أحببت تونسية ( روايات ليبية )

حلقة 10 النهاية 🔥

أحببت تونسية
الجزء الثاني
الحلقة 10 و الأخيرة
اليوم زفاف احمد و ريماس...الحوش مليان فرحه و العيلة الكل اتجهز في روحها...
ريم= هاذا فرح الغالي نبي البلاد الكل تحكي عليه...
حجزوا في اضخم صالة و جابو احسن فرقة و فنانين...عرس الضابط احمد يعني كل شي لازم يكون مية مية ....
ايهم قاعد هوا وصحابه
واحد منهم=تي وين يا ايهم عرس خوك خيرك وجهك مقلوب
ايهم= لاشي
ايمن=هههه غريبة مسكين امير لعبو من وراه...يلا الدنيا مع الواقف توا و لي معبي
ايهم= شن قصدك
ايمن=بنقلك يا برو انتا فاهمني كويس...التونسية ماه كانت حبيبة خوك امير كلنا عارفين...بس شكلها لعبت من وراه و توا بتتزوج خوه
ايهم حس بالضغط رقاله= اسكت انا من الاول راقيلي منه الموضوع...من الاول نبهته احمد و حذرته لان عاف مش حيصير خير راه
ايمن=خليك بعيد
ايهم=خلو راسنا فالارض ولي يسوى و ما يسواش يحكو علينا....
ايهم رقاله من صحابه ولع سبسي
وركب سيارته و روح للحوش
ريماس في المزينة وجهها مش زي العادة مرهقة بكل منامتش طول الليل ومعاها امينة
امينة=ريماس خيرك
ريماس=حت شي
امينة= راك مرت الغالي توا بتطلعي احلى عروووس
المزينة= شن تفاهمتو توا على لون الصبغه؟؟؟ و قصة الشعر
ريماس= لالا منحبش نقصو...ومنحبش مصبغو قديمة الصبيغه اصلا شعري مزيان هكا امير ديما يقلي اتهبلي
المزينة= راجلك اسمه امير...ذوووق راجلك
ريماس نطقت اسم امير في اللاوعي موش فاطنة= لالا بس مقلتش امير انا
امينة= لالا سلفها يكون امير راجلها احمد ....حمودي الضابط تع منطقتنا...ربي يهنيكم
ريماس اتبسمت= ايعيشك
المزينة=مرت حميدة يا عيني ...تبارك الله محلاك...ومحلا الزين التونسي...عرف يختار حميداااا
ريماس= ههه ايعيش اختي
ريماس على الكرسي متع الميك اب و بدت المزينة في شغل الوجه
ريماس=اسمعني منحبش برشا مكياج باهي...نحبو خفيف
المزينة= اصلا ملامحك اللهم بارك...حنديرلك بس لي يعجبك و تجي احلى عروس
ريماس فجاة حطت يدها على مكان خاتم لي عطاولها امير...تدور بيديها ملقاتاش في صبعها...نخلعت بس بعدها اتذكرت انها رماته...= ريماس توا مش وقت امير بكل...بس علاش ندور على خاتمه...من اليوم انتي مرت خوه خلاص معاش اتفكري فبه...بس انااا مزلت نحبه ياربي مزلت زي اول يوم عرفته و خشيت لدار عمتي و شفته...ياريتني ما جيت لليبيا من الاول و ياريتني قعدت بعيدة...احلامي لي رسمتها معاه و مستقبلنا و كل شيح كيناه و رسمناه معقول يكون كذبة؟؟؟؟ بس قلبي يقلي ان امير عنده سبب قوي بس علاش دسه لو في؟؟؟؟ منبيش نكون مع غيره بس مضطرة...احمد انا اسفه مش حنقدر نحبك اهو حنكون اليوم جسد بلا روح....اقوي مني والله و غلبوها دموعهااا
المزينة= اييييي ليش الدموع توااااا....خرب الميك اب راااه
ريماس= اسفه بس عيوني هكيكا مش متعودين عالميك اب يدمعو بسرعه...معلش نبي نمشي للحمام
المزين بسرعه راه معاش بدري الساعه سبعه يجي العريس راه
ريماس دخلت للحمام وحاسة بالم في بكتها وضيق تنفس....تمت اترجع اترجع نين انقطع نفسهاا....غسلت وجهها و خرب الميك اب و هيت عادي مش مدوره شي...تشبح للمراية....لازم نحكي مع امير معاش نقدر لازم
ريماس طلعت وجهها مغسول =امينة هاتي مفتاحك....بنجيب شي مهم من الحوش
