كملي وجميله جدا وكتاباتك روعه بس بالله عليكي لتخلي حاتم ابو عين زايغه ده يجري ورا نفين لانها اتعدلت ومحدش يقول اتعدلت متاخر هو ال استعجل وكان طماع ومقدرش ان مراته تبعد شوية مع ان مراته متحمله بعده وعصبيته تعرفي ان رواياااتك جميله بس انتي عمرك ماكسرت قلب حد كده وكمان هي سارة تعرفها وكان حطه عينها عليه انا هسال سؤال بسيط بعد اذنك معقوله واحدة من معارف او صحاب قلبها ممكن يحب حاجه بتاعه غيرها معقوله في ست كده معقوله عقلها او قلبها يعملو كده معقوله مفكرتش في نفسها ولا انها كده بتسرق حاجه مش بتاعتها معقوله مش قادرة تحترم والدها بتهايئلي صعب ان ممكن مجرد التفكير ابص بس علي حاجه متخصنيش لانه غلط وكمان حرام بس مجتمعنا فيه ناس كده مع احترامي ليكي ولكل ست معانا في جروب احنا الستات لازم دايما نرفع راسنا ونحترم ذاتنا واقدر معني خراب البيوت معني كبير طبعا هتقوليلي الحب هقولك الحب مش كده وعمر الحب ماكان كده والرجاله فيه ناس محترمه بس مش كتير انا بعشق رواياتك وبحب اسلوبك بس كان لازم اقول رايي وبحترم اسلوبك طبعا بس شوفلنا حل في ووجع القلب ده
-----‐‐------
ده رأي عضو وهرد عام عشان الكل يشوف
اظن ستات كتير بتخطف وميهمهاش ...ورجاله بتخطف برضو والعكس صحيح،، صحبتك بقي جارتك اختك انا عن نفسي ك منه مجربتش الصراحه بس لا بصاحب ولا بتصاحب من أيام شغلي كنت بشتغل إخصائية وكان ليا صحبتي الروح بالروح بنروح ونيجي مع بعض نقبض نشتري ندخل سينما كنا خربنها وفي يوم اتخطبت وعشان خطيبي وسيم جدا كل ما يجلي الشغل محدش يصدق ان الوحشه انا واخده واد حليوه كدا ومسمسم ولا كان عندي شك انا من اي نوع خالص من شله البنات الي حواليا في الشغل ...بس خطيبي لما كان صح ياخدني مثلا من مكان شغلي قالي مره صحبتك دي مركزه معايا الصراحه شكيت فيه هو عن انها تعمل كدا ليه لانها صحبتي كنت شيفاها مستحيل تحط عينها ع حاجه بتاعتي ...وتروح الايام و تيجي اسيب شغلي والمنطقه لاني اتجوزت في مكان تاني واروح زياره لأهلي وأعدي اسلم ع زمايلي اسمع عنها بلاوي انها خطفت واحد من مراته وولاده وبلاوي كتير طبعا اتصدمت فيها دي تجربتي من ساعتها لا بصاحب كلو برا البيت رغم ثقتي في جوزي عمياء بس فيه ستات اعوذ بالله وفيه رجاله اعوزو بالله وربنا يسترها معانا
-----'
تجربه تانيه جارتها فوق مطلقه وعايشه مع امها وبنتها وجارتها تنزل وتطلع وتروح و تيجي و في يوم اتجوزو الاتنين طب ازاي اسال اعرف ان المدام بتروح تزور اهلها في الأسبوع بحكم انهم سفر وهو بقي يجيب الحلوه في شقتها ع سريرها ياحلاوه
ولما مراته ترجع يتسحب هو بقي زي الحرامي للهانم وبنتها عارفه وامها ،،وبنتها كبيره في عمر ابني 18 سنه شوفتو الرجاله والستات بدعي يكش مراته تعرف وتقفشهم وتجيب رقبته ع الارض ....
======
عشان كدا قلت قصه حاتم ونفين من الواقع
وانشاء الله هتفضل للنهايه من الواقع مش بحرق احداث لكن نسيب العبره للنهايه
عاوزين نعمل ريفوهات زي ما كتبت انا ناو نوعي بعض والي عندها قصه حصلت تكتبها مش كومنت مش يمكن تفيد غيرك ليه لا
