أحببت تونسية ( روايات ليبية )

حلقة 18

رواية #أحببت_تونسية
( خيال ممزوج بلواقع )
للكاتبة #ندي_أحمد
الرواية بلهجة الليبية
حلقة 18 ❤️
🔥

ريماس تتفكر ...فجاة ضحكت بقوة ههههه= يح بيني تتذكر يا امير نهار لي لبست سوريتك هاذي واتخبيت تحت السرير
امير فرح= ريماس انتي قاعده تتحسني هلبا....قاعده تتذكري بسرعه...ايه ايه هاذي سوريتي كنت بنلبسها و نلقاك زي الفارتحة السرير
رماس= فار عينك
امير يشبح لريماس و كانه يسوفها الدنيا...رغم لي صار معاه و العيلة لي طلعو مش عيلته و ريماس لي متدريش لي هوا مش ولد عمتها وواحد غريب....قاعد متماسك على خاطر ريماس...يشوف فيها عالمه الصغير
امير معاش يفارق ريماس...كل لحظة معاها و ميبيش يغفل عليها ولو ثانية...حتى محاضراته و شغله و عيادته عين من ينوبه....
ريماس = امير انا نحس في روحي فرحانة...
امير = ان شاء الله دوووم
ريماس = ايعيشك
امير =خيرك في شن تفكري
ريماس= امير ....الحادث لي درته كيفاش صاااار...منتذكرش حتى شي
امير مش قادر يحكيلها لي هوا السبب في الحادث لي داراته...امير خايف يخسرها و ما تسامحاش بعد ما تعلقت روحه بيهااا و بعد ما ملت عليه دنيته و عطاته سبب عشان يكمل يعيش حياته
امير= مفيش داعي تتذكري كل شي ماضي توا...ريماس نبي نطلب منك طلب
ريماس= لي هوا
امير = الخاتم هاذا....مهما صار فالمستقبل و لو جاك يوم ومعاش لقيتيني جنبك ممكن ما تشيليهش من صبعك
ريماس= انتا اخوفني كي تحكي هكا...علاش معاش نشوفك فالماضي...يعني ممكن يجي يوم ومنلقاكش جنبي؟؟؟
امير = ريماس انتي قلتي مرة انك مش حتقعدي هلبا في ليبيا...
ريماس= ايه....بس ممكن كل شي يتغير
امير = يعني
ريماس= يعني.....انتا انجم تخلي قلبك في بلاد و جسدك في بلاد تانية؟؟؟؟
امير استغرب من كلامها؟؟؟؟ = ريماس مش متذكرة لي هيا تحبني صح؟؟؟بس علاش تحكي هكي؟؟؟معقول قلبها اختارني حاى بعد ما فقدت ذاكرتها ونست كل شي متعلق بيااا؟؟؟؟؟
امير= مفهمتش شنو قصدك
ريماس = يعني...انا...انتاااا.....تونس...ليبيا...الحدود مش متخيلة روحي نقدر نتنفس وانتا بعيد عليا قد هكيكا بعيد برشااا...
امير= انا؟؟؟؟؟
ريماس ناضت بسرعه= امير نحب نمشي لبيتي نرقد نحس في روحي تعبانة
امير= انتي تمام؟؟؟؟
ريماس = اي اي لاباس غير ناعسة
امير = باهي ردي بالك على روحك
ريماس= ههه يستر الله
احمد كان يشوف فيهم من ورا الباب يشوف في فرحة ريماس لما تكون مع امير .....
طلع نزل بسرعه قبل ما يشوفوه ركب سيارته و زاد في سرعته منغير ما يعرف وين ماشي ...هوا يبي بس يتنفس يبي بس يبعد من المكان لي ممكن يشوف فيه امير مع ريماس
في الجامعه
امينة =الو رحاب وينك
رحاب = تعالي للكافي
امينة= لالا منبيش
امينة كانت ماتبيش تمشي للكافي حتى ماتشوفش اسعد لي ليلة كاملة و هوا ساكنلها
رحاب= والله هيا حاسة انك هني عشان هكي متبيش تجي
اسعد= ما تبيش تجي...توا يجيها يوم و تجي نوعدك
سراج= اسعد انا نستاذن
اسعد= خيرك يا سراج؟؟؟
سراج=بنمشي لحظة ونرجع ...انستو
رحاب= شفته صاحبك كيف مش طايقني....
