أحببت تونسية ( روايات ليبية )

حلقة 1 الجزء التاني

رواية #أحببت_تونسية
( خيال ممزوج بلواقع )
للكاتبة #ندي_أحمد
الرواية بلهجة الليبية
حلقة 1 ❤️ الجزء التاني
🔥

ريماس= يارب حمد لله حمد لله دكتور ممكن نشوفه
الدكتور= اسف بس مزال تحت تأثير البنج مش ممكن
ريم أم أمير= باهي وانا يا وليدي كبدي محروقة على وليدي نبي نشوفه
أحمد= دكتور عالاقل خلي امي تدخل
الدكتور= العملية في مكان حساس ضروري يقعد فالعناية المركزة و المريض لسة ما فاق اسف ومشكورين على تفهمكم
ريماس= عمتوو اقعدي هوني ميسالش اول ما يفيق توا يخلونا نشوفوه
ايهم مستغرب=احمد انتا لي قلت لريماس على عملية امير و خليتها تجي
احمد اتنهد و التفت لريماس لي عيونها حمر من العياط و منتفخات و شفايفها لي ما توقفوش على الدعاء= ايه يا ايهم انا مشيت لتونس و قتلها وهيا بسرعه زي المجنونة لو تلقا تطيرله طيران...صحة ليه أمير
أيهم= أحمد انتا ضروري اتطلع ريماس من راسك راه...هيا حبيبة خوك الكبير انتا عارف و الناس الكل تعرف بالموضوع وامير في وضع حرج خليهم مع بعض منغير ما تدخل بيناتهم
أحمد اتنرفز= انتا شن لقيتني مداير,,,انا ربي يعلم بحالي راه نحبها حب ما تعرفاش انتا ولا غيرك....مش بيدي حاولت هلبا هلباااا نبعد عليها بس مقدرتش نشيلها من راسي و من قلبي.... موش قادر
ايهم ناض= اسمع يا أحمد حتى لو قلبك ميبيش ينساها لازم عقلك ينسا و تتغلب على عواطفك مفهوم راه ريماس حتبقى مرت خوك انتا فاهم ولا لاء انتا ضروري تعتبرها اختك زي ما معتبراتك هيا خوها والا حتخرب كل شي
احمد=هههه مسهله الكلام
مشا احمد طلع برا و جلس في سيارته....يفكر= علاش يا ريماس تحبيه هوا وموش اني علاش شن لي يزيد عليا هو... اصلا هوا قداش من مرة بكاك و جرحك و اني ما نتحملش فيك نسمة الريح و اقوليلي زي خوي ههههه غريبة يا دنياااا....قلت نسيتك بس اول ما شفتك في تونس كل شي طاح فالمية.... لا الاه الا الله
ريماس= عمتي....سامحيني
ريم= علاش يا بنيتي
ريماس= رجعت لتونس منغير ما قتلك
ريم= توا لي صار صار يا بنتي المهم ما خليتيهاش بوليدي امير
ريماس= عمتي...لو يطلب روحي نعطيهالو و ما نترددش ....عمتي صح هوا ابنك بالتبني بس انتي امه لي رباته و حتكوني عمتي ام زوجي وعمتي اخت باتي و امي التانية هوني...نحب نقلك لي انا معاش ننجم نبعد على ليبيا معادش ننجم نعيش بعيدة عليكم و على امير...انا روحي تزرعت هوني و هوني تولدت من جديد...ولو يوم خليتكم و مشيت راهو صار شي اقوى مني
ريم= حبيبتي الله لا يحرمني منك طول عمرك طيبة و قلبك طيب حتى اني تعودا بيك و ان شاء الله لما يقوم امير حننزلو لتونس كلنا و نخطبوك من خوتك
ريماس بكت= خواتي يا عمتي...أـي خوات ؟؟؟ لي خلوني بروحي و عدوا لايطاليا و توا سنين لا حس ولا خبر...أي خوت بالله
ريم حضنتها= انا عمتك انا عيلتك مش حنخليك تحتاجي لشي وانا حية
الدكتور= سلام عليكم
أييهم شاف الدكتور من بعيد جاه يجري= خير دكتور امير فيه شي
ريماس= دكتور؟؟؟ شنو فمااا....
