البارت الخامس والعشرين
قلب جريئ واقعيه
منه محمد
قبل البارت نقرء الدعاء لشهيد القطر
(اللهم اغفرله اوارحمه واعف عنه عنه وأكرم منزله وأوسع مدخله واغسله بالماء والثلج والرد ونقه من الخطايا كما ينقي الثوب الابيض من الدنس وابدله بدار خيرا من داره واهلا خيرا من اهلو وزوجه خيرا من زوجته وداخله الجنه واعذه من عذاب النار ومن عذاب القبر )
.....................
في بيت أهل نفين..
أم نفين وناديه ونفين ومنار ..
أم نفين لبنتها : رضعي ابنك شكلو جعان ..
نفين : يااااااربي لسه مرضعاه والله ؟
منار تقاطعهم : شيليه وحطيه على رجولي يانوفا..
ناديه : لا يا منار نايم خاليه لسه صغير يصحى من النوم هشيلهولك..
نفين: فعلا يا خالتو منار حبيتتي لما يصحا خديه ع رجليك
سكتوا...
ناديه : والله محتاره مش عارفه اعمل ايه لما يخرج حاتم بالسلامه بكره .. فيه بقلبي غضب من ناحيته ..
أم نفين: لا يا ناديه لازم تشوفي ابنك ..
نفين سرحت .. !!!!!
ناديه بحزن : مشتاقة له والله العظيم قلبي جمرة من الشوق .. بس اعمل ايه الي عملو يا سها برضو مش شويه ولا سهل عليا
أم نفين : سامحيه يا ناديه .. واللي حصل بينه وبين بنتي ربك يسويها من عنده
ناديه نزلت دمعتها : مشعارفه والله معارفه.. وعيطت بصوت ..
....................
في بيت اهل ساره..
ساره وشهد بالغرفة ..
ساره: ياختي مش ابو حاتم طلع راجل سكره ..
شهد : طيب الحمد لله ..
ساره: المهم صدعت رآسك من اول ما جيتي بالموضوع .. ونسيت الموضوع الاهم ..
شهد : اه صح ايه الي حصل .. طمنيني شكل التجربة للقناة كان عامل ازاي ؟
ساره مبسوطة : انهبلوا قالولي صوتك جناااان وتعرفي .. !! بيركزو على حاجات ماكنتش منتبه انها فيا
شهد تبتسم : تجنني أنت .. الله يوفقك يارب ..
ساره: آمين يارب .. وعمي الكريهه ده اختفي ميعرفش حاجه عني .. لكن عمو ناصرقالي انه مش هيعرف عني حاجه .. وخلاص بكره حاتم خارج.
ساره : اه بالحق ماقلت لكيش .. يوم الأربعاء اللي فات نزلت اشتريت فستان فرح..
شهد : لييييييه ماقلتليش عندي فستان والله يجنن وقاعد فالدولاب كدا ..
ساره : لالالا أنا عايزه يومي يبقي له ذكريات تسلمي ياقلبي ..
شهد بصتلها : أنا قلت كدا قبل ما اتجوز المهم انا عايزه أستفيد منه وأأجره على الأقل أكسب منه ..
ساره تبتسم : حاسه ان الأسبوع ده حلو .. مش زي اللي فات يوووه بس لعيط
شهد رن موبيلها: ده جوزي .. أكيد عند الباب .. ردت ايوه يا روحي جاية .. قفلت .. ووقفت : يلا اسيبك بقي قبلي جوزك بفرحه كبيره ..
ساره : انتي هتوصيني ياقشطة .. يلا بس متقطعيش ..
شهد : إن شاء الله .. بس أنت كمان تعالي ..
ساره : إن شاء الله ..
...............
في بيت عاصم المراسي ..
عاصم وعمر بالصالة .. بيتعشو ..
عمر : كويس ان أمي راحت لخالتي والله صعبت عليا امبارح بتقولي ماقدرتش أنام بتسمع صوت محمد فالبيت ..
عاصم: فعلا امك مش بتنام الليل كله.. والله حتى أنا اشتقت لمحمد ولحاتم وهزاره
عمر بتنهيده : ربك المعين ..
عاصم : تعرف يا عمر ..
عمر : خير يا بابا..
عاصم : روحت لمرات حاتم النهارده وقلتلها ان حاتم خارج بكره ..
عمر استغرب : ليه يا بابا عملت كدا بس ؟
عاصم: عملت ايه ؟
عمر : يابابا حرام ونفين ؟
عاصم بيحاول يقنعه : لازم نرضى يابني البنت مالهاش ذنب كمان.. حرام نسيبها ..
عمر : اه لو عرفت أمي ..
عاصم : لا ماتقولش لحد ..
عمر : لالالا مستحيل أقول أكيد .. طيب عرفت ان حاتم خلف ولد..
عاصم: لا ماقلتش حاجه خالص وشكلها متعرفش ..
عمر : أحسن ..
عاصم: لو خلصت اكل قوم هات أمك من بيت خالتك ..
