أحببت تونسية ( روايات ليبية )

حلقة 16

رواية #أحببت_تونسية
( خيال ممزوج بلواقع )
للكاتبة #ندي_أحمد
الرواية بلهجة الليبية
حلقة 16 ❤️
🔥

امير وصل للحوش ضرب فرينو قوي نين سمعاته امه ...طلعت تجري هيا و أمينة
ريم= يا وليدي شن صاير ..متثليش بنت خوي صارتلها حاجه
امير جبينه كله عرق و عيونه متورمات و يلهث و يتنفس بصعوبة.....طاح قدام امه راكع على رجليه
علاااااش ما قلتيليش من الأول ...علاش خليتيني عايش في كذبة طول عمري....علاش
ريم شكت انه عرف فالموضوع= امينه اطلعي لغرفتك....
امينة =بس امير ...خوي...خيره
امير = اسمعي كلام امك يلاااااا...خلينا بروحنا
ريم = شن تحكي يا وليدي
أمير = كل شي انكشف ليوم مفيش داعي تخبي ليا اكثر
ريم نزلت على ركايبها ضماته= انتا كبدي والله منتحملش نشوفك هكي ...نوض كلمني زي العادة وانتا رافع راسك يا وليدي
امير= منيش وليدك....من أمي و من أهلي و شن قصتي....انتي علاش درتي فيا هكي....
ريم = والله العظيم عشان خاطرك والله دسيت عليك كل هالسنين على خاطر حياتك ونفسيتك
امير = نفسيتي...عشان خاطري ...انتي كذبتي عليااا....من وين جايبيني من ويييييين....
أيهم كان يسمع فيهم من ورا الباب منغير ما يشوفوه
ريم = انا حنحكيلك كل شي خليلي بس فرصة....اول ما تزوجت وجيت لليبيا مع بوك سكنت جنبنا امك الله يرحمها ...انا قعدت عامين منجيبش صغار ...امك كانت طيبة بكل و احسن عشرة تقريبا انا وياها نفس العمر...كانت اختي فالغربة من اول ما جيت من تونس مع بوك...امك حملت قبلي وولدت و عشان ما نحسش كانت تجيبك كل يوم عندي ...كنت ماشاء الله عليك تبسيمة يا وليدي وسط قلبي ما يمرش يومي منغير ما نشوفك .....حسيتك جزء مني...كانت امك دكتورة هيا وبوك الله يرحمهم....تمشي للعيادة و تخليك عندي
نتذكر زي توا وانتا عمرك ثلاث شهور جاباتك الصبح...و طلعت هيا وبوك...قداش ما ضماتك يومتها ووصتني عليك...تقول حاسة بشي ..بعد ما طلعو بساعه جاني خبرهم اتقلبت بيهم السيارة هيا وبوك وماتو يومتها انقرهت عليهاااا متت فقدت وخية ما جابتهاش امي..
امير يبكي بحرقة ولاول مرة يبكي منغير ما يخبي دموعه على امه= يعني انا......
ريم = اسكت ما تقولهاش....انتا ولدي تفهم ولا لاء ...انتا اغلى من احمد وايهم لي من صلبي تفهم ولا لاء,,,لو حسستك في يوم انك موش وليدي قووول وواجهني...سألتك بالله يا أمير انا حسستك بهالشي قوووول
امير ما رفعش راسه= باهي علاش ما قلتيليش...علاش ما علمتينيش
ريم= وشن لي يتغير...تعرف لو قتلك وانتا صغير في رايك كنت تعيش عادي و تصير دكتور يضربو بيه المثل هااااااا قوووول
امير حضن امه بكل قوته وتم يبكي وكأنه يبكي على فقدان امه لي جاباته تواااا....عبارة سمع خبر وفات امه وبوه الحقيقيين وقتهاااا....كأنه بكاء عمره الكل
ريم حاضناته= ابكي يا كبدي....والله لو نموووت ما نسلمش فييييك سامحني سامحني يا ريتني متت وما شفت دموعك
امير= اسكتي يا أمي اسكتي انا ممنقدرش نعيش منغيرك....لو مش انتي ماكانتش حياتي
أيهم يبكي هوا وامينة صدمهم الخبر = امينة اياك يعرفو ان نحنا ندري بالموضوع واضح
امينة = بس
ايهم = لا بس لا شي امير خونا الكبير زي اليوم زي بكرا ولو فتحنا الموضوع حتتعب نفسيته اكثر
امينة = ايه عندك حق....بس امي علاش ما قالتش حتى ليناا احنااا
ايهم= خلاص سكري عالموضوع
