🌼جنتي🌼( كرونيك باللهجة التونسية : مكتملة )

part 6

💚💙
شعل سيڨارو جديد ونفخو في الهواء ،دخل بوه ،قعد بجنبو وهو ما تحركش حتى خزرة ماخزرهاش
"مشيتلها"
"المجنونة"
"مازلت ماخو في خاطرك من الكلمة"
سكت ماجاوبش ،قرب منو و حط يدو على كتفو "وين مخمم توصل معاها "
ماجاوبوش" هي...مريضة وحالتها صعيبة واذا برات من مرضها بدنها تاعب و.."
وقف وهز باكو الدخان" كلمت صاحبي في بلجيكيا ،لقالك خدمة في الشركة متاعو ،و قال ايلي حد مايعرف ايلي صار معاك ،حضرتلك الاوراق"
"مانيش ماشي لحتى بلاصة "
"شتقعد تعمل هوني"
"نتبع في المجنونة "
صرفڨ الباب وراه وخرج ،ضرب بوه الطاولة بايدو ،طاح ايلي فوقها وتفرت في القاعة،نفخ بضيق ولدو ملي دخل للحبس ولى حد اخر .
ضربة اثنين يتفقد تاليفونو ،ها الفرملية لتو لا تكلمت اووووف،يمشي ويجي مقابل السبيطار راحي سواڨر قريب تلاثة باكوات شوي اخر و تشيط رواريه ،صونى تاليفونو نومرو مايعرفهوش ،هي باز هي
"الو "
"الو انا الفرملية...
" لقيت ليليا ..قلي لقيتها ،نجمت توصللها ؟!!
"وي لقيتها "
"اووو ..اوووو يا الله ،هي وينهي ،قصدي لاباس ،شنوة حالها ،مريضة بارشا "
"بالشوية ،بالشوية ،انت خطيبها ...يعني ..."
"لازمني نكون خطيبها ،...اسمع تنجمش تخطفلها تصويرة ،نحب نراها ،ابعثهالي تو"
تلفتت للراقدة في سابع نومة " توا؟!"
"اسمع ،الله يخليك تصويرة وحدة ،نشوفها وايلي تطلب نعطيك "
"باهي لحظة"
وقف قلبو ،شيراها واخيرا ،شيشوفها بعد ها الشهور ،هز راسو للسماء يا رب ليك الحمد ،وصلو مساج ،رعشت يدو ورزنت ،امشي حل امشي ،حلو لقى تصويرتها ،راقدة ،دمعت عينو ،مازالت ترقد بنفس الطريقة كيف ماعرفها ،عدى يدو تقول قدامو يتلمس في وجها ،يحبها ،تأكد ايلي بمرضها بعقلها الخسيس حبها ،والحب بلا ميعاد وبلا شروط ،قعد يخزرلها و ضايع في عوالم اخرى فيقتو الفرملية "شنوة ريتها "
"ايه ،ايه ريتها ،انت عملت حاجة ماننساهاش ،انت ...انت توا تطلب نعطيك "
"أنا كي نرى حد كيفك يحب بالطريقة هاذي مانطلب كان ربي يلم شملكم "
غلبتو دمعتو ومانجمش يفضح روحو بصوتو ايلي شلق ايلي هو باكي"الو ...الو "
علق ومانجم يعمل شي كان يعلق ،قعدانو هكا موش حل ،لازم يراها لازم تراه .
علق باش ما يفضحش دموعو واحساسو وضعفو ،شاف وجها وهي راقدة قداه ملى عينو بيها وقت هو متخبي وهارب ،قداه شاف خيالها وهو  بين حيوط الحبس ،تفكر جوها ضحكها تعنيقتها ،كلمة جهنم في فمها ،دلالها ،البراءة ايلي فيها ،كل شي فيها دنيا مالازمش تفنى.
***"""
طقس شتاء  وهي تمشي ،تنفخت و الماء دخل لساقيها ،كان هي ايلي تمشي في هاك الشارع ،ايلي هذا فر فر من المطر ،وفيها الريح ينفخ يزيد يجمد ،وماعلى بالها اصلا موش هوني عقلها في حاجات اخرين ،عياط ليليا ،وهي تتخبط بين يدين الفراملة ،عينها المحوقة ،بدنها الضعيف ،خزرتها وهي تخلي فيها وراها في هاك الجبل البعيد ,  صوتها وهي تنادي تستعطف فيا وتطلب في السماح ،علاش طلبت السماح ؟! علاش تترجى فيها وهي السبب في ايلي يجرالها الكل ،موش هي ايلي تفاهمت مع رمزي باش يعطيها الدواء الغالط ،باش تهبل ،باش تهز تقتلها وتغرقها باش اطيشها في قلب القوايل في جبل مهجور وطريق ماعندوش نهاية ،هي ايلي لازم تطلب السماح ، وتبوسلها ساقها وتترجاها تسامحها ،كيفاش قسى قلبها عليها ،كيفاه تخلت ورماتها ،وقفت والمطر تصب عليها ،خليها تتبل فماش ما تغسللها ذنوبها شوي ،اش باش يغسل هاك الذنوب بربي ،على جال راجل كل همو مصلحتو وكلينيكو هي تقتل اختها ،هبطت على ركايبها ،ماعادش عندها القوة تاقف عليها ،كل ايلي يراها يقول شبيها ،داخت ؟! صارتلها حاجة!؟ طاحت !؟ غلبها الماء!؟ لكن حد ماشاف دموعها ايلي تخلطت مع المطر .
