البارت الثلاثون
قلب جريئ
منه محمد واقعيه
في بيت أهل ساره ..مخنوقه ازاي انقلب حالهم كدا
مريم واقفة عند الباب غرفة ساره : خلاص قومي اتغدي ،، وضعك كدا غلط بطلي عياط
ساره متمددة على السرير : ماليش نفس خلوني كدا ..
مريم بهدوء : هتصل بعمك وأقوله عن كل حاجه
ساره قاطعتها والدموع بعيونها: لااااااا كفايه خليه شوي لا تكبر الحكايه ربنا يخليك ..
مريم: يابنتي لازم نوصل لحل ..
ساره اتعصب جدا: الحل في ايد حاتم محدش هيطلع بايده اي حاجه
مريم فارت : لاااااا والله يلعب بينا بقي على كيفه ,, لازم يعرف إن وراك رجاله
ساره نزلت دموعها : مافيش أمل أرجع له لو عمامي ادخلو ارجوك يا امي اهدي عشاني اسبوع كدا مين عارف يمكن نطلع من الموقف البايخ ده كلو
مريم قربت ومسكت ايدها : طيب قومي أتغدي وربنا يحلها من عنده
ساره بستسلام قامت وقفت
.......
ناديه تكلم بالتلفون ..
أم نفين : ياحسره يابنتي وسابها عشان دي
ناديه:ربنا يصلح الحال ..أنت ما تقوليش لنفين حاجه
أم نفين : اللي فيها مكافيها.. ولا عايزها تفكر إنه عاوزها ولسه باقي عليها لأنها متعلقة بيه
ناديه : ياقلبي عليها والله ما يلاقي زيها .. بس ابليس شاطر ..
..................................
مَرت الأسابيع ولا تغير اي جديد ساره مازالت عند أمها ,, وحاتم يروح لأهله بس زيارة محتاج يبعد عن أمه لأن كلامها قوي ولاذع ولسه محتااااار ,, والطلاق هو أقرب حل ,, لأنه عرف إن ساره ماتناسبهوش وعرف إنه أتسرع ..
دراسته قربت باقي 3 اسابيع .. ولا عاوز يفوتها المرة دي كمان ..
حاتم يدخن بشقته .. ويتفرج على التلفزيون .. !!يخبط باب الشقة .. حاتم استغرب ... مين اللي جاي دلوقت ...طفى السجاره بسرعة وقام يفتح .. ناصر :السلام عليكم ..
حاتم ارتبك : وعليكم السلام اهلا وسهلا اتفضل..
دخل ناصر ,,
حاتم مرتبك : ثواني اعمل شاي بسرعة ..
ناصر مسك ايد حاتم : تعااالي بس انا مش مطول هقول كلمتين وامشي
حاتم ابتسم : اتفضل اقعد ارتاح .. راح وطفي التلفزيون
ناصر قعد حاتم جه وقعد قدامه
ناصر بصلو وبهدوء : مشعارف أقول ايه بصراحة ..
حاتم بصله شويه وبعدين.. نزل رآسه ,,
ناصر : أبو ساره الله يرحمه اتسرع ,, بس قبل مايجلكم عيال ده أحسن حل
حاتم استغرب كلامه : مش فهمك ؟
ناصر : أنت لسه بأول الطريق وساره اتربت كدا .. تتحمل الأيام الجاية ؟؟؟ بدون مشاكل واظن الطلاق أفضل حل ..
حاتم بهدوء : بس أنا عرفت ساره كويس .. وكانت مشكلتنا على الحجاب والقصير وامور تافهة..
ناصر يبتسم: المخفي اكيد أعظم شوف يا حاتم ساره بنت أخويا انا عاوزلها الخير .. وأنت راجل ونعمه الناس ,, بس المشاكل ممكن تكبر والشك هيفضل يلازمك طول عمرك لأنكم تختلفو عن بعض كتير
حاتم اتنهد بخنقه : لا حول ولا قوة إلا بالله العلي العظيم .. حتى أنا شايف الحل كدا .. أنا الي اتسرعت من الأول
ناصر وقف : ربنا يسعدك ويعوضك خير ... ويجزيك ألف خير لأنك متفاهم
حاتم: كمان أنا يبقي حرام علي أعلقها
ناصر : ياريت الأمور تتم بهدوء ..مش عاوزين نعمل شوشرة على الموضوع .. لأن الناس بدوء يتكلموا
حاتم هز دماغه بضيق : إن شاء الله ..
قام ناصر : أنا والله مشغول بس قلت أجي أقول لك الكلمتين اللي عندي .. أشوفك على خير
حاتم قام معاه : والله انا اتمنيت أشوفك في وقت غير الوقت بس الشكوى لغير لله مزله
ناصر : ربنا يوفقك ياحاتم .. في أمان الله ..و مشى
حاتم : في أمان الله مع السلامه ..
طلع ناصر وحاتم رجع قعد وبينه وبين نفسه واحده كدابه ماتستاهلش ازعل عليها!!!!
...............................