اسعد = تي لا مش عارف خيره من امس وهواا هكي
سراج يمشي و يفكر= انتا على شن ناوي يا اسعد معقول تبي تنتقم من ايهم عن طريق اخته....حرام والله انا عندي خوات و منقدرش نتفرج و نسكت.....
امينة جالسة في قاعة المراجعه
سراج دخل ايدور عليها=سلام عليكم ...ممكن نجلس شوية ونمشي
امينة= خير ...وعليكم السلام...اتفضل
سراج= بنقلك كلمتين...اياك توثقي في اسعد صاحبي و ردي بالك من رحاب صديقاك و اياك تعطيه فرصة يقابلك ولا يحكي معاك ردي بالك اوكي والكلام يبقا بيناتنا وتوا سلام
امينة= هاذا خيره يحكي هكي.... اسعد؟؟؟ لي كلمني البارح اكيد....بس علاش هوا يحذر فيا منه...و رحاب؟؟؟؟؟؟.... والله مش عارفة شن يخرف
رحاب= الو امينة انتي وين؟؟؟؟
امينة = هلا في المراجعه ووانتي
رحاب= انا ....انا برا بنشري شي و نجي ممكن نتأخر...باي
رحاب لاسعد= امينة فالمكتبة بروحها فرصتك لحقها هههه
اسعد= والله؟؟؟؟ يلا ماشي
عرضه سراج داخل للكافي
سراج= وين يا اسعد
اسعد= عندي مهمة ههه فالموضوع لي قتلك عليه
سراج سكت و كمل يمشي و قعد جنب رحاب
رحاب= ايوة حمد لله اتواضعت و جيت
سراج= اما انتي طلعتي خطيرة....علاش تبيعي في صاحبتك و تعطي في اخبارها لاسعد ؟؟؟؟
رحاب= والله شي ما يخصك
سراج= هههههه اما انتم كيدكم عظيم جديات...يلا انستي
رحاب= خيره يحكي هكي هاذااا؟؟؟؟؟
في الليل
امينة في المربوعه هيا وامها
امينة= ماما...ايهم خيره معاش يرجع للحوش في الليل
ريم= شنووو
امينة= ايه كل ليلة نمشي لداره ما نلقاهش...مش قاعد ايروح...هوا يبات برا
ريم= حي علياااا....اه ياربي ...وين يبات و مع من؟؟؟؟
امينة= مش عارفة بس الشلة لي معاها مش عاجبتني راه...دخان و هياجه وهكي
ريم= توا لما يجي نحكي معاه...تعبني الله يهديه
ريماس في دارها وصلتها رسالة من امير = افتحي شنطتك شوفي شن فيهااا
ريماس ناضت بسرعه فتحت شنطتها....لقت صندوق صغير فتحاته
ريماس= شنوا هاذا؟؟؟شنو فيه زعمه
فتحاته تلقا فيه زوز اوراق
شافت الورقة الاولى .... هاذا خطي ... قرت شنو مكتوب..امير انا نحبك و لو ما قبلتش مشاعري انا حنرجع لتونس...ريماس مركزة في خطهااا..اتذكرت لي صار قبل شهور ولي هيا كتبت الورقة و حطتها في يد امير ...
ريماس في لحظة اتذكرا كل مشاعرهااا...اتأكدت لي هيا تحب امير في الماضي والحاضر
لاحظت ريماس ان فيها ورقة تانية فتحتها و بدت تقرا و لقت مكتوب فيها= المرة هاذي انا لي لازم نتكلك...ريماس انتي موش لازم ترجعي لتونس..انتي قلتي مش ممكن واحد يعيش قلبه في مكان وهوا في مكان...وانا مستحيل نقدر نعيش في بلاد ما تجمعنيش بيك...ريماس انا نحبك....و معلشلان ردي اتأخر يا أغلى شي صار في حياتي....انا نحبك يا تونسية....نحبك برشاااا...هبالك و خفة روحك و لهجتك لي تقتلني و يح بيني...نحبك بكل شي فيك....
ريماس نزلت دموعهاااا...من الفرح و من لتعب ,,,هيا كانت مستبعده ان حيجي يوم و يعترفلها امير بحبه امير لي قلبه حجر صار بين ايديهااا ألين من الطين...
