أحببت تونسية ( روايات ليبية )

حلقة 5

رواية #أحببت_تونسية
( خيال ممزوج بلواقع )
للكاتبة #ندي_أحمد
الرواية بلهجة الليبية
حلقة 5 ❤️
🔥

احمد = الو ... خير امير شن في
امير = اهو روحت معاي ريماس منغير ما تجي للجامعه
احمد = اوكي اشمع الليلة عيد ميلادها بنديرولها مفاجأة ,,, حول تتأخر انتا وياها
امير = شن تحكي,,, انتا تعرف اني نستنا امتا نوصل
أحمد = امي هيا لي قالت نخبرك دخلنيش اتصرف
امير= اوووكي توا نتصرف
________
أيهم = ألو أحمد وينك اخطم عليا سيارتي عطلت يا راجل
أحمد= طول عمرك معطل انتا بنجيب الكيكة تع عيد ميلاد ريماس ونخطم نشريلها هدية نقومو بالواجب يا راجل
أيهم = ههههه والله خيرك انتا متحمس شوي
أحمد = لي في راسك مفيش منه,,,
أيهم = ههههههه رد بالك هاااا
ريماس ساكتة خايفة من ردة فعل أمير بعد المحاضرة من لي داراته فالجامعه ساكته متبيش تحكي
أمير = عليش دخلتي متاخرة ليوم,,
ريماس = هكيكا,,,الحق الحق ضعت كبيرة برشا الجامعه
أمير = ضعتي ولا قعدتي تهدرزي مع شباب برا
ريماس = لا والله لا وقفت معاهم شوية و مشيت نجري اصلا جوهم سمح
أمير = قاعد نفهم فيك
أمير قاعد يفكر كيف بيتأخر حتى يجهزو العيد الميلاد ويحكي في سره= عليك جو مسلسلات شن بندير معاها توا بتكسرلي راسي بحديثها وانا تاعب,,,,,,,
ريماس = شبيك,,, اسمع لو متحبش توصلني معاك نزلني اما متقعدش ساكت هكا ,,, فوق من قلبك اصلا حاسة بيك
أمير = ايوااااا بدينا توا
ريماس =ايه بدينا هاكا هوووو
أمير = انتي شن مشكلتك بالضبط فهميني
ريماس= حتى شي مريقلة اما انتا لي شبيك معايا
أمير= بنوريك مكان ان شاء الله يعجبك
ريماس = مكان؟؟؟؟؟؟ تبي تخطفني يا مامااااا اجرووولي
أمير مسك ضحكته =صحيتي كيف عرفتي
ريماس= لانك تكرهني تحب تتخلص مني,,, يا ناري على روحي باش نموت فالغربة يح بييييني يح
أمير = هههههههههههههههه ضحك بأعلى صوته و يقهقه من الضحك نين عيونه دمعو
لأول مرة أمير يضحك بالطريقة هاذي طول عمره هادي و ضحكته بتكون اغلب الوقت تبسيمه,,,بس المرة هاذي غير,,, أمير ضحك من وسط قلبه كأنه ليه سنين ما ضحكش مقدرش يسكت
ريماس تتأمل فيه وما نزلتش عيونها منه وتقول = يح بيني ضحكته,,,, تقتل,,, يحليلي ياربي شنو هاذا ,,,,,طول عمري عندي صحاب شباب و اغلب رفقتي فالجامعه شباب كلهم نحسهم كي خواتي بس اول مرة نغزر لراجل بقلبي,,, اول مرة مشاعري تتحرك لما نحكي ,,,,,
أمير كمل ضحكته التفتلها يلقاها هايمة في تفاصيله,,,,, = اووووووي,,,,, شنو في ''''؟؟؟؟؟؟
ريماس = كانت تبي تتصرف عادي زي العااادة,,,,سبحان الله منصدقش غريبة
أمير = شنوووو
ريماس= اول مرة نشوف متوحد يضحك...أميرووووش طلعت تعرف تضحك .....
أمير= والله تعرفي سنين ما ضحكتش من وسط خاطري
ريماس= على فكرة محلا زينك كي تضحك.... ضحكتك مزيانة برشا
أمير اتلخبط من كلامها ونضراتها = شكرا
ريماس = يححححححح انا نقلو محلاك وهوا يقلي شكرا..... أما انتا باش تتعبني معاك
أمير = شنو قلتي
ريماس =حتى شي ....
درس السيارة عالبحر و قلها انزل..... تمسكت في الكرسي بيديها =لاااااا مش نازلة يا ماما خطفتني و تبي تغرقني
أمير = توا انتي تحكي جديات.... تي بالله شن ندير بيك نخطفك....بعدين انتي تخطفي مش يخطفوك
ريماس شبحتله على جنب= يا حسرة عليك......
نزلت ريماس من السيارة و تأملت فالبحر.....ونزل وراها أمير= شنو عجبك المكان
ريماس= تقتل لبلاصة اتفتق
أمير =اتفتق؟؟؟؟ احكي عربي يا بنت
ريماس= اتفتق يعني اتجنن
ريماس بكل عفوية مسكت امير من يده = ايجا نقربو للبحر نحب نمسو بيدي....
قبلها حولت كويشها و قعدت حافية= أمير حتى انتي متبقاش بصباتك (حذاءك)
امير = لالا نقدرش
ريماس = تي بربي... اسمع بريستيجك خليه فالكلية...انتا لي جبتني هوني راه معناها حتى نبقا عاقلة و منديرلكش فضايح اسمع كلامي
أمير كان محتاج يرتاح...يعيش يوم بعيد عن العمل والعيلة والمسؤوليات و دار لي قالتله عليه ريماس
ريماس =اجري اجري.....نشوفو شكون يوصل يمس البحر لول....بس انا نجري قبلك لاني طفلة
أمير = طفلة هههههههه
ريماس = ايه نحنا عالبنت نقولو طفلة
امير = باهي اجري قدامي
ريماس جرت قبله و شعرها الطويل طاير مع الريح....ضحكاتها مافارقتهاش.... أمير قعد يشبحلها و ارتسمت البسمه على شفايفه... اول مرة يحس روحه مرتاح و أول مرة مكان شيبي ايعيط عليها ويقلها اسكتي صدعتيني....كان يتمنا ان الوقت يوقف غادي وهوا معاهاااا....سرح فيها و في تصرفاتها.
ريماش وصلت لحافة البحر و التفتت لقاته ما اتحركش من مكانه= اووووووووي يااا متوحد...تي شبيييييك غادي مازلت في بلاصتك
أمير ضحك من كلامها= جااااااايك يا هبلة ..... وحق ربي عااارف رووووحي بنطيح طيحة شييينة
ريماااس= شنواااا قلت موش نسمع فيك وتشاور بايديهااا تقله تعاااال
أمير تسارعت خطواته.....يمشي وايفكر.... تسارعت خطواته.....تم يجري نين وصلها.....وصلها وكأنه وصل لأعلى قمة كان يتمناها.... = ريماس تعرفي....بنقلك شي
ريماس= لاااا منصدقش....المتوحد صار اجتماعي
أمير = هههههه معاك بس
ريماس سكتت استغربت هوا علاش قال هكي.....
يتبع