البارت الواحد والعشرين
قلب جريئ واقعيه
منه محمد
ساره بعد ما حاتم بعت لها المسج دخلت تبكي في غرفتها حاسه بالكتمه مخنوقه .. دخلت أمها بصتلها: ماما معرفش امتى راجع ..
مريم مستغربه : ماشاء الله البلاوي طلعت بسرعة اول ما جه والله خايفة منه من زمان ..
ساره : ماما انت شاكه في حاتم ؟
مريم بعصبية : احنا نعرف عنه ايه غير انه كان معاك في استراليا المهم بخصوص موضوع دراستك ..
ساره انصدمت من كلام أمها : أقدر أكمل دراستي دي فيها ايه ؟
مريم بعصبية : امتى تكمليها ؟ قولي ,, لازم إذن من جوزك ,, وأبوك الله يرحمه .. منين هندبرها هاه ردي منين ؟
ساره سكتت شوي وضربت جبينها:يوووه اهو ده بالذات ولا خطر في بالي أبدا ..
مريم : ياقلبي دلوقت مفيش غيرك ولازم تكملي دراستك عشان تاخدي شهادتك و تشتغلي وتنفعينا ..
ساره: الحمد لله اللي سيبه بابا يكفينا خمسين سنة قدام ..
مريم: بس يابنتي الدنيا تخوف وعاوزك تكملي وتشتغلي عشان تنفيعني وتنفعي جدتك
ساره: بس حاتم إن شاء الله مايطول ..
مريم اتنهدت : ياااااااقلبي المشاكل دي مش سهلة أبدا أقلها 3 شهور أربع شهور وربنا اعلم بقي يلبسها .. ده اللي استفدناه من حاتم ..
ساره مسكت ايدها: الله يخليك اللي فيا مكفي وزايد .. خلاص
مريم: فكري يا بنتي .. دراستك سلاحك ..
ساره سكتت مقهوره ..
.........منه محمد...............
نفين قاعده بالصالة .. نزل عبد الله : نوفا..
نفين التفتت بسرعة : يوووه هبلتني ..
عبد الله قعد جنبها : مسكوا حاتم ..
نفين انصدمت : مسكوه ؟
عبد الله : اه عمر لسه قايلي
نفين نزلت دموعها : ياتري هيعملو فيه ايه ؟
عبد الله استغرب : صعب عليك ؟
نفين بكت وسكتت ..
عبد الله ضمها لصدره : قلبك كبير والله محظوظ بيك ..
نفين بنظره لوم: مش عشانه بكيت يا عبد الله .. عشان اللي في بطني .. خايفه يثبت على حاتم ويطلع ابني ما يعرفهوش أبدا ..
لكن نفين بتبكي عشانه .. وخايفة عليه بس طبعا قدامهم بتحاول تكابر !!
ما زال قلبي ينبض حباً لك .. !!
رغم الجرح الكبير ..
ورغم ما فعلته بي ..
احبك ..
ومن أجل راحتك ..
سوف أترك كل شيء من أجلك ..
حتى أنا سوف أرحل من حياتك ..
من أجل سعادتك ..
.................منه محمد..........................
ساره قاعده مع جدتها وأمها .. !!
الجدة تقنعها : أنت ما آخدتيش رايي بالجواز .. بس الراجل ما يضمنش بكره يرجع لمراته ولا حتى يسأل عنك ..
ساره بخوف : بس هو بيحبني انا .. ؟
الجدة : اه بيحبك لانه لسه فى الاول ع راي المثل الغربال الجديد ...بس خلي مراته تولد وتجبلو الولد بيرجعلها وخاصة إنها قريبته يعني تصعب عليه ويحن عليها يا ماما..
ساره تتنهد : والله خوفتوني كانت فين النصايح دي قبل ما اتجوزه ..
مريم بعصبيه: وأنت سمعتي نصايحي قلت لك اتجوزي ابن عمك افضلك عملتي ودن من طين والتانيه من عجين ع الاقل مدخلش دنيا ومن دمك ولحمك وعارف عاداتنا ..
ساره ساكته ..
الجدة : شوفي لو مراته ماكانتش حامل كنا قلنا يمكن يشوفك ويحن ليك ويحبك
ساره قاطعتها بنفعال : لا هو بيحبني ..
مريم باسلوب اقناع : أنت لو تسمعيني انتي لسه مكتوب كتابكم .. خليه يطلقك أول ما يطلع من السجن ..
ساره بحده : ماما جري لك ايه ؟ ليه يطلقني ؟ معقولة مش خايفه يقولو الناس عليا مطلقة ؟
الجدة بصتلها بستغراب: لا كلام أمك صح أنتي كتب كتاب يعني جواز ع ورق وأخف من إنه يتقال مطلقة بعدين ..