امينة= شنوووو توا الساعه ثلاثة راه
ريماس=مزال بكري مزال...كلمني احمد توا نمشي معاه
ريماس كذبت عليهم وطلعت تسوق بسرعه جنونية= ياربي يكون فالحوش يا ربي
وصلت لقت الحوش فاضي...دخلت من الباب الي ورا و طلعت تجري لدار امير دفت الباب ما فيه حد....دورت بعيونها شافت اوراق فوق السرير قربت منهم...اوراق الفحوصات تع اميييير...طبعا ريماس دكتورة و تفهم كل شي
قعدت على حاشية السرير...وتمت تقرا....عرفت حالة امير وعرفت انه في ايامه الاخيرة....ريماس مش مصدقة بكل بكل .....يدها على فمها...و فالاخير ورقة فيها مذكراته....تمت تقرا كل شي عرفت كل شي و في السطر الاخير كاتب بالخط العريض ...اخر امنية نتمناها نشوفك يا ريماس بالفيلو مع احند و حتى نموت نموت راضي......ياااارب موصل و يتحقق حلمي
ريماس تمت تعيط باعلى صوتها =علاااش درت هكاااا علاش مقتليييش نكون معاااك علاااااااش وتمت اتكسر في كل شي موجود...قطعت الاوراق والتحاليل و هيا اتصيح لالااااا مستحيل امير يموت و يخليني لاااااا مستحيل يكون عنده سرطان...وأناااا و بعدين من لي حيحبني زيه,,,من لي حيفكر فيا اكثر من روحي من...و فتحت الخزانة و خذت سوريته لي لبستها وتمت تحضن فيها و تبوووس فيهاااا وتبكي....ياروحي محلاها ريحتك يا قلبي عرفتك درت هكيكا على خاطري.....امير زعمه يكون حلم لي انا فيه...ليوم عرسي رااااه و منقدرش نتراجع شن بندير يارب نبي نكون معاك يا امير و نتجاوزو مرضك مع بعضناااااا
امير كان ورا الباب و سمع كل شي ...طلع يجري حتى ما يضعفش و يجي و يحضنها و هيا مكتوبة لخوه و زفتهم ليوم...طلع وسكر فونه وهوا مقهور كيف ريماس عرفت كل شي.....
الساعه خمسة ريماس مش قادرة توقف على رجليها بس ضروري ترجع للمزينة كلمتها امينة هلبا مرات,,,رجعت امينة و وجهها اصفر و عيونها حمر....تمددت عالسرير...=هيا فيسع كملي لي درتيه
المزينة مصدومة ولا كلمة و عودت من الاول و امينة فهمت عليها لانها تعرف قصة حبها مع امير وانها بس تساير في احمد و تزوجاته تبي تقهر امير قبل ما تعرف الحقيقة بس خلاص توا كل شي صار و مش قادرة تتراجع مهما صار
الساعه سبعه ريماس جاهزة طالعه اتجنن كل لي فالمزينة انبهرو بطولها و جمالها بالرغم مش مكثرة مكياج بس طالعه زي الباربي
امينة= تبارك الله علييييييك تقتلي ماشاء الله
ريماس ساكتة و هايمة بعيونها بس
احمد وصل للمزينة.شاف ريماس مسكها من يدها باسها من جبينها وهيا واقفة ما قالت شي....=ماشاء الله ريماس ان شاء الله ربي يقدرني و نسعدك لاخر العمر
ريماس محكتش ولا شي الكل يحسابوها حاشمة بس عقلها و قلبها و روحها في مكان تاني.....
امير كان مقابل المزينة و متخبي من بعيد....ريماس طلعت وهوا يشبح من بعيد طبعا ريماس مش متحجبة و عادي قعدت تدير في صور قدام المزينة مع احمد
امير يشبع في عيونه منها== طالعه قمر ريماستي يا برشا برشا احلى ماشافت عيني....نزلو دموعه....توا خلاص طمنت عليك... وهوا راجع للحوش طاح فالطريق....جروا بيه ولاد و عرفوه خو ايهم كلموه راح يجري عالمصحه.....وصل
داروله تشغيل قلب بس امير كان منتهي تماما
الدكتور=كلكم براااا....كلكم.....الوضع حرج
ايهم بسرعه اتصل باحمد=شن فيه امير
ريماس= نطت...شبييييه...