ريماس= امير ....يارب منيش مصدقة...معقول المتوحد يبادلني نفس الشعور؟؟؟؟؟؟
نبي نسمعها منه اناااا...قداش استنيتها اللحظة هاذي....تعرف يا امير حبيت كل شي فيك....حتى لما تقلي وجك وجك واللهي نعشقك
احمد طلع يجري لدار امير فتح الباب بقوة ...
امير كان راقد ناض= خيرك انتا ؟؟؟؟
احمد= خلاص نحنا لازم نحكو معادش نقدر
ريماس كانت ماشية لامير تسمع في صوت احمد طالع وقفت ورا الباب و قعدت تسمع فيهم
امير = شن نحكووو؟؟؟؟؟
احمد= شنو لي بينك و بين ريماس
امير= هاذا شي يخصني...
احمد = كيف يخصك....
امير= انا نحب ريماس وهيا تحبني...رتحت تواااااا
احمد= امير انا و ريماس كنا قراب من بعض هلبا من جيت انتا دخلت بيننا فسدت كل شي...انتا خربت عليا حياتي
امير = لحظة لحظة......مفهمتش.... حياتك...؟؟؟؟ شن دخل ريماس
احمد= انا نحب ريماس...مش بس نحبهاااا نعشقهااااا نموت فيها...تعرف انا ممكن ندير اي شي عشان نوصللها
امير= انتا شن تحكي؟؟؟؟؟؟ اصلا انتا تتوهم واضح هيا تعتبرك زي خوها وانتهى الموضوع...بعدين على جثتي لو تقترب منها واضح....هيا مش لك من الاول فهمت....ريماس ليا انا واضح و ما تختبرش صبري...
احمد = تعرف يا امير ... ممكن هيا كانت رح تحبني لو ما جيتش انتا و اتسببتلها في الحادث....تعرف والله نقتلك بيدي و ماتوصلش تلمسها مفهوووووم...ااقسم بربي نقتلك و نقتل روحي و تعرفني نديرها ...بعدين انتا ماه طلعت مش خوي يعني نديرها و ما نفكرش
امير تصدم= معقول يا احمد؟؟؟؟؟؟؟ خاطر بنت نهون عليك...نسيت كم مرة كليت ضرب على خاطرك...انا كنت لك الاب و الاخ ...حتى مشاكلك كلهم كنت انا لي نحلهم...وتوااا؟؟؟؟تعاير فيا خاطرني طلعت يتيم؟؟؟؟؟؟؟ يا خصارتك يا احمد...بعدين لو حسيت ريماس تحبك ولو واحد بالمية اقسم بربي ما نفكرش فيها بس افهممممم هيا متحبكش افهمممممم
ريماس مش مصدقة لي سمعاته رجعت تبكي لبيتها ...تبكي مش مصدقة لي صاير ...امير طلع مش ولد عمتها و ما خبرهاش....
ريماس= ياربي...انا كنت نستنا فالفرحه هاذي لين جا احمد و نغصها علينااا...انا معمريش حبيتووو اصلا عمدا كنت نقلووو ايعيش خويااا حتى ما يفهمنيش بلغالط....علاااش ياربي يصير فيا هكاااا علاش
ساعه خمسة الصبح
ريماس ناضت دارت شنطتها و خذت فلوسها و جواز السفر تاعها و خذت ورقة و كتبت فيها
امير انا اسفه...انا لازم نرجع لتونس..انا منجمش انفرق بين زوز اخوة...انا منحبش تكرهو عشرتكم على خاطري ...انا يجي يوم و تنساني بوحدة اخرى بس رد بالك تخسر خوك حتى لو قلك هكيكا اكيد مش من قلبه هوا معذور....امير انا معاش لازم نظهر في طريق انتا ممكن تتضر بسببي وانا لو تتمس شعرة منك والله نموت...نحبك تعرف اني حبيتك فالماضي و نحبك توا و بش نبقا نحبك لين نموت لاخر نفس فياااا.... شفت يا امير بش نخلي روحي عندك....نحبك برشااااا...سامحني
طلعت حتى ما يحس بيها حد و طوت الرسالة و دخلتها من تحت باب غرفة امير و طلعت........يتبع