد الله بعصبيه وحده : حاتم انت زعلتها في ايه ؟
حاتم: هي ماجتش أصلاً .. ؟؟ يبقي ازاي أزعلها ؟
نفين قامت بعاصفه : حاتم لحد هنا و طلقني ..
سكتوا ..
قربت أمها ومسكت ايد بنتها: تعالي معايا يا بنتي ..وشدتها معاها
حاتم رافع ابنه لحضنه: .. وعبد الله .. واقف مستغرب طلبها ..
حاتم شك إنها سامعة المكالمه : عبد الله والله مادخلت ولا شوفتها
عبد الله اتنهد : هي طلعت من عندنا بتضحك .. ايه الي غيرها كدا .؟؟
حاتم هز كتافه : علمي علمك ..وعطي الولد لعبد الله وخرج وساب وراه قلب مجروح بكلامه ولا فكر لحظه بعواقب كلامه
حاتم نزل ركب عربيته وكلم ساره:حصلت امور صعبة ياساره ..
ساره ابتسمت بمكر : ازاي ؟
حاتم : شكلها سامعة كل كلمه وأنا قلت كلام المفروض ما كنتش أقوله..
ساره بينها وبين نفسها : أحسن ..
حاتم بضيق: طيب أنا بجد ماليش خلق لاي كلام .. أكلمك بعدين ..
ساره : ماشي مع السلامة ..
حاتم : مع السلامة ..
.........منه محمد..................
نفين بغرفتها تبكي ..نار في قلبها
دخلت أمها : يابنتي خلاص .. والله تعبتي نفسك ..
نفين بصتلها : خليني أبكي يمكن يطلع القهر اللي فيا ..
أمها قربت ووقعدت جنبها : طيب قوليلي ايه في قلبك ؟
نفين اتنهدت بقهره : كدا..
أمها تقاطعها : يعني كدا من غير سبب عيطي وطلعتي فيه كدا ..
نفين كتمت خايفه من المشاكل: كفايه يا امي وسبيني لو سمحتي ...
أمها : مليت وانا قاعده لوحدي وعبد الله راح لمراته ..
نفين بهدوء : وعبود ابني فينه ؟
أمها ببتسامه: : ياقلبي علي عبود .. نايم .. قومي رضعيه عشان تنامي يمكن ترتاحي ..ووكلي امرك لله مين عارف يمكن الامور ترجع احسن من الاول
هزت راسها بقهر ودموعها بعيونها وقامت دخلت الحمام وقفلت ع نفسها وهي حاسه بمراره مش قادره تعبر عن الي فيها حتى الاشياء البسيطه اول مره تحس بالعجز بالصوره دي أأعدت ع الارضيه بضعف واتكورت على نفسها وبدت تبكي امر صعب جوزها بيذم فيها مع ضرتها قهر ووجع ومرار ولا تقدر تعبر عن الوضع انسانه بتكره الضعف والذل و فجأة تنخرس وما تقدرش تعبر لو بكلمه واحده كان صعب عليها رفعت عيونها للسقف ودموعها على خدودها وجواها تردد بكلمه يا رب فرجك ..
.........
حاتم بالشقة ..قاعد بالصالة ويدخن .. وباله مشغول جدا .. إذا طلقتها أمي مستحيل ترضى أبدا .. وإذا خليتها على ذمتي ضيعت عمرها .. والله اللي بيحصل فيها وفيا اكبر غلط .. لازم أدور علي حل .. وبعدين نفين شكلها من الأساس مش عاوزني .. اتنهد .. صعبة أطلقها والولد .. !!استغفر ربه الله يسامح امي ضروري تبليني بيها فضل يفكر ازاي يطلقها ويخلص ؟!!
...............
في بيت عاصم .. الساعة 3 الفجر تقريباً .. وفي غرفة نومهم .. صحى عاصم من النوم سمع صوت بكي قريب جاي من الفراند.. التفت على ناديه : ناديه ناديه...
ناديه التفتت وعيونها دموع : نعم ..
عاصم استغرب : مالك ؟
ناديه بكت : شفت محمد فالحلم ومن الفرحة بكاني .. وماقدرتش أنام بعدها
عاصم باس رآسها : قومي اتوضي وصلي ركعتين وادعيلو .. هو بحاجه للدعاء دلوقت مش العياط ..
ناديه : عندك حق .. يارب املا عيوني بشوفته ..
عاصم : آمين ..
...................
يوم جديد .. في شقة عبد الله .. وعبد الله وبسمه بالمطبخ بيفطرو ..
بسمه على تربيزه الاكل : بقي نفين طالبه الطلاق .. ؟
عبد الله واقف يدهن العيش : اه .. وبقوة كمان .. بتقول مستحيل أتراجع ..
بسمه تضحك : استغفر الله .. وأنت معهاا ومع رآيها ؟
عبد الله بصلها : أهم حاجه راحتها .. وبعدين اللي جالها مش شيء سهل .. أنت ترضي اتجوز عليك ؟
بسمه تضحك باستهزاء :ههههه أصلاً ماتقدرش .. وبعدين أنا أفرق عنها .. ولوعملتها عادي .. مش أنا اللي تدمر حياتي واحدة ..