ساره وقفت وبحده : أصلاً كل واحد وكلمتة مطلقة حتي لو كتب كتاب ما تفرقش .. لا بجد عرفت غلاوتي في قلوبكم .. وانا الي عاوزاكم عون ع مصيبتي قاعدين تقنعوني أتطلق منه ..؟؟ بالعكس أنا مقتنعة بيه وهعرف أكسبه وإن شاء الله الطلاق لمراته مش لي أنا ..؟؟
مريم بعصبية : سبيها يا ماما دي عقلها ضارب روحي ونشوف والله ما ماعارفه مصلحتك أبدا كفايه إنه ضيع دراستك وورطك معاه ..
ساره هزت راسها بعناد: فداه دراستي ..وراحت للصاله وهي فَايره من العصبيه
الجدة : والله بنتك ماعارفه مصلحتها يامريم..
مريم : الله يرحمه أبوها اللي وافق والله يا ماما ماحبيته ولا كنت عيزاه وطلاما لسه احمد ماخطبش نقدر نخليه يرجع لها ..
الجدة كشرت: هي عيزاه العله ده اللي مانعرف منين طلع لها ..
.........................
في بيت عاصم المراسي وتحديدا في غرفه النوم
ناديه وعاصم مسترخين بيناموا..لكن الحزن مرسوم جوه عيونهم
ناديه تبكي بقهر : يارب لطفك يارب والله انا فيا قهره على عيالي يا ابو حاتم
عاصم نزلت دمعته : أنا قلبي جمره نار عليهم .. والله معارف اعمل ايه ولا اروح فين ... ماباقي لي إلا عمر .. ربنا يردهم لحضني بالسلامه ..
ناديه من طرف عينها تردد: الله يعين
عاصم طبطب ع كتفها: توكلي ع الله ان شاء الله يخرجو منها سالمين
ناديه بحرقه أم: آميييين يارب ..
..........................................
يوم جديد .. وبدأت الحياة ترجع على بيت أهل ساره بعد ما رضوا بقدر الله .. !!
ساره بصوت واطي : ماما ليه مجاش ناس كتير يعزو زي امبارح ..
مريم : ما خلاص آخر يوم بيخفو ..
ساره : الله يرحمه ويغفر له ..
مريم : اللهم آمين ..
.............
في بيت أهل نفين
نفين اقرب للبرود هاديه ما تتكلمش الا للضروره مجرد كلام مختصر وامها خلقها ضاق عشانها بتحاول فيها بس مفيش اي فايده.. دخلت على نفين بالغرفة :هاه صليتي الظهر ..
نفين تبتسم : الحمد لله صليت ..
أمها : تحبي تروحي معايا النهارده لبيت خالتك ..
نفين سكتت شوي : ماما الصراحه لا مش عاوزه الوقت حساس روحي لها أنت .. وبعدين مواعدة عبد الله هطلع أغير جو أنا وهو..
أمها استغربت : تغيري جو ؟ ايه الي جد عليك ؟
نفين : بس كدا حطلع أتمشى زهقت..
أمها بحيرة : يعني تقبلتي جواز حاتم بالسرعه دي وبقي عادي تطلعي تتمشي ؟
نفين نفخت بضيق : لانه اصلن مايهمنيش وهطلعه من حياتي نهائي ..
أمها هزت كتافها يعني وراك ايه ومستغربة: والله مستغرباك ؟ بس شاكه فيك ؟
نفين ضحكت : ليه مالي ؟ بالعكس أريح لي كدا لما عرفت انه متجوز ووضح الي في قلبه ناحيتي وربنا يهني سعيد بسعيده حريقه الاتنين يولعو
.........................
ساره وأمها وجدتها قاعدين وفيه حريم جايين يعزو..بعدما فض البيت من المعزيين ائعدو بالصاله متجمعين والصمت يعم المكان وكأنهم بحلم منتظرين يصحو منه قاطع صمتهم شهقه من ساره وهي تبكي ضمتها مريم ودموعها على وشك النزول : ادعي له بالرحمه
ساره: يارب اجعله من اهل الجنه سمعو خطوات بتقرب منهم
ساره رفعت عيونها ع البنت اللي دخلت مستغربة ...
مريم نكزت ساره : مالك؟ دي شهد..
ساره وقفت بسرعة .. وقربت لها شهد وضمتها .. وتبكي .. عظم الله أجرك يا ساره .. ولا قلتيلي ولاحاجه ..
