البارت العشرين
قلب جريئ واقعيه
منه محمد
نفين بحزن : خلاص ياحاتم تعبت من تمثيلك .. والله تعبت ..
حاتم وصوته تعبان : نفين افهميني والله محتاجلك .. ونفسي أشوفك ..
نفين بعصبية مفرطه: بطل تمثل .. خلااااص لو مش عاوزني انا كمان مش عاوزاك .. .. والله تعبت ..حتى ولا قلت أشوفها 5 دقايق ..
حاتم سكت ...
نفين بقهر : رغم اني محتاجه اقعد معاك واعرف وافهم ايه الي في قلبك من ناحيتي لكن صعب
حاتم قاطعها بستعطاف : نفين أنا بنسجن بأي وقت ومعرفش ممكن اقعد اد ايه فالسجن وعاوز أشوفك لازم أشوفك ..والله لازم ..
نفين رقت وحنت : صعبة يا حاتم صعبه عليا قوي.
حاتم برجاء: ربنا يخليك عاوز أشوفك أجيلك لو انت طلبتي ده
سكتوا شوي ..
حاتم : والله بتندمي يمكن أقعد سنين فالسجن .. مين عالم ؟
نفين خافت ماتشوفه تاني : طيب تيجي انت ؟
حاتم اتنهدت: المشكلة أكيد بيتكم متراقب ..
نفين سكتت شوي :طيب انت فين وانا اجيلك اقول لعبدالله يجيبني وبشرط
حاتم : آآمري ..
نفين : نتفاهم على كل حاجه ونحل امورنا ..
حاتم اتنهد برتياح : إن شاء الله ..
اخدت العنوان .....وطلعوا .. ع الساعة 10 .. نفين من جواها مبسوطة وحاسة بشعور غريب اتجاه حاتم بحياتها ما حسته قبل كدا..!!
.....................
عبد الله اخد منها العنوان ولبسو ونزلو ركبو العربيه وعبد الله طلع ع عنوان وصلو ركن عبد الله العربيه ودخلو العماره ركبو الاسانسير ووقف قدام الرقم المطلوب وقفو ورنو الجرس وبعد ثواني فتح حاتم
دخل عبد الله ودخلت بعده نفين مبسوطة واول ما شافته نست حتى تعاتبه من الفرحة.. ضحكت وسلمت .. على حاتم ..
حاتم بصلها وابتسم : بجد يا نوفا اتغيرتي ..
عبد الله : من زمان ماشوفتهاش .. شفت البطن كبرت ازاي بقت بطيخه ؟
حاتم حن قلبه ليها : فعلا والله متغيرة ..
نفين تبتسم : محلوه ؟
حاتم غمزلها : أكيد ..
ودخل حاتم المطبخ جهز لهم عصير فرش .. وبعد كلام حوالي ساعة .. طلع عبد الله .. !!
نفين ااعده جنب حاتم مسك ايدها وباسها : تصدقي شكلك طالع متغير كتير..
نفين نزلت رآسها وسكتت : حاتم انت ليه جاي ؟ أنا ماقدرتش أسألك قدام عبد الله ..
حاتم اتنهد : شغل .. وغيري الموضوع .. لأني محتاجلك ..
نفين دمعت عينها : بس انا مش مرتاحة أبدا ..
حاتم : لا ارتاحي يعني معندكيش ثقه فيه ؟..
رن موبيل حاتم وشاف رقم ساره .. حطه ع الصامت ..
نفين استغربت : رد ؟
حاتم : واحد من صحابي مش وقته ..
حست نفين إن فيه حاجه .. وخاصة إن الموبيل رن اكتر من 5 مرات ..!!
حاتم ضحك مره واحده
نفين استغربت: بتضحك ع ايه
شاورلها بايديه علي بطنها نفين ضربته بخفه على صدره
حاتم قرب منها وانهال عليها بقبلاته الحاره الدافيه ونفين اتجاوبت معاه ونست اي حاجه وكل حاجه كانت مزعلاها منه انبسطت نفين جدا خصوصا الليلة .. وحاسة إنها مالكة الدنيا من الفرحة .. وحاتم طول الليل مدفون جوه حضنها ونفين قلبها مشتاق ماقدرتش تنام عماله تتامله بحب وعشق ..
الفجر .. نفين صحت حاتم ..
حاتم فتح عيونه وبمكر: انبسطتي ؟
نفين تبتسم بخجل : جدا جدا مش مصدقة إني شفتك ..