عبد الله : المهم إنك هتطلبي الطلاق ..
بسمه : بس أنت قلت حاتم رافض فكره الطلاق ..
عبد الله : بالرضا بالغصب يطلق .. إمساك بمعروف أو تسريح بإحسان ..
بسمه بسخريه : اه .. خليها يقولو عنها مطلقة .. اللهم لك الحمد .. والله شيء يكسف أخت جوزي تاخد لقب مطلقة ..
عبد الله اتعصب : وإذا بقت مطلقة جابت لنا العار ..
بسمه : وليه بقي اتعصبت كدا ؟
عبد الله قرب لعندها : شوفي يا بسمه يا تتكلمي عدل يا تسكتي افضل .. طلع من المطبخ وهو بيقول .. ياسبحانه تسد النفس عن الأكل ..
بسمه كلمت نفسها : اصل ده اللي ناقصني قال تحبي تطلقي لو اتجوزت عليك شكلو شايف فيلم اخته وجاي يطبقه عليا ؟؟ !!!
......................
ناديه بالصالة تكلم .. أختها .. شوفي يا أم عبد الله والله ماخليت كلمه الا لما قلتها له حتى طردته من البيت ..
أم نفين بقهرة : ده اللي خفت منه ياناديه .. تفتكري يوم ما قلت لك والله لوحصلت مشاكل هتبقي بيني وبينك .. وقلتي أبدا .. ابني وأعرفه كويس .. والله ماشفنا منه إلا القلق .. سمحيني يا اختي دي حقيقته ..
ناديه نزلت دموعها : والله إنا مقهورة ..وانا كان كل قصدي نقرب أكتر .. ولا يفرقنا إلا الموت .. بس حاتم الله يهديه ..
أم نفين : المهم أنا عايزه راحت بنتي واللي حصل حصل .. يمكن ربنا يعوضها بواحد يشيل عنها همومها ..
ناديه تقطاعها : ارجوك متعيطيش .. الطلاق لا.. يمكن تنحل انشاء الله ..
أم نفين بكت بحرقه : تعبت ياناديه .. وتعبتني بنتي ماتنامش إلا ودمعتها على خدها ..انا عايزه راحتها لانها من راحتي انا كمان .. وأنت عارفه ازاي تعبت بالحمل .. والشكوى لله ..
ناديه بأسي : الله يعين .. وربنا يعمل اللي فيه الخير .. والله ماعايزه تبقي قطيعه بيني وبينك ..
أم نفين : لا انت مالكش دعوه انت ولا ليك ذنب في الي حصل
.........
في شقة عبد الله .. عبد الله قاعد بالصالة يتابع التلفزيون .. جت بسمه اعدت جنبه ..
عبد الله زعلان .. !!
بسمه: اليوم مالك مكشر طول الوقت ؟
عبد الله : هروح لأهلي .. أرتاح شوي ..
بسمه بعصبية : تقصد ايه اني مش مريحاك .. ؟؟
عبد الله حط ايده على بؤها : وطي صوتك ..
بسمه وقفت : يعني ماشاء الله عليك والراحة اللي تلقيها في بيت أهلك .. كلها مشاكل في مشاكل ..وأختك تجيب المرض .. فين الراحة..
عبد الله رفع صوت التلفزيون ..
بسمه بصتلو : بكلمك ..
عبد الله .. سااااااكت ولا رد ..
مشت ..وهي بتبرطم.. أنا مش عارفه شايف اهله حاجه كبيره ع ايه.. ؟؟
......................
في بيت عاصم قاعدين يتشاور ع حل ..
ناديه: لا أنا عاوز أروحلو .. عمر يلا تعال معايا..
عاصم بصله : خليه يجي هنا وبلاش تحكمي رايك .. ولما يجي اتفاهمي معاه ..
ناديه بأصرار : أنا اللي هروحلو وأشوف ايه حكايته .. ؟
عاصم : طيب خليها بعد الغداء ..
عمر : ماما بابا عنده حق خليها بعد الغداء ..
ناديه قعدت: طيب هروح أصلي وبعد الغداء إن شاء الله أروحلو .. عمر اتصل عليه وقوله ما يطلعش ..
عاصم يهز رآسه : لا إله إلا الله .. يطلع فين يعني .. ولا تتصل ولا حاجه ...أصلاً مابيطلعش الظهر ..
ناديه بعناد : وإذا طلع .. ؟
عاصم اتنهد : أهدي كدا الله يخليك وروحي صلي بس .. وماشاء الله الجو يحمص النفوخ يعني مش دي الاجواء الي تساعد على الخروج الظهر .. روحي روحي الله يهديك
....................منه محمد..........................
حاتم بالصالة .. ويتكلم بالتلفون: امتى هتروحي ؟
ساره : بعد شوي .. عندي حاجات بخلصها بالاتيليه ..