ساره نزلت دموعها : سامحيني ..
شهد وهي تبكي : والله الخبر خلاني كأني زي الاطرش ماعرفتش إلا امبارح
ساره بكت : الحمد لله على كل حال .. وده قدر وأريح له كان تعبان قوي ..
شهد راحت تسلم على مريم : البقاء لله ياطنط ..
مريم :تسلمي يابنتي .. الله يجزاك خير
............................................
حاتم فالسجن خلف القضبان محصور بين زنزانه بأسوار شاهقة، مفصول عن العالم والحريه مقيد بزنزانه...بينها بين الحياة والموت خطوات محبوس بين اربع جدران ممنوع يخرج منها، ولا يكسر روتينها غير الزيارات الي انحرم منها لان الأمر مختلف بالنسبة للسجين الارهابي.نوع من انواع العقاب لا قادر ينام ولا يرتاح أبدا من التعب النفسي بيفكر في مستقبله والظلم الي اترمي فيه .. منتظر لما ياخدو أقوال محمد ويمكن يطلع ويمكن لا ؟ بيفكر .. في امه وحالتها لما عرفت خبط دماغه في الجدار:يارب تسامحني إذا غلطت بحق حد !!!
.......................................
ساره وشهد بالغرفة ..
ساره تضحك : وحشتيني والله اشتئت لشقاوتك .. تعرفي قبل شوي افتكرت كلامك وأنت بتقوليلي ( وبتريقه) لاااا أنا عاوزه خطوبتي 6 شهور بنبسط اكتر
شهد تضحك : شفتي ازاي ؟
ساره : طيب خطيبك كويس معاك ؟
شهد : يعني مش قوي عصبي وااااو إذا قال لا يعني لا .. وكلمته مايتنيها مستحيل ..
ساره ابتسمت: ربنا يوفقك .. أنا اللي شكلي خلاص راحت عليا ..
شهد استغربت : لا إن شاء الله حاتم ما يطولش فالسجن ..
ساره تتنهد : الله اعلم حسيت جوازي وشه فقر ومتلغبط معرفش ولا تخيلت انه يبقي كدا حتي احتمال ما نكمل دراستنا ..
شهد بجديه : نصحتي ليك كانت من كل قلبي بس نفذتي الي في دماغك مقدمكيش غير انك تصبري خليه يخرج كمان يروح لمراته وخصوصا لما تولد بكره تشوفي..
ساره بسرعه : ياربي مالكم كلكم ماسكين نغمه هيروح لمراته .. مراته خلاااص مل وقرف منها وأنا اللي فضلت معاه وشفته ازاي كرها بقوة .. وكان بيشكي لي من غلبه منها..
شهد : طيب نشوف مين اللي صح فالنهاية ..
.................منه محمد................
عبد الله ونفين فالعربيه.. مسك ايدها بحنيه
عبد الله : ادينا جبنا العنوان ممكن افهم ناويه تقوليلها ايه بالظبط ..
نفين بقهر : قاهرتني تعرف ايه معنى القهر ازاي كدا تخوني ..؟؟
عبد الله : طيب وإذا طلعت ساره تانيه ؟ يعني غير الي في استراليا ؟
نفين وهي متأكدة : أنا سمعت صوتها وقريت المسج .. ربنا ياخدها ويبتليها بالمرض ..
عبد الله يقاطعها : استغفري ربك .. يمكن حاتم اللي لف عليها وغواها ..
نفين : لاااا ياقلبي انا لما قعدت مع نفسي افتكرت كل حركاتها الساقطه وانا غافله.. والله آخر حاجه كنت اتخيلها انها تفكر في حاتم
......................
في بيت عاصم المراسي .. ناديه واختها في الجنينه
أم نفين تبتسم : لا الحمد لله دلوقت طلعت هي وعبد الله ..
ناديه : الحمد لله أهم حاجه تغير من وضعها ..
أم نفين : خلاص والله بنتي من يوم وهي صغيرة وده حظها نايم ..زي حظ أمها ..
ناديه : معلش يابنت الحلال وده حال الدنيا .. وربنا يعوضها بولد يحن عليها ويكون سندها ..
ام نفين: امين
..............................
في بيت اهل ساره
الشغالة خبطت علي باب الغرفة ..
ساره: ادخلي ..
الشغالة : ساره هانم فيه ست تحت عاوزك أنت بالتحديد ..
سهاره استغربت : مين ؟
الشغالة : معرفش ..