عمر : إن شاء الله ..
.................................
في بيت اهل ساره ..
مريم والجدة .. وأم إبراهيم بالصالة ..
مريم : مرات إبراهيم عمرها ماجت لبيتي زياره
أم إبراهيم ضحكت: خليها تجيني أنا الاول وبعدين تجيلك ..
الجدة : ربنا يهديها .. عكس إبراهيم ..
مريم: شفتي يا أم إبراهيم .. زوج ساره طالع بكره من السجن ..
أم إبراهيم : الحمد لله .. الله يبشرك بالخير .. مسكينة ساره والله مقطعة قلبي
الجدة : اه والله من ساعه ما دخل السجن وهي تبكي ومتضايقة متعلقة بيه ..
مريم : الحمد لله حالتها اتحسنت لما عرفت انه خارج..
أم إبراهيم : الحمد لله ساره طول عمرها مدلعه
................................
في بيت عاصم ..
بغرفة النوم ..
عاصم: ايه اخبار النفسيه بما انك هتشوفي بكره حبيب قلبك حاتم
ناديه : والله احترت ومعارفه اعمل ايه يا عاصم ..
عاصم : إن شاء الله تسلمي وتستقبليه عادي ..
ناديه بكت : ما أقدرش والمسكينة إلى لحد النهارده بتنزل دموعها منه .. كاسر بخاطرها ..
عاصم : لازم ترضي عنه ياناديه ده ابنك البكري ..
ناديه تسمح دموعها : يارب .. والله معارفه اعمل ايه ..
عاصم : ده ابنك وبكره جيلنا غير كل مرة .. جاي اكيد مشتاق للدنيا كلها ..
ناديه بكت بقهره : والله انا مشتاقة له .. ده مهما كان ابني ضنايا ..
...............................
يوم جديد ..
في بيت اهل نفين ..
نفين ضمه ابنها : بس يابني .. بس ..
أمها : ياربي زنان ما نيمناش بالليل ..
نفين تضحك : طالع لـ خاله .. زنان ..
أمها : طب قومي يلا غيري له قومي ..
نفين : ماما انا تعبت غيري له أنت ..
أمها ابتسمت : هاتهولي احميه واغيره هدومه .. أكيد أبوه هايجي يشوفه اليوم .. و أخدته منها ..
نفين سكتت ..واتجمدت لما سمعت اسمه
أمها راحت وتكلم في عبود : ياعين أمك أنت ..
نفين .. بينها وبين نفسها .. والله مشتاقة ليك ياحاتم .. والله نفسي أشوفك .. ياريتك تعرف عن فرحتي.. !! والله نفسي أضمك .. لانك قلبي .
.....................
في بيت عاصم المراسي ..
متجمعين بالصالة ..
منار : ماما رني ع عمر شوفيهم فين والله طولوا وأنا زهقت ..
ناديه مسحت ع شعرها : معلش يا قلبي هانت زمانهم داخلين
سمعوا صوت باب ..اتفتح ..
ناديه وقفت : منار روحي شوفي أكيد هما ..
منار راحت تشوف .. وصرخت بفرحه: ماما ماما ابيه حاتم جه
طلعت ناديه تجري بسرعة ..
عاصم : تعال يابني البيت نور..
ناديه شافته وبكت : حاتم ابني تعالي يا قلبي ..
حاتم جري بسرعة قرب وضمها : حبيبي وحشتيني وفضل يبوس ايدها وراسها وخدها بشتياق..
ناديه تبكي وهي حاضنه : حمد لله على السلامة يابني ..
حاتم عيونه رغرغت بالدموع : الله يسلمك ياغالية ..
عمر يكلم أبوه بصوت واطي : أمتى نقول له عن ابنه ؟
عاصم : شوي كدا يدخل بس ويرتاح لانه ممكن يجري
عمر : طيب ..
ناديه تملس ع خده وشعره وتبكي : تعالي يا ضنايا يلا ادخل خد لك دش وارتاح ..
حاتم : ارتحت لما شوفتكم والله ..
دخلوا ..
..........
في بيت أهل نفين ..
رن التلفون .. ردت نفين: الو
ناديه : اهلا يا نوفا ..
نفين قلبها ارتعش بسرعة : أهلا يا خالتو ..
ناديه : فين أمك ؟
نفين: بتغير لعبود .. كنتي محتاجه حاجه يا خالتو .
ناديه مبسوطة : قولي لأمك حاتم طلع ..
نفين نزلت دموعها : حمد لله على سلامته ياخالتو ..
ناديه : الله يسلمك اسيبك يا بنتي هقعد مع ابني .. سلمي على أمك ..
نفين: حاضر يوصل .. قفلت ..
نفين كلمت نفسها ..معقول .. طلعت كدا من حياته على طول .. خالتي تكلمني وكأني غريبة مش مراته .. !!!!!!
.............................
في بيت أهل ساره ..
ساره فتحت باب غرفة أمها وبسرعة دخلت وهي مبسوطة : ماما أبشرك حاتم طلع ..