حاتم ابتسم وقام .....دخل الحمام .. ونفين اعدت تتنظره والموبيل على الكومدينو شافته بيرن .. قربت واخدت الموبيل وفتحت الخط .. !! سكتت ..
ساره بهدوء : ألو حاتم..
نفين أتصدمت ..
ساره بصوت تعبان : حبيبي نايم ؟ يلا قوم عاوزاك ضروري
نفين قفلت ..... وهي مصدومه
مسكت الموبيل زي المجنونه وبسرعه تفتش فيه فتحت الرسايل المرسله .. وتقرء الرسائل الصادرة .. وانصدمت ( إلى زوجتي الغالية ساره أدعي لربنا أنه يفرج همك .. بحبك وقلبي معاك )
حدفت الموبيل بقوة على الأرض .. !!!!!
حاتم وهو فالحمام سمع صوت هبد جامد اتفجع : نفين نفين..ايه ده الي وقع .. !!!!!
نفين مصدومة وأأعده على طرف السرير .. ولا حركة ودموعها ملت وشها !!
طلع حاتم وقف عند الباب الحمام وبيمسح وشه بالفوطة : خير مالك يا حبيبتي ؟
نفين ساكته ...!! وماسكها بطنها بتعب وارهاق وبطنها حستها بتتمزق من شده الوجع غمضت عيونها وحطت ايدها على بطنها
حاتم ابتسم : نوفا مالك حياتي ؟
حاتم استغرب: حبيبي مالك انا بكلمك ؟
نفين قامت وفتحت عيونها المليانه دموع باستنكار وراحت لحاتم وحطت ايدها علي شفايفه وبعصبيه وصريخ:: كفايه كفايه حبيبتي مش عاوزه أسمعها منك تاني يا كداب ياخاين ياحقير يا واطي
حاتم حس انه انكشف : نفين مالك مش فاهمك
نفين بعصبية : متجوز يا حاتم؟؟
حاتم سكت مش عارف يبرر يقول ايه ؟!!
نفين وهي واقفة قدامه وبهدوء و ترتجف : لحد هنا وكفايه قوي .. خلينا ننتهي بهدوء تعبت منك ..
حاتم بهدوء : طيب خلينا نتفاهم
نفين تقطعه وبعصبية : مفيش اي تفاهم مع واحد حقير زيك .. خلاص كل شيء انتهى ..حاتم انقهر من كلمتها
نفين بصتلو بنظرات شرزه : طلقني يا حاتم ..
حاتم عيونه لمعت بالدموع : مقدرش ..
نفين ترتجف بقوة : مستحيل أخليك تشوفني بعد النهارده .. خلاص الطلاق أحسن حل لواحد خاين زيك!!!
حاتم بلع ريقه وساكت وغمض عيونه بالم..
لمت هدومها من الغرفة بسرعة وراحت للصالة .. ولبست وهي تبكي وطلعت من الشقة ..
حاتم واقف مكانه ما تحركش من الصدمة .. !!!!!
نفين واقفة بين الشقق وتبكي ,, طلعت موبيلها واتصلت بـ عبد الله : ايوه يا عبد الله .. بسرعة تعال خدني .. عيطت,, هبقي اقولك بعدين تعال خدني ربنا يخليك بسرعه
حاتم أخد الموبيل من الأرض .. وشاف المسج اللي هو بعتو لساره .. !! حاتم جز علي سنانه بغل: ده اللي ما توقعته .. !!
عبد الله وصل بسرعه واخد نفين وركبها العربيه طلعت منها شهقه كتمتها بأيدها
عبد الله بقلق: قولي مالك طيب ؟جَيباني على الفجر حصل ايه فهميني ؟
نفين تبكي بقوة : متجوز ياعبد الله .. حاتم طلع متجوز..
عبد الله انصدم : ايييييييه ؟
نفين بغيظ: مش عيزاه خلاص اخدت منه قسوة بما فيه الكفايه خلاص لحد هنا وكفايه..
عبد الله بعصبية : ليه هو مفكر نفسه مين ياخد الدنيا ع مزاجه ولا مفكر اننا رمينك عليه والله ده واحد ما يستاهل التقدير ..اصبري بس خليني أوديك البيت وهرجعلو وأشوف ايه حكايته ..!!؟؟
نفين سكتت وجسمها بينتفض من كتر البكاء
.....
حاتم قعد بهم كبير على طرف السرير ومعاه الموبيل .. ساره اتصلت: رد : اهلا حبيبتي ..
ساره بهدوء : فينك ؟
حاتم : نايم وحطيت الموبيل على الصامت ..