ساره نزلت من السرير : خليك معايا مشمش راجعة لك تاني..اشوف مين
شهد هزت راسها وطلعت ساره .. تسأل الشغالة وهي ماشيه : ماقالتش عاوزه ايه ؟
الشغالة : لا بس قالت لي نادي ساره .. ودخلتها غرفه الضيوف ..واصرت عاوزاك انتي مش حد تاني .
ساره راحت للصالون .. وبسرعة دخلت .. انصدمت .. نفين؟؟؟؟؟
نفين واقفة وعيونها دموع : عظم الله أجرك .. ماكنتش أعرف إن اليوم آخر أيام العزاء ..
ساره قربت وسلمت بخوف : أجرنا وأجرك ..شكرا .. بتوتر ,, اقعدي يا نفين ..
نفين بقهرة : أنا ماجيتش عشان اقعد .. ولا لي مكان جنبك ..
ساره ساكته ومش عارفه هي جاية عشان العزاء ولا عشان حاتم !!!! محتارة
ساره ببتسامة خوف : طيب ايه الي جايه عشانه ؟
نفين بسرعة : حاتم ؟
ساره بحيرة : عرفتي حاجه ؟
نفين ضحكت بسخرية : هو فيه حد ميعرفش ..
ساره مستغربة لأن حاتم قال ماحدش يعرف ....!!
نفين بصوت غاضب يتصنع الهدوء والبرود : هو سؤال واحد وعاوزه إجابة ؟ عليه ليه خنتيني ؟
ساره بثقة : و أنا أعرفك منين عشان أخونك ؟ ليه هو فيه بينا حاجه ,, هما كلهم خروجتين مع بعض .. أي خيانة بقي؟
نفين قربت لساره ووقفت قدامها : شوفي حاتم ضحك عليك وأنا أفهمه اكتر منك .. وشكلك متعرفيش إن كلنا نعرف عن جوازه منك لأنه ضحك عليك ودي أول كذبة..
ساره مرتبكة : أصلاً احنا اتجوزنا ولا جه الوقت اللي يقولي انكم عارفين ولا لا ؟
نفين تضحك بسخرية : المهم حاتم هسبهولك اشبعي بيه ويارب يبارلك فيه .. بس عاوزاك تعرفي حاجه مهمه أنا بنت خالته ومهما كان الظفر عمره ما يطلع من اللحم .. وغير كدا بإذن الله اللي في بطني ولد يعني هيشل اسمه ويخلده خدي بالك..
ساره بكبرياء : ما تقدريش تاخديه مني ولا حد يقدر .. وبعدين هو سابك وساب الدنيا كلها ....وبعدين والله عاذرته يوم مافكر يتجوز عليك أنت واحدة غبية من لما كنا باستراليا وحاتم بيحاول يهرب منك ومن نكدك ( بخبث) لانها حطت ايدها ع الجرح .. لأنك غبية وغير كدا نكدية بومه
نفين صدمها كلامها وبسرعه قطعتها بكف قوي وبعصبية وكأنه بركان اتفجر بلحظه : اخدتيه بس والله لتندمي .. و طلعت بسرعة ..قبل كرمتها ماتنهان اكتر من كدا
ساره.. واقفه مكانها .. طيب يا نفين اقسم بالله لتندمي يا زفته .. طيب .. أن ما وريتك مين هي ساره .. !!
......منه محمد....
عبد الله منتظر نفين بالعربيه عمال يهزر رجليه بتوتر قلقان .. اتنهد لما شافها طلعت .. كلم نفسه .. يارب تبرد قلبي فتحت نفين الباب وركبت .. تبكي ..
عبد الله ابتسم : طمنيني ..
نفين بسرعة وهي تترعش : ضربتها قلم يربيها الحيوانة ..
عبد الله ضحك : هههههههه ياقادره
نفين تضحك و تبكي : بس لسه مابردتش ناري والله جوايا غل وبركان لو طلعتو لحرقتها.. عاوزه أستغل فرصه حاتم انه فالسجن .
عبد الله ضحك : خلاص كل يوم أجيبك تضربيها كام قلم تربيها ..
نفين ضحكت : هههههههه عبد الله والله ماليش خلق أضحك ..
عبد الله ضربها بخفه على راسها بيحاول ينسيها الموقف البايخ الي اتحطت فيه: يا عيني على البطيخه هههههه
نفين : عبد الله حل عني والله مافايقه لرخمتك
عبد الله بضحكه ورجع حط ايده على بطن نفين : ههههههه بكام سعر البطيخه النهارده ؟؟
نفين: والله اخليك نايم واخليك تتحسر ع شعرك
عبد الله فرح انه طلعها من حزنها وحط ايده على كتفها : توكلي على الله ان شاء خير فين التفاؤل ؟!