احمد= شي شي صارله هبوط وتمام توا خليك مع السواق يوصلك للصالة المعازيم يستنووو و انا لحظة و نجي
ريماس طبعا الوحيدة لي تعرف ان امير في اخر لحظاته هيا بس لي تعرف حالته= لالالالا بربي نمشي معااك ونستنوك براااا بالله عليك
وصل احند وقعدت ريماس بالفيلو تاعها برا فالسيارة مع السواق
احمد وصل والدكتور طلع لايهم= عظم الله اجركم......درنا لي علينا قلبه معاش تحمل جاته سكتة قلبية....
ايهم = لالا شنوووو لااا اميييير خوووووي...
احمد لتوا مسمعش الخبر وريماس مش قادرة تستنا نزلت بالفيلو تاعها و خشت المصحه....ايهم مقابل احمد و احمد وراه ريماس وهوا مش شايفها
ايهم مقهور و مش عارف ان السرطان شبب لخوه سكتة قلبية يحساب امير مات قهرة بسبب زواج ريناس باحمد...طلع سلاح من جيبه و صوبه لاحمد= اووووقف غااااادي....ماتقربش اكثر امييييييير مات بسببكم انتا و ريماس كله منكم كله منكم
ريماس سمعت كلمة امير مات وقفت في مكانها...تشوف في سلاح ايهم صوب احمد...تمت تجري.... ومع صوت الطلقة دفت احمد و جت مكانه و تجي الطلقة فيهااااا.....طاحت ريماس بين ايدين أحمد و السيكيوريتي تع المصحه مسكو ايهم و طلعوه
ريماس في حضن احمد غارقة في دمها
احمد= ريمااااس ريمااااس لالالا
ريماس تبسمت و صوتها متقطع نزل فم من دمهااا=رديتلك ج...جم...جميلك.... سمحني أحمد سمحني... تعبتك....معاي ...ش...شكرا....لانك.....
احمد= اس اس متتكلمييييييش,,,ويييييييييين الدكااااترة وييييييييييييين
الدكاترة يجرو وبيرفعوها و هيا همست= لا..م..ما...تنق...ذونيش...ما تنقذونيييش بربي نحب نلحق ام...امي..اميييير وطاحت يدها من يد احمد
رفعوها لنفس الغرفة لي فيها امير لي مات قبل دقايق دارولها تشغيل قلب مرة و اثنين وثلاث...ريماس استسلمت للموت....كانت وقتها الشي الوحيد لي يسعدها انها تكون مع امير حتى لو مش بالحياة بالموت...و الليلة لي مفروض كانت تكون فيها عروس كانت عروس بس بطريقة تانية .

النهاية.
وانتهت الرواية...ان شاء الله تكون عجبتكم...انا الكاتبة ندى تونسية كتبتها بلهجة ليبية وتونسية ان شاء الله نكون أتقنت اللهجة😊😊
الرواية هي جزء مني...فيها واقع وفيها خيال...بعض الاجزاء والحلقات كتبتها ودموعي على خدي...في حلقات مقدرتش نكتب تأثرت برشا...
المغزى من القصة ان الانسان لازم يكون على طبيعته و ميتحشمش من مشاعره ويعيش كل احظة بلحضتها ويترك الباقي للقدر....
العبرة2 انك مش لازم تشوف للحاجة لي في يد غيرك...ارضى بلي عندك...متفرضش على حد يحبك غصبا...لان الشي لو مكانش من عند الله مش حيصير منه بالغصب
العبرة 3 المرض مستحيل يكون عائق....ما يلزمش الانسان يواجه مشاكله منعزل بروحه النفس احيانا تتعب...نفس الشي مع امير لي مفروض واجه مرضه هوا وريماس بس هوا اختار يستسلم...الاستسلام هو بداية النهاية فا إنتا ما تستسلمش بما ان الله موجود
العبرة 4 والأهم لي تونس وليبيا بلاد وحدة مهما صارت من فتن منتقدروش نستغنو عن بعض... وان الحب الطاهر والنصيب والقدر مش ممكن توقفه لا حدود لا بعد لا طرف ثالث...ما كتبه الله لك لن يكون لغيرك
وشكرااا للادمن تع الصفحه على أدبها وأسلوبها الراقي بكل و جهدها نتمنا تدعمو الصفحه MBC Libya علي الفيس بوك لان بجد تعاملت مع برشا صفحات بس كيفها هيا واتقانها و تعبها مريتش مزيد التألق ان شاء الله.
وإهداء خاص من تونس لليبيا وبالذات لأحمد ونحب نقلو أنت شجعتني وانا لن أخذلك ❤دمت لي سندا و رفيقا طول العمر