مريم ابتسمت : حمد لله على سلامته ..
ساره قربت لأمها : والله مبسووووووووطة جدا نفسي أروح دلوقت أشوفه .
مريم : دايما يارب مبسوطة .. بس مين قالك ..
ساره : عمي عاصم بعت لي مسج .. ..
مريم اتنهدت : الحمد لله
...............................
في بيت عاصم ..
كلهم متجمعين بالصالة ..بعد ما اتعشو
ناديه ودموع الفرحة مالية وشها: عقبال محمد .. أشوفه بينا وترجع حياتنا زي ألاول واحسن!!!
حاتم نبرة تعب : آمين ..
كلهم : آمين ..
عاصم : شوف طالما مش قادر تنام عندنا ليك بشرى حلوة ..
حاتم بص لابوه قوي...
عاصم يبتسم : نفين جابت لك ولد ..
حاتم انتبه وفتح عيونه : والله جالي ولد ؟
ناديه : اه وسمته عبد الله ..
حاتم بكى من الفرحة ووقف بلهفه:اشوفه .. لازم اشوفه .. !!!!وطلع بسرعه
ياتري هيعمل ايه هيرجع لنفين ولا لساره!!!!!!
..........................
في بيت أهل نفين ..حاتم طلع مستعجل راح لبيت خالتو نفسه يشوف ابنه يضمه
نفين بصوت واطي : مين جاي معاه ؟
أمها بهمس : عمر .. وقال لي علي حاتم نفسه يسلم عليكي قلتلو لا ..
نفين سكتت شوي : طيب ماسمعتيش ايه ردت فعله اول ما شاف عبود ؟
أمها وقفت وبصوت واطي : لما اروح أنادي علي عمر يآخد له القهوة .. وأقوله ينتبهو للولد لو هيطول ..
نفين : أوكي ..
راحت أمها ..
نفين وقفت ,, وراحت تمشي شوي شوي للصالون ونفسها تسمع بيقوله ايه.. حاتم بيكلم عمر..
حاتم يضحك ويلعب مع ابنه : قمر حبيب أبوك .. وبص لعمر : تعرف يا عمر!عمري ما تخيلت شعور الأبوة بيكون كدا..
عمر ضحك : تنصحني أتجوز ..
حاتم بص لابنه وابتسم : لو هتجيب قمر زي عبود اتجوز ..
عمر ضحك ....!!
نفين تسمع .. وبينها وبين نفسها .. وحشني صوتك.. نفسي أسلم عليك .. وأسألك عن أخبارك نزلت دموعها .. ورجعت .. أأعدت بالصالة وكأن هموم الدنيا كلها على رآسها .. جت أمها للصالة ومعاها القهوة : نفين
نفين مسحت دموعها بسرعة : نعم ..
أمها بصتلها : والله انا مشتاقة لحاتم ونفسي أسلم عليه ولو مش عشانه عشان أختي ..
نفين ابتسمت : سلمي يا ماما .. ما تجاملينيش ..
أمها قربت منها وبهمس : والله انت التراب اللي بتمشي عليه يسوى الدنيا ومافيها واللي عملو حاتم فيك كأن الجبال فوق صدري من القهر ,, بس والله انا بين نارين أنت وأختي ,, وناديه بتتقهر لو عرفت إني ماسلمتش ..
نفين: سلمي يا حبيبتي .. والله مهزعل يلا روحي ..
أمها مشت : الله يعيني والله خايفه أعيط ..
نفين بشبح ابتسامه : روحي بسرعة يلا .. بصوت واطي : يارتني ماكنت بنت خالته .. ولا شوفته ولا قبلته ولا حصل اللي حصل من اهانه لكرامتي ..
...............بقلم منه محمد.............................
دخلت أم نفين..
حاتم انحرج ..
قربت منه بهدوء:حمد لله على السلامة ياحاتم ..
حاتم قرب سلم عليها : الله يسلمك .. نزل رآسه بسرعة ..
عمر أخد القهوة منها ..
أم نفين اعدت وفيها غضب: اخبارك ؟
حاتم يبتسم : الحمد لله مدام شفت عبود بخير .. وشفتكم كمان ..
أم نفين نزلت رآسها : الحمد لله .. وقفت .. يلا مع السلامة أشوفك على خير
حاتم استغرب : بس لسه ما تكلمتش معاكي يا خالتي ..
أم نفين والدمعة بعينها ووقفت عند الباب : ما أقدرش .. ونزلت دموعها ..
عمر نزل رآسه بأحراج
أم نفين لفت وبصتلو بجمود : لولا غلاوه أمك بقلبي ما كنت مديت ايدي اسلم عليك ..
حاتم سكت ..
أم نفين مسحت دمعتها : نفين وعبد الله أغلى شئ أملكه بالدنيا .. واللي يرمي عليهم كلمة اولع الدنيا ..
حاتم ساكت وبلع ريقه..
