أحببت تونسية ( روايات ليبية )

حلقة 4 الجزء التاني

رواية #أحببت_تونسية
( خيال ممزوج بلواقع )
للكاتبة #ندي_أحمد
الرواية بلهجة الليبية
حلقة 4 ❤️ الجزء التاني
🔥

امير= ريماااستي فيقي يلا جهزي روحك رايحين للمصحه ياسرك نوم
ريماس= قداش وقت توا
امير= ساعه واحد ونص
ريماس=ووو عليا معادش بكري خلي نلبس حوايجي...امشي استناني في كرهبتك توا نجي
امير =باهي متطوليش
ريم= امير وليدي منور اليوم...عندك مراجعه صح
امير= ايه ان شاء الله...دعواتك يا امي
ريم= ربي ما يحرمني من طلتك يا روحي
ريماس نزلت تجري= عمتووو بنجووور سافااا
ريم= ههه زيدي عليا ببنجوراتك بنية خوي
ريماس= اميرووش هيا نطلعو معاش بكري
امير= ماما نستاذن نبي نمشي
ريم=اذنك معاك يا كبدي...ربي ما يحرمني منكم
ريماس=عميمة ربي يخليك لينا
ريماس باست عمتها وطلعت مع امير للدكتور
فالطريق ريماس كانت هييا لي تسوق لان امير مزال مش جاهز يطلع بروحه....
ريماس= برشا برشا يا مدلل تارارارررااا
امير= ايوااااا رجعنا لبرشا برشا و صوتك النشاز...من لي كاذب عليك بربي وقايلك صوتك سمح
ريماس =ههههه حسسسرة عليك صوتي يهبل حتى احمد قالهالي مرة
امير= شنو...؟؟؟ليش امتا سمعك هوا؟؟؟حضرتك تغني لي رايح والجاي ولا شن
ريماس تلخبطت= لالا مرة سمعني في الكوجينة قلي صوتك مزيان كاهاو
امير= اهاااا فهمت عليك وسكت
ريماس=شبيك
امير=شي
ريماس= حبيبي الغيووور سلمه يااارب ههههه خويا هاكا احمد راه
امير= بس هوا ميشوفكش اخته بكل
ريماس تفاجأت من كلام امير=يعني
امير=شي شي كملي غني
ريماس= شوة حلو حبيبي شو حلو
امير= هالقمر شوفو ما أجملووو
ريماس =لاااا منصدقش المتوحد ايغني اشهدو يا ناااس هههههه
امير= وطي صوتك راه مش في تونس حضرتك بتفضحينا ههههه
ريماس= يا ناااس اسمعووو انا نموووت في دكتووور امير نحبووو برشااا برشااااات
امير =هههههه مهبولة والله بلاني فيك ربي...بس اول مرة نشوف بلاء سمح ههههه
ريماس= ايوااا ايواااا
امير كان فرحان وهوا يشوف في ضحكة ريماس...كان يبي يدير نفس لي داراته و يصيح لي هوااا يحبهااا قدام العالم الكل...ريماس...النقطة اللي غيرت كل شي فيه...ريماس لي خلاته يخرج من الوحدة و يحب الدنيا
وصلو للمصحه...فالممر ريماس كانت ماشية جنبه وماسكة يده بكل قوتها وكل شوي تهمس في وذنه نحبك اميري...كانها كانت حاسة بشي...كان قلبها كان يبي يخبرها بشي...وعيونها كانت مش نازلة من ملامح امير...كانها تبي صورته تقعد بين عيونها
الدكتور= اهلين دكتور ايمن شرفت شن الصحه بخير
امير= ايه حمد لله احسن حمد لله
الدكتور=دكتورة ريماس شرفتينا مرحبا
ريماس= ايعيشك بارك الله فيك
الدكتور=يلا دكتور امير اتفضل معاي للمكتب
امير= يلا
ريماس= جايين
الدكتور= اعذريني دكتورة بس الكشف حيكون ليه بس يعني انتي حتستنيه هنا لين يخرج..
ريماس= اهااا...اوكي مفماش مشكل
امير= حبيبتي مش حنطول ردي بالك على روحك
ريماس استغربت من موقف الدكتور..يعني هيا مراجعه مفيش داعي تكون سرية وهكي...دخل امير والدكتور لقاعة الفحص شاف مكان الجراحه و بعدها دخلو للمكتب
الدكتور= امير اتفضل اقعد
امير= ان شاء الله الجرح التم
الدكتور= ايه حمد لله...دكتور امير بنقلك ان...