احمد في المصحه ايفكر في شن صاير مع ريماس....
ريماس= دكتور...انا وين...وين امير
الدكتور = اهو جاي فالطريق
احمد = امير...وينك يا خوي وينك
امير دخل المصحه وكأنه رافع ثقل العالم على كتافه= ها طمني على ريماس
احمد= اقعد جنبي(احمد يتصرف وكانه ما عرفش ان امير موش خوه من دمه)
امير = شنو فيه خير
احمد= ريماس
امير= شن فيها...احكي
احمد= فاقت من الغيبوبة
امير = حمد لله ...حمد لله يارب
احمد = بس
امير = بس شنو
احمد = بس هيا فقدت الذاكرة
امير = شنووووو....لالا تكذب ...قول انك تكذب
احمد= ما تتذكر شي غير اسم امير دخلتلها ما عرفتنيش....هيا مش متذكرة حتى اسمها....متذكراتك انتا بس
امير ناض يجري دخل لمكتب الدكتور
الدكتور=اتفضل دكتور امير شن في..اكيد تبي تسأل على مريضتكم
امير = صحيح هيا فاقدة الذاكرة حاليا
الدكتور= منخبيش عليك ايه هيا جتها فقدان ذاكرة ممكن وقتي و ممكن ابدي
امير= كيف
الدكتور = هي ما تتذكر شي غير اسمك...يعني انتا نقطة البداية لحياتها الجديدة ...الموضوع في ايديك...انتا يا اما تنقذها يا اما تغرقها وانتا اختار
امير = يعني...؟؟؟؟
الدكتور= يعني انتا من اليوم مش لازم تفارقها ولا لحظة,,,انتا محيطها النفسي و دكتورها الخاص
امير = بس يا دكتور انا تخصصي اسنان مش نفسي
الدكتور= الرعاية النفسية ما تبيلهاش دروس و دراسات تبيلها قلب حي بس..وانسان
امير = فهمتك يا دكتور توا نستاذن
دخل لغرفة ريماس
ريماس اول ما شافاته اتبسمت= امير انا وين...نبي انروح....انتا وين كنت....
بس للاسف رريماس ناسية كل تفاصيل الماضي ناسية انها حباته و ناسية انها تموت فيه و انها اعترفت بحبه...هيا تتذكر انه شخص موجود في حياتها بس....
امير قعد جنبها = انتي تمام يا ريماس
ريماس= من ريماس؟؟؟؟
امير= الحلوة هاذي لي جالسة قدامي اسمها ريماس....انا سميتك ريماس من ليوم
ريماس= ههههه مزيان برشا الاسم...اما انا علاش معاك هناااا...اتا شنو تقربلي
امير= انا....فالحقيقة....ولد عمتك و استاذك و صديقك مفهوم
ريماس= ايه باهي فهمتك...راسي رزين برشاااا شنوا صار
امير اللي كان قاسي زي الحجر ...امير لي ما يقدرش يحكي كلام ورا بعض...امير لي ديما مسكر على روحه بين الكتب تاعه صار لين و مهتم بريماس و كأنها بنته....ريماس فعلا غيراته
امير= يلا انروحو للحوش...
ريماس= معاك
امير حط يده على خدها= ايه معاي
ريماس= متخلينيش وحدي...انتا اكثر واحد شفتو في غيبوبتي...منجمش نرتاح و نحس بالامان غير لما تكون قريب مني...زعمه علاش...شكونك انتي
امير= ماه قتلك نحنا صحاب
ريماس ابتسمت رغم التعب........مسكت امير من ايده...شدت قبضتها على يده
امير في سره = منغير ما تشدي على قبضتي يا ريماس انا مش حنرخي يدي من يدك غير لما نكون بالكفن....نوعدك
طلعو من الغرفة و ريماس كانت شاداته من يده بكل قوتها خطمو من قدام احمد لي جالس و شبحهم...
احمد حس بالقهر و حس نار والعه فيه مكان شيبي غيره يقرب من ريماس....طلع بسرعه و ركب سيارته
احمد = علااااش.....علاش امير موش نا علااااااااااش.....
دخل لصالة الرياضة...تم يضرب بوكس ة يتدرب وهوا مشهد ريماس لي ماسكة امير قدام عيونه.....يصرب بكل قوته وايعيط= ريماااس اطلعي من راسي.....اطلعي.....من قلبي...صوت ضحكتك في وذاني.... ريماس متخلينيش نكره خوووي على خاطرك.... ريماااس نحبك ريماااس.....يتبع