أحببت تونسية ( روايات ليبية )

حلقة 7

رواية #أحببت_تونسية
( خيال ممزوج بلواقع )
للكاتبة #ندي_أحمد
الرواية بلهجة الليبية
حلقة 7 ❤️
🔥

ريماس و أمير مازالهم واقفين قدام البحر
ريماس = يا مينتي تعبت وووه نحب نقعد
قعدت على الشط و قعد جنبها أمير
أمير ساكت و يتأمل فالبحر و يفكر = انا علاش نحس في روحي مرتاح و منبيش الوقت يمر ممكن انا معطيتش الفرصة لاحاسيسي ولا مرة .... عمل و مصحه وكلية ممكن هاذا السبب
ريماس =تعرف لاول مرة نحس في روحي منحبش نتكلم هههه افرح عاد
امير التفتلها ورجع يتأمل فالبحر وساكت
ريماس قعدت رافعه عيونها فيه وتقول في سرها= معمريش قابلت انسان على هيأة جبل... ما يهزه شي .... يعني اول مرة نحس انو فما انسان أقوى مني و غلبني.... اما يا أمير أنا بش ندخل لعالمك الغامض وموش بش نخرج منوو
أمير التفتلها وشاور براسه يعني خيرك
ريماس= ضحكت ...لا شي حبيت نقلك ايعيشك والله محلاها الخرجة ...انا نحب البحر برشاا... كي ماما و الله يرحمها... اتأملت فالبحر و دموعها نزلو.... الله يرحمك قداش خليتي الدنيا فارغة من بعدك
أمير مكان شيبي يقطع حديثها و اتصرف كانه مش منتبه عليها...ريماس حست ان متلقاش احسن من هاذي اللحظة حتى اتفرغ قلبهااا بالرغم من وجود امير...هيا واصلت حديثها
ريماس= انا تحملت مسؤوليتي برغم صغيرة....كنت في تونس نخدم ونقرا في نفس الوقت...نمشي لصالة سبورت... و انروح نغسل حوايج خواتي و دبشهم...ثلاثة رجال ...نغسل وانطيب ونقرا...هاذا الكل وانا وقتها مزلت اعدادي...كنت منجمش نرقد فالليل مالتعب...انا حتى طفولتي ما عشتهاش... كلمة ماما ما شبعتش منها...بابا زادا ماصبرش برشا و عرس و شاف حياته و خلانا وحدنا ههههه يكثر خيرها عمتي ريم رغم انها هوني في ليبيا كل شهر تبعثلي مصروف فالوقت لي بابا مايسألش علينا برغم نحنا في نفس لبلاد
امير يسمع فيها وساكت كان يبيها تقول كل شي وهوا كان يبي يسمع كل شي
فجاة ناضت وقربت مالبحر...وعيطت بكل قوتها= باباااا....يالي تخليت عليا في عز عمري..يلي اسمك يسبق اسمي ...انا نكرهك نكرهك نكرههههههك برشااااااا يا سبب غربتي و خروجي من بلادي.....وتمت تبكي بأعلى صوت
أمير ناض وعيونه حمر من كل لي سمعه...وجعه كلامها... وقف مقابلها....=ريماس...انتي طلعتي كل لي في قلبك ابكي ابكي حتى ترتاحي ديري لي مقدرتش انا نديره
ريماس ارتمت في حضنه و تمسكت فيه بيديها و تمت تبكي و أمير واقف كان يبي يحط يده على شعرها يواسيها كان يبي يبكي لبكاها و يصرخ لصراخها....كان يرفع يده توصل قريبة منها و ينزلها يرجعها لوطا ...كان واقف زي الجبل بدون ولا حركة ولا ردة فعل...ريماس احتمت بيه... كانت تشوف فيه لحضتها كل شي
امير= خلاص.....انتي فرغتي قلبك و بكيتي و رتحتي صح...
امير مسكها من كتافها= على فكرة انتي رواية اتهبل
ريماس= شنوااا قلت؟؟؟؟ هكيكا هما ايسكتو لبنات ... انا مسلسل مش رواية ههههه سمحني ايعيشكنكدتها في لخر
امير = لا بلعكس المهم انتي ارتحتي وقلتي لي تبيه... بس كيف تحكي شي يخصك قدامي
ريماس= هههههه لأنك حتى انتا تخصني....
أمير دار الحولة وقلها =يلا الوقت تأخر لازم نرجعو للحوش والا امي تتحير
ريماس= برشا برشا يا مدلل تارارااااا