امير= نتايج التحليل طلعو صح...حسيت من لما قلت لريماس اقعدي برا
الدكتور= ايه وصلوني مبدري كنت نشوف فيهم...دكتور امير انتا عارف الطب تقدم و كل شي صار عادي مفش شي صعب علاجه مع العلم
امير= نفهم من كلامك ان الورم طلع خبيث
الدكتور= للاسف...التحاليل طلعت مش كويسة..انتا عندك ورم في الجهة اليمنى من المخ...
امير كان قلبه حاسس بهالشي...قبض يديه و عض شفايفه وتماسك واتبسم...=مش وقته بكل بس....
الدكتور=دكتور امير انتا انسان مؤمن بالله صح...يعني هاذا حكم الله والعلم تطور ومفيش شي مستحيل
امير= ونعم بالله....دكتور بما ان وصلنا لمرحلة التكيس يعني هوا في مرحلة متقدمة صح...ما تخبيش عليا شي بعدين متنساش راه انا زميلك وفاهم كل شي
الدكتور نزل راسه...عيونه مليانات دموع...اتنهد و شال نضاراته و مسك اوراق التحاليل واتمعن فيهم تاني...=دكتور...شن بنقلك...في المرحلة القبل الاخيرة اسف يعني ضروري على طول نبدو علاج كيمياءي
امير كان يبي يتظاهر بالقوة و كاتم شعوره =ايه ايه حمد لله اللهم لا اعتراض...قلبي كان حاسس...
نزل من الكرسي و سجد سجدة وردد اللهم لا اعتراض...يارب نحمدك في الصحه و المرض ما تماسكش روحه وتم ساجد و يبكي
الدكتور اول مرة تمر عليه ردة الفعل ...قاعد يبحت فيه و متاثر بلي يشوف فيه....مسك امير من كتافه و قله=كتور انتا قوي بالله و متدريش ربي لما يكتب الشفاء مش حترده صح....باذن الله ازمة وتمر
امير= مشكور دكتور نستاذن توا بعدين نحكو عالعلاج...خليت ريماس برا بتكون ملت بروحها
الدكتور=معقول حتى في حالتك هاذي اتفكر فيها انتا...مش معقول
امير= لو تمسكت يوم بالحياة راه على خاطرها
الدكتور= ربي يحفضكم
امير= دكتور نبي المرض يقعد بيناتنا خاضة ريماس باهي اوعدني حتى لو سمعت بيا متت متقولش السبب مفهوم
الدكتور=بعيد السو عليش تحكي هكي....نوعدك
امير= توا سلام عليكم
الدكتور= ربي معاك
امير خرج عادي جدا لريماس و كأنه مسمعش اسوء خبر في حياته..
ريماس= اميري شبيك بطيت...يعني عطلت ههه
امير= حبيبي قعدنا نهدرزو على شي يخص العمل وهكي
ريماس=اهااا اوكي المهم انتي لاباس
امير= ايه حمد لله حتى التحليل طلع تمام حمد لله
ريماس=والله حمد لله يارب حمد لله
امير ماسك دموعه و مقوي روحه على خاطر ما تفطنش ريماس...كلام الدكتور عالق في وذانه...المرحلة القبل الاخيرة...السرطان....الجهة اليمنى من المخ؟؟؟؟ يعني معاش عندي هلبا وقت نعيشه؟؟؟ يعني قربت نمشي بلا عودة...انا لازم نستغل كل وقتي مع ريماس انا مش واجعني المرص قدر ما هيا واجعتني كيف بتدير بعدي..؟؟؟ من يسندها؟؟؟هيا هبلة من حيرشدها؟؟ يارب ..لازم نستغل وجودي معاها كل دقيقة....ريماس نوعدك مش حنموا غير لم نخليك مع من يأمنني عليك بعد موتي.....وعد
ريماس= اميروووش اوووي شبيك سارح...وين مشيت بعقلك هاااا في شكون اتفكر وانا جنبك
امير= ههههه حنى وانتي معاي انفكر فيك راه متخافيش
ريماس= قلبي وروحي تعرف حمد لله جيت موجود معايا مكنش والله نضيع
امير زاد قتله كلام ريماس ينزل على قلبه زي لي ماسك عالجمر= بما ان الله موجود مش حتضيعي حتى لو مكنتش انا موجود
ريماس= نعرف ونعم بالله...بس منحبش نكون في مكان مفيهش انتا يا سي
امير=ههههه اسمعي تبي نمشو لاول مرة وقعت على راسي و حبيتك تتفكري
ريماس= ياااا برسمي هههههه نهارتها منن قتلك تحب تخطفني ونعيط ههههه
امير= اييييييه ونفختيلي راسي بيااااح بيني يااااح بيني ههههههه
ريماس= معادش تعايبني راه انروح لتونس وامشي شوف من يقلك يح بيني