في بيت أهل نفين
نفين : يا ماما خلصت العدة ولا فكر يرجع
أمها : ربنا يكتبلك الفرح مع غيره احسن منه .. أنا اللي قاهرني أخوكي له شهر ماجاش بس فالح يكلمني فالموبيل والله ما بيتكسف ع دمه
نفين : آآآه طبعا كله من السوسة اللي معاه ,,غيرته علينا حسبي الله ونعم
الوكيل فيها
أمها هزت راسها : خلاص اللي فات فات وكله مكتوب و اقدار!!!
لكن قلبها محروق على بنتها
............................
حاتم طلع وشايف الدنيا سوده في وشه مش طايقه نفسه وحاسس بالضيق يخنقه ركب عربيته رايح لبيت أهله .. شغل أغنية مشفناش خير ويدخن .. ونفسه يبكي من الوجع والقهر لكن لازم يرتاح
..............................
في بيت اهل بسمه
أم بسمه تتخانق مع بسمه خناقه كبيره: لا أكييييد إنك فاقدة عقلك .. بكره هيجيك عيال والله لتندمي لو يعاملك واحد منهم كدا
بسمه صوت عالي : مين قال لك إني مانعته عنهم ؟؟
أمها : ناديه اتصلت بيا بتقولي إن أم عبد الله هتموت من القهر ع بعد ابنها عنها .. حرام عليك والله حرام ..
بسمه وقفت وبصوت عالي :ابنهم عندهم ما يروحو يكلموه لو عاوزينه يروح لهم ..
أمها قطعتها بكف قوي :والله شكلي معرفتش اربيكي ..
بسمه بصت لـ أمها : بتضربيني عشانهم وياريت كلامهم صح .. بس ربنا معاي ..
أمها بصوت عالي : أنا أعرف أتفاهم مع عبد الله .. وهتفضلي عندي لما أربيك من اول وجديد أنا ماعنديش استعداد يقولوا الناس ماعرفتش تربي .. وخلي اخوك محمود يجي والله لا أخليه يدبحك زي الخروف وأرتاح منك ..
...........................
في شقة طارق .. سحر تكلم أختها بالتلفون : بجد ضربتك ؟؟
بسمه بشر : اه كله من العجوزه وبنتها المطلقة ..
سحر سكتت شوي : حرام عليك ..
بسمه تقا طعهابحده : ربنا ياخدهم ..
سحر جت فبالها فكرة : طيب تعالي عندي فيه في دماغي ليك فكرة تريحك منهم ..
طارق طلع من الحمام وسمع كلام سحر ركز فيه
بسمه : قولي ويارب ماتطلعش افكار معوقه زي مسلسلات دار العجزة !!!
سحر : ههههههههه .. لالا خلينا ندور لنفين ع راجل يزحها من طريقك
بسمه عجبتها الفكرة : والله فكرة .. بس مين يرضي يتجوز واحده مطلقة وعندها ولد ..
سحر انقهرت من كلام بسمه : شوفي عاوزاني أكمل بدون تريقه ماشي !!
بسمه: يلا طيب قولي بس بسرعة ..
سحر : محمود أخويا ..
طارق استغرب !!!
بسمه ضحكت بصوتها كلو : هههههههههه والله فكرة ومراته الاولي كريهة لازم نجوزه عشان تتأدب معانا ..
سحر : والله فكرة .. بس أخاف منه .. مين يفاتحه فالموضوع ؟؟
بسمه بحماس: أنا أفاتحه .. وأمدح فيها بالمره
سحر : ومنها تخلصي من نفين وتريحي راسي كمان.. وكأن ماعندكيش مواضيع إلا أهل عبدالله !!
بسمه: هههههههه يعني واجعه دماغك بيهم !!
طلع طارق: سحر .. سحر ..
سحر سريعا: طيب يا بسمه ابقي أكلمك بعدين .. وفكري باللي قلته ..
بسمه : طيب واالله فكرة تجنن ..
سحر : مع السلامة ..
بسمه : مع السلامة ..
طارق واقف : بتكلمي مين ؟؟
سحر : أختي بسمه .. اصلها تعبانة شوي ..
طارق بصلها وسكت .. بينه وبين نفسه ( بتتكلمو عن بنت عمي وكأنها قاعدة علي قلوبكم)
.......................................
في بيت عاصم حاتم راح لامه
حاتم: أتمنى تتم كل الامور بهدوء يا امي
ناديه بسعاده : أنا مع قرارك أكيد .. وكويس انك بتسمع كلام أمك ربنا يوفقك ..
عمر : ويعينك .. تعبوك الستات
ناديه تقاطع عمر : مافيش أحسن من نوفا بس اخوك الشيطان راكبة
حاتم نفخ: يوووه يا امي وبعدين !!
ناديه : وأنا قلت ايه بقول الحقيقه !! أو قول ان سيره نفين بتعملك قلق وربكه والصايعه الضايعه سيرتها بتشرح قلبك مش كدا
حاتم اتعصب: ماما ابوس ايدك ارحميني خلاااص الكلام مليته منه كفايه و ارحميني
عمر:ماما حبيبتي فكيني من المشاكل حاتم يرزقه بالبنت اللي تستاهله
ناديه : المهم تروح تكمل دراستك وتنسى كل حاجه..