أوّل حاجة عملتها جرات للسبيطار وين اختها ،طلبت تقابلها و تشوفها ،منعوها قالولها حالتها ماتسمحش تو ،قالتلهم انا اختها ،انا عايلتها الكل ،صدموها كي قالولها اهر مرة وقت ايلي شافتك دخلت في هيستيريا ومانجمنا نكنترولوها كان بالسيف ،خرجت تكركر في ساقيها ،من حقها ماتقبلهاش و ماتراهاش ،من حقها تتخلى عليها و تبعثها وراها ،قالولها في السبيطار فمة واحد كل مرة يجي يسأل ويطلب يقابلها لكن ماسمحلوش لنفس السبب ،تتفكر راتو مرة  جاء قعد.جنبها وقتها ما سألتوش شكونك وشنوة صيلتك بيها ،توا جات لبالها ،وجهو بين عينيها  رجعت عجاجة للطبيب وسألت عليه قالها اسمو "خالد ومايعرفش لقبو واذا جاء مرة اخرى يقلوا يكلمها ،خلاتلو الكوردوناي متاعها الكل ،تاليفونها تاليفون الدار عنوانها حتى من الايميل خلاتو ،المهم يوصللها .
تصويرة ليليا وهي راقدة ولات اخر حاجة يراها قبل مايرقد واول حاجة كي يفيق ،تصويرة طفلة صغيرة ،من الجنة هبطت ،لا كذب يبان عليها ولا خديعة ولا حتى نية خايبة ،زاد بيه التخمام و مانجمش يقعد بعيد خطوتين عليها وماينجمش لا يراها لا يسمع صوتها ،بكر من غدوة ومشى لطبيبها ،مايفهم شي لازم يراها حتى من غير ماتراه هي
"بون أنا فاهم وعارف شنوة شتقول ،مستحيل ممنوع ماانجمش موش باهي ...ايلي هو ...أنا لازمني نراها ،باش نحلفلك ايلي كي تراني ممكن حالتها تتحسن ،دكتور خليني نراها لحظة وحدة نشوفها نطمن عليها بعيني "
"سي خالد اذا ماخليناش اختها تدخللها ،كيفاه نخلوك انت ؟؟ وعلى فكرة اختها تحب تتصل بيك وخلاتلنا نومروها باش تحكي معاك "
"اختها !؟ "
"وي يظهرلي ريتها مرة "
غمض عينو يبعد في اي تصويرة غير تصويرة ليليا "نحب نراها ،باهي انت تخاف تصيرلها نكسة ،جرب قلها كلمة " جهنم " جرب اجبدها قدامها تو تشوف قداه تفرح وقداه ترتاح "
كلمة جهنم اكثر كلمة كانت تعاودها ليليا ،مافهموش قصدها طبيبها النفسي حاول يحكي ويعرف لكن هي تعاودها اكاهاو ،ودوب ماضوت لسهى لكن سر بينها وبين روحها خلاتو"جهنم !؟ شنوة حكاية جهنم "استفسر وهو يعرف ايلي كلمة جهنم هي عبارة مفتاح لحالتها
" أنا جهنم بالنسبة ليها ،بون موش بمعنى جهنم اما علاقتنا حاجة اخرى ،خليني نراها مرة وحدة "
سكت الطبيب وهو حاسس ايلي اخيرا لقى حل لحالتها " باهي" اخيرا تكلم ،ماصدقش ايلي سمعو ،شيراها ،شيشم ريحتها شيملى عينو بيها ،ضحك ضحكة قلة ثقة" يعني شنراها "
"وي ،وتوا زادا "
وقف وتبسم لخالد ،لا هاذي موش فذلكة ،تنطر من الكرسي وجاء واقف"انت ماكش تفذلك "
"بالعكس،حالة ليليا تهمنا بارشا ،و كي نلقاو حتى امل صغير لازم نشدو فيه ،والامل هذا انت "
مشى بيه لوين هي ،شافتو سهى مع بعضهم فهمت كل شي ،حبت تشوف ردة فعلها و تتأكد من العلاقة بين ها الزوز،مشات وراهم  ،وقت تحل الباب وكيف كل مرة تكون ماعلى بالها عاطيتهم بظهرها و لاهية في الشباك ,مع خطواتو الاولانين ،رعشت يدها وتلفتت لا اراديا ،اول ماجات عينها عليه تمسمرت تقول تصدمت،خاف الطبيب خاصة ايلي حالتها مابينت حتى اشارة ايلي الاومور صفا .