أم نفين ابتسمت بحزن واتكلمت بحزم : مكنش حابه أقول لك الكلام ده دلوقت .. بس أنا أم ومش قادرة أنسى اللي عملتو في بنتي .. طلعت لأنها بكت بضعف .
سكتوا شوي حاتم وعمر ..
عمر بصوت واطي : عجبك كدا عيطت خالتك ... والله قطعت قلبي ..
حاتم عقد حواجبه : انا غبي اتسرعت لما جيت هنا الي عملته مش سهل .
عمر : أحرجتهم ..
حاتم بص لابنه : عشانه ماقدرتش حتي أفكر كان نفسي أشوفه .. وبس دلوقت حسيت اني المجيه ما كان ليها داعي أبدا ..
عمر : نقول ايه بس أنت فتحت لنفسك مليون باب ومن الأساس ماشاورتش حد .. واللي جي اكتر وانيل .. بعد كمان ما جه ابنك ..
حاتم اتنهد : شكلي بخسر أهلي عشان ساره ..
عمر : أنت اللي اخترت .. اتحمل ..
حاتم مط شفايفه وسكت ..ليحصل مشاده بالكلام وده مش وقته
...............منه محمد......................
في بيت أهل ساره ..
ساره بالمطبخ تكلم شهد بالتلفون: .. مشمش حتى مسج ما بعت لي !!!
شهد : يمكن مشغول مع أهله .. والله المفروض تقدريه اليوم أول يوم خارج من الحبس ..
ساره : منا كمان أهله .. المفروض مسج طيب ؟ والله وضعه غريب !
شهد : يمكن فيه حاجه عندهم ..
ساره : ياخوفي رجع للعلة يامشمش والله بموت لو يرجع ..
شهد : عادي توقعي كل حاجه .. يمكن قرر يعدل بينكم .. وحب أول يوم يبقي ليها بعد السجن واليوم اللي بعده ليك وضحكت ..
ساره بسخريه: وايه المطلوب مني أضحك وإلا أبتسم وإلا ايه ؟
شهد تضحك : لا عيطي .. وبسرعة .. شوفي شوفي .. افتكرت حاجه ..
ساره : ايه هي.. ؟
شهد : نفين مش حامل .؟
ساره بقرف : ااااه أكيد ولدت .. لأنها من زمان حامل ..
شهد : أكيد ياقلبي ..عشان كدا انشغل
ساره اتعصبت : ربنا ياخدها مش وقتها ..
شهد اضايقت : حرام عليك ليه تدعي عليها ..
ساره بشر : بكرهها ..ميشو ان اتجوز جوزك عليك و عرفتي ايه ياتري بيكون ايه احساسك ..
شهد بمغزي : أكيد بنقهر لأني ببقي مكان نفين واللي اتجوزت ده جوزي والي اخدته مني تبقي خاطفته مني وبموت من القهر .. لأنها زوجة تانية ..
ساره استغربت من كلام شهد : تقصدي ايه ..؟
شهد : ساره ده واقعك متهربيش أنت اللي داخله عليها وتتكلمي عنها وكأنها خاطفة جوزك ..
ساره انقهرت : أانتي بتهلفطي اي كلام بجد انت رخمه ..
شهد تضحك : مع السلامة شكلك اتعصبتي ..
ساره : اقفلي و قفلت بسرعة ,, يووووه منك ومن كلامك البايخ ..
.........
في بيت عاصم .. حاتم وعمر بغرفة النوم ..
حاتم مسترخي :اه شوفت ايام صعبه،، بس ماما فرحت لما عرفت إن خالتي سلمت عليا ..
عمر على طرف السرير : اصلها ماتعرفش إنها عيطت منك ..
حاتم: يالله .. ليه عملت ايه أنا ؟
عمر : شكلك ندمان ..
حاتم يبتسم ويكابر : ومين قال ؟ .. والله مشتاق لساره جدا .. وعارف إن نفين بترفض تسلم علي لو طلبت ..
عمر استغرب : انت لسه عاوزه مراتك التانيه ..
حاتم ضحك باستهزاء : يااخي لعبة هي ؟؟؟ وبعدين ايه الي اتغير ؟؟ دخلت السجن وطلعت ..
عمر : بس كلهم ضدك ..
حاتم بلا مبالاه : يتعودو أنا بضحي عشان أرضيها .. اتنهد ..بحبها ياعمر .. والله بحبها .. أخد موبيله ..وبص لعمر .. تعرف الموبيل لسه ما فتحتهوش واكيد اتصلت بيه ستين مره وقالبه الدنيا
عمر اتغاظ : يا مسكينه يانفين.
حاتم: حتى نفين كان نفسي أشوفها واسمع أخبارها ..
عمر بستهزاء : انت عندك كام قلب ؟.
حاتم بصلو : مش مسأله كام قلب .. !! نفين اتعودت عليها في حياتي .. وساره حبيتها .. يعني كلهم بفقدهم لو واحده اختفت من حياتي..
