🌼جنتي🌼( كرونيك باللهجة التونسية : مكتملة )

part 8

💚💙
عدا المنشفة على شعرو يزن في غناية لا تفهمها مزود لا شرقي كل مرة يعمل ضربة في شان ،هاز عينو ليلي قاعدة تترشف في القهوة .
"اوو سهى ،سامحني في بالي بيك جيت "
هبطت راسها حاشمة ،كان في كاب و ريحة جال دوش عباتلها خشمها
"من بكري دخلتني جيهان و شوية اخر باش تهبط ليليا "
"جنة تدوش تو "
عزت راسها ديراكت ،خزرتلو موش فاهمة
"لا  يمشيش بالك بعيد ،انا ندوش لوطة وهي لفوق " ضحك على وجها ايلي حمار
"نخليك تو ،طبيعي ما انجمش نقعد هكا معاك "
تبسمتلو وهو دخل لبيت ،تبعتو لين سكر الباب ،اخ يا اااااخ يقتل يهبل زاد على مرمتها هي غارقة معاه خليقة ،مشى لبالها لبارشا خكايات معاه ,ماصاب كان جاء لين معاها كيف ما مع ليليا
"سهى"
فاقت من سرحتها وهي ترى في جنة قدامها ،شعرها مبلول دليل كانت تدوش ،ملا صدفة فرد وقت هي و خالد
"جنة،عسلامة ،صحة الدوش ،اووو هاني نرى فيك في فورمة "
"يعيشك ،نحس في روحي مرتاااااحة "
ترمات على الفوتاي وغمضت عينها
"تخليني نتفقد دمك والسكر "
"بالطبيعة "
قامت بايلي لازم تقوم بيه ،يدها بين يدين سهى و هي ماعلى بالها ،استانست بها الشي معادش يقلقها .
"ماشاء الله بدنك مريڨل ،الجماعة لاهين بيك "
دخل خالد بعد مابدل حوايجو بيل في الڨري و دجين غامق على النوار ريحة برفانتو ياااامي تقتل اصل ،رعش قلبها وهي ترى فيه يقعد جنب ليليا يعدي يدو تحت راسها وعي تميلو على كتفو ،نزلت بقوة على الاباراي متاع السكر ،كانت تغلي دخلاني علي ترى فيه
"طبيعي نتلهاو بجنتنا "
"جهنمنا "
"هكاكا الكل ماشينالها عزيزتي"
خزر لسهى " شنوة لهوتنا جابت مفعول"
"وي ماانجم نقول كان يعطيك الصحة"
عملت هكل وصفقت بطريقة فيها تمثيل باش تضحك ،قلدتها جنة وهي تضحك ،كمل عمل كيفها خالد لكن ردها كي تصفيق الصالصا "يلاا"
جات ليليا تقلد في التصفيقة وحلت ،شاخ عليها وعلى غلطاتها
"شنوة ها التصفيق ،هههه جنة ايلي تراه لازم تقلدو"
"تقلدو ،ايلي تراه تقلدو " كلمة ركزت فيها سهى بارشا وعاودتها في مخها بارشا مرات ،قامت وهزت صاكها "لازم نقوم انا تو "
"لا عاد ،الليلة فمة عشاء سبسيال عيد ميلاد خالد "
"ابون عيد ميلادك ليوم "
"وي"
"عيد ميلاد سعيد " غنتلو جنة ،ضربها على خشمها "بعد غنيلي موش تو ،اي يا للا سهى الليلة انت مستدعية لازم تجي"
خممت شوي ودورتها في مخها ،يكفيها الوقت تخرج تشري لبسة ،كادو !؟ وبعد ساياي قررت "مانفلتش الجو هذا "
"هايل مالا تبطاش علينا " كمل غرقها بضحكتو ،مايعرش ايلي هكا يعذب فيها .
وصلتها جيهان للباب و تبعتها تركب في كرهبتها و تخرج ورجعت للكوجينة ليوم بارشا قضيات عليها منين باش تبدى ومنين باش تكمل .