عمراستغرب : وابنه ؟؟
حاتم قاطع عمر : ابني مع امه .. والمصروف بيوصلهم كل اول شهر
............منه محمد.....................
في بيت أهل ساره !!
ساره بالصالة واقفه وتبكي بهستريا : ليه يطلق !!! كنت عملت ايه !!
مريم : يابنتي اهدي شوي ..
ساره تبكي بقوة : طيب قولوا له يجي نتفاهم .. ربنا يخليكم .. مش عايزاه يطلقني .. إلا الطلاق فيه ألف حل بس خلوه يسمعني
مريم : يابنتي الولد مضغوط عليه وقراره ماأخدهوش لوحده .. ولا تحبي يعلقك ..
ساره تبوس ايد أمها وهي تبكي بحرقه : لا حسي بيا والله ماأقدر ماليش الا حاتم انا بحبه .. ارجوك يا ماما حاااولي انتي تقدري .. وقفت روحي لهم البيت قوللهم بنتي مستعده تنفذ اي حاجه إن شاء الله ابقي خدامته
مريم بنهر : يابنتي أنت كبيرة وعاقلة .. ازاي أروح لهم وأرميكي عليهم .. لو عاوزك كان عمل المستحيل .. بس الولد خلاص كرهك .. وربنا يرزقك مع غيره
ساره حطت ايدها على شفايف أمها : لا لا متقوليش ربنا يرزقك مع غيره .. أصلاً مش عايزه غيره عوزاه هو وبس .. ساره قعدت على الكنبه وتبكي بقوة
مريم قربت وحطت ايدها على رآسها : ادعي ربك يكتب اللي فيه الخير .
......
نفين .. قاعده على اللاب توب .. وفاتحة الماسنجر دخلت أمها عليها بالغرفة ومعاها عبود نايم ..
نفين لفت بصلهم : خليه ينام عندك الليله..
أمها : والله ما بيخليني أنام بيعيط كتير .. قربت وحطته بسريره ..
نفين : ياااارب مايقوم بالليل .. والله تعبني جدا
أمها : الله يعينك وخاصة انه بقي عيل زنان ..
نفين ضحكت : ماما دخل عبد الله الماسنجر أكلمه ..
أمها جت بسرعة وقعدت على طرف السرير : اه كلميه شوفي يقولك ايه..
نفين حطت ايموشن بيبكي
عبد الله فينك ؟
الماسنجر:.......
نفين استغربت : ماما شكله كدا مش هيرد ..
أمها : براحته .. انا لو كلمته حتخانق معاه..
نفين بعصبيه: كام مره اتخانقتي معاه ؟؟ ولانفع معاه حاجه والله خلاص مش محتاجين له نجيب لنا سواق .. التكاسي مليت منهم وياخدو مني أكتر من السواق ..
أمها دمعت : ربنا يهديه .. إن شاء الله تتسهل الامور ..
نفين بقهره :والله بعض الأحيان ارن على عمر يجيب لبن لابني ولا المراجعات بالمستشفى والله شغلت العالم وعبد الله ولا كأنه يعرفنا ..
أمها : ربنا معانا .. وغيرت الموضوع ودخلت بموضوع تاني
.............................
يوم جديد .
في بيت أهل بسمه .. الصبح .. بسمه بتكلم في الموبيل : قلت لك أمي تعبانة
عبد الله : ليه ما قلتيش لـ ابوك يجيبك بالليل !!! ليه تكدبي وأمك بخير
بسمه بصوت عالي : خلااااااص بقي اسكت .. قوم روح لشغلك ..
عبدلله اتنرفز : خييييييير .. بتكلمي أصغر عيالك .. ؟؟؟ احترمي نفسك شوي ركزي اللي بيكلمك جوزك ..
بسمه : يعني انت مصحيني من النوم عشان تقولي كلامك ده ..
عبد الله : لا بس لأنك كذبتي علي .. ونمتي عند أهلك بدون اذني .. يلا فزي قومي وحالا تجهزي ..
بسمه: وشغلك ؟؟؟
عبد الله بحده: مالكيش دعوه بيا قومي ..
بسمه: طيب ..بس بلاش خناق انا دماغي مصدعه لوحدها..
عبدالله قفل السماعة في وشها .. والله الهانم مفكره متجوزه طفل .. والله العظيم وقحة ..
....................................
حاتم وعمر في العربيه :لا بدأت فيها الإجراءات انشاء الله ما تطولش ..
عمر : الله يعينك .. طيب امتى راجع لاستراليا ؟
حاتم : خلاص الأسبوع الجاي رحلتي ..
عمر : حجزت ..
حاتم : من زمااااان حاجز وساره معايا بس بلغي حجزها ..
عمر : أكيد بتدبرها ..
حاتم : ده اللي خايف منه .. انا عاوز أبعد عنها .. والله خايف تيجي لنيوكاسل ..واشوفها
عمر : ربنا يستر ..
.................بقلم منه محمد....................
مريم تكلم ناصر بالموبيل : والله شوف يا أبو أحمد .. أنا لي أسبوع مخلصة الحداد .. ولا بفكر أتجوز عشان بنتي وعشان اللي تحت التراب ..