ساره: يااااه يا حاتم مش اتفقنا ان موبيلك بلاش تحطه ع الصامت ..
حاتم بزهق : المهم ..اول ما يطلع النهار عاوزك ضروري ..
ساره استغربت : خير مالك ؟
حاتم نفخ : يابنت الحلال لما اجي ابقي اقولك .. يلا أنا هنام شوي ..
ساره استغربت : طيب مع السلامة ..
حاتم : سلام.. وقفل الموبيل ..
رجع استرخى على السرير .. ايه هيحصل فيك تاني ياحاتم؟ ؟ وايه المشاكل اللي جت مرة واحده وطبلت عليك ؟ استغفر الله.. حاتم بدء يسترجع شريط ذكرياته مع نفين وخاصة أول ليلة معاها ..
#فلاش
كان ماسك ايدها .. ويقولها
أوعدك إني افتح لك قلبي ..
نفين بخجل ابتسمت.
سكتوا شوي
حاتم اتأملها : تعرفي انك جميله قوي وابتسم ..
نفين بهدوء : عجبتك ؟
حاتم بصوت واطي : أكيييد .. اخد ايدها وحطها على قلبه .. حاسه بنبض قلبي ..
نفين بصتلو : اه ..
حاتم : ده محدش يسكنه غيرك ..
#باك
نزلت دمعة من عين حاتم واللي بحياته ما نزلت دمعته .. بينه وبين نفسه... طلعت مش قدها يا نفين .. والله جرحتك وزادت دموعه بصوت مخنوق؟؟!!
...............منه محمد...........
نفين دخلت غرفتها وبسرعة قفلت الباب ورمت نفسها على السرير ..تصرخ ..خلااااص مش عيزاه .. خلصوني منه .. طلقوني منه خلاااااااص
أمها تدق الباب : يابنتي طب افتحي أنت حامل براحه على نفسك ,,
نفين تبكي بحسره: مش عاوزه ابنه ولا عاوزه منه حاجه كل الي عاوزه انساه خلاص بقي طلعوه من حياتي حراااام عليكم حررررام
عبد الله وبهدوء : نفين افتحي خلينا نقدر نتفاهم معاك ..
نفين بعصبية: سبوني لوحدي خلااااص .سبوني
أمها وعبد الله .. واقفين برا .. عبد الله بص ل أمه : خلاص خليها تهدا مع نفسها ..
أمه عيونها دمعت : خايفه لتعمل في نفسها حاجه ..
عبد الله مسك ايد أمه وأخدها : ماما البسي خلينا نروح لحاتم نتفاهم معاه
أمه بعصبيه : لا مش عاوزه أشوفه ولا اشوف خلقته والله لو روحت لضربه ،،روحلو لوحدك وشوف ايه الموضوع المنيل ده و اتفاهم وحاول توصل معاه لحل..
عبد الله : طيب أنا ريحلو.. مع السلامة .. ورجاء ما تضغطيش عليها خليها تطلع كل اللي فيها .. يمكن ترتاح ..
أمه بضيق : إن شاء الله ترتاح ..مع السلامة انت
نفين والدموع مالية وشها حاسه انها دخلت دوامه .. سحبت اللحاف واتغطت بيه ,, وتلمس بطنها .. أبوك خاين .. شفت طلع ندل .. !! أبوك ما يستاهلش يبقي اب .. ولا يستاهل قلبي أبدا ..
..............منه محمد......................
حاتم وعبد الله بالصالة .. عبد الله منزل رآسه : بصراحة انصدمت فيك ياحاتم
حاتم وهو بيآكل شفايفه : عبد الله أنت الوحيد اللي يمكن يفهمني ..
عبد الله بصلو : قول يا حاتم وبسمعلك أنا قريب ليك وبحاول أعذرك ..
حاتم بخجل : حبيتها ياعبد الله ما قدرتش أستحمل انها تبعد عني .. والله حتى دراستي ماقدرتش أركز فيها .. البنت حبتني من كل قلبها وحبيتها ونفين كانت مقصرة معايا ..
عبد الله ابتسم باستهزاء : حبيتها ؟ .. سكت شوي ... طيب واختي الي انت متجوزها من فتره وغير كدا حامل ياشيخ مش حرام عليك
حاتم مسح وشه : ده اللي قاهرني ..
عبد الله : حاتم أنت من الأساس عاوز الجو هادي ومش عاوز مشاكل .. ده شئ مستحيل مفيش حياة بدون مشاكل خاصة للي لسه متجوزين ومش قادرين يفهمو بعض .. نفين فتحت قلبها ليك ووعدتني وأنت مليت منها ونازل تجريح فيها وكأنها لعبة عندك ؟ بس بجد طلعت ما تستاهل يا حاتم ..