وقفت بروبتها الكحلة و بوشاتها الروج كي لون الطالون ،نحت الكابوط متاعها وعلقتو ،مافماش بارشا عباد كعبات وبرا ماتخيلتش عيد الميلاد هكا ،تفقدت شعرها وتلمستو ،لوجت بعينها على خالد ،شافتو اول مرة بلا دجين ،كومبلاي في النوار والشوميزة زرقاء ،عكست على عينو الخضراء ايلي اول ماتراها تسخايلها زرقاء ،لحيتو زايدة فيه الشطر،رعشت ركايبها وهي ترى فيه جاي ناحيتها
"اووووو شنوة هذا للا سهى "
"كل عام وانت حي بخير "
عطاتو بوستين وهي تتمنى تقعد ديما بها القرب معاه
مدتلو الكادو "ان شاء الله يعجبك "
"مرسي اما هكا نحس ايلي انا وليد صغير "
ضحكو مع بعضهم قبل مايسمع تصفير ،تلفت وراه شاف شي وقفلو مخو ،بالحق عكش بكلو ،فمة ملايكة هابطة من السماء ،روبة طويلة بيضاء ،يديها دونتال هبط شعرها على اكتافها ،ضفيرة فوق جبينها ترشقت فيه وردات صغار دوب ماظاهرين ،اول ماتراها تتخيل روحك قدام ملايكة ،قلبو ايلي ضغط على صدرو ،حسو باش يخرج من بلاصتو ،جاتو وهي تتبسم ،لو نجم يصورها وقتها راو صور المنظر الاسطوري ايلي قدامو .
"جهنم !؟أنا جيت "
"جنة" قالها بصوت مبحوح ،فضح كل احساس عندو ليها ،عنقتو من غير حساب "عيد ميلاد سعيد " قربت من خدو وباستو ،ذوبتو ،قتلتو دمرتو ،دخلتو في حيط ،ماعاد شايف شي ،ضاع الكلام
"جهنم " احتجت على سكوتو
"جنة"
"شبيك "
سهى ايلي كانت بجنبو وايلي عبارة موش موجودة بالنسبة ليه ،تعبات عينها بالدموع وجرات للجنينة ،رغم انو الطقس شتاء و الحالة موش متاع الروبة ايلي لابستها ،سيبت دموعها و بكات ،حطت يدها على فمها تمنع في صوتها ،هربت لوين البيسين بعدت الماكس عليهم نيتها حد ما يراه،عمرها ماتخيلت ايلي ندها باش تكون قوية لها الدرجة .
بين يديه نستو فيلي حاضرين وايلي بينهم بوه ،محمح وراه وضربو على كتفو "سي خالد ،سي خااااالد "
"جهنم "
وقتها فاق تلفت يلقى بوه ،تربث "بابا"
"وين كنت بربي "
تلمس خشمو ولحيتو ،فازاتو كي يدخل بعضو
"جنة تخليه معايا شوية ،فمة شكون شاد صحيح باش يراه "
تبسمت موافقة ،هزت عينها ليه وتعدت من جنبو ناحية جيهان ايلي لاهية هاي تهز هاذي اي تجيب هاذي
"جيهان "
"جنة ،سامحني لاهية شوية ،خوذ كول هاذي لين نجيك "
هذات مورسو الڨاطو ،خزرت لبرا شافت سهى ،ببراءة خرجتلها نيتها تهزلها المورسو متاعها،وقت قربتلها لقاتها تبكي
"سهى !؟"
عضت على شفايفها بغل وكره وحقد
"جبتلك ڨاطو ".