ناصر : بس الراجل بيتكلم جد ..
مريم: ههههههههه والله فضيحه بعد العمر ده اتجوز ..
ناصر : انت لسه شابه يا مريم ..وجايز ربنا يرزقك لو بولد يغنيك عن الدنيا يابنت الحلال ..
مريم : أفكر وأرد عليك.. والله لسه مشغوله مع بنتي ..
ناصر : وخاصة إن ساره حابه تكمل دراستها .. ده الراجل ده جالك من السما..
مريم : والله إذا جيت للجد أريح لي ولبنتي نعيش خارج القاهره .. بس أمي وأهلي هنا ..
ناصر : الطيارات بتقرب المسافات .. مش عاوزك تقلقي .. والله ياأم ساره الراجل ماشاء الله عليه ..
مريم :افكر وارد عليك .. ولازم أقول لساره كمان ..
ناصر : لالالالالاماتقوليش اي حاجه حاليا اصبري وإذا اقتنعتي قولي لها إنك موافقه وكل حاجه ياستي..
مريم : خلاص ماشي وكل شئ قسمه ونصيب.
...............................
في شقة عبدالله بالصالة ..بسمه اخوها محمود جاي .. بعد المغرب ..
محمود : امال فين جوزك ؟
بسمه بخنقه : طلع مع صحابه .. بس عاوزك بموضوع خاص عشان كدا عزمتك وهو مش موجود ..
محمود استغرب : خير ايه الي عندك لا يكون حصل بينك وبين عبدالله مشكله ؟؟
بسمه ضحكت : هههههه لا ماتخافش على أختك .. تمد فنجال القهوة ..
محمود : طيب خير ؟
بسمه رجعت تبتسم: امممم والله مشعارفه ازاي أقول لك .. بس أنت عارف إن عبدالله عنده أخت مطلقة ؟
محمود : هههههه وانا ايه الي يعرفني .. طيب ايه الخلاصه!!
بسمه : البنت صراحة طيبة جدا وخساره تروح علينا ..
محمود مستغرب : مش فاهم قصدك ؟
بسمه بخبث : نفسي أخطبها لك ؟؟
محمود : هههههههههه اعمل بيها ايه عندي مراتي بالدنيا كلها ..
بسمه انقهرت : اصلك لو شفت نفين مستحيل تقول كلامك .. البنت اطلقت لأن جوزها عصبي ومايتحمل أي كلمه وهي اللي سابته مش هو .. وعندها ولد منه وأنت ياحسرة ماعندك إلا 4 بنات
محمود مستغرب منها : بسمه؟؟؟ أنا كنت اشتكت لك ؟؟ أنا مبسوط الحمدلله ومرتاح ..
بسمه تتمسكن : والله قلت عاوزك تنبسط أكتر وعايزالك الخير .. وأنت عارف إن مراتك بتكره أمي ..
محمود يقاطعها: مشاكلنا انحلت تقريباً ليه اتعب نفسي وأتجوز ..
بسمه : بس مراتك لا عايزنا ولا عايزه امك
محمود : مش صحيح مراتي واعرفها كويس طيبه وغلبانه
بسمه : المهم ولاكأني قلت لك حاجه .. بس قلت نفين خساره
محمود...سرح ... !!!!!
بسمه بصتلو بمكر : تحب أكلمها أشوف رآيها ..
محمود بهدوء : ايه الموضوع ده بس والله شغلتي بالي بيه !!!
بسمه فرحت : أنا أختك وحالك صعبان عليا .. ولو أختك حبيتك مادورت علي اللي يسعدك مين هيدور علي سعادتك ؟؟
محمود بيحاول يخرج الفكره من راسه: لا خلاص شيلي الفكرة من بالك ..
بسمه: طيب ناولني فنجالك أقوم اجبلك شاي تاني .. وفكر كويس وانت تعرف الراحة فين ..
...........................
في بيت عاصم..
عاصم وناديه بالغرفة ..
ناديه : الحمدلله خلاص كلها كام يوم ونرتاح من موضوع حاتم ويروح يدرس ..
عاصم : ربنا يستر ومايغضب علينا اننا خليناه يطلق !!!
ناديه: لازم يكمل ويشوف مستقبله ولما يرجع بالسلامه وقتها كل البنات يتمنوه .
............................
مُرت الأيام .. !!
محمود يفكر بجد يخطب نفين .. وطبعا الزن ع الودان وبسمه شغلته جدا بالرسايل .. ومن ضمن الرسايل .. رسالة كذبت فيها ( محمود انا كلمت نفين كلمتها بالموضوع وخايفه تزعل ووريتها صورك لو تشوف ازاي اتجننت البنت ماتصدق !! )
....
ساره على حالها مشعارفه اي حاجه عن حاتم ولا بيفكر في ايه .. اتصلت كذا مرةعلى موبيله مقفول .... !!!
......
مريم بدئت تفكر بمصلحتها ومصلحة ساره !!!
العصر .. في بيت أهل ساره ... !!