حاتم ساكت وهم الدنيا فوق راسه..
عبد الله : على كلاً إذا أختي عاوزه تتطلق ومش قادرة ترتاح ياريت تخلصنا منك بسرعة وقام وقف
حاتم : طلاق لا علي الاقل دلوقت وهي بالحاله دي ..
عبد الله قرب منه وبعصبيه: حاتم اسمعني كويس إذا أختي طلبت الطلاق بتطلق غصب عنك .. يا اما هتخلعك اظن انت الي عملتو في نفسك فتحمل نتيجه افعالك
حاتم مش قادر حتي يدافع ولا يقول اي كلام ولا يفتح ع نفسه باب العتاب
عبد الله وقف عند الباب التفت على حاتم : حاتم نفين اختي أغلى شخص بحياتي هي وأمي وجرحك ليها كأنك جارحني وأنا مستحيل أسيب حقها لو أموت .. حاتم ساكت .. طلع عبد الله ..
......................
ام نفين قاعده عند نفين بالغرفة ..
أمها بهدوء : نوفا مسير الأيام ترجعه ليك والله الطلاق بيدمرك ..
نفين بحزن : خليه يدمرني ولا أشوف وشه .. عيزاه يطلقني
أمها بتحاول: محدش هينفعك يا بنتي .. كتير حريم عاشوا حياتهم ورجالتهم اتجوز 3 عليهم .. مش واحده ..
نفين اتشنجت: قلت خلاااص مش عيزاه يعني مش عيزاه
أمها بتحاول تقنعها : والله يابنتي لو انا منك أجذبه ليا و أكيد أنت مقصرة معاه .. روحي وخديه منها خطافه الرجاله ..
نفين بصتلها ومستغربة : بقي بالذمه ده كلام تقوليه ؟ خلاص اللي فبالي بعملو .. جرحني .. تعرفي معنى جرحني ؟؟ ياما وياما اتحملته .. بس جه الوقت اللي وصلت لاخري خلاص .. بكت
أمها : طيب ريحي نفسك دلوقت واهتمي بصحتك محدش هينفعك ؟
بكت نفين بحرقه: مطلوب مني ايه ؟حرام عليكم محدش حاسس بيا
امها مسحت على راسها : يا بنتي عاوزين مصلحتك شوفي وشك اتخطف
نفين بكت بحرقه:مش قادره مش قادره
امها بصتلها وقلبها متقطع عليها وحضنتها: وكلي امرك لله يابنتي وقربت مسحت دموعها .. !!
............منه محمد............
حاتم عند سارة قاعدين في الصالون .. ساره وشها متغير من البكي والتعب بعد وفاة أبوها ..وحاتم قاعد وحاضن راسه بايده
ساره بحيرة : مالك يا حاتم أنت مش طبيعي ؟
حاتم : لا مفيش .. بس فيه مشكلة حصلت لي ويمكن أتسجن ..
ساره شهقت بفجعه: تتسجن ؟
حاتم : يمكن أطول كمان..
ساره دمعت عيونها : حاتم فيك ايه ؟
حاتم بصلها كتير نزلت دمعه على خده غصب عنه
...............................
في بيت عيله نفين وعندهم ناديه .. قاعدين ..
ناديه بحزن : والله العظيم انقهرت لما عرفت يابنتي انت مفكره الي عملو ابني شئ سهل عليا ..
نفين بحزن : عارفه يا خالتو والله عارفه وأنت واقفة معاي من يوم ما تجوزنا ..
أمها : لا والله ما نظلمك يا ناديه أنت ما قصرتي .. بس ابنك منه لله ..
ناديه بكت : مع اني مشتاقة له شوق ما يعلمه إلا ربنا واكيد بيمسكوه بأي وقت ومعرفش ان كان هيطول في السجن ولا لا ؟ إلا إني مش عاوزه اشوفه قدامي مقهوره من الي عملو فيك .. وبكت تاني.
نفين صعبت عليها : لا ياخالتو ما تحرميش نفسك عشاني .. روحي شوفيه ده مهما كان ابنك ..
ناديه تبكي بقهره : والله إنا تعبت من الدموع وابني التاني منعرفش عنه اي حاجه.. والله النوم فارق عيوني من يوم ما عرفتي ان حاتم اتجوز عليك اول ما امك قالت لي على طول جيت اجري خايفة عليك وعلى اللي في بطنك ..