"
تلفتت و نطرتو من يدها ،شهقت جنة ووخرت خطوة لتالي من الخوف ،وجها ياسر شرير ،كانت على حافة البيسين ،حكتها يديها باش ادزها وتغرقها وايلي يصير يصير ،اصلا مافمة حد ،خليها ترتاح منها
"جنة ،شتعمل في البرد ايجا ،وانت زادا يا سهى"
فاقت على روحها كي سمعت صوت خالد اوف شنوة ايلي كان شيصير فيها اذا راها تدزها في البيسين ،تبسمت لليليا وعملت روحها تلم في الڨاطو "عزيزتي مارتكش سامحني ،لاباس"
قعدت جنة شوكاي منها ،جاء خالد
"اه البنات شبيكم "
"اه جنة ،ماريتهاش تلفت على غفلة تسطعت في الڨاطو متاعها "
"انت شبيك تبكي"
هبطت راسها "لا شي ،اللمة تفكرني بعايلتي"
مثلت دور للمقهورة و الحزينة ،عدا يدو على كتفها طمنها "لاباس انت وحدة من العايلة توا "
تلفت الجنة و هو يفرك في يديها "جنتي ،بردت اه ،خلينا ندخلو "
ترمات عندو كي الصغار ،دفنت راسها في صدرو،خسها خايفة وضايعة ،رعشت مي الريشة "شفت كي بردت ايا ندخلو "
دخل هو و ليليا قبل من بعد دخلت سهى تصنعت الضحكة وعملت روحها تعاون في جيهان ،شدت يدو بقوة ونزلت في بالها باش يحس ناسية ايلي قوتها ماتجي شي قدامو ،كان حاسس ايلي بيها حاجة موش طبيعية
"جنة لاباس،تحس في حاجة واجعتك "
تبسمت ووجها اصفر ليمونة"جهنم "
"روح جهنم ،شبيك "
عاودت خزرت لسهى من بعيد وهي تتضيكد مع كليك "قلي شبيك ،سهى قتلك حاجة "
عملت براسها لا "باهي ايجا"
كركرها من يدها واوب طلعها لفوق باش ينقص الحس حسها تقلقت "قلي شبيك ،تحب الحس ينقص "
هبطو دموعها وحدهم "جهنم" عنقها وجبدها ليه ،عدات يدها وراء ظهرو ،حس بيها تكبس عليه ،باس شعرها "لاباس مافمة شي يخوف ،تو نهبط نقلهم كل حد يروح وتتفض ها الليلة " لاااا" صاحت ،هزت راسها ناحيتو ،البراءة زادت في زينها و مرضها ما نقص شي منها كمرا ،كانت هكا تقتل فيه عرق عرق ،متمني يبوسها و يملك بدنها ،نفخ وهو يبعد فيها عليه "خلينا نهبطوا"
لانو عارف ايلي اذا قعد شوية اخر باش يعمل حاجة مايحكمش فيها العقل ،كيف كل مرة تتبعو بلا ما تتتشكى .
بداو العباد بالشوية بالشوية يروحو وبما انهم موش بارشا فيسع ما فضات الدار وتلهات جيهان تنظم وتڨد وعاونها بو خالد زادا ماقصرش سهى روحت حبت تخبي وجها فماش ماتنسى جنة ايلي صار .
"لحظة"
زربت باش تحل الباب ،زعمة حد.نسى حاجة من البارح ،والا سهى خاطر كلمتها باش تجي تتفقد جنة حاستها موش كي العادة و مرضت شوي من هواء لبارح .
حلت وهي تتبسم لكن تقلب وجها وهي ترى فيلي واقفة قدامها ،اخر حد تخيلت تراه "عايدة"
عكشت ع الكلام ،بلعت ريقها وهي ترى في حالتها ،ضعفت بارشا ،وجها اول مرة بلا مكياج ،لبسة اقل من العادية ،لافة روحها في كبوط ازرق وسروال نوار و معاه بوط نوار ،شعرها مخبي تحت بوناي مابانش
"شكون يا جيهان"
قرب خالد هو زادا في بالو سهى ،اول مارات عينو ايلي واقفة
"شتعمل هاذي هوني ،سكر الباب"
يبست يد جيهان ومانجمتش تسكرو ،دهلت عايدة"نحب نرا اختي "
"اخرج قبل لا نخرجك انا "
"نحب نرى اختي من حقي "
طلع الدم لراسو شدها من وجها وغرس ظوافرو" اما اخت تحكي عليها ،خبيت تقتلها وطيشتها "
"اختي بالسيف عليك وانت حاجزها عندك "
"هي تحكم اذا حاجزها والا لا "
"نعرف دوسيك الكل ،قاتل روح وهارب "
شهقت جيهان موش مصدقة ،هي تعرف ايلي هو دخل للحبس اما مافيبالهاش خاطر قتل روح