ساره قاعده بالصالة .. وأمها بالجنينه عند باب الشارع بتكلم ناصر ..
ناصر ومعاه ورقة : والله البنت هتنصدم ..
مريم تمسح دموعها : هنعمل ايه.. ربنا يعوضها براجل يعرف قمتها ..
مد الورقة : أنا والله ياأم ساره مش حابب أدخل سايبكم على راحتكم ..
مريم: شكرا
ناصر : مع السلامة ..
مريم : مع السلامة ..
دخلت مريم الصالة ومعاها الورقة ..
ساره كانت تضغط بموبيلها رفعت رآسها : مين اللي عند الباب .. ؟؟
مريم بكت : عمك ناصر ..
ساره استغربت : مالك يا ماما ؟
مريم قربت وعطت ساره الورقة ..
ساره حست ورفعت عيونها علي أمها بصوت هادي : من حاتم ؟؟؟
مريم تمسح على راساره : انسي حكايته السخيفه
ساره نزلت دموعها شلال : يعني ورقة الطلاق .. !!!
سكتت مريم ونزلت راسها ..
ساره رمت الورقة ووقفت : ليييييييييه عمي سمح له يعمل فيا كدا لييييه ؟؟؟
مريم :اهدي يا ساره يابنتي مش هنفرضك ع ناس مش عاوزينك
ساره بكت بقوة : ليييييه سمحتوا له والله لسه فيه أمل .. بسرعة راحت للغرفة .ورمت نفسها على السرير ودخلت بنوبه بكاء ازاي اتحولت حياتها كدا ؟!!! فين حاتم راح وسابها وما سأل عنها ازاي هيكمل حياته من غيرها ورجعت دخلت بنوبة بكاء
مريم قعدت وبكت .. الله يرحمك ياعلي .. !!
........................
حاتم موقف العربيه جنب الشقق ولا نزل ساند ظهره ومسترخي ويدخن ويفكر.. !!
بلا حب بلا وجع قلب ..
ايه جانا من ورا الحب ..
غير الألم غير التعب
ايه جالنا .. !!!
قلبي من الحب اكتفى ..
فين العشق وفين الوفاء
---------------------------------------
في بيت عاصم.
أم نفين بصوت عالي : بسرررعة يانوفا لسه ماخلصتيش غيار لابنك ..
نفين بصوت عالي : شوي وجايه ..
ناديه بعتاب : ايه يا سها مكنتش عاوزين تيجو تزروني ؟
ام نفين : لا والله يا ناديه بس عبدالله رافع لي ضغطي ..
ناديه : الله يعينا عليهم .. ويهديهم ..
أم نفين بصوت واطي : امال حاتم فينه ؟ ناديه خفضت صوتها : نايم فوق .. بكره ان شاء الله مسافر .. سلم الشقة وجهزت له كل حاجه ..
أم نفين سكتت شوي :ايه ماقلت لكيش .. مش واحد خطب نفين ..
ناديه حست بقهر : مين ؟؟
أم نفين تضحك : شايب ومتجوز 3 حريم .. ومسكين
ناديه : ههههههههه ياعيني قوليلي روح يا راجل اتحنط انت هتاخد زمنك وزمن غيرك
صحى حاتم .. حس ان فيه حد فالبيت .. قعد على طرف السرير ..
أم نفين : والله يااختي .. لو يجي رزقها أكيد بحاول معاها تتجوز مع انها مقفلة على الموضوع ولا حابه تفتحه
ناديه بحزن : ربنا يسعدها .. بس الولد ؟؟
أم نفين ااستغربت : ابنها.. !! ليه هو حاتم هيكون موجود هنا ؟؟ أكيد هيكون بيدرس برا
ناديه بحيره : والله معارفه بقي ..
نفين بتنيم ابنها بغرفة تحت .. وتغني له .. ياعبودي ياعيوني ..مستحيل ياخدوك مني .. أنت عيوني ياعيوني .. نام عبود .. غطته وطلعت .. حاتم كان نازل السلم .. وبنفس الوقت نفين عَدت من عند السلم .. حاتم شافها ووقف .. !!!! نفين انصدمت .. وبسرعة رجعت لوري ..ودخلت الغرفة وحست كأن جردل مايه انكب عليها .. وصدرها بيعلي وينزل انها شافته !!! يوووه منين طلعت لي .. !! حاتم رجع يعيد شريط الذكريات لما شافها .. ورجع للغرفة .. حس بضيقة ،،اما نفين شويه قلبها هدي طلعت عند أمها وخالتها .. وهي مرتبكة .. وشكل حاتم مايفارقها ..
أم نفين بصتلها : نام عبود ؟
نفين بصوت واطي : اه الحمدلله ..
حاتم قعد على السرير وعيونه باصه من ناحيه الشباك واخده سرحانه للماضي غمض عيونه والذكريات قدامه وكأنها الان .. ويكلم نفسه .. أنزل وأقولها اشوف عبود .. !! وإلا افضل هنا .. !! والله حاااالة .. نفين قاعده وبالها مش معاها .. !! ربنا يعدي اليوم على خير .. حاتم استرخى .. وغفت عينه ولا حس .. إلا على صوت أمه .. حاتم يلا يابني الساعة 5 ..