نفين بشبح ابتسامه : ياجبل ما يهزك ريح
سندت راسها ع الشباك وغمضت عيونها لعل القادم يحمل لها اجمل .....
...........................
ساره متعصبة وشهد معاها بالغرفة ..
شهد استغربت : بأي حق تضربك ..
ساره معاها ثلجة تمشيها على وشها : واحدة ماتربتش همجيه .. مستنيه منها ايه؟
شهد تضحك : هههههه شكل القلم قوي ..
ساره: ربنا ياخدها .. والله دماغي صدعت .. بس خلي حاتم يطلع من السجن
شهد : شكلك واخده مقلب فيه والله
ساره : والله قهرتني .. نفسي أضربها ..
شهد : يوووووه يابنتي خلاص فكينا منها أصلاً مستحيل تيجي تاني
ساره : أولها مشاكل ايه الجوازه دي ؟
شهد تضحك بسخرية : انت لسه شفتي حاجه ياقلبي .. وعلى بالك مثلا زي الجواز العادي .. استعدي لأي حاجه ..
ساره : وبعدين معاك سخيفه (وكملت) والله عايله تخوف لا وكملت بالارهاب كمان ..؟ والله ما بعيد تفجر فيا قنبله.
شهد سكتت شويه: طب اسكتي لتعملها فيك وتبقي باب السما مفتوحه ..
ساره بحده:وبعدين معاك انا نقصاك انتي كمان
شهد رجعت تضحك بخفه : بهزر معاك
ساره : يا تقل هزارك رايقه على المسا تستخفي دمك ؟؟
شهد هزت راسها وهي تبتسم : اليوم يوم الضرب العالمي
ساره والشر طالع من عيونها :خليني بس أشوفها والله ما أخليها تتهني دقيقه ..
...........................
نفين دخلت البيت وراحت علي غرفتها مش عاوزه تشوف حد حاسه بالخنقه والحسره قعدت على طرف السرير .. ومعها موبيلها.. ورنت على ليلى : أهلا يا ليلى ..
ليلى تضحك : اهلا بيك ..
نفين بصوت حازم : اخبارك ؟
ليلى استغربت النبرة : مالك يانفين صوتك بيترعش ؟
نفين بكت : ليلى ليه ماقلتيليش ؟ ليه خبيتي وغطيتي معاهم ع خينتهم ؟
ليلى : مالك يانفين ؟ أنا ماليش دخل بأي حاجه..
نفين بقهره : والله العظيم كلهم قهروني وأنتي كنت عارفه ماتكدبيش ياليلى مش معقولة عندك ولا شفتيهم ولا شكيتي حتى فيهم ..
ليلى فاهمة بس عملت نفسها مافهمتش : نفين مالك ؟ فهميني ؟
نفين : أنت عارفه برتباط حاتم وسارة صح ؟
ليلى : مالهم ؟
نفين وهي تبكي بعصبيه : يااااالله منك ياليلى بتستغفليني معاهم .. خلاص ملييييييت كلكم بتعاملوني كدا وكأني مغفلة .. خلاص شكرا..
ليلى بشفقه : شوفي يانفين أنا كنت شاكة فيهم بس والله لو فيه حاجه اقوي ما اعرف عنها اي حاجه ياقلبي ..
نفين شهقت من البكي : ليلى حاتم اتجوز ساره ..
ليلى شهقت : لاااااااا والله معرف هي وصلت لكدا بجد خاينه وواطيه وحقيرة ..
نفين اخدت نفس تحاول تغير نبره صوتها: ليلى والله ماعارفه لمين أشكي حالي تعبت والله جوايا قهر وفيا غضب مش عارفه احكي عنه ولا اوصفه من حاتم والكلبه ساره خطافه الرجاله عارفه ايه اكتر حاجه قهراني اني واثقت فيها
ليلى بغضب : بجد واحدة حقيرة ..
نفين : المهم ليلى أنا تعبانة ونفسي أرتاح .. قلت اكلمك يمكن ارتاح ..
ليلي: اقري سوره الدخان تريح النفسيه وتحسسك بالراحه
نفين:هعمل كدا انشاء الله
ليلى : أوكي مع السلامة الله يعينك واي وقت انا موجوده
نفين: مع السلامه..
نفين قفلت الخط وبدات تخطط لأشياء كتيرة .. !! لأن ردت فعلها بقت أقوي واعنف .. ويمكن تنتقم من ساره وخصوصا حاتم في السجن ؟!!
########رايكم يفرق كتير
اشوف فيك يوم يا ساره وتتعلقي ع مشنقه زي عمر المختار في ميدان عام