"خليني نهز اختي خير  ماندخلك ڨلبو والمرة هاذي لا بوك لا حد يخرجك"
موش واعي ولا مصدق ايلي يسمع فيه"يعني انت تهدد فيا باختك ،تحب تقول ايلي انت باش تدخلني للحبس"
"ندخلك وتوا بالسيف عليك باش نهز اختي الحق والقانون معايا "
"خق وقانون ،اناهو خق ايلي يخليك تعطي دواء باش اختك تهبل ،اناهو القانون ايلي يسمحلك اطيش اختك في الجبل بعد ماخممت تغرقها في البحر"
جيهان كانت واقفة وتسمع ،كشفان الاوراق هذا صدمها ،يعني عايدة حبت تقتل اختها
"اذا نجمت تشد عليا حاجة والا تثبت كلامك فازي ،وتوا تمشي تنادي لاختي "
"جنة موش باش تخرج من هوني"
"باهي ،انت الخاسر"
جبدا تاليفونها نيتها تهددو انها تطلب الشرطة ،لكن رمشة ما رمشهاش
"عايدة "
الصوت جاهم من الدروج ،كانت ليليا ومن غير مايراوها سمعت كل شي ،كل ورقة تكشفت سمعتها يمكن مافهمتش الكل اما عرفت ايلي خالد قتل و عايدة حبت تقتلها
"جنة "
جرالها خايف عليها تدخل في حالة الهستيريا و ترجع مريضة وبدنها يتعب و حالتها النفسية تتأزم ،وجها كان شاحب تقول قطرة دم لا ،قلبو تقسم وهو يرى وجها مدخن ،جرح القلب بان مكتوب على وجها ،قدمت عايدة ناحيتها و قوات قلبها و مدت يدها جبدتها ليها وهبطتها الدروج ،قدام بهتت الناس الكل،قدمت عايدة ناحيتها و قوات قلبها و مدت يدها جبدتها ليها وهبطتها الدروج ،قدام بهتت الناس الكل ،خالد تمسمر موش مستوعب ايلي عملتو ،بدنها الضعيف خلاها ما تنجمش تقاوم ،قريب اطيح في الدروج و يد اختها نازلة بقوة على معصمها ،بصوت فيه بارشا استعطاف،صوت واحد اخر امل عندو ناداتلو وهي شارقة بدموعها"جهنم" كيف النار شعلت فيه ،حرقتو وحرقت جاشو ،جبدها منها بقوة ،تخبات وراه وهي تبكي شادة فيه ومكبشة تحبهوش يسيبهل "عايدة اخرج "
"مانيش خارجة الا ماتعطيني اختي "
"خوذها بالقانون ايلي تحكي عليه ،جنة مرتي وانا مستحيل نسلم فيها "
زادت لصقتلو وخبت راسها في ظهرو ،بدات يديها تترخف ونجمتش تكبش فيه ،حس بيها تفلت ظهرو ،طاحت لوطة بعد ماقاومت ،خشمها بكلو بالدم و عينيها ذبلت ووجها تبدل جملة اصفر غير عادي،هبط معاها ،خذا وجها بين يديها "جنة ،جنة شبيك ،جنة كلمني ،جيهان اعمل حاجة" هزها بين يديه و خرج بيها عجاجة جرات وراه عايدة "ليليا شبيها ،شنوة صارلها"
دزها وهو مازال هاز جنة بين يديه" انا قتل روح مرة موش قاصد اذا صارت حاجة لجنة نحرقك وانت حية وناخو عليك اعدام "
نفس الوقت وصلت فيه سهى لقاتهم خايضين و خالد هاز ليليا للكرهبة ،ماكانتش دايخة اما كانت عبارة موش هوني ،ماهيش تسمع في حتى كلمة ،تخزر لحيتو ولعينيه الخضر ،فمو ايلييحكيويسب و يعاير ،حبت تمس وجهو ،لكن يدها رزينة ما طاوعتهاش ،تحس في فاس يضرب في راسها ،يتقطع بالوجيعة ،ركبها وطار عجاجة للسبيطار ،مسافة مشاها في اقل من ساعة لاقرب سبيطار ،ماهاموشفيلي قاص قدامو وبا في ايبي يزمر ولا ايبي حبسو ،جرى بيها بين الطبة والفراملة ،دخلوها خالة مسعحلة وتجندولها بارشل ،كاحتمال اول ،فمة نزيف في راسهل "شنوة نزيف ،شنوة ،جنة لاباس عليها دوخة عادية "
"مسيو لازم تهدي روحك راو ،ماانجموش نخدمو هكا،تفضل سامحنا لبرا واحنا نعلموك بحالتها "
"مانيش خارج ،شنقعد هوني "
شدوه بالسيف وخرجوه وهو يتخبط كي المهبول ردة فعلو كان فيها بارشا وجيعة وقلق وخوف والاهم حقد كبير على روحو وعلى عايدة.