حاتم فتح عيونه : اظاهر نمت كتير ..
ناديه: الحمدلله وراك رحلة طويلة ومتعبة ..
حاتم يشيل اللحاف : عندك حق .. بص ع سرير عمر : الله فين عمر .
ناديه : صاحي من ريع ساعة .. وطلع ..يلا يابني قوم صلي الفجر عشان تستعد للسفر
حاتم : حاضر قمت.. و قااام ..
...........
في بيت اهل ساره .. مريم باب غرفة بنتها
شافت ساره لامة رجولها لبطنها وحاطه راسها على ركبها ..
مريم اتاثرت بمنظرها قربت وبصوت واطي : ساره.
اول ما سمعت صوت أمها رفعت رآسها بسرعة والدموع مالية وشها..
قربت أمها وحطت ايدها على راس ساره: خلاص يابنتي
ساره رفعت رآسها لأمها وعيونها حمراء : انا مش ببكي ع انه سابني ..!! ببكي علي اللي تحت التراب ..
أمها قعدت على طرف السرير ... وقربت ساره وحطت رآسها على كتف أمها :ماما مش فارق بالي عرفت إن مافيش أطيب منه بالدنيا ..
مريم : يابنيي لازم ترتاحي من التفكير والماضي انسيه ..
ساره ودموعها تنزل : الغالي مش ماضي بس .. !! بابا الماضي والمستقبل وأيام عمري كلها .. وحشني. والله العظيم كان حاتم شغلني ومعوضني شوي عنه ..
مريم اتتنهد: الله يرحمه ويغفر له .. وطالما ماعندكيش حد دلوقت بيجي ببالك كتير ..
ساره : الله يرحمك يابابا .. و تمسح دمعتها ..
مريم .. بعدت ساره عن حضنها : شويه كدا اقوم انا والله ما نمت ولا بالي ارتاح لانه معاك .. .. وعارفة إنك مش هتنامي ..
ساره : بصلي وأحاول أنام ..
مريم : ايوه صلي لعلي وعسي تبرد نارك ..وكمان كنت عاوزك اليوم بموضوع .. نامي عشان أقدر أكلمك على راحتي ..
ساره استغربت : ايه الموضوع .. !! قولي دلوقت لاني مش هعرف أنام ..
مريم تبتسم : لا نامي وأقولك لما تشبعي نوم ..
ساره: لا قولي دلوقت والله ماهعرف انام ..
مريم قامت ناحيه الباب : نامي النهار قدامنا نتكلم فيه على راحتنا ..
ساره تبتسم : طيب .. تصبحي على خير ..
مريم وهي طالعة : تلقي الخير ..
..........................
حاتم .. لسه راجع من برا هو وعمر ..
كل واحد قاعد على طرف سريره ومتقابلين ..
عمر فاتح كانز وبيشرب طارت عيونه ...
حاتم : مع اني سمعته بيعيط وحسيت اد ايه اني مشتاق له .. بس ماقدرتش أروحلو ..
عمر نزل الكانز : كل ده عشان نفين ؟؟؟
حاتم بصوت خافت : خفت من حاجه !!!
عمر استغرب : بس مافتكرش ان الشئ ده يمنعك من ابنك ورحلتك بعد شوي .. كنت ع الاقل سلمت عليه والله حرام الولد بيحس ..
حاتم نزل رآسه : شفتها ياعمر .. ويارتني ماشفتها ..
عمر بسرعة : بجد !!!!!
حاتم ارتبك : بالصدفة !!
عمر بتريقه : أكيد بالصدفة .. امال مخطط معاها !!
حاتم مقهور :تعرف ياعمر ؟ حسيت إني بجد ظلمتها ..
عمر يضحك باستهزاء : حسيت بجد !!
حاتم : بس بيني وبينك ؟؟ مشاعري ولا اتحركت .. يعني لابحبها ولا حاجه يمكن مش مش اكتر من رحمه بحالها
عمر اتكلم بعصبيه : انت بتحب تكابر !! يا انك مغرور .. ايه الأسلوب الزباله ده .. !! ع فكره دي بنت خالتك ؟
حاتم يقاطعه : لالالا فهمتني غلط.. أنا راحمها حسيت إنها متغيرة .. يعني حسيت إني كاسرها بجد ..
عمر : والله انا أتمنى إنها تتجوز واحد يعرف قيمتها .. اقسم بالله على كتر ماأوديها وأجيبها مامليت.. عارف ليه لانها تملك طيبة ماتملكهاش أي بنت .. بحسها أختي وأكتر ..
حاتم ابتسم باستهزاء : اصلك ماعشتش معاها !!
عمر بص في الساعه : طب يلا لا نتأخر ..
حاتم وقف : يلا.. بابا وماما تحت ؟؟
عمر :ماما تحت وأبويا شفته بيكلم واحد عند المسجد معرفش جه وإلا لا .. .. وصحيت لك منار كمان تعملك حفله وداع
حاتم : آآآآه يامحمد مفضليش إلا هو .. والله وحشني..نفسه اشوفه
عمر سكت .. وعيونه اتملت دموع ...