بكت أم نفين ..
نفين نزلت دموعها : لا ياخاالتو روحي لحاتم حرام والله حرام تعملي بنفسك كدا ناديه شهقت وغطت وشها بايدها وبكت ببكاء يدمي القلوب
..........منه محمد..............
حاتم ماسك ايد ساره: مستحيل أنساك ساره .. وبفكر فيك طول عمري إن شاء الله ..
ساره تمسح دموعها : حاتم أنا حبيتك ..
حاتم : وأنا بموت فيك ومستحيل أسيبك .. الا علي موتي ..
ساره بهدوء : حاتم روح أنت سلم نفسك وقولهم الحكايه كلها ..
حاتم : معرفش خايف أطول !! ..
ساره : هفقدك ..
حاتم : وأنا أكتر ..
ساره : حاتم أنت اهلك عرفوا إنك جاي ؟
حاتم : اه ..عرفو
ساره مستغربة : طيب ازاي توهت جوزنا أكيد شكوا فيك ..
حاتم يبتسم برتباك : اه توهت بس ما عرفوش عن جوزنا ولا سيرته .. قلتلهم جيت كنت ناوي اعملها مفاجأة لنفين ومن الكلام ده
ساره : أهااا .. يعني ما عرفوش.. ؟
حاتم بسرعة : لالالا ما عرفوش..
ساره : أنا بقي عاوزهم يعرفو ..
حاتم اتنهد : لا خليها بعدين ..ووقف ولسه ماسك ايدها بتملك .. ووقفها .. وبسرعة حضنها الود وده يدخلها بين ضلوعه
ساره تبكي : بشتاق لك ..
حاتم بحزن ومسح دموعها : خلاص ساره متعيطيش حبيبتي بإذن الله راجعلك أو يمكن أشوفك بكره مين عالم..
ساره: حاتم والله بحبك .. وهفضل احبك طول عمري ..
حاتم مسك ايدها وباسها : أنا هعمل المستحيل عشانك ..يلا حبيبتي مع السلامة ..
ساره: مع السلامة ..
طلع حاتم .. وساره ااعدت مكانها وهي مقهورة وتبكي ..
......................
في شقه حاتم المراسي
الساعه 11 بالليل تقريباً وحاتم قاعد بيفكر في حياته الي اتقلبت فوق نفوخه
قطع تفكيره صوت خبط علي الباب بشكل عشوائي طفى السجاره بسرعة.. وجري مخضوض يفتح .. ويرد لا اله الا الله .. فتح الباب : السلام عليكم ..
حاتم : وعليكم السلام ..
الملازم : أنت حاتم ؟
حاتم بهدوء ونزل رآسه : إه أنا ..
الملازم : اتفضل معانا لو سمحت ..
حاتم : طيب بس ممكن اغير هدومي واجي معاكم ..
الملازم : اتفضل بس بسرعة لو سمحت
دخل حاتم الغرفة .. وكتب مسج ( حبيبتي خلاص مسكوني المباحث تعالي وشيلي حاجاتي كلها وادعي لي بحبك يا ساره حتوحشيني كتير ) اتك وصول بسرعه ,, وكتب مسج لعمر أخوه ( عمر خلاص مسكوني سلم عليهم كلهم وخاصة أمي وقولها تسامحني يلا مع السلامة ) ,, قفل موبيله وبسرعه غير هدومه وطلع وحطوه في ايده الكلابشات !!!!!اتهامه بالضلوع فى تفجيرات كنيسة القديسين، وتم عرضه على نيابة امن الدولة العليا من خلال تحريات الأمن الوطنى، بتهمة قلب نظام الحكم، وحيازة أسلحة والترويج لأفكار تخريبية، واستهداف منشآت حيوية وهامة بهدف زعزعة الأمن والاستقرار بالبلاد
.......
تاني يوم في بيت اهل ساره
الشغالة خبطت علي باب الغرفة ..
ساره: ادخلي ..
الشغالة : ساره هانم فيه ست تحت عاوزاك أنت بالتحديد ..
ساره استغربت : مين ؟
الشغالة : معرفش ..
ساره نزلت من السرير : خليك معايا مشمش راجعة لك تاني..
طلعت ساره .. تسأل الشغالة وهي ماشيه : ماقالتش عاوزه ايه ؟
الشغالة : لا بس قالت لي نادي ساره .. ودخلتها غرفه الضيوف ..واصرت عاوزاك انتي مش حد تاني .
ساره راحت للصالون .. وبسرعة دخلت .. انصدمت .. نفين؟؟؟؟؟