امير= هيا ياسرك كلام و اركبي
ريماس طلعت جنبه و طايرة من الفرح ومش حاسة بالشي لي حاسه امير....امير ميبيش يحول عيونه من ضحكتها
امير= اسمعي نبيك متخلي شي في خاطرك اليوم انا حنلبيلك كل طلباتك مفهوم اي شي تبي تديريه ديريه...وبليييز متسكتيش اقعدي احكي احكي و احكي منبيش صوتك يتقطع من وذاني اوكي
ريماس = هههه غريبة يا ناس يا عالم هرمنا من اجل هذه اللحظة التاريخية قال عمو متع الثورة....انتا جبتها لروحك دقيقة نفكر شنو نحب باهي
امير يضحك= باهي يا هبلة
امير كان فرحان بضحكة ريماس بس قلبه من جوا وعقله مش مستوعب فكرة الفراق مش مستوعب فكرة انه حيخليها في نص الطريق و يمشي...ريماس مش دارية انه اليوم لي حيودعها فيه...يبيها ما تسكتش حتى صوتها يعلق في وذاته...يبي يشبع من ضحكتها من كلامها من لهجتها من كل شي فيهاااا و بعدين يرحل
ريماس=باااهي نحب نمشي للبحر للبلاصة لي مشيتالها مع بعض اول مرة وقتها منين كنت تكرهني هههه و بعدين نحب ناكل قلاس جيلاطي يعني...ووو غزل البنات...ونمشي لهاكي لبلاصة لي فيها برشا حمام....و نحب بلاصة عااااالية برشااااااا نوفو منها الغروب انا وياك بااااهي موافق ولا تراجعت
امير= هههههههههههه بس ؟؟؟؟ اووووكي موافق اصلا الراجل عند كلمته بروووو
ريماس= خلي نكلم عمتي نقلها بالاول راه تقول بنت خوي خطفوها
امير=حمارة كلمتها قبلك قتلها يا ماما بنطلع انا و بنت خوك فقتلي رد بالك على روحك منها هههههههه
ريماس= خززززي نعرفها عمتي متقولش هكيكاااا يا غاير مني احمممم
امير= يااا بلوة عمري
ريماس التفتت لامير= يا كل عمري
امير اتبسم و غير الموضوع =باه اهو قريب نوصلو للبحر شوفي اهو يظهر من بعيد
ريماس= اي اي نشوف فيه
وصلو للبحر حس امر بدوخة خفيفة بس تماسك بكل قوته=مش وقت الدوخة بكل اليوم لازم منفكر في شي غير في ريماس لازم ليوم نخليه احلى يوم في حياتي بعدها لي يصير انا راضي بيه
ريماس= اميرووو هات يديك
ريماس كانت طايرة من فرحتها وكل مرة تاخذ مية ترشها على امير ومرة رمل بعدها تعبو الزوز و قعدت هيا فوق السيارة وهوا لوطا عالرمال يشوف في تصرفاتها
ريماس= يااااربي ما تحرمنيش من اميييييييير يااااارب خلينا متمسكين ببعض حتى الموت...يارب نموتو في نفس اليوم لان لو نموت انا توا يتزوج علياااا الحمار
امير = ههههههههههههههه مجنووونة.... ناض امير ونط فوق السيارة جنبها و صرخ= يااااارب متسمعش منهااا ياااارب نموت انا قبلها و يااااارب بعد موتي سخرلها من لي يسعدها اكثر مني يارب وتم يكرر فيها
ريماس كانت تحسابه يبصر زيها بس هوا نزلت دموعه وهوا يدعي.....حتى لحيته صارت مبلولة و ريماس مش فاطنة عليه كانت تضحك بصوت عالي وتقول =بعيد السووو لالا نموتووو مع بعض هههههه وتضحك
مكانتش حاسة ان امير كان يدعي بجد وكان من كل قلبه يتمنا دعوته يصر منها
ريماس مسكاته من يده و خلاته يجلس جنبها و مدت من جيبها سلسلة صغيرة فيها اسمه =هاذي ليك انت وقت لي سافرت اول شي درته شريت هاذي نتفكرك بيها وانا بعيدة ياخي اهووو عاودنا اجتمعنا
امير= محلاهااااا
ريماس= البسها و متنحيهاش زي ما انا ما نحيتش خاتمك ومش حننحيه للابد
امير= شكراااا
ريماس= ههه حلااااتووو هوا لما يبدا داير روحوبريء ههههه
ريماس حست فجاة بقبضة في صدرها...ضاق نفسها...رفعت عيونها في امير...كانها اول مرة تشوفه بهالجمال مش قادرة اتحول عيونها من عيونه.....اتنهدت ففطنلها امير وقال.....
لو في تفاعل الليلة ننزل الحلقة لي بعدها...التفاعل ضعيف شوية راااه

يتبع