سمعو صوت أمهم تزغرد تحت .. وصوتها ملعلع بقوووة: الله يبشرك بالخير
عمر وحاتم بصو لبعض مستغربين ..
عمر : مالها امك بتزغرد من الفجر . !!!!
دخلت عليهم منار تجري .. وتضحك : أبشركم محمد خارج وتنط وتسقف
طلعوا بسرعة من الغرفة ..
.................
في بيت اهل ساره
ساره ماسكة موبيلها ومتمددة على السرير .. وتضغط .. رقم حاتم .. وتمسح .. وتضغط وتمسح وعلى الحالة دي بقالها مده ..
( ساره تحاول تنسى حاتم بس ماقدرتش.. !! )
في بيت عاصم كلهم بالصالة ..
حاتم : والله نفسي أشوفه ..
عاصم : أسبوعين أو تلاته أو أكتر أهم شيء انها انحلت.. ولا تقدر تأجل سفرك ..
ناديه تسمح دموع الفرحة : لا يأجل ايه سافر كمل دراستك .. ان شاء الله تشوفه ..
عمر : يلا يا حاتم أتأخرنا .. مفيش قت ع معاد الطياره ..
حاتم بصلهم: يلا انا ماشي .. دعواتكم ..
ودعهم بالدموع .. وناديه دموعها مختلطة بفرحة لابنها محمد وبتوديع ابنها حاتم ..
....................................................
في بيت أهل نفين..
" قبل العصر" ..
نفين وهي شايله ابنها ومصدومة : طيب أمتى سافر ؟؟
أمها واقفه قدامها: لسه ناديه قافله معايا .. قالت انه مشى بعد الفجر ..
نفين الدمعة بعينها واتعصبت : خلاص مابقاش يهمني والي باعني بعته .. بصت لابنها.. ليه مافكرش يودع ابنه ع الاقل !!
أمها بقهره : حتى أنا استغربت .. !!
نفين اتنهدت: خلاص نسي ابنه كمان .. ( بقسوه)طيب عطاهم مصروف .!!
أمها سكتت .. !!
نفين بعصبية والدمعه بعينها : ماما ما تقوليش اتحرجت منهم .. ده ابوه .. أنا منين أصرف عليه !! معاش بابا الله يرحمه يادوب يكفينا مصروف البيت ومرتب الشغالة .. وعبدالله مراته شغلته عننا
أمها قاطعتها : قلت لهم .. وقلت لأختي .. قالت بس تتيسر الامور مع حاتم لانه مضغوط .. واحنا نصرف وكلنا واحد ..
نفين بحرقه وغضب: يااااااااسلام .. حاتم هو أبوووه .. وبسخريه .. والفلوووس ماشاء الله أشوفها تطلع لغير ابنه .. انا بقي مش هاخد فلوس من حد .. هو اللي يصرف بالرضا بالغصب يصرف !!
أمها بعصبيه : خلااااص أهم حاجه يصرف عليه وهما كمان أهله .. ومالكيش فيه .. الولد سافر يكمل علامه ومحدش فينا حيطوله ..خلاص فيه جده وجدته ..
نفين بكت : يااااربي انا حظي دايما كدا.. !! والله تعبت ماعنديش حد ينصفني يا امي .. عبووودووه ولا بنشوفه .. وراجل ماعندناش.. وعمر شغلناه معانا .. والتكسي بياخد اد كدا .. وابني عنده مراجعات .. نجيب كل ده منين ..
أمها :تدبر يا بنتي تدبر .. ماتضيقيش نفسك .. ياما جت أوقات ضاقت علينا واتيسرت .. ادعي ربنا .. وأخوك أنا لازم القي حل معاه انت بس ماتشليش هم ..
..........................
في بيت أهل بسمه ..
أم بسمه ومحمود ..
محمود مرتبك: بصراحة قررت أتجوز واحدة تانية ..
أم بسمه بخضه:تتجوز
محمود بهدوء : ربنا مارزقنيش بولد من مراتي .. يمكن ماليش نصيب معاها بالولد .. خلاص اتجوز ولا هو عيب ولا حرام ..
أم بسمه (مش كاره الفكرة .. لأن زوجة محمود تعباهم.. ولا بتحبهم .. فضلت ساكته .. )
محمود بصلها : ها قلتي ايه ؟
امه : خلاص ادور لك ع واحده بنت حلال
محمود : موجوده يا امي .. بس منتظر ردك
أمه استغربت : موجوده ؟؟؟
محمود بهدوء : مش عبدالله جوز أختي عنده أخت مطلقة ..
أمها ابتسمت : والله بنت حلال..
محمود اتحمس : تعرفيها كويس ؟
أمه بمدح : ماشاء الله تبارك الله .. معرفش ليه اتطلقت .. !!
محمود ابتسم : ربنا يكتب اللي فيه الخير .. كلميهم ماشي ..
امه بصتله : المشكلة إن أختك متخانقة معاهم .. وعامله مشاكل وبَعده ابنهم بعيد عنهم .. ازاي بس اروحلهم و أطلب لك ايد بنتهم .. وهما اكيد كارهين قربنا بعد اللي قاعدة تعملو اختك فيهم ..