أمير = لا وراس لي يعز عليك لااا متبديش في هبالك ..والله سمحه انتي حتى فالنسخه تع النكد ...تي خيرك بسرعه تتحولي بسم الله
ريماس = اسمع انا نتنكد دقيقة وكاهاو
امير= كاهاو
ريماس = بس معناها تي شبيك ... اول مرة نشوف دكتور ما يفهمش
امير = دكتور اسنان مش تخصص لهجات
طلعو فالسيارة
ريماس = هههههه طلعت مش خاطفني يا سي
امير اتبسم و سكت
ريماس= ايوااااش...رجعنا للتوحد...هاني نقلك انا بش نغني وانتا اتصرف البس سماعات والا استحملني عادي ...
كل الطريق و ريماس اتغني مرة و تضحك مرة و مرة تحكي نكت بايخه ههههههه امير كان مرة يتبسم و مرة يسكتها وأغلب الطريق ساكت و مرات يسترق نضرات و يتأمل فيها وهيا تغني
في الحوش
احمد =اهو امير تركلي رسالة شوية و يوصلو
امينة= ياااي كل شي جاهز..وينك يا أيهم تعااالااا
أحمد هههه من بدري وهوا يساوي في شعراته
أيهم= من غبر قرمة اهو جيت
ريم= اكيد توا تفرح بنت خوي بالمفاجأة... حتى هيا تستحق لي عاناته من خوي موش شوية الله يهديه
احمد وأيهم و أمينة مستغربين من كلام امهم هما عارفين ان امها ميتة بس ما يدروش على حياتها شن صار معاها
درس امير السيارة و فتح لريماس الباب= يلا يا نشاز انزلي
ريماس=حسسسرة عليك...يا غاير من صوتي
وصلو للحوش و دخلو وكانت الدنيا ظلام... امير اتعمد يخليها هيا لي تدخل بالاول
امير = انا بنطلع داري نرتاح من الباب لي ورا...انتي ادخلي سلام
ريماس ناداته وهوا ماشي... التفت
ريماس= ايعيشك
امير اتسملها وهز براسه ومشا
دخلت ريماس تلقا الدنيا ظلام... مشت شوية و نادت = يااااهوووو... الضو مقصوص ولا شنيااا....عمتي وينك
فجأة تشوف في شموع و الكلهم قالو بصوت واحد كل سنة وانتي طيبة ريماس
ريماس ما صدقتش لي شافاته... اول مرة في حياتها تحتفل بعيد ميلادها
أحمد= كل سنة وانتي طيبة يا شيييينة
ريماس حضناته= حموووودي ايعيش خوويا ياربي والله قداش فرحت
أيهم = يا الصقع العمر كله
ريماس= هههههههههه صقع شنوااا اهي الدنيا سخونة تشعل
أيهم ههههه حمااارة يا بنت خالي .... حضنها و باسها اربع بوسات
ريماس= حبيبي والله ايفرحك ايعيش الزين يا ربي
أحمد لأيهم= والله ما شفت زيك في اغتنام الفرص...خزززززي اربع بوسات وحضن
أيهم = اسكت ...تف يا محسدي
ريماس كانت بتطير من الفرح فتحو اغاني و عمتها عيونها دمعت لما شافت الفرحه في عيونها
امينة= خيتي احلى اخت فالدنيااااااا
ريماس = مش عارفة كيفاش نشكركم والله كنت ناسية اصلا ان اليوم هوا عيد ميلادي
كلهم يضحكو و جوهم حلو و قسمت الكيكة و قعدو سهرانين فالمربوعه
ريماس افتقدت أمير... زعمه علاش ما جاش معانا
أمير كان يشوف في كل شي من فوق منغير ما فطنله حد.... كان يشوف في فرحة ريماس و كأنه شاف الدنيا
ريماس رن فونها فجأة شافت رسالة لقتها من أمير= لما تكملي رقصك وغناك و صوتك لي واصل لداري فوق و ضحكك لي يوجع الراس اتفقدي شنطتك كويس... العمر كله
ريماس فرحت لما شافت الرسالة... طارت من فرحتهاااا
خلصت الحفلة... ريماس و امينة طلعو لدارهم
امينة رقدت بسرعه...وريماس كانت متشوقة تفتح شنطتها
ناضت منغير ما تحس عليها امينة...فتحت الشنطة... لقت فيها صندوق صغير....فتحاته......ريماس مصدومة ....يتبع