ريم= طمنااا يا وليدي
أحمد دخل بسرعه= شنو دكتور خير
الدكتور= مريضكم فاق... من ريماس
ريماس= انا هيا
الدكتور= ههه مرته انتي صح حتى هوا في البنج يهذي باسمك ربي يخليكم لبعض
أحمد وجهه اتغير و عض على شواربه
ريماس= لالا بنت عمته بس ان شاء الله حنكون مرته قريبا و ابتسمت لعمتها و عمتها غمزتها
أحمد ضاق صدره و طلع بسرعه ما ستناش حتى شن يقول الدكتور
ريماس= هوا فاق توا يعني
ريم= نبي نشوفه
الدكتور= من الاحسن كل مرة يدخل واحد ما تدخلوش مع بعض و خمس دقايق لو سمحتو ما تطولوش
ريم= اكيد
ريماس= عمتي ادخل انتي شوفو
ريم دخلت لامير متمدد على فراشه وجهه شاحب و عيونه تعبانة
ريم =يا روحي يا كبدي يا ريتها فيا ولا فيك
امير= ماما... بعيد الشر انا من غيرك منقدرش نواصل نعيش ربي ما يحرمني منك
ريم= ان شاء الله تنوض سالم غانم و نشوفك عريس و نشوف ولاد ولادك يا احلى شي في حياتي
امير= ان شاء الله يا ماما.. قولي ريماس وين
ريم= هههه ايوااا بسرعه مليت من امك... وواخذة عقلك بنت خوي وواخذ عقلها البنية عيونها نشفت من العياط
امير اتبسم= لا واخذة عقلي لا شي ههههه
ريم= اسكت حكتلي كل شي و نوض بخير وحنديرلك اخلى خطوبة
امير اتحشم و سكت= ان شاء الله خير
ريم باساته من جبينه و طلعت
ريم= ريماس يبيك امير
ريماس دخلت كانت لابسة رياضي زي العادة و شعرها نازل على كتافها زي كل مرة ووجهها تعبان و خشمها احمر من البكا...دخلت و امير رافع عيونه فيها كأن ليه سنين ما شافهاش
جلست جنبه ونزلت راسها مش قادرة تشبح لوجه التعبان و لشعره لي معاش موجود و لبدنه لي منهك....مقدرتش تتماسك نزلت دموعهاا
امير= شن يا برو منوووور ههه في كل حالاتك تهبلي ياسرك دموع اهو مازلني حي مش حنتركك ارتاحي
ريماس= برو عينك... انا...خفت عليك برشاااا...ومتغششة منك...وعلاش مقتليش انك مريض راه ما فكرتش ننزل لتونس و نخليك...لو مش أحمد راه ما سمعتش,,, علاش هكا منجمش نعيش منغيرك...طول عمرك وانتا....