عمر : طيب مين تختار ؟
حاتم سكت شوي : نفين أم عبد الله .. ودي ساره..
عمر : يعني كلهم سوا ..
حاتم : لونفين ماجابتش عبود كنت اخترت ساره وبس ..
عمر سكت ..ليتخلق عليه ويكبر الكلام وامهم تسمع
حاتم : ما عجبكش كلامي ..
عمر بعصبيه : والله العظيم لو شفت بعينك حالة نفين وهي بتولد ابنك تسيب ساره واللي جابها ..
حاتم بحماس: احكيلي ؟؟؟
عمر : أنا اللي وديتها لما بدء معاها الطلق .. والله العظيم قلبي اتقطع عليها وقلت ازاي حاتم قدر يتجوز عليها .. أتمنيتك أنت اللي موديها عشان تعرف قيمتها بجد ..
حاتم سكت ..
عمر : كانت بتتعذب .. وأدعي ربنا نوصل المستشفى بسرعة ..
حاتم : كانت للدرجه بتتألم ؟
عمر : اه بس مش من الولاده لا كانت بتتالم منك .. ..وعرفت اد ايه هي بتتعذب ومجروحه ؟؟؟
حاتم سرح في الا شئ ..!!!!!!
........................
ساره بتجهز نفسها تنام .. ماسكة موبيلها .. وتتصل..لسه مقفول .. اعمل ايه أنا ؟؟!! والله بموت من غيظي كدا.
حاتم سرحان ومشغل الاباجورة.. وبص لعمر الي راح في سابع نومه . حاتم ابتسم.. ماشاء الله عليك ياعمر قبل شوي تتكلم ودلوقت تشخر .. اديني شوي .. طلع موبيله من تحت المخده وفتحه .. وقام من السرير يمشي شوي شوي عشان مايصحيش عمر ..وفتح الباب وطلع .. نزل للصالة .. واعد .. وطلع رقم ساره واتصل بصوت هادي : السلام عليكم ..
ساره كانت نايمة وبهدوء : وعليكم السلام ..
حاتم ضحك : نايمة ؟
ساره اتنبهت وبسرعة : حاتم ؟
حاتم ضحك : صوتك وحشني جدا جدا .. والله وحشتيني ..
ساره : حيااااتي ,, أخبارك ؟
حاتم : والله تمام بس مشتااااق .. تعرفي ايه هو معنى مشتاق ؟
ساره بكت : والله وحشتني انت كمان .. حرام عليك ولا اتصلت ولا حتي هان عليك تكتب مسج ..
حاتم : كنت عاوزك تشتاقي لي أكتر .. مش من حقي اتقل واشوف غلوتي عندك..
ساره تتنهد وبدلع وغنج : إلا يحق لك وانت غالي اوي..
راحت الليلة كلام وغزل وعتب .. !! بين قلبين جمعهم الحب .. !!
..............
نفين ماسكة المجله وتتنهد .. تكلم نفسها .. سبحان الله صاحب الكلام يعاني نفس حالتي .. !! يعني مش انا بس اللي مكسورة .. قطع تفكيرها صوت أمها تصوت .. نفين تعالي شوفيني وأنا بحمي ابنك تعالي اتعلمي انا مش هفضل عيشالك العمر كلو.
نفين تكلم نفسها : الله يخليك لي يا امي .. وقفت .. جيت جيت أتعلم منك الاقتراح الحلو وضحكت
.....منه محمد..... .
في بيت عاصم المراسي..
عاصم واقف وبهمس : زي ماقلت لك اتفاهمي معاه براحه باللين كل شيء يمشي ..
ناديه: إذا قدرت إن شاء الله ..
عاصم : الله يهديك مفيش مشكله تنحل بالشدة ..
ناديه : في دي أنا مأقدرش أتغير .. الي عملو مش شويه..
عاصم اتعصب وبصوت واطي : ده اللي خلا حاتم كدا .. كله منك ومن البداية غاصبته على جوازه هو مش عاوزها .. خلاص اسلوب الشدة ماينفعش ..
ناديه هزت راسها : استغفر الله انا هحاول أتفاهم معاه .. خلاص
.......................................
حاتم ومنار وعمر متجمعين بالصالة ..
حاتم بص لمنار : هاه يا منار ناويه تتحجبي ؟
منار تضحك : يوه من زمان بتحجب فالشارع بس جوا البيت لا ..
عمر ضحك : يعني قدام عبد الله شعرك هتسبيه مفرود عادي..
منار ببراءه: ده الي كان ناقص اغطي شعري عن عبد الله .. جوز أخت صحبتي ..
حااتم وعمر ضحكو عليها بصوت عالي ..
حاتم: بس لما تكبري لازم تغطي شعرك الستر حلو
عمر : السنة الجاية صح ؟
منار : لا بقي مش هغطي شعري قدامه .. هو قال هيجوزني ابنه ..وبكدا يبقي عمي وببقي قدامه عادي.. هو قالي كدا.
حاتم ابتسم : ماشاء الله كلامك أكبر من سنك ..
