أحببت تونسية ( روايات ليبية )

حلقة 2

رواية #أحببت_تونسية
( خيال ممزوج بلواقع )
للكاتبة #ندي_أحمد
الرواية بلهجة الليبية
حلقة 2 ❤️
🔥

رجعو من المطار ووصلو للحوش
ريماس : يااا تبارك الله اتهبل دارك يا عمتي...واسع ايجنن...مش كيفنا نحنا غادي ضيق وتزرزيق
أيهم: تزرزيق😞😞😞!!!!!
ريماس: ضيق برشا معناها
ريم: حبيبتي اعتبري روحك في حوشكم
أيهم: منغير ما توصيها..من المطار واخذة راحتها زيادة 😂
ريماس: شنوا قلت😒...
أيهم: لالا شي
أمينة : ريماس حبيبتي...مرحبا بيك في ليبيا ومرحبا بيك في حوشنا...قداش ليا نراجي فيك..مليت بروحي نبيك تونسيني
ريماس: قلبي...بنت عمتو...والله حتى آنا اتوحشتك برشا بالهلبا 😍😘😘😘
أيهم: بالهلبا😂😂 توا من هنا لغادي بش نشبعو ضحك ههههه يا واللهي حوال
ريماس ضربت أيهم على كتفه : شنوا توا...قاعد تغزرلي من بكري...طلع الفاليز (الحقيبة) من الكرهبة (سيارة)
أيهم: اللهم إن كان سحرا فأبطله...فاااليز؟؟؟؟ كرهبة؟؟؟؟
ريم: هههه يا روحي تقول أمك مش تونسية...قصدها نزل حقيبتها من السيارة
أيهم: أوكي من عيوني
ريماس: ايعيشك....يخليلي ولد عمتي الباهي ياربي
أيهم : حي على أمي حي.... ضحكتها وحق ربي ترد الروح...
أمينة : تافه..ههه تنساش بنت عمتك رآه متحشمناش بخفتك 😒😒😒
أيهم: صكري فمك😡
-------------
بعد ساعات غيرو حوايجهم و قعدو يهدرزو في بيتهم...ريماس بتقعد مع أمينة في دارها...تلقاها مجهزتلها سرير ومكتب وكل شي....غرفتها تكون فالدور التاني نفس مدخل خوتها الشباب.
ريماس: ايعيش أختي أمينة...محلاها بلاصتكم ومحلاها داركم...فرحانة برشا والله
أمينة : وأنا أكثر والله كساد بروحي..طول عمري نتمنا عند أخت وأهو جيتينا انتي
ريماس: أما أنا تربصي هوني يبقا عام وانروح لتونس إن شاء الله
أمينة: المهم بنتونسو بيك حبيبتي أنستينا
ريماس: نحب نطلع للجردة ندور فيها اتهبل
أمينة: الحديقة برا قصدك؟؟؟
ريماس: إيه
أمينة : أوكي امشي اهو بنخش للحمام ونلحقك بس ردي بالك تطلعي برا الشارع إنتي تعرفي مش نفس الشي هنا وغادي فهمتي عليا
ريماس: فهمت حاضر توا نبقا ندور ونقعد في الكرسي لين تجي باهي
أمينة: اوكي
------------- نزلت ريماس للجنينة...وقعدت تتمشا: محلاها لبلاصة...اتهبل...واسع حوشهم و نحس في روحي مرتاحة تقول ما طلعتش من تونس...نفس الريحه...نفس الجو...حتى اللهجة مش بعيدة علينا...يلا توا نتعود
هيا واقفة وتشوف في شاب لابس بدلة رياضية داخل للحوش
ريماس : ياماما 😱😱 زعمه سارق..يح بيني 😮
ريماس متخافيش إنتي نسيتي إنك كوتش فالتايك واندو ولا
مشت ريماس بشوية و تجيه من تالي منغير ما تشوفه و تضربه على راسه ضربة مكانتش قوية 😂😂😂😂
أحمد : بسم الله...من أنتي؟ ؟؟ المرة الجاية اتعلمي كيف تضربي هههه جاية لواحد كيف امروح من صالون الرياضة و تضرب فيه
ريماس : انتا لي شكون...مش آنا..اخرج برااا....اجروووولي...عمتي....ساااارق
أحمد : حمارة هاذا حوشنا...بعدين خيرك دايرة في نفسك هكي...
ريماس : حوشكم؟؟؟؟ ايعيشك فهمني عاود لي قلتو
أحمد : ايعيشك 😂😂😂😂😂😂 توا فهمت...إنتي ريماس بنت خالي...أنا أحمد يا حيوانة 😂
ريماس : هههههه سمحني...نحسابك سارق و سلمت عليه بالبوس زي العادة😂😂😂
أحمد : أنستينا يا بنت..بس ننصحك معادش تتفرجي هلبا فالأفلام وتوا نستاذن بناخذ دوش ونرقد
ريماس : امشي...ولا ايجا هوني...غدوة قررت نمشي معاك لصالة الرياضة
أحمد مات من الضحك: واللهي هههههه اتخيلي انتي بالمنظر هاذا ومعاي في صالة كلها شباب...كاااارثة يا أخت😂😂😂😂😂😂 انسي الموضوع أوكي رآه مش نفس العيشة هنا وفي تونس بعدين توا نشرحلك كل شي واضح
ريماس : تي امشي....على أساس الصالة بي اسمك...والله غدوة نمشي وتوا تشوف
أحمد : يلاااا...وجك
ريماس: شنوا قصدهم بوجك. ..وجك...شبيه وجهي...زعمه موش عاجبهم 😒😒😰😰
------------
فالليل
ريم دخلت للمربوعه : أحمد...أمير...أيهم تعالو الليلة بنتعشو كلنا في نفس السفرة...نبو نفرحو باسراء وهيا تحب جو اللمة
أمير: الثرثارة هاذيك...أنا وياها على نفس الطاولة...اوووف
أيهم: أمي والله ورحمة بوي أحسن ما درتي😂😂😂
أحمد لأيهم: أنا عارفك يا حقير 😂😂 معندكش الروح مع البنات هههههه
أمير : شن هالكلام...متنساش بنت خالك أمانة عندنا وجو المفرخ هاذا معاش تحكوه مفهوم
أحمد : انبصرو يا عمي تي خيرك
أيهم : سي الدكتور...واضح كلامك...نبصرو رآه
ريم: ريماااس...أمينة انزلوو يلا العشا واتي
وهما قاعدين يتعشو
ريماس جالسة مقابلة أمير تاكل وتحكي 😂😂😂 وأمير طبعا هاااادئ وميحبش من يتكلم وقت ياكل
ريماس : يا ماما لو تشوفو...نحساب أحمد سارق وضربته مبدري
أحمد : ههه إيه بس متعرفش تضرب حمارة 😂
أيهم : ياريتها فيا ههههه
ريماس : تبي تاكل خبطة حتى انتا
أمينة : أي والله تبرديلي على قلبي زي ما تقولي
يهدرزو كلهم و يضحكو و ريماس دخلتهم الحياة لحوشهم بعفويتها و ضحكتها
فجأة قالت : عمتي بنسألك...أمير ولدك عنده نوع من التوحد؟؟؟؟؟؟
أحمد وأيهم طاحو من الضحك😂😂😂😂
أمينة مصدومة 😣 خافت منه مكانها
أمير نزل كاشيكه و شبحلها...يتبع