محمود استغرب: لايا امي ..بسمه نفسها قالت لي انها بتكلم نفين .. وبينهم مكالمات والعلاقة جيدة .. ولا قالت لي حرف من الكلام ده
أمه مستغررربة : بتكذب .. ناديه كام مرة تكلمني إن أختها بتشتكي من ابنها وبسمه السبب ,, أختك قوية .. وأنا ماقدرتش عليها .. وبروح لهم بنفسي بعتذر عن اللي عملته فيهم اختك الكدابه .. وسحر كمان بتقولي انها بتكرهم جدا حقول ايه بس ربنا يهديها ..
محمود شك : والله معرفش بقي .. أنا عارف إن بسمه قوية .. بس بكلمها وأشوف ,, لأنه حتى لو ماحصلش نصيب بيني وبين بنتهم لاااازم تحترم نفسها .. وده يعكس على تربيتها .. ولا أسمح إنها تشوه سمعتنا بحركاتها السخيفة .. ولو بابا يعرف بالي بتعملو والله يدبحها ..
أمه : أنا كام مرة أهدي ابوك من ناحيتها واهددها بيك .... بس ولابتسمع ..!!
محمود : أنا بعدي عليها اليوم .. وبشوف الموضوع بنفسي ..
أمه : تعمل خير .. والله الناس غلابه ..ولا عندهم إلا عبد الله .. وانا مش عاوزه بنتي تسبب لهم بشر ..
محمود يفكر .. ويفتكر كلام بسمه عن نفين .. وان بينهم رسايل .. محتار هل هي صادقة ولا بتكذب !!
.....................
في شقة عبد الله ..
بسمه ومحمود..
بسمه مرتبكة : اه هو فيه بينا مشاكل بسيطة .. بس مايمنعش اننا بنتكلم مع بعض ..
محمود حس انها بتكذب وبصوت عالي : بسمه سؤال أخير .. الرسايل اللي قلتيلي عنها والكلام ده حقيقي ولا لأ ؟؟
بسمه خافت وبسرعة : بعضها حقيقي وبعضها لا ..
محمود سكت وبصالها بغضب: بسمه انت عاوزه ايه بالظبط .؟؟
بسمه تمثل : أناااا غلطانه صعبت عليا .. ونفسي تتجوز قلت اخويا احسن راجل مناسب ليها ولوضعها عشان عارفه انك طيب وحنين
محمود يقاطعها وبعصبية : اسمعي يابسمه بغض النظر إني هتجوز أو لا .. اللي بينك وبين عيله عبدالله تصلحيه .. أنا ماعنديش استعداد الناس يقولو عنك اللي مااتربتش وفرقت بين الأم وابنها ..
عبدالله بيفتح باب الشقة ويسمع صوت بسمه ومحمود عالي.. وقف..
بسمه بصوت عالي : أنا نفسي أعيش حياتي زي زي غيري .. مش إذا رحت ودي, جيبي, حطي .. وغير كدا جوزي مش بيقعد معايا أبدا بس بيشتغل ليهم .. وأخته قرفتنا بكتر طلباتها ,, وطلبات الزفت ابنها..
محمود وقف وبكل عصبيه : تصلحي اللي أنت خرباه فاهمه ..ولا هتجوز غير لما تتصلح كل الامور ..
بسمه وقفت وبقوة : لا بقي مش هصلح حاجه .. ولا تتجوز .. بس عبدالله ليا انا لوحدي محدش.. يشاركني فيه .
عبدالله واقف مصدوم وهو بيسمع كلامها ..
محمود قرب لبسمه وبعناد : بكره بعدي عليك تروحي تعتذري لهم بالغصب .. والله لا أخليك تبوسي رجلين أمه سامعه
بسمه بكبرياء وبصوت عالي : في ستين داهيه أنت وهما .. قطعها بكف قوووي ..
بسمه بصتلو بحده: والله ماأروح لو ترجعوني لبيت أبوي .. مش أنا اللي تنزل راسها لعجوزه خرفانه ..والزفته اخته
محمود مسك ايدها وسحبها : أمشي ياحيوانة قدامي.. البسي هدومك .. لازم تتربي
فتح عبد الله الباب وشاف محمود ماسك ايد بسمه وهي تبكي ..
عبد الله مقهور: خدها يامحمود انا عاوزك تربيها .. وأنا اللي المفروض أعتذر لأمي ..
محمود ساب ايد بسمه وبعصبيه : يالا روحي البسي وهستناك في العربيه .. وياااويلك لو ما طلعتيش هرجع اقطع جسمك ..
عبدالله مصدوم وقعد وحط ايده ع راسه: يارتني ماسمعت كلامها يا محمود..
محمود قرب لعبدالله : ماربيناش صح .. حقك علينا يا عبده .. ليك عليا أرجعهالك محترمه .. والله لا أخليها تعرف قمتك ..
عبد الله بصلو : أنا خارج اعمل الي تعملو معاها .. طلع وهو مقهور ..وهو سامع التهديد والصريخ من محمود عليها
### قصص منه محمد