حاتم ضحك: ياكتر مشاويرك الي مش بتخلص ..
ساره ضحكت بغنج: أبداً مابتخلصش .. المهم .. تقولي الشقة بنفس الشقق اللي أخدتها قبل كدا ؟
حاتم :لالالا بس العمارة قريبة منها .. وبعدين الشقة اللي فاتت كانت صغيرة جدا مش زي دي شرحه وكبيره ..
ساره: طيب والأثاث ..
حاتم يقاطعها : الأثاث فيها والعمارة كلها جديدة .. وبعدين حرام نشتري عفش جديد واحنا شويه ونسافر نكمل دراسه ..
ساره: صح صح .. طيب عنوانها فين
حاتم ضحك بصوته كلو : تحقيق هو ؟
ساره : بس كدا.. يلا قول ..
..........................
ناديه وعمر في العربيه ,,
ناديه : تعرف دبر فلوس الشقة ؟
عمر بكدب : لا معرفش عنه اي حاجه
ناديه اتنهدت : الله يهديه هو ورآسه اليابس .. آخر مرة أشوفه لو ما وافقش ع الي هطلبه منه ..
عمر ساكت ..
ناديه ولعت : حتى أنت زي أخوك .. ما تريحوني بكلمة ..
عمر بهدوء : انتي بتحكي وانا بسمعك هو دش وخلاص ..
ناديه: معرفش كل العايلة مقلوبه عليا .. وكأني على غلط..
عمر خاف منها : لالا يا امي مفيش حد انقلب بس أنت الي حساسه لأنك زعلانة على حاتم ..
ناديه بشده: خلاص اسكت عيال تسد النفس واخدت نفس يا صبر ايوب
عمر هز راسه بهدوء وتابع طريقه
...........منه محمد....................
ساره لسه طالعة من محل ورود .. ومعاها بوكيه ورد أحمر .. وركبت مع السواق .. كتبت مسج لحاتم ( بعد ربع ساعة افتح باب شقتك .. ياويلك تفتحه قبلها وقتها بزعل .. بحبك انا)
حاتم قاعد في الفراندا ومعاه اللاب توب على التربيزه .. وقطعه صوت المسج .. أخد الموبيل وفتح المسج وابتسم .. كلم نفسه .. بموت فيك وفي شقاوتك وفي قلبك الجريئ .. ربنا يخليك ليا .. وكتب مسج ( بحبك ياأحلى ساره بالدنيا ) ..
وصلوا عمر وأمه للشقق .. نزلت ..
بنفس الوقت وقفت عربيه سواق ساره .. ونزلت لابسة نظارة شمسية وشكلها حلو جدا..لابسه فستان للركبه وشعرها مفرود وميكب اب صارخ
دخلوا بنفس الوقت .
ناديه تهمس لعمر :ايه البت دي ؟
عمر لعب في شعره وابتسم وسكت ..
ناديه بشمئزاز : لااا ومعاها ورد اخص ع بنات الايام دي ؟؟
ساره تضغط على الاسانسير .. وناديه عمر جنبها .. اتفتح باب الاسانسير..
ساره تبتسم وبصلهم : اتفضلوا ..
كلهم مع بعض .. ساكتين ..دخلو
ساره بصت في ساعتها ..
انفتح الاسانسير وطلعت ساره بسرعة ..
ساره حطت الورد عند الباب وشافوها عمر وناديه ..
عمر انصدم .. لأنه عارف رقم شقة حاتم ..
عمر بسرعة شاور : دي شقة حاتم ..
ناديه استغربت : نصيبه لتكون دي مراته ؟
عمر مسح ع شعره من الصدمه : أظن كدا ..
راحت بسرعة ناديه لساره الي واقفة وعيونها بطق شرار .. دي شقة حاتم؟
ساره تبتسم بخوف : اه هي ..
عمرقرب ومش مصدق : أنت ساره؟
ساره مرتبكة : اه ساره ..
حاتم فتح الباب ..
ناديه بسرعة البرق أخدت الورد اللي عند الباب ورمته بعيد وبصت لحاتم بنظره لو كانت النظره قاتله كان مات حاتم في الحال و بعصبية : ربنا يعوض عليا بقي الرقاصه دي الي انت متجوزها ؟
حاتم بص لساره الي نازله نفخ ومش عاجبها الحال:ماما طب ادخلي ما تصرخيش برا كدا ع الباب ..
ساره دخلت بسرعة .. وهي سامعه ناديه تقول : يعني سايب بنت خالتك الحشمه الي ساتره جسمها عشان الضايعه دي
عمر بهدوء : ماما من فضلك وطي صوتك وادخلي ..
حاتم فتح الباب بقوة وبعصبيه : ادخلي نتفاهم جوا كفايه صريخ وكلام مالوش داعي ..
دخلت ناديه شايطه ..........ودخل عمر وراها بسرعة وقفل الباب وراه ..
######
رايكم لو حابين تعرفو الي بيحصل من خلف هذا الباب كوارث ومصايب اجري يا مجدي