نزلوا عاصم وناديه .. ......... السلام عليكم ..
كلهم : وعليكم السلام
.......بقلم منه محمد..............
في بيت اهل ساره
ساره يادوب طالعه أخده شاور .. وتحط كريم على وشها بالغرفة .. أمها تخبط علي الباب : ساره ساره
ساره : مفتوح الباب ادخلي يا ماما ..
مريم تبتسم : مش عاوزه تنزلي تتغدي معانا ..
ساره : مامي النهارده جاي حاتم عشان يشوفني ولازم ابقي ع سنجه عشره سوري.. خلي الشغالة تجيب لي الأكل هنا .. ماليش خلق أنزل ..
مريم: على راحتك يا بنتي .. بس لما تخلصتي انزلي وريني شكلك ..
ساره : اوك.
مريم رجعت : اه صح .. ناويه تلبسي ايه ؟
ساره تفكر بحيره : امممممممم والله محتارة أنت ايه رايك ؟ فستان بسيط وإلا جيبه وبلوزه..
مريم: فستان حلو ..
ساره التفتت للسرير وأخدت الفستان : شوفيه كدا ده حلو ..
مريم: لااااا الاحمر يجنن عليك .. ماشاء الله ..
ساره : تفتكري يعجبه تعرفي صنف الرجاله تفكيرهم ان الألوان دي جريئة ..
مريم : لالالا بيعجبهم أي حاجه .. لأن الراجل يهمه القالب الي جوه الفستان مش لون الفستان ..
ساره ابتسمت .
...........قصص منه علي القهوه .......
الحياة ألوان .. !!
منها الأسود ..
ومنها الأبيض .. !!
ومنها الرمادي .. !!
يغيم الحزن تارة ..
ويبتعد تارة ..
لتحل السعادة محله ..
هكذا تعلمنا الحياة .. !!
ناديه وحاتم راحو دخلو الصالون عشان ياخدوه راحتهم ..
حاتم منزل رآسه : يا امي ما أقدرش أطلقها .. ارجوك ما تضغطيش علي ..
ناديه بعقل : يابني بنت خالتك حرام تكسر خاطرها .. وجابت لك الولد اللي بيزين العلاقة بينكم ويقويها ..
حاتم رفع رآسه : ونفين مش هطلقها .. وربنا يقدرني وأعدل بينهم..
ناديه تضحك باستهزاء : عبد الله مسافر ولما يرجع بيحل كل حاجه .. وبيحط لحكايتك حد مع أخته ..وبيطلعنا من الورطه الي حطتنا وحطيت نفسك فيها
حاتم ساكت ونفخ ومسح وشه بعشوائيه ..... !!
ناديه بعصبيه : أنت ماتغيرتش أبدا .. هي هي عادتك .. عمرك ما تديني كلمة ولا تريحني .. حتى يوم ما خطبت لك نفين استسلمت وسكت .. رد خليني أسمع رآيك .. اديني لو كلمة واحدة ..
حاتم اتنهد بضيق واخد نفس : لا إله إلا الله .. اقولك ايه بس يا امي .. خلاص قلت لك مش مطلق ولا واحدة ..
ناديه زعقت: اقولك نفين تقولي مش مطلقها انت لازم تختار .. وكل كلامك مش مطلق .. وقفت بحده وحزم : شوف يا حاتم .. أنا أمك وأنا أكتر واحدة تعرف مصلحتك ,, اللي عرفته إنك لسه طايش ولا عارف تدبر نفسك ولا تظبط امورك .. المهم طلاما ماوصلناش لحل .. يا تطلق ساره .. والا البيت ده متحرم عليك قلت ايه اختار..
حاتم.. ساكت ..واتكتف
ناديه وقفت بعصبيه : لسه ساكت ما ترد .. ؟؟ حاتم اطلع دبر امورك بنفسك .. زي ماقدرت تدبر مهر لعلتك خطافه الرجاله دي .. تقدر تدبر لك شقة .. أنا ماعنديش استعداد أخسر أختي عشانك .. وأنا اتعهدت لها وقلت لها بحلها .. بس للأسف اللي قدامي مش راجل .. ولا فيه ذرة رجولة ..
حاتم قام بعصبيه :عاوزني اعمل ايه .. بتطلبي المستحيل .. .. خلاص أطلع من البيت اسهل .. وأنا اللي قلت قلبك متقطع عليا .. آخرتها تطرديني .. وأنا لسه راجع مابقاليش يوم عندك .. !!
ناديه بصتلو ومستغربه إنه رفع صوته عليها : بترفع صوتك عشان واحدة ماتسوى ؟؟؟ أنا أمك ياحاتم .. أنا أمك الي كبرت وسهرت وخليتك طول الباب
حاتم بعصبيه : اعملك ايه أنت اللي دايما تفرضي رايك .. عاوزه الناس كلها علي كيفك .. و طلع بسرعة ..
ناديه دموعها .. .. !! لا إله إلا الله .. يارب تبعده عنها الشيطانه
........
