أحببت تونسية ( روايات ليبية )

حلقة 4

رواية #أحببت_تونسية
( خيال ممزوج بلواقع )
للكاتبة #ندي_أحمد
الرواية بلهجة الليبية
حلقة 4 ❤️
🔥

ريماس: هاااي...عسلامة...مش انتوما الزوز نفس تخصصي؟؟؟
يونس : ايه...انتي التونسية ماه
ريماس : اسمي ريماس...وتذكرت كلام أمينة مش ضروري منه البوس😂😂😂مدت يدها وسلمت عالشباب الكل
يونس : مرحبا بيك...أنا يونس وهاذم صحابي...عمر و فاروق و ياسين
سلمت عليهم كلهم و هما مستغربين إنها جوها مليح وواخذة راحتها وتضحك عادي
ريماس : ياخي شبيهم لبنات يغزرولي هكيكا مستغربين...فما حاجة؟؟؟
يونس : لالا غير ممكن لبسك وشكلك وزيد واقفة في شلة شباب مستغربين الحق
فاروق : أما إنتي جوك اوبن وعادي مش متحشمة منا
ريماس : أنا نتعامل في حياتي مع الشباب بس...خوتي كلهم شباب واتربيت في مجتمع مختلط انتم عارفين...هاكا علاش عادي تعاملي مع الجميع😂😂😂😂
عمر: ريماس و يونس ما تنسوش توا محاضرتنا عند الدكتور أمير.ضروري نمشو ما يقبلش من يتأخر
ريماس : عاود شنو قلت...قول والله توا عند دكتور أمير هههه
يونس : من وين تعرفيه...
ريماس: لالا...غير اسمو عجبني...يلا يا لولاد نتلاقو مباعديكا...
فاروق: ولاد !!!!!😒 مباعديكا 😂😂😂 بسم الله عاللهجة
يونس : تونس عالشباب يقولو ولاد...مباعديكا يعني بعدين...
عمر : يونس مهمتك تترجملنا كلامها...مالا أمك تونسية ضروري تساعدنا
ياسين:أما البنت طرف الزح وروحها خفيفة والضحكة خليني ساكت😣 أخخخخخ قلبي😂😂😂
يونس : هههههه توا حضرتك معاش تبي تتغيب على المحاضرات
ياسين :أكيد...ولو في دروس إضافية عادي😂
عمر : كلاب من يومكم والله...يلا للمحاضرة يا دكاترة المستقبل يلا
أمير ماشي لقاعة المحاضرة و هوا ماشي سمع بنات يحكو
شفتو قلك ليوم جت وحدة تونسية جديدة...من أول يوم طيحت أربعه شباب على روسهم 😂😂😂 عليك عار والله
أمير شك إن البنت هيا نفسها ريماس وتضايق من كلامهم وكمل يمشي وهوا مش داري إن ريماس حتكون واحدة من الطلبة تاعه لأنه مش عارف شن دفعتها ولا تخصصها..وصلها للجامعه بس
دخل المحاضرة الكلهم حاضرين...أمير كالعادة بدا المحاضرة بدون تأخير ومن طبعه معروف عليه ما يقبلش ولا طالب متأخر
ريماس كانت فالحمام اتعدل في شعرها زي العادة وصلت متأخرة طفت الباب ودخلت: هاااايااااات....دكتووور ننجم ندخل
أمير مصدوم لما شافها...مش مصدق لي ريماس حتحضر عنده😰دار روحه ميعرفهاش بكل
أمير: بما أنك جديدة...نبي نعلمك آنا ما نقبلش من يجي متأخر وتوا سامحيني برا
ريماس مشت وقربت من مكتبه و قالتله بصوت واطي و الطلبة كلهم ساكتين...
ريماس :أميرووووش...قصدي دكتور اميروش...تعرف كان مقبلتنيش بنقعد هوني ونبدا نبكي ونقول ولد عمتي طردني ونديرلك العار وانتا تعرفني هبلة ونديرها والله😒😒😒
أمير مكانش يجازف بالبرستيج تاعه لأنه عارف ريماس مجنونة وعادي تديرها وتفضحه قدام الطلبة وقال بصوت عالي : بما أنك جديدة ومن بلاد تانية آنا حنعتبرك حالة خاصة ونقبلك بس أول ومرة وآخر مرة...مفهوم
ريماس ضحكت من تحت : ايعيشك...برشا برشا ههه
شاورلها يونس مشت قعدت جنبه
أمير ما عجباتاش لقطة إنها تقعد جنب يونس...كل شوي كان يشبحلهم
ريماس كانت طول الوقت حاطة يدها على خدها واتفكر: قداش مؤدب ولد عمتي...هكا آنا عرفت برشا شباب في حياتي أما هوا مش عارفة فيه شي مختلف...زعما على خاطره موش معبرني...أنا بديت ننعجب بيه....نضراته واحترامه ومواقفه خلوني كل شوية نفكر فيه....بعدها ترجع لوعيها:لالا ريماس انتي شنو تحكي رآه هوا قلك انتي زي أختنا...أصلا هوا موش بش يفكر في وحدة موش بنت بلادو يعني موش ليبية...يلا كملي السنة على خير وارجعي لبلادك 😥
أمير في وسط الدرس فقد التركيز مكانش يقدر يحول عيونه من ريماس .يحكي في سره: ياربي...هالمصيبة وين نمشي تلحقني...شن القصة...أنا ليش متضايق خاطرها قعدت جنب الولد..فالنهاية هي حرة.. أمييير هاذي بنت خالك وضيفتكم من حقك تغير عليها هيا أمانة عندكم بس ضروري اتفرق بين الحياة العادية وعملك....أستغفر الله وكمل المحاضرة وطلع
ريماس فالممر لحقاته : أمير...عسلامة...تبارك الله عليك فهمت منك بلباهي
أمير : هنا تناديني دكتور أمير واضح...
ريماس : باهي دكتور أمير...بش توصلني للدار معاك ولا
أمير :اسف آنا عندي عمل فالمصحه.
ريماس : اصلا عادي توا نكلم أحمد يجيني😒
أمير : أوكي تعالي توا نوصلك..
ريماس فرحت كانت تبي تحضنه زي العادة بس اتذكرت إنه عطاها تنبيه ممنوع الحضن 😂😂😂
كان يمشي بسرعه وهيا وراه ماسكة أوراقها في يدها وتتأمل في مشيته...في تفاصيله...
---------
أحمد راجع من العمل خطم على أيهم
أحمد :ها يا صايع شن جوك ليوم
أيهم : اهو زي العادة...كساد
أحمد : تعرف كلمتني امي تبينا نتعشو برا...قالت تبي مفاجأة ولا شن لريماس بنت خالي..عيد ميلادها
أيهم :والله؟؟؟ جو...بنحصلو بوسات عالأقل
أحمد : يا تافه يا تافه اتق الله راهي بنت خالك الزفت
أيهم : شن فيها يعني.. أنا أصلا معجب بيها تبي الحق...طرف البنت مش فاطنلها
أحمد : هههههه إنتا أي بنت تشوفها تكبد عليها...ربي يتوب عليك يا راجل
يتبع