أمير= نحبك
ريماس اول مرة تسمعها منه مش مستوعبة كملت حديثها تحساب روحها سمعت غلط= وانتا ديما حاسبني غريبة اتخيل صارلك شين مووت راه والله منجمش نعيش منغيرك... حتى في تونس نحس في روحي مخنوقة بعيدة عليك
أمير= نحبك يا ريماس....مفكرة لي يحبك يقدر يبعد عليك...نحبك و نعشقك وربي و ناويك حلالي
ريماس اتحشمت= ان شاء الله ربي يشفيك و نقعدو مع بعض طول العمر و اتأكد طةل عمري ما نخليكش وحدك
امير= هههههه على اساس متحشمة يا فرخة
ريماس= يا ماصط حتى ووانتا بالصيف احكي تتضومر
امير= ههه ناعليا من هالتونسية خذتلي عقلي
ريماس= عقلك بس اوكي باهي باه
امير= ايوة يا مستر نكد
ريماس= ههههههه عادات و تقاليد يا قلبوووشي...ربي ما يوريني فيك شر
الدكتور= سلام عليكم... انسة خلاص وقت الزيارة خلص لازم يرتاح المريض شوية و بنديرله فحص للجرح
ريماس= باهي سامحني طولت اهو بنخرج
اميرما نزلش عيونه من ريماس نين طلعت من الباب
الدكتور= دكتور أمير توا شن تحس احسن
امير= حمد لله مزالت دوخة شوي بس
الدكتور= عادي عادي هاذاك مزال البنج مأثر فيك أو مرات لي كانت جنبك لي تهذي باسمها جتى وانتا فالعملية تحت البنج
امير= هههههه والله يا دكتور ما نتذكر شي
الدكتو ربي يجمعكم بالحلال
امير= يسلمك بارك الله فيك
الدكتور= بعثنا العينة لفرنسا وان شاء الله يومين ونشوفو النتيجه
امير اتنهد= دكتور نبي منك طلب
الدكتور= اتفضل...
امير= لو طلع خبيث ما تقولش لعيلتي واضح خلي النتايج عندك منبيش حد يعرف و نشوفها منك جميل طول العمر...
الدكتور= استهدا بالله ليش هالكلام تفاءل يا دكتور امير خلي ثقتك بالله قوية وان شاء الله يطلع تحليلك سليم
امير = ان شاء الله
ريماس لسة في القاعه متبيش اتروح= ايهم خوذ عمتي بتكون تعبت اهو انا قاعدة هنا يا عمتي بعدين هوا تمام
ايهم= ايه يا امي ريماس معاها حق بعدين اهو شفتيه و طمنتي وجهك شاحب يلايلا
ريم= لا منبيش نخلي وليدي بروحه
ريماس=عمتي واللهي هوا لاباس عليه اصلا انا هوني مانيش امروحة اصلا انا دكتورة ممكن يخلوني نبقا في غرفة الدكاترة نرتاح اطمني
ريم= باهي يسترك يا بنتي...
ايهم= ريماس رقمي عندك اي شي تبيه يجي وتوا نرجعلك بعد انوصل امي
ريماس= باهي
طلعو كلهم رجعو للحوش واحمد شافهم من سيارته لي دارسها جنب
احمد=الو ايهم...خيركم خليتو ريماس بروحها اكيد تكون تاعبة البنت
ايهم= هيا متبيش اتروح بعدين ماما تعبانة روحت بيها و راجع فالليل انروح بريماس
احمد= لالا خليك توا انروح بيها
ايهم= هاذا لو رضت اتروح معاك
احمد= مش وقتك توا
ريماس جالسة عالكرسي قدام غرفة امير كل شوية تنوض تشوفه من البلور تع الغرفة و ترجع لكرسيها... بس هالمرة هزها النوم من التعب....رقدت عالكرسي
احمد دخل المصحة التفت شاف ريماس راقدة عالكرسي قرب و جلس جنبها و بقا يتأمل في ملامحها....شافها قداش هيا تاعبة...اخذ الجاكيت تاعه رماها على كتافها و ناض منغير ما تحس عليه و طلع جلس في مكان هوا يشوفها و هيا ما تشوفاش
أحمد مقابلها و يشبحلها وهيا نايمة = قداش مخلصة يا ريماس...معقولة تحبي خوي لهالدرجة معقول يومين ما نمتيش و متبيش تروحي ترتاحي...انا منقدرش نروح و نخليك بروحك مستحيل...انتي كل مرة اطلبي مني اني نبعد عليك بس منقدرش منقدرش نشوفك تعبانة بروحك و نمشي انا بنقعد معاك زي ظلك منغير ما تحسي عليا لين نشوفك فرحانة و مرتاحه مع خوي بعدها حنختفي من حياتكم وعد يا ريماس وعد و نزلت دموعه وحول عيونه من عليها.....
يتبع....