في سدني .. عبد الله وبسمه بالفندق ..
بسمه واقفة في الفراند وتتأمل المطر : عبد الله .. المنظر يفتح النفس ..
عبد الله قاعد على الكرسي : أهم شيء تعجبك الأجواء ؟
بسمه تبتسم : أكيد مدام معاك ..
عبد الله : بس انا والله مقهور .. المفروض نفين كانت معانا ..
بسمه حست بغيرة : بس الأقدار فوق كل شيء وربنا كاتب كدا ..
عبد الله : صح .. الأقدار فوق كل شيء ..
بسمه وبخبث : مسكينة نفين وضعها يوجع القلب .. ليه الرجاله مش بيرحمو .. يعني مالهاش سنتين أو أقل ويتجوز عليها .. بس بصراحة بصراحة .. أكيد التقصير منها ..
عبد الله استغرب : لا نفين ماقصرتش .. وما أسمحلكيش تتكلمي عن نفين وهي لا مسكينه ولا توجع القلب وربنا معاها ..
بسمه ضحكت بخبث : بس إذا حاتم ناوي يطلق يطلق ده حتي ماسألش عنكم ..
عبد الله بصلها : ومين قالك إنه بيطلق .. حاتم عاوزه نفين وقريب هيطلق مراته التانية .. وأرجوك يا بسمه أمورنا العائلية اطلعي منها ..
بسمه اتعصبت : لااااا ياقلبي .. أنا دلوقت منكم وفيكم ..
عبد الله : الكلام معاك مافيش منه فايده البسي خلينا نطلع .. وحركات الحريم اللي يدخلو نفسهم في كل حاجه مش عاوزها ولا بحبها وعاوزك تعرفي إن نفين في كفه عن الدنيا كلها ..
بسمه انقهرت وسكتت .
..............................
ساره .. بالمطبخ .. اتعصبت على الشغالة : أنا مش قلت لك حطي من العصير التاني
الشغالة : نسيت .. خلاص اقدمه مره تانيه ..
ساره :طب يلا بسرعة .. رن الجرس .. خلاص خلاص روحي افتحي الباب وارجعي يلا ..
الشغالة : طيب .. و راحت ..
ساره اتنهدت :اوف غبيه .. !
.........
عاصم وعمر في الجنينه ..
عاصم : أمك مستحيل تغير أسلوبها أبدا ..
عمربهمس : قلت لها حاجه ..؟؟
عاصم : اه قلت لها وقالت إذا رجعت حاتم والله لا أطلع من البيت ..
عمر يبتسم : ياااااه غريبة أمي في بعض الأحيان ..
عاصم : المشكلة إني ماأقدرش أفرض رايي عليها .. مش عارف اعمل ايه ..؟؟!!
عمر :هههه اومال لو عرفت انك روحت لساره هتعمل ايه ..
عاصم : يووووه بتقلب الدنيا ..اسكت .. المهم .. اعمل ايه مع أخوك ؟
عمر : ساعده هتعمل ايه ..شوفلو شقة والله حاتم كدا ماحلته حاجه بعد ما امي جردته من كل حاجه .. وفلوس الشقة مايقدرش عليها .. ساعده لما تبدأ دراسته ..
عاصم : ده اللي بيحصل .. بدبر له كل اموره ..
عمر : بس متقولوش ان انا الي اقترحت لاني لسه ضد الجوازه دي
عاصم : لا اطمن ...... وربنا يهديه ويرجع لعقله
......................
في بيت أهل ساره ...حاتم ضمم ساره جوه ضلوعه
ساره تضمه اكتر : تعرف انبسطت اول ما شفتك .. بجد مش مصدقة والله ..
حاتم يبتسم : لا صدقي حبيبتي ..
ساره مسكت ايده : ربنا يخليك لي ..
حاتم بصلها وقعد وشدها لحضنه: المهم ساره .. حاولي تخلصي أمورك لأني بجد محتاجلك .. ولما تظبطي امورك اتصلي بيا اجي اخدك
ساره تضحك : أنت بتتكلم بجد ؟
حاتم: اه بجد .. وبآخد شقة نقعد فيها فترة ونسافر نكمل تعلمنا..
ساره سكتت ..
حاتم : مالك ؟
ساره :تفتكر يسمحو لك تسافر وأنت كنت فالسجن وبتهمة ومش أي تهمة كمان ؟؟
حاتم يبتسم : لالا انا اخدت براءه .. إن شاء الله نسافر ونكمل .. ونرجع محققين احلامنا ..
ساره : إن شاء الله
حاتم : تمام امتى أجي آخدك .. مش قلتيلي امبارح جهزتي فستانك ..
ساره : اه جبته ..
حاتم : الحمد لله .. والباقي تجهزيه معاي .. والله العظيم محتاجلك يا ساره ..
ساره : طيب أنت شوف الوقت اللي يناسبك .. ؟
حاتم : أكتر من شهر مش عاوز ..