,مع خطواتو الاولانين ،رعشت يدها وتلفتت لا ارادي
ا ،اول ماجات عينها عليه تمسمرت تقول تصدمت،خاف الطبيب خاصة ايلي حالتها مابينت حتى اشارة ايلي الاومور صفا ،قلب خالد وقف في بلاصتو ،معقول تكون نساتو في ها الشهور ايلي تعدو !؟ ركزت في عينو الخضراء "جنة " اول ماخرجت الكلمة جراتلو وتعنكشت فيه ،موش مصدق خلينا نقول حد ماصدق،عنقتو بلهفة و ساقيها بين هواء وفضاء ،طار بيها في الهواء وهو يجبد فيها ليه اكثر ماينجم ،هبطها من عندو وهو يضحك "تفكرتني،انا جهنم موش قتلك انا معاك ،هاني جيتك " ضحكت وهي تمد يدها لرقبتو وتعاود تعنقو ،الطبيب جبد كرسي وقعد لانو يحس في روحو موش منجم ياقف ،اخيرا لقى حل لحالتها ،وراه وقفت سهى ،شافتو يعنق فيها وشافتها فرحانة تنڨز تقول طفلة صغيرة ،حست بروحها في خشمها صدرها رزين ونفسها ضاق ،خرجت وخلاتهم ،جرات للجنينة وين خذات كمية هواء كافية ترجعلها الروح،اتكت على شجرة فم وهي تتفقد في نفسها على صدرها ،شنوة قاعد يصير معاها ،موش هي ايلي عاونتو وراتو تصويرتها ،موش سختها وهي تعاود ليل ونهار "جهنم ،جهنم" علاه تحس في روحها موش مرتاحة مالا.
مانجمتش تسيبو ولا تفارقو ،عملت كل شي متوحشة تعملو ،عنقتو ،باستو ،لعبت بلحيتو ،نڨزت معاه جرات ،شدت يدو وكبست عليها ،غمضت عينها و سيبت روحها معاه ،الضحكة مافارقتوش ،معاها نسى روحو نسى الطبة الفراملة ،بوه ،الحبس الماضي ،كل شي حاجة برك قدام عينو : جنة مانجمش يقلها ليليا بالنسبة ليه اسمو جهنم و اسمها جنة ،وقت قالولو وفات الزيارة نجمتش تبعد ،ولاات نضرب فيهم باش مايقربوش ،هداها خالد وهو يدورها ليه " تتفكر شنوة كنا نعملو قبل ،انا نرقد في بلاصة وانت في بلاصة ،هكا شنعملو تو ،غدوة تلقاني مع الصباح هوني "
خزرت لعينو تتأكد من كلامو ،ماعرفتش فيهم الكذب ،عاودت عنقتو وودعتو فوق من قلبها ،طاعتها ليه خلاو الكل يبهتو في لحظة حل كل شي بكلمتين قلب كل شي .
من هاك اليوم وهاك اللحظة بالذات اسم ليليا تنسى بين الاوراق ،ولات جنة حتى كي يحكو معاها يقولولها جنة ،اقعد جنة ،هيا جنة وقت الدواء ،هيا جنة ماشين للطبيب،تفرح بارشا للاسم ،وتفرح اكثر كي يحل الباب وترى وجهو ،ڨمرت جيتو ووقتو ،تلقاها تستنى فيه واتبع الباب بعينيها وقتاش يتحل ،تستناه كي يجي و تفد كي تفارقو ،كان معاها في كل لحظة ،جنة هيا جنة امشي ،لازم تعمل هكا ،وقف معاها ونسى روحو ،شكون هو ولى حاجة ماتتنحاش من التراتمون متاعها ،وقت سمعت اختها جرات حبت تراها ،قالوا مادام قبلتو اكيد تقبلها ،فرحت بارشا وهي ترى اختها ،لكن يافرحة وماتمت ،هاضت وهاجت وبدات تصيح باش يخرجوها في بالهم حالتها بدات تتحسن لكن العكس العصب رجعلها ،ودخلت في حالة خافو ترجعلها ،خرجت اختها بالاحرى خرجوها ،في الباب تلاقت مع خالد واخيرا وجه لوجه معاه مرة اخرئ ،حاول يدخل منعوه .
خلط عليها بكل غش سألها"شنوة عملتلها ،جنة كانت لاباس عليها"
حبست دموعها وخزرتلو موش فاهمة "ليليا "
" عندي انا جنة ،اش علينا ،شنوة ايلي قلتهولها باش خليتها ترجع لحالتها "
"ماقلت شي ،ماعملت شي ،قامت تصيح "
"جنة قلبها حليب صافي مستحيل تكون بلا سبب تعمل هكا،ردة فعلها هاكي كان كي حد تشك باش يضرها "
سكتت و مانجمتش تحكي هو عندو الحق في كل شي ،ايلي قالو لكل في بلاصتو ،رجها بيديه باش يفيقها عاود سألها "علاش جنة هكا ،شنوة عملتلها باش تكون مرا بعقل طفلة "
"ماعملت شي" كذبت والا حشمت من ايلي عملتو ،ماصدقهاش وقعد يسأل " ايييه ،أنا السبب فيلي هي فيه صفا هكا،انا السبب ،انا ايلي خليتها مرا بلا عقل."