ساره بصتلو وتبتسم : أوكي حبيبي أجهز الحاجات المهمة .. والباقي معاك انشاء الله
.......
في بيت أهل نفين.رجع عبد الله من رحلته
عبد الله ونفين بالصالة ..
عبد الله بهدوء : حاتم كلمني يا نوفا وقالي مستعد أعمل الي تطلبه ويريحها
نفين بحزن: قلبي لسه شايل منه .. وأخاف أرجع وابقي أشد من الاول معاه ..
عبد الله بصلها : قلبك ده خلاص طنشيه .. نفين ابنك مالهوش ذنب يعيش بدون اب .. ويتربي ويكبر وفيه نقص عن غيره ..
نفين بحيره: : طيب زي ماقلت موافقة يجي نتفاهم على كل حاجه .. ويحلها ربنا ..
عبد الله ابتسم : يارب توصلو لحل ..
نفين: طيب سيبك من موضوعي اللي شغلتك بيه .. احكيلي بسمه عامله معاك ايه مريحاك ؟
عبد الله يتنهد : والله السفريه ماناقصها إلا أنت وأمي ..
نفين تقاطعه : ومراتك كانت ايه معاك ؟
عبد الله سكت شويه: والله معارف أقول ايه
نفين استغربت : مالك اتكلم ؟
عبد الله : شوفتي الحريم اللي بالمسلسلات اللي لسنهم طويل .. وياويلك تدوسي لها على طرف .. بختصار هي دي بسمه ..
نفين استغربت جامد : بجد ؟؟
عبد الله : انصدمت ..تعرفي الصدمه لما تنزل ع نفوخك بجد .. ؟؟ .. البنت لو أقول لها أخبار أبوك ..تتريق وترد ماله ابويا .. ..؟؟ وانت ليه بتسأل عنه .. ملهوف عليه .. .. يضحك .. ومن الكلام ده عبيلو واديلو..
نفين بستنكار : لالالا مش بحب الست الي كدا ..
عبد الله يبتسم : اعمل ايه .. يمكن أنا مافهمتهاش لحد دلوقت .. أنا بحاول مضيقش ولا اتعصب وافضل أضحك ..وبطنش كلامها .. وبالعكس بريح دماغي من الوش ..بس أنت حاولي ماتقولهاش أي حاجه ..بعدين تروح تقول لأهلها وانا لا عاوز يحصل بينا مشاكل على كلام صغير..
نفين : لا اطمن اختك عاقله .. مالي انا ومال المشاكل
جت أمهم .
عبد الله : هاه يا امي عجبتك الهدية ؟
أمه قعدت : والله حلوة .. وكفايه انها منك أحلى وأحلى .. بس ليه ماجبتش بسمه معاك .. ؟
عبد الله : قالت مشتاقة لأهلها ..
أمه : براحتها..
عبد الله : ماما بكره حاتم جاي ياخد مراته ..
أمه بصت لنفين : بجد ؟
نفين تضحك : لا بس قلت يجي نتفاهم .. هههههه عبد الله بلاش نصب ..
أمهم كشرت : ليه كدا والله فرحتوني..
....................
حاتم فالعربيه في الطريق لبيت اهل نفين بيكلم ساره: يا قلبي ياعمري .. اسمعيني ..
ساره متعصبة : بس أنت ماقلتليش انك هترجعها .. ولا عشان جابت لك الولد
حاتم مستغربها: لا أنت رضيتي تتجوزيني وانا متجوز .. يعني من البداية ده كان اتفاقنا ..
ساره بكت : حاتم الله يخليك .. خليها بعد دخلتي.. عاوزه أنبسط معاك ..
حاتم يتنهد : صعبة .. هي كمان محتاجالي .. ولازم أكون بينهم ومع ابني ..
ساره بسخريه: طيب فين هتسكنها ؟ ايه في الشقة اللي انا هسكن فيها ..
حاتم : لا طبعا تتدبر .. يحلها ربنا من عنده..
ساره : بس انا مش موافقه حرام عليك انا بغير عليك شوف مستعدة أعمل أي حاجه عشان تنساها ..
حاتم : أنا ناسيها أصلاً .. بس عشان الولد .. لو الولد ماكانش بينا كنت طلقتها لعيونك ..بس ابني مايترباش بعيد عن حضني
ساره: طيب مستعدة اخد الولد .. بس طلقها ..
حاتم: ساره كدا كتير بجد .. ؟
ساره بحده : انانيه اه انا انانيه واتعلقت بيك اكتر منها.. وعاوزاك لوحدي.
حاتم حب ينهي النقاش : طيب أنا وصلت أكلمك بعدين ..
ساره بعد ما قفل حاتم مسكت تاني الموبيل وبشر لا انا هفضل كدا مستسلمه للامر انالازم أخرب بينهم.. لااااازم .. أنا ساكته ليه .. بس خلاص مستحيل أسكت .. وكتبت مسج اسود هيقلب الدنيا
#######رايكم للتكمله
